Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Vel. Show all posts
Showing posts with label Vel. Show all posts

22.1.24

Blouberglelie / Blouslangkop

Die Sotho-mense hang die bolle van die blouberglelie (Merwilla plumbea) op om uit te droog. Hulle moet 5 maande lank hang.

Die bolle word dan verpoeier en gesmeer aan frakture om dit te help herstel. Dit word ook aan littekenweefsel gesmeer om te vel te help herstel.

Die Tswana-mense hanteer die bolle op dieselfde manier, maar hulle smeer dit aan die rug of die gewrigte.

Die Sotho-mense kook ook die bolle en gebruik dit inwendig as ’n lakseermiddel – per mond of as ’n enema. LET WEL: Die bolle moet ordentlik gekook word, vir ten minste ’n halfuur.

Dieselfde kookproses geld as jy stukke van die bolle kook in water vir sere of swere. Gebruik dit terwyl die bolle nog warm is, maar nie so dat dit jou vel sal brand nie.

Die blouberglelie is 'n bedreigde plant. Moet hulle nie uit hul natuurlike omgewing verwyder nie. Koop dit van 'n kwekery.

26.10.23

Sakke onder die oë

Sakke onder die oë kom algemeen voor soos jy ouer word en die weefsel rondom jou oë verswak; insluitend sommige van die spiere wat jou ooglede ondersteun. Vet wat die oë help ondersteun, kan dan in die onderste ooglede inbeweeg, wat veroorsaak dat hulle pofferig lyk. Vloeistof kan ook onder jou oë ophoop.

Die mees algemene oorsake is:
Ouderdom
Vloeistofretensie, veral wanneer jy wakker word of na ’n sout maaltyd
Gebrek aan slaap
Allergieë
Rook
Genetika - sakke onder die oë kan in gesinne voorkom
Mediese toestande, soos dermatitis, nierprobleme en skildklierprobleme

Sakke onder oë is gewoonlik 'n kosmetiese probleem en selde ’n teken van ’n ernstige toestand. Jy kan met koel kompresse help om hul voorkoms te verbeter. Vir aanhoudende of lastige swelling onder die oë kan ooglid-chirurgie 'n opsie wees.

Alternatiewe wat jy kan probeer om dit te probeer verlig is:
Koue, nat rooibostee-sakkies
Verkoel ´n aartappel in die yskas. Sny twee skywe af, sproei jou oë met water, lê plat en plaas die skywe op jou ooglede. Lê so vir 10 minute en vee dan jou oë af met ´n koue lappie. Komkommers kan ook gebruik word, maar sonder die water.

5.6.23

Kruie vir kwale - Vel

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gooi dit by jou badwater vir velprobleme.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Meng ’n halwe koppie van hierdie tee met ’n halwe koppie gewone roosmaryn tee. Meng dit dan met ’n liter kookwater en laat staan vir 20 minute. Gooi dit by jou badwater. Dit is nie net goed vir jou vel nie, maar ook vir jou hare.

♦♦♦

Vissermanne het vroeër jare bokboegoe gebruik om die visreuk van hul hande te verwyder. Jy kan die plant gebruik vir ’n verfrissende bad. Week ’n koppie vars blare en blomme in ’n liter kookwater. Gooi dit dan by jou badwater.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir velprobleme.

♦♦♦

Die hele bitterbos word gebruik, insluitende die wortels. Gebruik 8 g varsgekapte bitterbos per koppie kookwater. Laat trek vir 3 minute. Gebruik dit vir velaandoenings. Jy kan die mengsel aan die vel smeer in plaas van drink. Dit kan tot 8 keer per dag gedoen word.

♦♦♦

Die jellieagtige inhoud van die medisynebossie kan op skurwe vel gesmeer word.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met veluitslag. Jy kan die geaffekteerde plekke liggies daarmee afspons.

♦♦♦

Vir enige velaandoenings kan jy heuning en kaneel gelyke dele meng and aan die geaffekteerde dele smeer elke aand voor jy gaan slaap.

♦♦♦

Maak ’n gesigmasker met 2 teelepels heuning, 2 eetlepels olyfolie, 5 druppels vitamiene E olie en 1 teelepel mieliemeel. Meng alles goed en smeer aan jou gesig en nek. Lê en ontspan vir 15 minute. Was dan die mengsel af van jou gesig met lou water.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir asma en ander longprobleme, diabetes, hoe bloeddruk, kanker en velprobleme.

