Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Dieet. Show all posts
Showing posts with label Dieet. Show all posts

7.2.22

Meeste diëte lei tot gewigsverlies, maar ...

Redelik goeie bewyse dui daarop dat die meeste diëte ’n mate van gewigsverlies en verbeterings in kardiovaskulêre risikofaktore oor ’n tydperk van ses maande tot gevolg het – in vergelyking met ’n gewone dieet. Dit is die bevinding van navorsing gepubliseer in The BMJ.

Na 12 maande het die gewigsverlies egter afgeneem en verbeterings in kardiovaskulêre risikofaktore het grootliks verdwyn, behalwe in die geval van die Mediterreense dieet, wat ’n klein maar belangrike verlaging in 'slegte' LDL-cholesterol veroorsaak.

Vetsug het wêreldwyd byna verdriedubbel sedert 1975, wat gelei het tot ’n oorvloed dieetaanbevelings vir gewigsbestuur en kardiovaskulêre risikovermindering.

Langtermyn is hierdie diëte nie van veel waarde nie, sommige kan selfs gevaarlik wees.

Gesond eet is ongelukkig selde gewild by die publiek. Wat is basies wil doen, is om mense aan te moedig om meer groente, peulgewasse en volgraan en minder suiker, sout en alkohol te eet.

29.11.21

Hoë-vet diëte beïnvloed ook jou brein, nie net jou fisiese voorkoms nie

Daar was al heelwat navorsing oor hoe ’n ongesonde dieet met vetsug korreleer. Daar was nog nie ’n ondersoek van hoe jou dieet neurologiese veranderinge in die brein kan meebring nie. ’n Onlangse Yale-studie het ontdek dat hoë-vet diëte bydra tot onreëlmatighede in die hipotalamus-gebied van die brein, wat liggaamsgewig homeostase en metabolisme reguleer.

Die navorsers het bevestig dat inflammasie in die hipotalamus voorkom so vroeg as drie dae na die inname van 'n hoë-vet dieet, selfs voordat die liggaam tekens van vetsug begin toon.

Die studie is gepubliseer in die joernaal Cell Metabolism.

6.1.20

‘n Vegetariese dieet is goed vir jou

'n Vegetariese dieet ryk aan vrugte, groente en graan is nie net goed vir jou nie, dit is ook meer bekostigbaar as ander gesonde dieetplanne.

Dieetriglyne toon dat ongeveer driekwart van die mense nie genoeg vrugte, groente en suiwel eet nie, en dat die meeste die aanbevelings vir bygevoegde suikers, versadigde vette en sout oorskry.

Heelwat volwassenes het een of meer voorkombare, dieetverwante chroniese siekte soos oorgewig / vetsug, kardiovaskulêre siektes, en tipe 2-diabetes.

Navorsers verbonde aan die Nestlé-navorsingsentrum in Lausanne, Switserland het spyskaarte vir drie gesonde eetpatrone vergelyk: 'n vegetariese dieet, die Mediterreense dieet en die VSA se riglyne vir ‘n gesonde dieet.

Die resultate het getoon dat die gemiddelde voedingsgehalte van al drie dieetpatrone soortgelyk was - vegetariërs 85,3; Amerikaanse riglyne: 84.3; Middellandse See: 82.4. Die vegetariese dieet was egter aansienlik meer bekostigbaar as die res en hoewel aansienlik minder vleis en pluimvee in die vegetariese spyskaart gebruik is, merk die navorsers daarop dat "dit nie die voedingsgehalte beïnvloed het nie."

20.6.18

Jou liggaamsmassa-indeks

Die liggaamsmassa-indeks (LMI) is ’n nuttige manier om liggaamsgewig en -gesondheid te bepaal.

Dit moet egter nie gebruik word as die enigste maatstaf vir jou gesondheid nie. LMI kan byvoorbeeld ’n liggaamsbouer te vet laat lyk of ’n ouer persoon te maer. Dit is ook nie 'n goeie maatstaf vir kinders nie.

Om jou eie LMI te bepaal moet jy die kwadraat van jou lengte in meter (lengte maal lengte) deel deur jou gewig in kilogram. Dit is jou LMI. As jou LMI onder 18,5 is, word jy gereken as ondergewig. Bo 25 beteken jy’s oorgewig en bo 30 beteken jy is vetsugtig.

28.5.18

Hierdie dieet help verhoed dat ouer volwassenes verswak

’n Ontleding van alle gepubliseerde studies oor die onderwerp dui aan dat die Mediterreense dieet moontlik kan help verhoed dat ouer individue verswak. ’n Mediterreense dieet bestaan hoofsaaklik uit plantgebaseerde kosse – soos vrugte, groente, graan, peulgewasse en neute.

