Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids


5.3.09

Oogprobleme - waterig, uitpeul, donker kringe, rooi, geswolle, allergie, hepatitis, galblaaskwale, galstene, bloeddruk, diabetes, versiendheid, bysiendheid ens.

Oogprobleme kom dikwels voor as gevolg van ´n probleem elders in die liggaam.

Waterige oë is ´n simptoom van verkoue, uitpeuloë mag dui op skildklierprobleme en donker kringe of rooi, geswolle en/of waterige oë is dikwels die gevolg van allergieë. Die vergeling van die oë kan dui op hepatitis, galblaaskwale of galstene, terwyl periodiese dowwe visie op hoë bloeddruk of diabetes kan dui.

Algemene oogprobleme sluit in sigprobleme soos versiendheid en bysiendheid, oogstremming, katarakte, bindvliesontsteking, gloukoom wat uiteindelik tot blindheid kan lei, en karkatjies.

Lê agteroor met oë toe en plaas ´n koue kompres oor oë. Fokus gereeld op voorwerpe op verskillende afstande.

Enige rooiheid, dowwe visie of ander oogprobleme vereis dringend mediese aandag.

Boereraat:

Om donker kringe om jou oë te laat verdwyn sny ´n rou vy in twee en plaas ´n deel op elke oog.

♦♦♦

Plaas koue teesakkies op jou oë indien dit geswel is of indien jy donker kringe om jou oë het.

♦♦♦

Wortels, spinasie, broccoli, papaja, mango, perskes en appelkose is goeie bronne van Vitamin A - Beta carotene. Dit is goed vir normale groei, goeie sig(oë), gesonde vel en sterk tande.

♦♦♦

Sny dik snye uit die punt van ´n komkommer en plaas dit op jou moeë oë.

♦♦♦

As ´n oog uit die kop spring, was die oog mooi met lou water. Druk die oog dan versigtig weer terug en sit koue kompresse op.

♦♦♦

Lê met jou kop agteroor en plaas komkommerskyfies op jou oë. Lê en ontspan vir ten minste 15 minute.

♦♦♦

Volg dieselfde metode as bo, maar gebruik twee nat teesakkies.

♦♦♦

Eet minder sout. Dit kan by sommige individue bydra tot opgeswelde oë

♦♦♦

Sit ´n ekstra kussing onder jou kop om van daai poffertjies ontslae te raak.

♦♦♦

Om van daai opgeswelde oë in die oggend ontslae te raak moet jy die aartappels nader trek. Verkoel ´n aartappel in die yskas. Sny twee skywe af, sproei jou oë met water, lê plat en plaas die skywe op jou ooglede. Lê so vir 10 minute en vee dan jou oë af met ´n koue lappie. Komkommers kan ook gebruik word, maar sonder die water.

♦♦♦

Neem 2 eetlepels rou gerasperde aartappel en plaas op geswolle oë vir 15 minute

♦♦♦

Mense met bruin oë se kanse is 80% meer as die van ander om katerakte te kry. Sorg dat jy 'n sonbril dra en eet kosse soos spinasie, soetrissies en tamaties.

14 comments :

  1. Anonymous14/4/09 12:27

    Ek het baie erger donkerkringe en daar is nog nie enige van hierdie genoemde goed wat vir my gehelp het nie. IS daar ooit iets, want ek lyk of ek deel is van die Adams Family

    ReplyDelete
  2. Anonymous13/7/09 11:21

    onderste ooglid wat spring, weerskante vir sekondes.nodig raad.dankie

    ReplyDelete
  3. Anonymous11/8/11 10:12

    Goeie dag
    Ek wil graag meer uitvind oor vergrote pupille. Wat veroorsaak dit en waste gevaar hou dit in? Baie dankie.