♦♦♦

Die Sotho-mense hang die bolle van die blouberglelie op om uit te droog. Hulle moet 5 maande lank hang.
Die bolle word dan verpoeier en gesmeer aan littekenweefsel om die vel te help herstel.

Medisinale gebruike van kruie

Kruiegids

18.3.21

Vel


Die buitenste, natuurlike bedekking van ’n mens word die vel genoem. Dit is die mens se grootste orgaan. Dit is waterdig, bakteriebestand en herstel vanself.

Die vel bevat senuselle wat druk, temperatuur en pyn waarneem. Dit bevat die pigment melanien wat die kleur verleen en ons teen sonstrale beskerm. Op die meeste plekke is die vel ongeveer 2 mm dik.

Die vel het twee lae: die buitenste epidermis en die binneste dermis. Die epidermis verweer en word aanhoudend deur vervang deur velselle uit die dermis. Die dermis bevat die senuweeselle, kliere, hare en bloedvate.

Boereraat:

’n Gesigsmasker vir ’n olierige vel (nie vir diegene met aknee): Druk ’n ryp tamatie plat en stukkend. Wend aan en los vir 15 minute. Spoel af met warm water (nie vuurwarm!).

♦♦♦

Gebruik 5 mℓ melk soggens en saans in plaas van gesigsroom.

♦♦♦

Maak vir jou 'n gesigmasker met 1 geklopte eiergeel en 1 eetlepel asyn. Smeer aan die gesig en los aan vir so 10 minute. Spoel dan met louwarm water af. Gebruik die masker 1 maal per week om plooie weg te hou en die vel mooi glad te maak.

♦♦♦

Vir ´n olierige vel (nie vir diegene met aknee): Druk ´n ryp tamatie plat en stukkend. Wend aan en los vir 15 minute. Spoel af met warm water (nie vuurwarm!).

♦♦♦

Vir ´n droë vel (nie vir diegene met aknee): Smeer mayonaisse aan jou gesig en los vir 20 minute. Spoel af met koue water.

♦♦♦

Vir ´n blink vel (nie vir diegene met aknee): Smeer heuning aan jou gesig en nek. Los op tot dit droog is. Spoel af met baie warm water.

♦♦♦

Vir olierige vel: Meng 10 druppels suurleoensap met een eierwit. Meng dit goed en wend aan (very die oogareas). Los op vir 20 inute en spoel af met lou water.

♦♦♦

Vir olierige vel: As jy nodig het om daai gesig vir ´n dag te laat styftrek en die porieë laat kleiner lyk, neem eierwit en plaas dit op jou gesig. Hou dit op tot die wit droog geword het.

♦♦♦

Vir jou gesig: vat gewone mieliemeel, gooi dit in die palm van jou hand en maak 'n pasta met water. Vryf jou hele gesig en nek daarmee. Spoel af en sien die verskil. (Nicoleen Richards)

♦♦♦

Elzabe Marais: Gooi bietjie badolie in die palm van jou hand en dan 'n bietjie suiker. Meng tussen hand palms en vryf oor jou hele lyf.  Dit haal al die dooie vellle en laat jou behoorlik gloei.  Boonop is jou vel klaar geolie en streelsag.

♦♦♦

Om daai rekmerke weg te dokter kan jy gereeld ´n bietjie Vitamien E olie aansmeer.

♦♦♦

Gooi ´n koppie melk saam met jou badolie in. Dit help jou liggaam om die voordele van die olie ten volle te benut.

♦♦♦

Wat is lekkerder as om in ´n heerlike skuimbad te lê na ´n lang dag. Meeste produkte op die mark is egter nie geskik vir ´n sensitiewe vel nie. Hierdie badskuim laat jou nie net ontspan nie, maar voed ook jou vel:

Bestanddele:
1 koppie olyfolie (of sesame)
´n halwe koppie heuning
´n halwe koppie vloeibare seep
1 eetlepel vanilla-ekstrak (of laventel)
Meng al die bestanddele goed saam en gooi in ´n skoon bottel wat goed seel. Skud die mengsel goed voor gebruik.

