Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Diabetes. Show all posts
Showing posts with label Diabetes. Show all posts

26.2.24

Kruie vir kwale: Diabetes

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik. Mense gebruik dit vir diabetes, maar daar is geen goeie wetenskaplike bewyse om hierdie gebruike te ondersteun nie.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir diabetes.

♦♦♦

Kap 5 g bitterbos-blare fyn en laat 5 minute trek in ’n koppie kookwater. Drink drie maal per dag vir diabetes.

♦♦♦

So min soos 1 gram borrie saam met ontbyt help om die geheue te verbeter van persone wat in die vroeë fase van die ontwikkeling van diabetes is.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir diabetes.

♦♦♦

Medisinale gebruike van kruie

Kruiegids

29.3.21

Meer rooivleis verhoog jou risiko vir dood

Die verhoogde inname van rooivleis, veral verwerkte rooivleis, hou verband met ’n verhoogde risiko vir dood. Dit was die bevinding van ’n groot Amerikaanse studie gepubliseer in die joernaal The BMJ.

’n Hoë inname van rooivleis, soos beesvleis, varkvleis en lamsvleis, is reeds verbind aan ’n hoër risiko vir tipe 2-diabetes, kardiovaskulêre siektes, sekere soorte kanker en voortydige dood.

’n Span navorsers in die VSA en China het nou gekyk na die verband tussen veranderinge in die verbruik van rooivleis gedurende ’n tydperk van agt jaar met sterftes gedurende die volgende agt jaar, vanaf 1986 tot die einde van 2010. Hulle het data gebruik van meer as 90 000 Amerikaanse gesondheidswerkers vir die studie.

Persone met ’n toename in die inname van rooivleis het ’n 10% hoër risiko vir dood gehad. ’n Toename in die gebruik van verwerkte rooivleis soos spek, worsies en salami het die risiko verhoog tot 13%. Hierdie toenames was grotendeels konsekwent in verskillende ouderdomsgroepe, vlakke van fisieke aktiwiteit, dieetkwaliteit, rook en alkoholgebruik.

Oor die algemeen is die vermindering van rooivleisinname en die eet van meer volgraan, groente of ander proteïenvoedsel soos pluimvee sonder vel, eiers en vis geassosieer met ’n laer risiko vir dood onder mans en vroue.

6.7.20

Alkohol, gewigsverlies en diabetes

Navorsing aan die University of Pennsylvania School of Nursing (Penn Nursing) dui daarop dat alkoholverbruik gewigsverlies oor die langtermyn by volwassenes met tipe 2-diabetes negatief kan beïnvloed. Meer as 5000 mense is oor ’n periode van vier jaar betrek by die studie. Hulle het bevind dat die gereelde gebruik van groot hoeveelhede alkohol gewigsverlies bemoeilik.

4.5.20

Herstel lae bloedsuikervlakke

Dit hang af van die oorsaak, maar normaalweg help een van die volgende om lae bloedsuikervlakke te herstel:

- ’n Eetlepel heuning onder die tong
- Glukosetablette
- Lekkers
- ’n Koppie laevet melk
- ’n Halwe blikkie gaskoeldrank

4.6.18

Suiwer vrugtesap nie sleg vir bloedsuikervlakke

Suiwer vrugtesap het nie ’n beduidende effek op bloedglukose of insulienweerstandigheid nie.

Dit is die bevindings van onlangse navorsing gepubliseer in die Journal of Nutritional Science. Die bevindings is in ooreenstemming met vorige navorsing wat aandui dat 100% vrugtesap nie verband hou met ’n verhoogde risiko van die ontwikkeling van tipe 2-diabetes nie, en ondersteun groeiende bewyse dat 100% vrugtesap geen beduidende effek op glukemiese beheer het nie.

13.2.18

Wegneemetes verbind aan hartsiektes en diabetes by kinders

Kinders wat gereeld wegneemetes eet se risiko om hartsiektes of diabetes op te doen, is baie hoog.

Hierdie kinders is ook geneig om oor die algemeen meer kalorieë in te neem en kry minder vitamiene en minerale in as kinders wat tuisgemaakte kos eet.

Tegnologiese toepassings wat wegneemetes en aflewering dryf maak dit al hoe makliker om ongesond te eet. By volwassenes is die bewyse alreeds ’n geruime tyd daar dat hierdie maaltye geassosieer kan word met ’n swak gesondheid, meer liggaamsvet en 'n hoër risiko vir tipe 2-diabetes en hartsiektes. Nou is daar ook bewyse dat dit soortgelyke probleme by kinders veroorsaak.

