Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Hoë bloeddruk. Show all posts
Showing posts with label Hoë bloeddruk. Show all posts

3.1.24

Voorbehoedpille en hoë bloeddruk

Voorbehoedpille is oor die algemeen veilig vir mense met hoë bloeddruk. Daar is egter sommige instansies wat aanbeveel dat jy die kombinasiepil vermy as jy jou bloeddruk hoër as meer as 160/100 is. In sulke gevalle beveel hulle aan dat jy by nie-hormonale opsies hou.

Dit is so dat die langtermyn gebruik van orale voorbehoedmiddels wat estrogeen bevat, bloeddruk en die risiko van hipertensie kan verhoog.



(foto: Karolina Grabowska)

22.8.23

Hoë bloeddruk / Hipertensie

Hoë bloeddruk laat jou are verhard en put die hart uit. Dit is gewoonlik as gevolg van 'n ongesonde leefstyl, maar kan ook oorgeërf word.

Jy weet nie altyd dat jy hoë bloeddruk het nie, want die simptome is nie altyd ooglopend nie.

Die belangrikste dinge om te doen is:
  • Oefen gereeld (belangrikste)
  • Verloor gewig
  • Eet minder vet
  • Eet minder sout
  • Hou op met rook
  • Verminder stres
  • Gebruik alkohol oordeelkundig
Hoë bloeddruk (of hipertensie) kan ook met medikasie behandel word. Gaan spreek jou dokter.

BOERERAAT
Eet 'n piesang om jou bloeddruk in bedwang te hou.

13.7.23

Kruie vir kwale: Hoë bloeddruk

Die Khoi het Europeërs meer as 200 jaar gelede geleer van die medisinale waarde van die muishondbos. Vandag word dit ook gebruik vir hoë bloeddruk.
’n Kwart koppie vars blare word geweek in ’n koppie kookwater vir 5 minute. Dit moet daagliks geneem word.

♦♦♦

Gooi ’n koppie kookwater oor ’n kwart koppie vars sewejaartjie-blare. Laat dit trek vir 5 minute.
Gooi deur ’n siffie en drink vir hoë bloeddruk.

♦♦♦

Maak tee met pietersielie vir hulp met bloeddruk.

♦♦♦

Maak tee met komkommerkruid om jou bloedsomloop te verbeter.

♦♦♦

Grasuie kan help om hoë bloeddruk te verlaag. Dit bevat ook vitamien A, C en foeliensuur, kalium, kalsium en yster. Eet gereeld hiervan.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir hoë bloeddruk.

♦♦♦

Kap 5 g bitterbos-blare fyn en laat 5 minute trek in ’n koppie kookwater. Drink drie maal per dag vir hoë bloeddruk.

♦♦♦

’n Paar blare wilde roosmaryn, kankerbossie, laventel en boegoe saamgetrek as tee vir 5 minute. Dit help vir hoë bloeddruk, stres en moegheid.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir hoë bloeddruk.

Medisinale gebruike van kruie

Kruiegids

14.2.23

'n Lae-sout, hoë-kalium dieet vir hoë bloeddruk

Vir 'n persoon met hoë bloeddruk kan 'n gesonde en gebalanseerde dieet wat laag in sout en hoog in kalium is voordelig wees. Hier is 'n paar voorstelle:

• Eet baie vrugte en groente, veral dié wat hoog is in kalium, soos piesangs, patats, spinasie en avokado's.
• Eet volgraan en komplekse koolhidrate soos bruinrys, quinoa en volgraanbrood.
• Kies maer proteïenbronne soos hoender sonder vel, vis en peulgewasse.
• Beperk verwerkte voedsel en kos wat baie sout bevat, soos geblikte en bevrore maaltye en kitskos.
• Vermy of beperk alkoholinname.
• Gebruik kruie en speserye in plaas van sout om kos te geur.



(foto: Jill Burrow)

16.5.22

Sistoliese bloeddruk bo 120 mmHg verhoog die kanse vir kardiovaskulêre siekte

Bloeddruk is die krag wat bloed uitoefen teen die wande van die liggaam se are terwyl dit sirkuleer. Ons praat van hipertensie wanneer bloeddruk te hoog is.

Bloeddruk word as twee getalle geskryf. Die eerste (sistoliese) getal verteenwoordig die druk in bloedvate wanneer die hart saamtrek of klop. Die tweede (diastoliese) getal verteenwoordig die druk in die vate wanneer die hart tussen slae rus. Hipertensie word gediagnoseer as, wanneer dit op twee verskillende dae gemeet word, die sistoliese bloeddruk (SBP) lesings op beide dae ≥140 mmHg is en/of die diastoliese bloeddruk (DBP) lesings op beide dae ≥90 mmHg is. Normale bloeddruk is minder as 120/80 mm Hg.