♦♦♦

Skurwe elmboë kan in 'n halwe suurlemoen met 1 teelepel suiker daarin gevryf word.

Medisinale gebruike van kruie

Kruiegids

25.9.20

Droë vel

Die balans tussen olie en vog is noodsaaklik vir ´n gesonde vel. Die betrokke faktore werk saam om vogverlies teen te werk. Droë vel kom dof en soms skubberig voor en voel styf en ongemaklik. Onder uiterste omstandighede kan dit selfs oopbars. Oorsake sluit in verhitting, tekort aan vog in die lug en oormatige reiniging. Dit kan ook verbind word aan dermatitis, allergieë, velkwale, ´n swak dieet en blootstelling aan die elemente. Bevogtigers help teen vogverlies. Vermy harde seep en bevog altyd jou vel na reiniging. Drink ook heelwat water en vermy blootstelling aan die elemente.

Boereraat:

Smeer koeisalf aan jou hande.

♦♦♦

Maak jou eie handeroom deur die volgende goed te meng:
1 klein blikkie babapoeier
1 botteltjie wit vaseline
2 klein botteltjies gliserien
1 klein botteltjie amandelolie

♦♦♦

Hande: Meng olyfolie en suiker en vryf goed in en spoel dan die suiker af en droog liggies en vryf die hande tot al die olie geabsorbeer is.

♦♦♦

Meng ´n kwart koppie olyfolie en twee teelepels sout. Vryf die mengsel oor jou hele liggaam. Dit werk ook goed vir hande. Spoel af na vyftien minute.

♦♦♦

Kook ´n koppie melk tot ´n "vel" daarop vorm. Meng die "vel" met ´n eiergeel en wend aan (very die oogareas). Los op vir 20 minute en spoel af met lou water.

♦♦♦

Nicoleen Richards: Vir jou gesig: vat gewone mieliemeel, gooi dit in die palm van jou hand en maak 'n pasta met water. Vryf jou hele gesig en nek daarmee. Spoel af en sien die verskil.

27.8.20

Kruie vir kwale - Elmboog

Strooi ’n teelepel suiker oor ’n halwe suurlemoen. Vryf die elmboog daarmee.

Medisinale gebruike van kruie

Kruiegids



(foto: Genusfotografen (Tommas Gunnarsson))

20.2.18

Velkanker

Suid-Afrika het naas Australië die hoogste voorkoms van velkanker.

Hierdie soort kanker begin in die boonste laag van die vel. Behalwe om die vel teen die son te beskerm, moet jy ook gereeld vir ’n ondersoek gaan indien jy ’n geskiedenis van velkanker in jou familie het. Selfs die gevaarlikste velkanker (melanoom) is geneesbaar indien dit betyds gediagnoseer word.

Melanome lyk soos moesies en is gewoonlik donker van kleur, maar kan ook ’n verskeidenheid ander kleure wees. As jy ’n moesie sien wat enigsins vreemd lyk moet jy dit laat ondersoek.

31.7.17

Wetenskaplikes vind genetiese mutasie wat seldsame velsiekte onder Afrikaners veroorsaak

Wetenskaplikes het die genetiese mutasie wat die seldsame velsiekte Oudtshoorn-vel in Afrikaners veroorsaak, ontdek.

Navorsers by die Sydney Brenner Institute for Molecular Bioscience en die Afdeling vir Menslike Genetika by Wits, in samewerking met eweknieë in Europa, die VSA en Kanada was verantwoordelik vir die navorsing.

Oudtshoorn-vel veroorsaak 'n rooiheid van die palms en sole met opeenvolgende siklusse van afskilfering van groot dele dik vel, wat dikwels gedurende die wintermaande vererger. Die siekte het oorspronklik in Oudtshoorn en omgewing voorgekom onder groot gesinne.

Afrikaners het 'n hoë risiko vir verskeie genetiese afwykings, die bekendste is familiale hipercholesterolemie (oorgeerfde hoë cholesterol wat reeds op ’n jong ouderdom tot hartaanvalle lei) en porfirie (sensitiwiteit van die vel tot ultravioletstrale en en ’n nadelige reaksies op spesifieke middels). Hierdie afwykings is algemeen as gevolg van grondliggende mutasies wat deur klein groepe immigrante na Suid-Afrika gebring is.

