Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Vergiftiging. Show all posts
Showing posts with label Vergiftiging. Show all posts

1.9.22

Kruie vir kwale: Bloublasies

As iemand deur ’n bloublasie gebrand word, soek in die duine vir suurvye. Gebruik die blare se sap om die wond te behandel.

♦♦♦




Medisinale gebruike van kruie

Kruiegids

5.10.20

Alkoholvergiftiging

Alkohol onderdruk die sentrale senuweestelsel. Dit beïnvloed verskillende mense op verskillende maniere. Een drankie veroorsaak gewoonlik slegs ’n geringe verandering van gemoedstemming. Namate jy die inname verhoog tas dit al meer die brein aan. Namate die alkoholkonsentrasie in die bloed toeneem, word die persoon se gedrag oordrewe en die koördinasie word belemmer. Met te veel alkohol word die verstandelike en fisieke vermoëns ernstig versteur en die persoon kan bewusteloos raak.

Simptome en tekens
• Asem ruik na drank.
• Persoon kan vomeer.
• Persoon kan bewusteloos wees.

In die vroeë stadium van bewusteloosheid sal:
• Die persoon diep asemhaal.
• Die gesig klam en blosend wees.
• Die pols vol en bonsend wees.

In die later stadium van bewusteloosheid sal:
• Die pols vinnig, maar swak wees.
• Die asemhaling vlak wees.
• Die gesig droog voel en opgeswel lyk.
• Die oë sal bloedbelope wees en die pupille opgeswel.

Jy kan die persoon wakker maak, maar hulle sal redelik gou weer bewusteloos wees.

Behandeling 1. Sorg dat die lugweg oop is.
2. As die persoon bewusteloos is of vomeer, plaas hulle in die herstelposisie.
3. Indien die persoon se toestand versleg, kry hulle sodra moontlik by die hospitaal.

7.9.20

Aspirienoordosis

Vergiftiging deur aspiriene vind gewoonlik plaas as gevolg van ’n toevallige oordosis of die misbruik van die medikasie.

Simptome en tekens
• Die persoon kla oor maagpyn en kan vomeer. Daar kan bloed in die vomering wees.
• Die persoon is bedruk en lomerig.
• Daar is ’n gesuis in die ore.
• Asemhaling is moeilik.
• Die persoon sal erg sweet.


Behandeling
Volg die algemene behandeling vir vergiftiging. Sorg dat die persoon sodra moontlik by ’n hospitaal kom.

10.8.20

Vergiftiging deur medikasie - hallusinogene

Vergiftiging deur medikasie vind gewoonlik plaas as gevolg van ’n toevallige oordosis of die misbruik van medikasie. LSD is ’n voorbeeld van ’n verdowingsmiddel wat gereeld misbruik word. 

Simptome en tekens
• Die persoon sal angstig wees en sweet.
• Die persoon kan vreemd optree.

Behandeling
Volg die algemene behandeling vir vergiftiging. Sorg dat die persoon sodra moontlik by ’n hospitaal kom.

13.7.20

Vergiftiging deur medikasie - stimulante

Vergiftiging deur medikasie vind gewoonlik plaas as gevolg van ’n toevallige oordosis of die misbruik van medikasie. Amfitamien is ’n voorbeeld van ’n verdowingsmiddel wat gereeld misbruik word.

Simptome en tekens
• Die persoon sal opgewonde wees en erg sweet.
• Die persoon kan aan bewerasie en hallusinasies ly.

Behandeling
Volg die algemene behandeling vir vergiftiging. Sorg dat die persoon sodra moontlik by ’n hospitaal kom.

8.6.20

Vergiftiging deur medikasie - onderdrukmiddels

Vergiftiging deur medikasie vind gewoonlik plaas as gevolg van ’n toevallige oordosis of die misbruik van medikasie. Barbiturate is ’n voorbeeld van ’n verdowingsmiddel wat gereeld misbruik word.

Simptome en tekens
• Die vel sal koud en klam voel.
• Swak en vinnige pols.
• Moontlike bewusteloosheid.

Behandeling
Volg die algemene behandeling vir vergiftiging. Sorg dat die persoon sodra moontlik by ’n hospitaal kom.

14.5.20

Die simptome en behandeling van vergiftiging

Sodra gif in ons bloedstroom beland werk dit op verskeie maniere. Sommige gifstowwe tas die sentrale senuweestelsel aan en verhoed asemhaling, hartklop of ander lewensnoodsaaklike prosesse.