Wêreldwyd is hoë bloeddruk 'n algemene en sterk risikofaktor vir die ontwikkeling van kardiovaskulêre siektes. ’n Studie gepubliseer in die joernaal Diabetes Care in 2021 het bevind dat indien die sistoliese druk te hoog is verhoog dit ook die kanse vir kardiovaskulêre siekte.

14.2.22

Hoe om hoë bloeddruk te behandel of te verhoed met oefening

Een uit elke vier hartaanvalle word deur hoë bloeddruk veroorsaak. Daar word beraam dat ongeveer 60% van die wêreld se bevolking teen 2025 aan hipertensie sal ly. Alhoewel dit algemeen aanvaar word dat oefening bloeddruk verlaag, het aanbevelings tot dusvêr gefokus op die hoeveelheid oefening per week, sonder om 'n individu se aanvanklike bloeddrukvlak in ag te neem.

Daar is nou riglyne vir gedetailleerde leiding oor hoe om bloeddruk te verlaag by mense met hipertensie, hoë-normale bloeddruk en normale bloeddruk. Dit is gepubliseer in die European Journal of Preventive Cardiology, ’n publikasie van die European Society of Cardiology.

Deur die verlaging van bloeddruk kan ons die risiko van 'n hartaanval, beroerte en dood weens kardiovaskulêre siekte verminder.

Vir mense met hipertensie (bloeddruk van ten minste 140/90 mmHg), is aërobiese oefening die doeltreffendste metode. Dit sluit aktiwiteite in soos stap, hardloop, fietsry of swem. Vir mense met hipertensie beteken ordentlike aërobiese oefening dieselfde, of selfs effens meer, as om 'n enkele antihipertensiewe medikasie te neem.

In diegene met hoë-normale bloeddruk (130-139/85-89 mmHg), is dinamiese weerstandsoefening die eerste prioriteit. Dit verwys na kragoefeninge wat tipies ten minste ses groot spiergroepe betrek en spiersametrekking en beweging tot gevolg het - byvoorbeeld die optel van gewigte, hurke en opstote.

Mense met normale bloeddruk (minder as 130/84 mmHg) baat die meeste by isometriese weerstandsoefening. Dit behels statiese sametrekking van die spiere.

Die navorsers het opgemerk dat fisiese aktiwiteit gereeld gedoen moet word om die voordele te handhaaf. Die effek van die meeste oefeninge duur vir ongeveer 24 uur, soortgelyk aan medikasie, so dit is die beste om elke dag so aktief moontlik te wees.

24.1.22

Bloeddruk-medikasie kan help vir jig (gout)

Jig (gout) word gekenmerk deur ’n skielike aanvang van pyn, swelling en styfheid in die gewrigte en word veroorsaak deur die vorming van kristalle in die klein spasies tussen gewrigte wat opbou wanneer hoë hoeveelhede uriensuur in die bloed sirkuleer. Alhoewel jig gekoppel word aan sekere kosse, insluitend rooivleis, seekos en alkohol, word dit ook gekoppel aan bloeddruk-probleme.

Nuwe navorsing deur dokter-navorsers by Beth Israel Deaconess Medical Centre (BIDMC) van Harvard Universiteit berig dat die antihipertensiewe middel amlodipine die risiko vir jig verlaag oor die langtermyn.

Die navorsing is gepubliseer in die Journal of Hypertension.

4.10.21

Dieet ryk aan bloubessies bied baie voordele

Verskeie studies opgeneem in Journals of Gerontology, Series A: Biological Sciences and Medical Sciences toon dat ’n dieet ryk aan bloubessies verskeie voordele inhou.

Daar is reeds verskeie kere bevind dat bloubessies meer antioksidante bevat as ander gewilde vrugte. Boonop het dit anti-inflammatoriese eienskappe.

Een van die onlangse studies het bevind dat ’n koppie bloubessies per dag die bloedsomloop kan verbeter en dat dit sistoliese bloeddruk verminder.

’n Ander studie het bevind dat dit kan help om die geheue van ouer mense te verbeter en selfs van nut kan wees vir kinders met kognitiewe probleme.

15.8.18

Verband tussen verwerkte voedsel en kanker

Daar bestaan ’n moontlike verband tussen hoogs verwerkte voedsel en kanker.

