Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids


Mediese woordeboek en gids: P

Afrikaans - English Medical Dictionary / Afrikaanse mediese woordelys en gids vir die gesondheidswetenskappe - Slaan 'n siekte / aandoening / kwaal / gesondheidskwessie na en klik op die skakel vir meer inligting.

(Ons is tans nog besig met die kodering van die gids - dit brei stelselmatig uit.)

P (P) <sien fosfor> (chemiese simbool)

pampoentjies (mumps) ’n Aansteeklike siekte gekenmerk der die opswel van die speekselkliere.

pankreas (pancreas) (alvleisklier) 'n Lang, tongvormige, rooskleurige klier wat onder die maag in die kromming van die duodenum lê; dit is 'n gemengde eksokriene-endokriene klier wat ensieme en hormone afskei.

pankreasamilase (amylopsin) (amilopsien) ’n Ensiem in die pankreas wat verantwoordelik is vir die hidrolise van stysel.

pankreassap (pancreatic juice) <sien succus pancreaticus>

pankreosimien (pancreozymin, cholecystokinin) <sien ook sekretien> (cholesistokinien) ’n Duodenale hormoon wat pankreasensieme, asook galblaaskontraksie stimuleer.

parasiet (parasite) <sien ook saprofiet> ’n Organisme wat tydens sy hele lewe, of 'n fase daarvan, in of op ’n ander organisme (gasheer) lewe en sy voedsel van die gasheer verkry.

paratiroïed (parathyroid) (byskildklier) Een van die endokriene kliere geleë op die dorsale oppervlakte van die tiroïed wat die kalsiumbalans in die liggaam beheer.

Parkinson-siekte (Parkinson's disease) 'n Stadige, progressiewe, degeneratiewe neurologiese siekte gekenmerk deur tremor, spierverswakking en spierstyfheid, asook gebrekkige en stadige bewegings.

parturisie (parturition, childbirth, labour) (baring, kraam) Skeiding van die embrio van sy moeder; geboorte gee.

pektus (pectus, chest) <sien ook toraks> (bors, borskas) Die voorste gedeelte van die bors of toraks.

pelviese gordel (pelvic girdle) (bekkengordel, buikgordel, heupgordel) Benige struktuur wat die onderste ledemate aan die liggaam heg - bestaan uit die ilium, iskium en die pubis en vorm saam met die sakrum en koksis die bekken.

pelvis (pelvis) (bekken) Die onderste gedeelte van die romp van die liggaam wat bestaan uit twee heupbene in 'n laterale posisie en die kruisbeen en koksiks aan die agterkant.

pelvis (pelvis) (bekken) Kelkvormige holte, soos bv. nierpelvis.

penis (penis) Die uitwendige manlike geslagsorgaan - homoloog aan die klitorus van die vrou.

pepties (peptic) M.b.t. pepsien.

pepties (peptic) M.b.t. vertering.

peptiese ulkus (peptic ulcer) <sien ook maagseer> Verswering van die maagslymvlies.

periosteum (periosteum) <cf endosteum> (beenvlies) Buitenste veselagtige vlies wat been omring <behalwe by die gewrigsente.

perineum (perineum) (bilnaat) Gebied tussen die anus en die skrotum of vulva.

peritelium (perithelium) (bloedvaatskede) Bindweefsellaag wat die kapillêre en kleiner bloedvate omsluit.

peritoneum (peritoneum) (buikvlies) Sereuse membraan wat die hele buikholte uitvoer en die organe daarin omsluit en deels vasheg.

peritonitis (peritonitis) (buikvliesontsteking) Inflammatoriese ontsteking van die buikvlies.

pernio, (pernio) Die brandende, jeukunde geswel van hande en/of voete as gevolg van blootstelling aan koue.

perspirasie (perspiration, sweat) (sweet) Waterige afskeiding vanaf die sweetkliere.

perspireer (perspire) (sweet) Skei perspirasie af.

pika (pica, allotriophagy) (allotriofagie) 'n Begeerte na stowwe wat nie as voedsel geskik is nie, bv klei, kalk ens - gaan gewoonlik gepaard met 'n ystertekort.

pitseer (boil) <sien pitsweer> 'n Harde sweer waarvan die pit uitgedruk kan word as dit ryp is; gewoonlik as gevolg van die ontsteking van 'n haarwortel.

pireksie (pyrexia, fever) (koors) 'n Bo-normale liggaamstemperatuur van meer as 37,2ºC.

pitsweer (boil) <sien ook pitseer> 'n Harde sweer waarvan die pit uitgedruk kan word as dit ryp is; gewoonlik as gevolg van die ontsteking van 'n haarwortel.

plooi (wrinkle) 'n Vou in die vel.

pneumonie (pneumonia) (longontsteking) Inflammasie van die longe.

pokke (smallpox) <sien ook pokkies> Epidermiese siekte waarby die liggaam oortrek is met etterpuisies.