Dit is al hoe meer algemeen dat mense erg verswak met ouderdom. Hierdie persone het gewoonlik min energie, verloor gewig en min krag in hulle spiere. Hulle is ook meer geneig om gesondheidsprobleme te ontwikkel, frakture op te doen, gehospitaliseer te word, in ’n verpleeginrigting geplaas te word, gestremdheid of demensie te ontwikkel, of voortydig te sterf. Oor die algemeen word hierdie verswakking geassosieer met ’n laer lewenskwaliteit.

Voeding speel ’n uiters belangrike rol om hierdie kwesbaarheid te help voorkom. Britse navorsers het bevind dat diegene wat ’n Mediterreense dieet volg oor vier jaar of langer se kanse ’n verstommende 50% minder is om ernstig te verswak met veroudering. Die navorsers het opgemerk dat die Mediterreense dieet ouer individue kan help om spierkrag, gewig en energievlakke te handhaaf.

Die bevindings is vroeër vanjaar gepubliseer in die Journal of the American Geriatrics Society gepubliseer.

24.10.17

Plant-gebaseerde vegetariese dieet geassosieer met laer cholesterol

’n Oorsig van 49 navorsingsprojekte oor diëte het bevind dat ’n plant-gebaseerde, vegetariese dieet, veral veganistiese diëte, geassosieer word met laer vlakke van cholesterol, indien dit vergelyk word met enige dieet van omnivore.

Die navorsers is van mening dat die sterk korrelasie tussen vegetariese diëte en laer cholesterolvlakke bestaan as gevolg van ’n laer liggaamsgewig van persone wat ’n plantgebaseerde dieet volg, asook ’n verminderde inname van versadigde vet en ’n verhoogde inname van plantvoedsel soos groente, vrugte, peulgewasse, neute en volgraan, wat natuurlik ryk is aan komponente soos oplosbare vesel, proteïen en plantsterole.

Die studie is gepubliseer in die joernaal Nutrition Reviews.


(foto: Steve Shapiro)

4.9.17

Kafeïen laat smag jou na soetgoed

Kafeïen, daai goeie vriend wat ons oggend na oggend aan die gang kry, is dalk verantwoordelik daarvoor dat jy soms so na soetgoed smag.

Kafeïen onderdruk ons adenosienreseptore – daardie reseptore wat ontspanning en slaap bevorder. Navorsers aan die Cornell Universiteit het nou bevind dat kafeïen ook ons smaakreseptore onderdruk, wat veroorsaak dat iets nie heeltemal so soet proe nie. Ironies genoeg, veroorsaak dit dat ons net meer smag na soetgoed.

(“Caffeine May Reduce Perceived Sweet Taste in Humans, Supporting Evidence That Adenosine Receptors Modulate Taste” is gepubliseer in die Journal of Food Science)

9.5.16

Lae-koolhidraat, hoë-vet dieet gevaarlik en lei tot gewigstoename

Onlangse navorsing het aan die lig gebring dat ’n lae-koolhidraat, hoë-vet dieet in som min as 8 weke gesondheidskomplikasies kan hê en ’n vinnige gewigstoename tot gevolg kan hê.

Die bevindinge het gelei daartoe dat navorsers aan die Universiteit van Melbourne in Australië ’n waarskuwing uitreik oor sogenaamde kitsdiëte, byvoorbeeld banting en die paleo-dieet, waarvoor daar min of geen wetenskaplike bewyse is nie. Volgens die span is hierdie tipe diëte veral nie geskik vir mense wat oorgewig is en nie veel oefening kry nie.

Die ongelukkige situasie wat tans bestaan is dat die publiek stories in die massamedia glo, veral deur bekende persoonlikhede wat diëte verkoop wat nie gerugsteun word deur ordentlike navorsing nie. En vir mense met pre-diabetes of diabetes, kan die lae-koolhidraat, hoë-vet dieet veral riskant wees.

Die belangrike deel van die wetenskaplikes se waarskuwing is dat jy altyd professionele advies moet inwin om gewig te beheer en altyd streef na ’n dieet gerugsteun deur kliniese bewyse.