Navorsing hieroor duur voort, maar die bevindinge van ’n studie vroeër vanjaar dui daarop dat kanker al hoe meer van ’n epidemie kan word soos die inname van hoogs verwerkte voedsel toeneem.

Daar word veral vinger gewys na gaskoeldrank, graanvlokkies wat met suiker bestrooi word, kitskos en verwerkte vleisprodukte wat baie vet, sout en suiker bevat. In ontwikkelde lande kan dit tot 50% van ’n daaglikse dieet opmaak. Heelwat navorsing het al ’n verband gevind tussen hierdie voedsel en hoër risiko’s van vetsug, hoë bloeddruk en cholesterolvlakke.

Behalwe kanker oor die algemeen het die nuwe navorsing veral gekonsentreer op bors-, prostaat- en kolonkanker. Die resultate toon dat ’n 10% toename van hoogs verwerkte kosse in die dieet geassosieer word met stygings van 12% in die risiko van algehele kanker en 11% in die risiko van borskanker.

Daar is nie ’n verband gevind tussen minder verwerkte kosse (soos ingemaakte groente, kaas en varsgebakte brood) en die risiko van kanker nie, terwyl die verbruik van vars of minimaal verwerkte kosse (vrugte, groente, bone, rys, pasta, eiers, vleis , vis en melk) geassosieer is met laer risiko’s van kanker en borskanker.

Die studie is gepubliseer in The BMJ.

6.8.18

Trappe goed vir bloeddruk en beenspiere

Jy het nou nie meer ’n verskoning dat jy nie tyd het vir oefening nie. Die jongste navorsing toon dat trappe klim goed is vir jou bloeddruk en boonop jou beenspiere versterk.

Dit is veral goed vir postmenopousale vroue wat sukkel met ’n tekort aan estrogeen. Hierdie vroue is veral vatbaar vaskulêre en spierprobleme. Hierdie tipe oefening is ook ’n effektiewe ingryping vir die vermindering van ouderdomsverwante verlies aan spiermassa. ’n Bykomende voordeel is natuurlik vetverlies en die verminderde risiko van osteoporose.

Die navorsing is gepubliseer in die joernaal Menopause.

20.3.17

Een eier per dag kan jou kanse op ’n beroerte verminder

’n Studie wat einde verlede jaar gepubliseer is, dui daarop dat een eier per dag voordele inhou vir jou gesondheid.

Nie net is eiers ’n bekostigbare bron van proteïene nie, maar deur gereeld ’n eier te eet verlaag jou kanse om ’n beroerte aanval te kry.

Een groot eier bevat tot 6 gram proteïene, antioksidante en vitamiene A, D en E. Hierdie kombinasie help om jou bloeddruk te verlaag.

Let net op hoe jy jou eiers gaarmaak. Te veel botter of olie maak dit minder voordelig.

(Die studie is gepubliseer in die Journal of the American College of Nutrition.)

30.5.16

Belangrike mediese tellings

• Bloedtelling: Tussen 150 tot 400
• Normale bloeddruk - 120/80
• Normale bloedsuiker - 3.3 tot 5.9 mmol/l
• Normale cholesterol: 5 mmol/L of laer

9.5.16

Lae-koolhidraat, hoë-vet dieet gevaarlik en lei tot gewigstoename

Onlangse navorsing het aan die lig gebring dat ’n lae-koolhidraat, hoë-vet dieet in som min as 8 weke gesondheidskomplikasies kan hê en ’n vinnige gewigstoename tot gevolg kan hê.

Die bevindinge het gelei daartoe dat navorsers aan die Universiteit van Melbourne in Australië ’n waarskuwing uitreik oor sogenaamde kitsdiëte, byvoorbeeld banting en die paleo-dieet, waarvoor daar min of geen wetenskaplike bewyse is nie. Volgens die span is hierdie tipe diëte veral nie geskik vir mense wat oorgewig is en nie veel oefening kry nie.

Die ongelukkige situasie wat tans bestaan is dat die publiek stories in die massamedia glo, veral deur bekende persoonlikhede wat diëte verkoop wat nie gerugsteun word deur ordentlike navorsing nie. En vir mense met pre-diabetes of diabetes, kan die lae-koolhidraat, hoë-vet dieet veral riskant wees.

Die belangrike deel van die wetenskaplikes se waarskuwing is dat jy altyd professionele advies moet inwin om gewig te beheer en altyd streef na ’n dieet gerugsteun deur kliniese bewyse.

