Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Versmoring. Show all posts
Showing posts with label Versmoring. Show all posts

16.11.16

Bewusteloosheid

Jou bewegings, die funksies van jou liggaam en jou bewussynsvlak word deur jou senustelsel beheer.

Wanneer jy bewusteloos, of gedeeltelik bewusteloos, is dit ’n aanduiding dat jou brein nie normaal werk nie. Dit is potensieel gevaarlik vir jou.

Daar is verskeie oorsake van bewusteloosheid. Die algemeenste is: kopbeserings, floute, hartaanval, beroerte, asfiksie, epilepsie, skok, vergiftiging en diabetes.

11.3.15

Elektriese beserings

’n Elektriese stroom deur die liggaam kan ernstige en soms noodlottige beserings veroorsaak. Dit kan die hart laat stop of ernstige brandwonde veroorsaak.

Moet nooit probeer om ’n ongeval weens elektriese beserings met kaal hande aan te raak voor jy seker is dat daar geen verdere gevaar is nie.

Algemene simptome sluit in:
• Versmoring
• Brandwonde
• Skok

4.3.15

Noodhulp: Ingeduikte borskas

Jy kan dalk op ’n ongelukstoneel afkom en iemand kry met ’’n ingeduikte borskas. Behandel soos volg:

1. Ondersteun die beseerde deel van die persoon se ribbekas met jou hand.
2. Help dan die persoon tot in ’n halfsittende posisie en laat die persoon oorleun na die beseerde kant, terwyl jy die kop en skouers ondersteun.
3. Immobiliseer die borskas deur ’n ondersteunende kussing van sagte materiaal te maak en oor die beseerde deel te plaas. Plaas die arm aan die beseerde kant oor die kussing en ondersteun dit met ’n opligverband. Plaas nou ’n hangverband oor die verband en om die liggaam en maak dit aan die gesonde kant van die borskas vas. As jy nie ’n verband het nie, gebruik ’n serp of iemand se gordel.
4. Maak enige stywe klere om die nek en middel los.
5. Indien die persoon bewusteloos raak, plaas hom / haar in die herstelposisie met die gesonde kant na bo.
6. So ’n persoon moet sodra moontlik by ’n hospitaal kom.

25.2.15

Ingeduikte borskas

Dit gebeur gereeld dat ’n persoon in ’n verkeersongeluk teen die stuurkolom geslinger word of dit teen die bestuurder se bors stamp. Dit en ander ongelukke kan veelvoudige frakture van die borskaswand tot gevolg hê. Dit kan ernstige gevolge vir longwerking inhou. Die simptome slui in:

• Algemene simptome vir versmoring.
• Die persoon vind dit moeilik om asem te haal; of asemhaling is pynlik.
• Ongewone beweging van die borskas.
• Skuimerige, bloederige spoeg.

11.2.15

Ontploffings

Ontploffings kan veroorsaak word deur bomme of indien daar ’n vlam of elektrostatiese ontlading is op ’n plek waar ’n plofbare gas versamel. Wees bedag daarop dat ontploffings ook inwendige skade aan die longe en ander organe kan veroorsaak.

Simptome en tekens:

• Dieselfde simptome van versmoring
• Skuimerige bloedbevlekte spoeg
• Angstigheid
• Bloeding in die oor
• Dieselfde simptome van skok

5.11.14

Noodhulp: Versmoring as gevolg van rookinaseming

Versmoring as gevolg van rookinaseming kan plaasvind as gevolg van ’n brand wat al die suurstof uit ’n vertrek haal, of rook wat die keel so irriteer dat dit in spasma gaan en die lugweg afsluit. Die volgende stappe kan gevolg word om so ’n persoon te behandel:

1. Neem die persoon na veiligheid.
2. Blus enige brandende of smeulende klere.
3. Indien die persoon bewusteloos is, maar normaal asemhaal, moet hy / sy in die herstelposisie geplaas word.
4. Begin met mond-tot-mond asemhaling indien die persoon moeilik asemhaal.
5. Behandel enige brandwonde.
6. Neem die persoon sodra moontlik na ’n hospitaal.

3.9.14

Versmoring

’n Ander naam vir versmoring is asfiksie, maar mens verstaan versmoring beter. Basies beteken dit dat liggaamsweefsel nie genoeg suurstof ontvang nie.

Die simptome is:

• Moeilike asemhaling; die tempo en diepte van die asemhaling sal toeneem
• Die asemhaling kan raserig raak.
• Moontlike skuim om die mond.
• Blou lippe en vingernaels.
• Verwarring.
• Moontlike bewusteloosheid.
• Die asemhaling kan ook ophou.

Versmoring kan verskeie oorsake hê. Byvoorbeeld:

• ’n Obstruksie in die lugweg, soos byvoorbeeld ’n bewustelose persoon se tong, dit kan voedsel wees of vomering.
• ’n Kussing of plastieksak kan dit veroorsaak.
• Vloeistof in die lugweg kan die oorsaak wees.
• ’n Samedrukking van die lugpyp kan dit veroorsaak, byvoorbeeld as iemand verwurg word.
• Die borskas kan saamgedruk word en dit kan versmoring veroorsaak, byvoorbeeld tydens ’n grondstorting.
• Besering van die longe.
• Besering van die borskaswand.
• ’n Toeval kan jou asemhaling beïnvloed.
• Dit kan ook gebeur dat dele van die brein of senuwees wat asemhaling beheer beïnvloed word, byvoorbeeld deur elektriese skok, vergiftiging, besering van die rugmurg of ’n beroerte.
• Die suurstof in die lug kan ook die oorsaak wees, soos in ’n rookgevulde gebou of die verandering van atmosferiese druk in ’n vliegtuig.

Die persoon moet kunsmatige asemhaling kry en professionele mediese hulp.