Ander gifstowwe werk deur suurstof in die bloed te verplaas en die verspreiding daarvan te verhoed. Sekere gifstowwe wat ingesluk word werk regstreeks in op voedselkanale en veroorsaak pyn, vomering en/of diarree.

Bytende gifstowwe kan die lippe, mond, slukderm en maag ernstig brand.

Simptome en tekens
Die simptome en tekens sal natuurlik wissel na gelang van die aard van die gifstof waaraan die person blootgestel is.
• Die person kan lighoofdig wees en stuiptrekkings kry.
• Daar kan simptome van versmoring aanwesig wees.
• Die person kan bewusteloos raak.
• Die person kan opgooi of diarree hê.
• Daar kan brandwonde rondom die mond wees.

Algemene behandeling
1. Probeer vasstel waaraan die person blootgestel is. Vra die person of omstanders. Kyk vir enige houers.
2. Indien die person bewusteloos is maar normal asem haal, plaas hom/haar in die herstelposisie.
3. Indien asemhaling ophou, begin met resussitasie.
Kry die person so gou as moontlik by ‘n hospitaal. Indien daar houers naby die person gevind is, neem dit saam.

Boereraat:
Vir seekos-vergiftiging: Drink ’n mengsel van gelyke dele suurlemoensap en asyn. Drink agterna getrekte kruisement-water.

♦♦♦

As iemand gif ingekry het meng 1 koppie melk, ½ koppie asyn en 1 teelepel koeksoda in ’n bottel.
Skud die bottel deeglik en gee dan vir die persoon om te drink sodat hulle kan opgooi.
Herhaal die dosis net om seker te maak dat hulle als opgebring het.


Medisinale gebruike van kruie

Kruiegids

11.5.20

Vergiftiging deur medikasie - Verdowingsmiddels

Vergiftiging deur medikasie vind gewoonlik plaas as gevolg van ’n toevallige oordosis of die misbruik van medikasie. Heroïen is ’n voorbeeld van ’n verdowingsmiddel wat gereeld misbruik word.

By ’n gereelde misbruiker is daar gewoonlik tekens van voortdurende gebruik. Byvoorbeeld merke van spuitnaalde. Verdowingsmiddels word ook in tabletvorm ingeneem of ingeasem.

Simptome en tekens
• Asemhaling is moeilik en kan ophou.
• Naaldmerke op die arms.

Behandeling
Volg die algemene behandeling vir vergiftiging. Sorg dat die persoon sodra moontlik by ’n hospitaal kom.

17.2.20

Giftige plante

Sekere plante in die tuin en veld kan gevaarlik wees wanneer dit geëet word. Dit is veral gevaarlik vir klein kindertjies wat gelok word deur helderkleurige bessies.

Sering- en kasteroliebome, asook stinkblaar is algemene voorbeelde van giftige plante.

Giftige plante bevat verskeie bestanddele wat ’n verskeidenheid simptome tot gevolg kan hê. Jy kan dalk net sleg voel van sommige, maar ander kan jou asemhaling bemoeilik of jou verlam.

Bly asseblief weg van sampioene wat wild groei. Selfs al raak jy net daaraan kan dit gevolge hê.

As jy vermoed iemand het ’n giftige plant geëet kry hulle sodra moontlik by die hospitaal. Neem ’n stuk van die plant saam indien moontlik.

22.1.20

Huishoudelike gifstowwe

Heelwat stowwe wat in en om die huis gevind word, is giftig. Byvoorbeeld vloeibare seep, sekere skoonheidsprodukte, vuuraanstekers, terpentyn, bleikmiddels, gom, rottegif en insekdoders. Kinders is nie altyd bewus van die gevare van hierdie produkte nie.

Die simptome en tekens sal wissel afhangende van die aard van die stof. In meeste gevalle sal vomering en maagpyn voorkom.

Die simptome en behandeling van vergiftiging

Sorg altyd dat gifstowwe duidelik gemerk en buite bereik van kinders gehou word.

2.12.19

Vergiftiging

’n Gif is ’n stof wat tydelike of permanente skade kan aanrig indien dit in die liggaam kom. Daar is jaarliks ongelukke met gifstowwe wat in alledaagse gebruik is.

Jy moet sodra moontlik mediese hulp kry. Moet nooit probeer om die persoon te laat opgooi nie. Nie net is dit ondoeltreffend nie, dit kan ook die situasie vererger.