Die wetenskaplikes het gesien hoe muise op die diëte se glukose onverdraagsaamheid vererger het, en hul insulienvlakke gestyg het in 8 weke op die dieet. Die muise se gewig het uiteindelik met 15% van hul liggaamsgewig toegeneem en hul vet het verdubbel. In perspektief gestel, vir 'n 100 kilogram persoon, is dit die ekwivalent van ’n 15 kilogram toename in gewig in 2 maande. Hierdie vlak van gewigstoename sal jou bloeddruk laat verhoog, en verhoog jou risiko van angs en depressie. Dit kan ook been-probleme en artritis veroorsaak. Vir iemand wat reeds oorgewig is, sal hierdie diëte net bloedsuikervlakke en insulienvlakke uiteindelik verhoog. Dit kan jou daadwerklik meer vatbaar maak vir diabetes.



(foto Universiteit van Melbourne)

18.1.16

Suiker ’n probleem vir hart

Wetenskaplikes aan die Universiteit van Leicester het onlangs bevind dat die vlak van suiker in jou bloed die sametrekking van jou are beïnvloed. Dit kan gevaar inhou vir jou bloeddruk en jou hart.

Hulle het aangetoon dat hoe meer suiker daar in jou bloed is, hoe erger trek jou are saam. Jou are trek saam en ontspan om jou bloeddruk te beheer. Hoe meer hulle saamtrek hoe hoër is jou bloeddruk.

’n Hartaanval vind plaas as ’n koronêre aar na die hart verstop is. Te veel suiker in jou bloed kan so ’n verstopping vererger.

5.5.15

Bloubessies vir bloeddruk

Navorsers by die Florida State University in die VSA het bevind dat die inname van bloubessies goed is vir jou bloeddruk.

As jy vir ag weke lank op ’n daaglikse basis bloubessies eet verbeter jou bloeddruk glo beduidend. Een koppie vars bloubessies moet geëet word per dag, of jy kan bloubessie-poeier, gelykstaande aan ’n koppie vars bessies, by jou dieet inwerk.

3.3.15

’n Klein toename in gewig kan jou bloeddruk verhoog

Baie mense verstaan die gevare van te veel liggaamsvet. Daar is egter onlangs bewys dat ’n klein toename in gewig, soos byvoorbeeld 2,5 kg, ook gevaar inhou en jou bloeddruk wesenlik kan verhoog.

2.3.15

Jou bloedgroep beïnvloed dalk jou geheue

Volgens ’n studie gepubliseer in die joernaal Neurology is persone met die AB-bloedgroep meer geneig tot geheueverlies as ander.

AB is nie ’n algemene bloedgroep nie en diegene met die bloedgroep is geneig tot geheueverlies wanneer hulle oud word. Daar is egter bydraende faktore wat in ag, geneem moet word. Hieronder tel hoe bloeddruk, hoe cholesterol en diabetes.

3.2.15

Posisie van liggaamsvet kan risiko vir hoë bloeddruk verhoog

Persone met baie vet om hulle maag se kanse op hoë bloeddruk as diegene met vet elders op die liggaam.

Dit is algemeen bekend dat vetsug 'n bekende risikofaktor vir hipertensie, of hoë bloeddruk, en dat die ligging van vet op 'n persoon se liggaam kan lei tot 'n verhoogde risiko vir ander gesondheidsprobleme soos hartsiektes en kanker.

Navorsing gepubliseer in die Journal of the American College of Cardiology het die verband tussen die posisie van liggaamsvet en hoë bloeddruk bevestig. Dit het ook aangedui dat ’n oormaat vet om die niere ook geneig is om hoë bloeddruk te veroorsaak.

25.11.14

Alkohol nie goed vir jou hart nie

Navorsing by die Perelman School of Medicine aan die University of Pennsylvania het bevind dat alkohol glad nie goed is vir jou hart nie.

Enige vermindering in die gebruik van alkohol het dadelik ’n positiewe effek op jou risiko vir kardiovaskulêre siektes, jou liggaamsmassa-indeks en jou bloeddruk.


(foto Dani Lurie)

4.11.14

Oorgewig middeljarige vrouens behoort te oefen

Vir andersins gesonde middeljarige vroue wat oorgewig is, kan fisiese aktiwiteit hul beste opsie wees vir die vermyding van hartsiektes.

Oorgewig middeljarige vrouens is geneig om te sukkel met hartsiektes, hoë bloeddruk, hoë cholesterol, diabetes en inflammasie.

’n Onlangse studie het bevind dat selfs ’n klein bietjie oefening help om dié groep se kanse vir die ontwikkeling van hartsiektes kan verminder.