    ReplyDelete
  4. Anonymous11/8/11 10:40

    Die vergrootte pupille kan wees as gevolg van medikasie wat jy neem, vergiftiging kan dit veroorsaak en sekere neurologiese probleme kan dit veroorsaak. Indien dit al lank so is en jy nie medikasie gebruik nie moet jy so gou as moontlik 'n dokter gaan spreek.

    ReplyDelete
  5. Goeie dag, Ek wil graag weet. Wat kan ek doen rondom oë wat al 'n geringe tyd van 'n paar dae kort - kort brand en in my regter oog voel dit of daar iets onder ooglid is wat krapperigheid voel en die linkerkant van my regteroog is rooi. Asb. Help

    ReplyDelete
    Replies
    1. Anonymous22/2/12 10:40

      Daar is verskeie tipes oplossings beskikbaar by jou apteek waarmee jy jou oog kan uitspoel, MAAR, indien dit iets van buite is wat dit veroorsaak moet jy dalk mediese behandeling kry. Veiligste is om by 'n dokter uit te kom.

      Delete
  6. Anonymous22/9/12 12:07

    Ek wil graag meer uitvind oor ooginfeksie en weet of daar enige raad daarvoor is. My ma moet ingaan vir `n operasie, maar word elke keer weggewys omdat die infeksie eers moet opklaar. Dringende hul of raad sal wardeur word. Dankie

    ReplyDelete
  7. Anonymous6/12/13 10:31

    My seun en n skoolmaatjie het onlags gespeel,hy het hom per ongeluk in die oog gesteek.Die oog het n blou kol gekry en is daarna rooi.Na omtrent twee maande het n aartjie in die oog gebars,nou is die oog tranerig.

    ReplyDelete
    Replies
    1. Anonymous6/12/13 12:17

      Dit klink of die oog herstel, maar indien die aartjie nie binne twee weke herstel nie, moet hy by die dokter kom. Indien daar binnekort weer 'n aartjie bars moet hy ook mediese aandag kry.

      Delete
  8. Ek het een oggend opgestaan en alles was donker voor my. Was by die doktor en hy het my meegedeel dat sig in die een oog uiters swak is. Ek kan egter met die ander sien maar slegs vir minder as tien meter. Watter raad kan ek gebruik om my sig te verbeter. Regtig raad-op

    ReplyDelete
    Replies
    1. Was jy al by 'n spesialis? Dit is miskien die beste volgende stap.

      Delete
  9. Goeie more

    Ek het een oog wat goeters voor my kyker rondbeweeg en het dan ligte kopsere
    Party keer is dit weg maar ander kere erg en erg hunderlik
    Dan is my nek ook seer en my ore voel ook stekerig
    Is dit sinus of ek het n maand gelede n harde hou op my ander oog gekry en daar het soms donker bloed uitgekom vir meer as 3 weke lank van die hou
    Dis nou n week wat ek my neus kan blaas sonder bloed
    Dit voel ook as ek eet dan raak dit baie beter en inni oggende en aande dan is ek reg

    Sal graag wil weet of daar vir my raad is asb

    ReplyDelete
  10. Goeie more

    Ek het een oog wat goeters voor my kyker rondbeweeg en het dan ligte kopsere
    Party keer is dit weg maar ander kere erg en erg hunderlik
    Dan is my nek ook seer en my ore voel ook stekerig
    Is dit sinus of ek het n maand gelede n harde hou op my ander oog gekry en daar het soms donker bloed uitgekom vir meer as 3 weke lank van die hou
    Dis nou n week wat ek my neus kan blaas sonder bloed
    Dit voel ook as ek eet dan raak dit baie beter en inni oggende en aande dan is ek reg

    Sal graag wil weet of daar vir my raad is asb

    ReplyDelete
  11. Anonymous28/8/17 10:18

    Help asseblief. My regter oog traan aanhoudend. Die water loop ssos 'n kraan uit. Al seer af te vee. Ek gebruik al meer as 40 jaar kontaklense. Dit het nou eers begin. Baie dankie TTTTTVVVVV

    ReplyDelete