pokkies (smallpox) <soms genoem pokke> Epidermiese siekte waarby die liggaam oortrek is met etterpuisies.

polifagie (polyphagia, bulimia) (bulimie) - Oormatige voedselinname a.g.v. uitermate eetlus.

polio (polio) 'n Algemene afkorting van poliomiëlitis.

poliomiëlitis (poliomyelitis) Inflammasie van die grysstof van die rugmurg.

pons (pons, bridge) (brug) Enige weefselstrook wat twee dele van 'n struktuur of orgaan aan mekaar verbind.

pons (pons) <sien pons Varolii>

pons Varolii (pons Varolii, pons of Variolus, bridge of Variolus, pons) (brug van Varolius, pons, Variolus-brug) Strook van inmekaargevlegte senuvesels wat die serebrum, serebellum en medulla oblongata onderling verbind.

posterior (posterior, back, behind) <cf anterior 1e inskrywing> (agter; posterieur) - Aan die agterkant van 'n liggaam geleë.

posterior (posterior, back, behind) <cf anterior 2e inskrywing> (agter; posterieur) - M.b.t. die dorsale kant (rugkant).

pre-eklampsie (pre-eclampsia) <sien ook swangerskapsgeinduseerde hipertensie> 'n Toestand wat voorkom in swangerskap wat gepaard gaan met ´n verhoogde bloedruk, edeem en/of proteiene in die uriene.

prikkelbare-dermsindroom (irritable bowel syndrome) <sien ook spastiese kolon> (PDS) Persone met 'n spastiese kolon se ingewande is buitengewoon sensitief.

proefbuisbaba (test tube baby) (buisbaba) ’n Baba wat ontwikkel nadat ’n eiersel uit die moeder verwyder en onder laboratoriumomstandighede bevrug is en daarna teruggeplaas is in die baarmoeder.

profilaktikum (prophylactic, contraceptive) (voorbehoedmiddel) Middel wat gebruik word om bv swangerskap te verhoed.

propvorming (clotting) (embolie) Die verstopping van ’n bloedvat/slagaar deur ’n embolus.

prostaat (prostate) <sien prostaatklier>

prostaatklier (prostate gland, prostate) (prostaat) 'n Sekondêre geslagsklier by mans wat die nek van die blaas en die uretra omsluit en 'n afskeiding vrystel wat gekoaguleerde semen vloeibaar maak.

prostatitus (prostatitus) Verskeie probleme wat verband hou met die prostaatklier en inflammasie in die klier word prostatitis genoem.

psoriase (psoriasis) 'n Abnormale selverdeling in die buitenste laag van die vel gekenmerk deur rooi kolle en silwer skilfers.

psoriatiese artritis (psoriatic arthritis) Die verskil tussen psoriatiese artritis en ander vorms van artritis deur dat die hele vinger of toon swel, nie net die area om die gewrig nie.

puisie (pimple) <sien aknee>

purien (purine) <sien ook adenien; guanien; pirimidien> - Een van die stikstofbasisse wat deel van 'n nukleïensuur uitmaak.

2 comments :

  1. Anonymous29/3/14 09:11

    EK WIL GRAAG WEET HOE HET ONSE VOORVADERS PROSTAAT KANKER GEHANTEER, WAS DAAR RAAD OF WAS HUL GESONDER MENS/GESLAG, BREI DIE SIEKTE UIT.VERMEEDER DIT, BEHALWE
    MEDIESE ONDERSOEKE VANDAG HOE HET HUL GEWEET VAN DIE SIEKTE?DAN VERDER KAN DIE DING NIE UITGESNY WORD OP N SEKERE OUDERDOM SOOS N BLINDEDERM NIE? VOORKOMENDE BEHANDELING OF CHIRUGIE?VERDER AS JOU SEKS DRANG AFNEEM HOEKOM VERAL AS JY GESOND MAN IS ?DIE HET EK GEHOOR BY N MAN WAT SE HY WIL MAAR KAN NIE EN DIT VEROORSAAK LELIKE KLIPPE IN SY HUWELIK AS ENIGE SLIM MENS MY KAN DIE VRAE BEANTWOORD OF SY OPINIE GEE SAL EK DANKBAAR WEES !!

    ReplyDelete
    Replies
    1. Anonymous8/5/14 13:53

      Ons voorgeslagte was meer uitgelewer aan siektes. Daarom was die lewensverwagting minder. Die behandeling van prostaatkanker is redelik suksesvol indien dit vroeg opgespoor word. Een opsie is om dit dan 'uit te sny'. Die afname in seksdrang is soms in 'n groot mate sielkundig van aard. Dit is 'n mite dat ouer mense nie 'n gesonde sekslewe kan voer nie. Daar is hulp indien jou vriend mediese of spesialis hulp gaan soek.

      Delete