Oudtshoorn-vel is in 1977 eers beskryf as 'n unieke velafwyking deur ’n Wits dermatoloog, professor George Findlay. Hy het opgemerk dat dit in gesinne gevind word wat ’n oorheersende wyse van erfenis het - dit beteken, as ’n ouer die toestand het, omtrent die helfte van die kinders dit erf in elke geslag.

Benewens die identifisering van die genetiese mutasie vir wetenskaplike doeleindes, stel hierdie navorsing nou dermatoloë in staat om 'n definitiewe diagnose van Oudtshoorn-vel in pasiënte te maak. Dit stel navorsers ook in staat om soortgelyke velafwykings te verstaan en is 'n beginpunt vir die ontwikkeling van moontlike behandelings.

Sedert die laat 1980's het drie MSc en drie PhD-studente aan die Wits-universiteit hierdie afwyking ondersoek. Dit het begin onder die toesig van prof. Trefor Jenkins en vanaf ongeveer 1990 is dit gelei deur prof. Michele Ramsay.

In 1997 het die Wits MSc-student Michelle Starfield en 'n groep in Duitsland getoon dat dit waarskynlik was dat die Suid-Afrikaanse families almal dieselfde mutasie gehad het, maar dat die Duitse families ’n ander mutasie het.

In 2012 het Thandiswa Ngcungcu, 'n Wits MSc-student, verdere ontdekkings gemaak met betrekking tot die mutasie. In die tyd het dr. Torunn Fiskerstrand aan die Universiteit van Bergen, Noorweë, die genetiese oorsaak van die siekte in Noorweërs ontdek. Die verskillende DNA-duplikasies in die Suid-Afrikaanse en Noorse gesinne oorvleuel.

Presies twintig jaar na die bepaling dat die mutasie van Oudtshoorn vel op chromosoom 8 lê, is die mutasie wat Oudtshoorn-vel veroorsaak, geïdentifiseer en gepubliseer.


(foto: prof. Michele Ramsay)

12.1.16

Nuwe inspuiting wat vet verbrand, hoogs gespesialiseerde velsorgprodukte, en 'n tydelike gesigsontrimpeling met minimale ontwrigting

Dr. Riekie Smit gesels oor opwindende onderwerpe soos 'n nuwe inspuiting wat vet verbrand, hoogs gespesialiseerde velsorgprodukte, en 'n tydelike gesigsontrimpeling met minimale ontwrigting.

12.2.15

Kruie vir kwale: Olierige kopvel

Olie van die malvaplant kan gebruik word as 'n teenvoeter vir 'n olierige kopvel. Wanneer jy jou hare was, gooi 1 tot 3 druppels van die olie by die sjampoe in jou hand. Masseer stadig in jou kopvel in. Indien jou hare gekleur is of ’n chemiese behandeling ondergaan het, is dit beter om eers ’n klein area met hare te toets.

♦♦♦

Medisinale gebruike van kruie

Kruiegids

9.9.13

Baie belangrike verskille tussen mans en vrouens

Onlangse navorsing het bevind dat daar belangrike verskille is tussen mans en vrouens met betrekking tot kardiovaskulêre probleme, kanker, lewersiektes, osteoporose en op die gebied van farmakologie.

Die waarde van hierdie navorsing lê daarin dat ons maar nog min weet oor die verskillende maniere wat mans en vrouens hierdie siektes ervaar. Die rede is dat die afgelope 40 jaar se navorsing aanvanklik net op mans gefokus het.

Die simptome van kardiovaskulêre probleme lyk aansienlik anders by vrouens. Drukking op die bors en pyn in die borskas wat na die linkerarm versprei is algemene simptome by mans vir 'n hartaanval. Die standaard simptome by vrouens is egter naarheid en maagpyn wat baie laag voorkom. Boonop is sulke aanvalle gewoonlik meer ernstig by 'n vrou.

Kolonkanker is die tweede algemeenste kanker by mans en vrouens. Dit kom egter later in die leeftyd van 'n vrou voor. Die kankergewasse kom ook normaalweg op 'n ander plek voor as die van mans en dit reageer beter op spesifieke chemoterapie. Die geslagte reageer oor die algemeen anders op chemoterapie vir kolonkanker, longkanker en velkanker.