Die mees verdoemende gevolgtrekking in die studie is dat die hoër cholesterol en LDL cholesterol-konsentrasies waargeneem in kinders wat gereeld wegneemetes eet genoeg is om die langtermyn risiko vir koronêre hartsiektes met ongeveer 10% te verhoog.

Verder dui die navorsing op negatiewe gevolge vir openbare gesondheidsorg as gevolg hiervan. Die navorsers voel dat die gebruik van wegneemetes ontmoedig moet word.

Amper 2 000 kinders is betrek in die navorsing wat gepubliseer is in Archives of Disease in Childhood.

19.7.17

Outo-immuun siektes

’n Groot aantal mense het een of ander stadium van hul lewens ’n outo-immuun siekte onder lede.

’n Outo-immuun siekte ontstaan wanneer ’n mens se immuniteitstelsel sukkel om te onderskei tussen die liggaam se eie selle en vreemde middels. Dit het ’n inflammatoriese reaksie tot gevolg gemik op die liggaam se eie selle. Ons sien dit in spesifieke aanvalle, soos byvoorbeeld met diabetes, of algemene immunologiese probleme, soos byvoorbeeld lupus. Artritis is nog ’n voorbeeld van ’n outo-immuun siekte.

’n Gesonde leefstyl en eetgewoontes is uiters belangrik vir ’n gesonde immuniteitstelsel.

19.4.17

Lae bloedsuiker (Hipoglisemie)

Indien ’n diabeet per ongeluk te veel insulien ingeneem het, te min kos geëet het of ’n maaltyd oorgeslaan het, of indien oefening die suiker verbrand, daal die konsentrasie suiker in die bloed.

Lae bloedsuiker sal die brein aantas en indien dit lank voortduur of baie laag is, kan dit tot bewusteloosheid en moontlik die dood lei.

Simptome en tekens
• Die persoon kan lighoofdig wees en bewus daarvan dat die suikervlak laag is.
• Die persoon kan verward en gedisoriënteer wees en kan dronk en moontlik aggressief voorkom.
• Die vel word bleek en die persoon sweet erg.
• Die pols is vinnig.
• Die asemhaling is swak en reukloos.
• Ledemate kan begin bewe.
• Ongeval se bewussynsvlak kan vinnig versleg.

16.11.16

Bewusteloosheid

Jou bewegings, die funksies van jou liggaam en jou bewussynsvlak word deur jou senustelsel beheer.

Wanneer jy bewusteloos, of gedeeltelik bewusteloos, is dit ’n aanduiding dat jou brein nie normaal werk nie. Dit is potensieel gevaarlik vir jou.

Daar is verskeie oorsake van bewusteloosheid. Die algemeenste is: kopbeserings, floute, hartaanval, beroerte, asfiksie, epilepsie, skok, vergiftiging en diabetes.

7.11.16

Bloedsuiker

Koskonsultant, Heleen Meyer, het met ons gesels oor kosse wat goed is vir stabiele bloedsuiker.

30.5.16

Belangrike mediese tellings

• Bloedtelling: Tussen 150 tot 400
• Normale bloeddruk - 120/80
• Normale bloedsuiker - 3.3 tot 5.9 mmol/l
• Normale cholesterol: 5 mmol/L of laer

9.5.16

Lae-koolhidraat, hoë-vet dieet gevaarlik en lei tot gewigstoename

Onlangse navorsing het aan die lig gebring dat ’n lae-koolhidraat, hoë-vet dieet in som min as 8 weke gesondheidskomplikasies kan hê en ’n vinnige gewigstoename tot gevolg kan hê.

Die bevindinge het gelei daartoe dat navorsers aan die Universiteit van Melbourne in Australië ’n waarskuwing uitreik oor sogenaamde kitsdiëte, byvoorbeeld banting en die paleo-dieet, waarvoor daar min of geen wetenskaplike bewyse is nie. Volgens die span is hierdie tipe diëte veral nie geskik vir mense wat oorgewig is en nie veel oefening kry nie.

Die ongelukkige situasie wat tans bestaan is dat die publiek stories in die massamedia glo, veral deur bekende persoonlikhede wat diëte verkoop wat nie gerugsteun word deur ordentlike navorsing nie. En vir mense met pre-diabetes of diabetes, kan die lae-koolhidraat, hoë-vet dieet veral riskant wees.

Die belangrike deel van die wetenskaplikes se waarskuwing is dat jy altyd professionele advies moet inwin om gewig te beheer en altyd streef na ’n dieet gerugsteun deur kliniese bewyse.