Die wetenskaplikes het gesien hoe muise op die diëte se glukose onverdraagsaamheid vererger het, en hul insulienvlakke gestyg het in 8 weke op die dieet. Die muise se gewig het uiteindelik met 15% van hul liggaamsgewig toegeneem en hul vet het verdubbel. In perspektief gestel, vir 'n 100 kilogram persoon, is dit die ekwivalent van ’n 15 kilogram toename in gewig in 2 maande. Hierdie vlak van gewigstoename sal jou bloeddruk laat verhoog, en verhoog jou risiko van angs en depressie. Dit kan ook been-probleme en artritis veroorsaak. Vir iemand wat reeds oorgewig is, sal hierdie diëte net bloedsuikervlakke en insulienvlakke uiteindelik verhoog. Dit kan jou daadwerklik meer vatbaar maak vir diabetes.



(foto Universiteit van Melbourne)

21.3.16

Holistiese gesondheid, Dr. Arien van der Merwe

Dr Van der Merwe gee praktiese raad oor die drie komponente wat jy moet inneem, onder meer anti-oksidante en omega 3.

8.2.16

Vis goed vir ongebore baba se brein

Japanese navorsers het bewyse gekry vir die verband wat daar bestaan tussen die inname van vis tydens swangerskap en die toestand van die ongebore baba se brein.

Vetsure soos omega-6 en omega-3 is noodsaaklike voedingstowwe vir baie diere en mense. Die navorsers het bevind dat 'n gebalanseerde inname deur swanger vroue van lipiede wat dié vetsure bevat is nodig vir die normale vorming van die brein van die ongebore kind.

Baie van ons kry genoeg omega-6 vetsure in deur saad-olies, maar nie omega-3 wat van vis afkomstig is nie.

20.7.15

Hoë-vet dieet nie goed vir jou brein

’n Hoë-vet dieet kan probleme veroorsaak in die dele van die brein wat jou motivering beheer. Volgens navorsers aan die Universiteit van Montreal het dit nadelige gevolge vir jou gemoedstoestand en verslawing. Volgens die verslag is dit veral versadigde vette wat die probleme veroorsaak.

Vir meer inligting lees Dampened mesolimbic dopamine function and signaling by saturated but not monounsaturated dietary lipids, gepubliseer in die joernaal Neuropsychopharmacology op 14 Julie 2015.

23.3.15

Verband tussen 'n swak dieet en Parkinson se siekte

Onlangse navorsing op muise dui daarop dat vetsug veroorsaak deur 'n hoë-vet dieet die risiko van die ontwikkeling van Parkinson se siekte verhoog.

Tydens veroudering het 'n hoë-vet dieet die neurologiese simptome, wat verband hou met Parkinson se siekte, aansienlik versnel.

Bykomend tot die negatiewe uitwerking op glukose en insulien regulering in die liggaam kan 'n ongesonde dieet ook skade in die brein veroorsaak. Meer navorsing is nodig om die molekulêre en sellulêre meganismes betrokke te ontbloot.

Vir meer inligting raadpleeg die Journal of Neurochemistry.

23.9.13

Westerse dieet nie goed vir jou nie

'n Nuwe studie dui (weereens) daarop dat die tipiese Westerse dieet nie nie goed is vir ons nie. By die Westerse dieet word ingesluit gebraai voedsel, versoete voedsel, geprosesseerde vleis, rooivleis, verfynde graan en suiwelprodukte met ’n hoë vetinhoud.

Die studie het spesifiek gekyk hoe so 'n dieet uiteindelik bepaal hoe oud jy word en die invloed daarvan in sekere chroniese siektes, soos byvoorbeeld hartprobleme en diabetes. Meer as 5 000 mans en vrouens is vanaf 1985 tot 2009 bestudeer hiervoor.

Afgesien van die gevare van 'n Westerse dieet, moet mens ook daarop let dat oefening deesdae as dié belangrikste deel van enige dieet beskou word.

(Die studie is gepubliseer in The American Journal of Medicine van Mei 2013.)

14.11.11

Eet goed, lyk goed


Sekere kossoorte hou jou nie net gesond nie, maar laat jou ook goed lyk:

Appelasyn
Hou die vel soepel en sag. Breek ook vette af en help met vertering.

Wortels
Hou die plooie weg.

Kaas
Beveg bakterieë in die mond en verhoed tandbederf.

Citrusvrugte
Hou plooie weg.

Rooibosbessies
Hou die uitskeidingskanale skoon en beveg bakterieë.

Knoffel
Hou plooie weg.

Patats
Hou die plooie weg.

Tamaties
Hou jou vel gesond.

Water... Water... Water...
Die goeie goeters wat al die vullis uit die liggaam spoel.

4.8.09

Dieet

Jou dieet is lewensbelangrik vir jou gesondheid. Die tipiese Suid-Afrikaanse dieet met die oormatige klem op vleis, suiwel, verwerkte kos en verfynde koolhidrate speel 'n groot rol in kwale soos kanker, hartsiektes, diabetes en artritis.