Primêre biliêre sirrose is 'n lewersiekte wat veral voorkom by vrouens. Daar is bevind dat vir hierdie tipe sirrose, asook kroniese hepatitis C, die vrou se genetiese samestelling en haar veranderende hormoonvlakke, haar veral vatbaar maak. Dit geld ook vir osteoporose, maar veroorsaak dat ons osteoporose as 'n vroue-siekte sien. Osteoporose kom ook by mans voor. Dit word gereeld misgekyk met die gevolg dat die sterftesyfer vir mans met osteoporose hoër is as vir vroeuens.

Wat die farmakologie betref is die uitwerking van aspiriene en ander substansies getoets op mans en vrouens. Daar is bevind dat die newe-effekte bepaal word deur faktore soos liggaamsgrootte, die tyd wat dit die liggaam neem om dit te absorbeer of uit te skei en hormonale vlakke. Dit is dus nodig dat 'n voorskrif die pasiënt se geslag in ag neem.

Die navorsing is gepubliseer in die joernaal Clinical Chemistry and Laboratory Medicine en is gedoen onder aanvoering van Giovannella Baggio.

24.6.13

Gesigmaskers

Vir ´n olierige vel (nie vir diegene met aknee):
Druk ´n ryp tamatie plat en stukkend. Wend aan en los vir 15 minute. Spoel af met warm water (nie vuurwarm!).

Vir ´n droë vel (nie vir diegene met aknee):
Smeer mayonaisse aan jou gesig en los vir 20 minute. Spoel af met koue water.

Vir ´n blink vel (nie vir diegene met aknee):
Smeer heuning aan jou gesig en nek. Los op tot dit droog is. Spoel af met baie warm water.

Vir olierige vel:
Meng 10 druppels suurlemoensap met een eierwit. Meng dit goed en wend aan (vermy die oogareas). Los op vir 20 minute en spoel af met lou water.

As jy nodig het om daai gesig vir ´n dag te laat styftrek en die porieë laat kleiner lyk, neem eierwit en plaas dit op jou gesig. Hou dit op tot die wit droog geword het.


14.11.11

Eet goed, lyk goed


Sekere kossoorte hou jou nie net gesond nie, maar laat jou ook goed lyk:

Appelasyn
Hou die vel soepel en sag. Breek ook vette af en help met vertering.

Wortels
Hou die plooie weg.

Kaas
Beveg bakterieë in die mond en verhoed tandbederf.

Citrusvrugte
Hou plooie weg.

Rooibosbessies
Hou die uitskeidingskanale skoon en beveg bakterieë.

Knoffel
Hou plooie weg.

Patats
Hou die plooie weg.

Tamaties
Hou jou vel gesond.

Water... Water... Water...
Die goeie goeters wat al die vullis uit die liggaam spoel.

31.10.11

Bikini-uitslag

Hier is twee metodes om ontslae te raak van daai uitslag by jou bikini-lyn:

1) Smeer gewone joghurt op die area en laat vir 15 minute op.
2) Los ´n geweekte teesakkie op die area vir 10 minute.

24.10.11

Vrae oor die vel - ekseem, ingroei haartjies, jeuk, rooi kolle, merke, strepe, pigmentasie, hande, voete, aknee, swelling


Stella skryf: "Ek wil by u hoor. Ek het 'n rooi jeukerige brand op my T-zone van my gesig. Vriendin dink dis Ekseem. Wel my vel voel of dit styf trek en maak dan velletjies wat af kom, so as of dit te hard met 'n gesig skraapie gewas is. Die rooi uitslag begin my nou bietie pla. Niks wat ek gebruik help dit nie. Dink u dis ekseem en wat moet ek doen want ek kry dit nou gereeld. Meer as voorheen. Kan u my asseblief raad gee."
Antwoord :
Soos voorheen genoem is dit moeilik genoeg om 'n velaandoening te diagnoseer is dit amper onmoontlik om dit op die Web te doen. Vra jou dokter om jou te verwys na 'n spesialis.