16.11.16

Bewusteloosheid

Jou bewegings, die funksies van jou liggaam en jou bewussynsvlak word deur jou senustelsel beheer.

Wanneer jy bewusteloos, of gedeeltelik bewusteloos, is dit ’n aanduiding dat jou brein nie normaal werk nie. Dit is potensieel gevaarlik vir jou.

Daar is verskeie oorsake van bewusteloosheid. Die algemeenste is: kopbeserings, floute, hartaanval, beroerte, asfiksie, epilepsie, skok, vergiftiging en diabetes.

19.11.14

Noodhulp: Koolstofmonoksiedvergiftiging

1. Sny die oorsprong van die gas af en kry die persoon weg van die gas.

2. Indien die persoon bewusteloos is, maar normaal asemhaal, plaas in die herstelposisie.

3. Indien asemhaling moeilik is of nie bestaan nie, begin onmiddellik met kunsmatige asemhaling.

4. Kry die persoon by ’n hospitaal.

12.11.14

Koolstofmonoksiedvergiftiging

Koolstofmonoksied is ’n kleurlose reuklose gas. Dit is gevaarlik omdat koolstofmonoksied die suurstof vervang wat reeds in die bloed aanwesig is.

Algemene bronne an koolstofmonoksied is dampe van gedeeltelik verbrande brandstof en die uitlaatgasse van petrolenjins.

Simptome:
• Moeilike asemhaling
• Blou lippe en vingernaels
• Verwarring
• Hoofpyn
• Die persoon se kleur kan wissel van normaal tot kersiepienk, afhangende van die hoeveelheid koolstofmonoksied reeds in die bloed.

7.2.12

Alkoholvergiftiging

Die tekens vir alkoholvergiftiging is:

'n blosende vel
swak polsslag
kan selfs 'n koma veroorsaak

Kry dadelik mediese hulp!

3.10.11

Vergiftiging

Boererate vir iemand wat vergiftig is. Dit is veral kinders wat hierdie middels inkry. Aspirien is byvoorbeeld baie gevaarlik vir kinders onder 12 jaar. Moenie 'n braakmiddel gee, tensy dit so aangedui word nie.

Aspirien
Gee ‘n mengsel van deeglike gebrande en gepoeierde roosterbrood en “melk van Magnesia” in sterk tee. Gee dan ‘n braakmiddel (bv. 'n mengsel van sout en mosterd in warm water) en volg dit met koeksoda in warm water.

Bytsoda
Gee asyn in water en dan soet- of olyfolie of die wit van ‘n eier.

Insekdoders met D.D.T.
Gee ‘n braakmiddel (bv. 'n mengsel van sout en mosterd in warm water), volg dit dan met Engelse sout en water en daarna tee of koffie.

Jodiumtinktuur
Gee 'n dik styselpasta. Volg dit met sout in warm water totdat die braking skoon is. Daarna sterk tee of koffie.

Kanferolie
Gee 'n braakmiddel (bv. 'n mengsel van sout en mosterd in warm water).

Miergifstowwe en arseen preparate
Gee 'n mengsel van gepoeierde en deeglik gebrande roosterbrood – en Melk van magnesia in sterk tee. Gee dan ‘n braakmiddel (bv. 'n mengsel van sout en mosterd in warm water).

Ontsmettingsmiddel (karbolsuur)
Gee melk of die wit van ‘n eier, dan sterk tee of koffie.

Parafien
Gee 'n braakmiddel (bv. 'n mengsel van sout en mosterd in warm water). Volg dit met medisinale parafien. Daarna sterk tee of koffie.

Paragora
Gee mengsel van deeglike gebrande en gepoeierde roosterbrood en melk van magnesia in sterk tee. Gee dan Engelse sout in water.

Seepsoda
Gee asyn in water en dan soet- of olyfokie of die wit van eier.

Slaappille
Gee 'n mengsel van deeglike gebrande en gepoeierde roosterbrood en melk van magnesia in sterk tee. Gee dan 'n braakmiddel (bv. 'n mengsel van sout en mosterd in warm water) gevolg deur Engelse sout in water en sterk tee of koffie.

Strignien
Gee 'n mengsel van gebrande en gepoierde roosterbrood en melk van magnesia in sterk tee, volg op met braakmiddel (bv. 'n mengsel van sout en mosterd in warm water).

Terpentyn
Gee 'n braakmiddel (bv. 'n mengsel van sout en mosterd in warm water) dan medisinale parafien gevolg met sterk tee of koffie.