Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids


Mediese woordeboek en gids: N

Afrikaans - English Medical Dictionary / Afrikaanse mediese woordelys en gids vir die gesondheidswetenskappe - Slaan 'n siekte / aandoening / kwaal / gesondheidskwessie na en klik op die skakel vir meer inligting.

(Ons is tans nog besig met die kodering van die gids - dit brei stelselmatig uit.)

n (n) Die skryfwyse vir die haploïede getal chromosome in 'n sel of organisme.

N (N) <sien stikstof> (chemiese simbool)

N (N) <sien normaliteit>

naarheid (nausea) Naarheid verwys na enige sensasie wat jou laat voel of jy wil opgooi.

nael (nail) Horingagtige, dorsale plaat op die voorste lit van 'n mens se vingers en tone.

nares (nares) <ekv naris>

naris (naris, nostril) <mv nares> (neusgat) Een van 'n paar openinge by die anterior of posterior gedeeltes van die neusopeninge.

nataal (natal) (geboorte-) Met betrekking tot geboorte.

nataliteit (natality) <cf mortaliteit> (aanwasvermoë, geboortesyfer) Die tempo waarteen nuwe individue gebore word.

natriumhidroksied (sodium hydroxide, NaOH, caustic soda) (NaOH, bytsoda, seepsoda) Wit, watertrekkende kristalle wat sterk alkalies is en as bytmiddel gebruik word.

natuurlike refleks (involuntary reflex, inborn reflex) <cf gekondisioneerde refleks> (aangebore refleks) 'n Onwillekeurige reaksie op 'n skadelike prikkel, bv. knip van die oog, hoes of nies.

nefros (nephros, kidney) (nier) Een van die twee boontjievormige organe wat in die boonste agterste gedeelte van die buikholte geleë is en betrokke is by die regulering van die water- en elektrolietbalans van die liggaam.

nek (neck) <sien serviks 2de en 3de inskrywing>

nekrose (necrosis, die-off) (afsterwing) Die dood van weefsel, gewoonlik as individuele selle of groepe selle, in klein gelokaliseerde areas.

nervus (nervus, nerve) <mv nervi/sien ook neuron> (senuwee) Een of meer bondels senuweevesels wat deur bindweefsel en bloedvate aan mekaar verbind word en waardeur motoriese of sensoriese impulse tussen die brein, rugmurg en ander liggaamsdele vervoer word.

nervus abducens (abducent nerve) (abdusens) Die sesde kraniale senuwee (motoriese senuwee wat die laterale rektusspier van die oog voorsien).

nervus accessorius (nervus accessorius, accessory nerve) (aksessoriese senuwee) Die elfde kraniale senuwee - noodsaaklik vir spraak, slukbewegings en sekere bewegings van die kop en skouers.

nervus acusticus (nervus acusticus, acoustic nerve, auditory nerve, nervus auditorius, nervus vestibulocochlearis, vestibulary nerve) (akoestiese senuwee, gehoorsenuwee, nervus auditorius, nervus vestibulocochlearis, vestibulêre senuwee) Agtste kraniale senuwee - bestaan uit twee gedeeltes, nl die kogleêre gedeelte betrokke by gehoor en die vestibulêre gedeelte wat betrokke is by balans.

nervus saphena (nervus saphena, saphenous nerve) (beenvlaksenu, safenasenuwee) Die grootste en langste tak van die femorale senuwee wat die vel aan die mediane kant van die been voorsien.

nervus vagus (nervus vagus, vagus nerve) (dwaalsenu, dwaalsenuwee, vagussenuwee) Tiende kraniale senuwee - een van die twee langste pare kraniale senuwees wat noodsaaklik is vir spraak, slukbeweging, gevoeligheid en funksies van ’n groot verskeidenheid dele van die liggaam.

neurohipofise (neurohypophysis) <cf adenohipofise> Posterior lob (agterlob) van die hipofise.

neus Die liggaamsdeel aan die voorkant van die gesig wat die reukorgaan vorm.

neusgat (nostril) <sien naris>

nier (kidney) <sien nefros>

noodhulp, (first aid) Die bekwame toepassing van aanvaarde behandelingsbeginsels wanneer 'n besering of skielike siekte voorkom, deur fasiliteite of materiaal wat op daardie oomblik beskikbaar is te gebruik.

noradrenalien (noradrenaline, norepinephrine) <sien ook adrenalien> (norepinefrien) 'n Hormoon wat deur die byniere uitgeskei word en verantwoordelik is vir verhoogde bloeddruk deur vasokonstriksie, sonder dat dit die kardiale omset beïnvloed; 'n hormoon wat deur die aksoneindpunte van sekere (adrenergiese) senuvesels vrygestel word en dien as 'n senuwee-oordragstof.

normaal (normal) <cf abnormaal> Volgens die reël.

normale oplossing (normal solution) <sien ook molariteit; normaliteit> 'n Oplossing wat die gramekwivalent van die opgeloste stof in een liter oplossing bevat - tans word die term molariteit meer algemeen gebruik.

normaliteit (normality, N) <sien ook normale oplossing> (N) Die aantal gramekwivalente massas van 'n opgeloste stof per liter van die oplossing.

nukleêre deling (nuclear division) <sien ook meiose; mitose> (kerndeling) Enige verdeling van die selkern om nuwe selle voort te bring.

nukleotied (nucleotide) <sien ook nukleosied> Die monomeer waaruit DNA en RNA opgebou is; verbinding opgebou uit 'n 5C-suiker, fosfaatgroep en 'n stikstofbevattende purien- of pirimidienbasis.

No comments :

Post a Comment