Die wetenskaplikes het gesien hoe muise op die diëte se glukose onverdraagsaamheid vererger het, en hul insulienvlakke gestyg het in 8 weke op die dieet. Die muise se gewig het uiteindelik met 15% van hul liggaamsgewig toegeneem en hul vet het verdubbel. In perspektief gestel, vir 'n 100 kilogram persoon, is dit die ekwivalent van ’n 15 kilogram toename in gewig in 2 maande. Hierdie vlak van gewigstoename sal jou bloeddruk laat verhoog, en verhoog jou risiko van angs en depressie. Dit kan ook been-probleme en artritis veroorsaak. Vir iemand wat reeds oorgewig is, sal hierdie diëte net bloedsuikervlakke en insulienvlakke uiteindelik verhoog. Dit kan jou daadwerklik meer vatbaar maak vir diabetes.



(foto Universiteit van Melbourne)

8.3.16

Body Worlds

Jy hoor gedurig wat die uitwerking van leefstylsiektes, soos diabetes en hartsiekte, op jou liggaam is – maar het jy dit al gesien? Die Body Worlds-uitstalling is terug in Suid-Afrika en wys presies dit.

24.8.15

Hanteer Diabetes en verwante gesondheidskwessies

Hierdie boek kyk na die oorsake van diabetes, die tipes, medikasie asook die rol van dieet, lewenstylveranderings en oefening.

Daar word ook na die mediese aspekte gekyk, byvoorbeeld hoe om jou gewig, bloedglukose-, bloeddruk- en cholesterolvlakke te handhaaf en komplikasies te verhoed. Daar word ook gekyk na die uitwerking van diabetes op die hart, voete, lewer, niere, oë en blaas van die diabeet asook hoe dit slaap, die ingesteldheid en die denke van die diabeet beïnvloed.

Hanteer Diabetes en verwante gesondheidskwessies / Arien van der Merwe -- Human & Rousseau, 15 September 2015; 352 p. ; sagteband. -- ISBN 9780798170475

Hanteer Diabetes en verwante gesondheidskwessies,
Bettie Blom,
24 Augustus 2015.
2

20.4.15

Borrie met ontbyt help die geheue

Net 1 gram borrie saam met ontbyt help om die geheue te verbeter van persone wat in die vroeë fase van die ontwikkeling van diabetes is. Dit is die bevinding van ’n studie gepubliseer in die Asia Pacific Journal of Clinical Nutrition.

Dit is al bewys dat borrie ook help om die risiko vir demensie te beperk en inflammasie in die liggaam bekamp.

2.3.15

Jou bloedgroep beïnvloed dalk jou geheue

Volgens ’n studie gepubliseer in die joernaal Neurology is persone met die AB-bloedgroep meer geneig tot geheueverlies as ander.

AB is nie ’n algemene bloedgroep nie en diegene met die bloedgroep is geneig tot geheueverlies wanneer hulle oud word. Daar is egter bydraende faktore wat in ag, geneem moet word. Hieronder tel hoe bloeddruk, hoe cholesterol en diabetes.

30.12.14

Roosmaryn en oreganum help om diabetes te beheer

Laboratorium-toetse het bevind dat die kruie roosmaryn en oreganum bestanddele bevat wat diabetes kan bekamp. Dié kruie bied moontlik ’n natuurlike manier om die glukosevlakke in die bloed te verlaag.

Die uitslag van die toetse kan gevind word in die Journal of Agricultural and Food Chemistry.

29.12.14

Te veel sout ’n groter gevaar vir diabete

Persone met tipe 2 diabetes wat baie sout inneem se kanse is dubbel die van ander mense om ’n kardiovaskulêre siekte te ontwikkel.

Mense ontwikkel diabetes as daar te veel suiker in hul bloedstroom is. Tipe 2 diabetes ontstaan wanneer die liggaam ’n weerstand ontwikkel teen die hormoon insulien. Insulien vervoer die suiker vanaf die bloed na die liggaamselle.

Kardiovaskulêre siektes, soos hartsiektes, kom meer voor onder diabete, as onder die res van die bevolking. ’n Onlangse studie toon nou duidelik dat persone met tipe 2 diabetes wat baie sout gebruik ’n nog groter kans staan om sulke siektes te ontwikkel.

Die studie is gepubliseer in die Journal of Clinical Endocrinology & Metabolism.

4.11.14

Oorgewig middeljarige vrouens behoort te oefen

Vir andersins gesonde middeljarige vroue wat oorgewig is, kan fisiese aktiwiteit hul beste opsie wees vir die vermyding van hartsiektes.

Oorgewig middeljarige vrouens is geneig om te sukkel met hartsiektes, hoë bloeddruk, hoë cholesterol, diabetes en inflammasie.

’n Onlangse studie het bevind dat selfs ’n klein bietjie oefening help om dié groep se kanse vir die ontwikkeling van hartsiektes kan verminder.