Pieter Els skryf:
"Ek kry gereeld ingroei haartjies in my haarlyn agter in my nek. Ook puisies en knoppies agter my ore. Ek is 'n tipe 2 diabeet. Het hierdie dalk verband met bloedvaatjies, toevoer van bloed na vel? Wat is die probleem en wat kan ek gebruik vir dit?"
Antwoord:Dit is 'n algemene probleem wat baie heelwat mense voorkom. Wat wel vir diabete belangrik is, is om nie iets te gebruik wat moontlik infeksie kan veroorsaak nie. Dit help soms om jou hare bietjie langer te laat groei.

Maria skryf :
"Ek sukkel al vir 3 jaar met dieselfde probleem. Die ding is net ek is nie seker of dit ekseem is nie. My vel jeuk aanhoudend en hoe meer ek krap hoe meer jeuk dit. Dit is vanaf my bene, maag onder my borste en my arms. Ek sweet nie regtig nie (winter en somer) so dit is nie regtig dit wat dit kan veroorsaak nie. Die plekke waar dit jeuk is ook nie rooi nie en daar is ook geen uitloopsels nie. Dit voel meer of dit onder my vel is. Ek het al rome, olies en alles probeer, maar dit hou vir 'n dag of twee op dan begin dit weer. Die tipe seep wat ek gebruik is wit, maar dit is asof die wit seep my vel meer uitdroog selfs Dove en Vaseline. Ek kan nie gekleurde seep gebruik nie want dan kry ek infeksies en rash. So ek is al raadop, want nie eens varkvet werk nie. Het u dalk 'n idee wat dit kan wees? Ek kry dit reg deur die jaar."
Antwoord :
Dit klink nie soos ekseem nie aangesien jy sê dit voel asof dit onder jou vel is en daar is geen uitslag nie. Om 'n velaandoening te diagnoseer is moeilik genoeg en daarom is dit amper onmoontlik om dit op die Web te doen. Vra jou dokter om jou te verwys na 'n spesialis.

Katriena Muggel skryf :
"As ek bad dan brand jeuk my bene en arms. Al gebruik ek geen seep nie. Ek kon nog nooit uitvind wat die probleem is nie . Ek hou nie daarvan om te bad nie."
Antwoord :
Daar kan verskeie oorsake wees en jy moet dat jou dokter jou 'n veltoets gee. Indien jy 'n baie sensitiewe vel het kan dit selfs veroorsaak word deur die skoonmaakmiddels wat jy vir die bad gebruik.
Marizanne King skryf :
"My gesig,hande slaan roi kolle, merke, strepe uit wat baie irriterend is, dit raak warm asof ek my hande in warm water gedruk het, in my gesig slaan net dele uit, bv. my neus (dan lyk ek soos rudolph the rednose reindeer) of ek kry rooi "strepe" op my wange en ken, dit is hoogs irriterend ek het al als probeer, ek bly in London, en al wat die dokters hier vir 'n mens se is: you need more exercise! En ek gym tog elke dag en eet gesond. Kan suster asb vir my raad gee!! Op hierdie staduim van die dag sal ek enige iets doen. (ek glo nie dis menopause nie want ek word vlg maand eers 25)"
Antwoord:
Daar kan verskeie verklarings hiervoor wees. Oplossings vir die probleem is ook nie altyd maklik nie, indien enigsins. Aangesien jy in Londen is wil ek voorstel jy oorweeg die ION by Blades Court, Deodar Road, London SW15 2NU Tel: 0208 877 9993 Fax: 0208 877 9980.

Myriam skryf: "Ek het pigmentasie vlekke ontwikkel so drie jaar terug. Ek het alles probeer op die mark , maar niks help. Is daar enige raad?. Ek is 38 jaar oud."
Antwoord:
Dit hang alles af van watter tipe pigmentasie ons hier te doen het. Vir vlekke wat nie wil reageer op behandeling nie kan jy ligterapie probeer, dit werk in sowat 50% van alle gevalle. Daar is ook kosmetiese behandelings wat moontlik kan help met jou toestand.

Ans du Preez skryf:
"My hande en voete jeuk in die somermaande vreeslik. Al wat help is as ek dit in koue water sit. Partykeer krap ek my stukkend. Hierdie probleem kom op sy ergste in die nag voor. My voete en hande voel warm en ek kan nie spesifiseer waar die jeuk voorkom nie. Ek is al moedeloos en moet in die aande opstaan om my hande en voete in yskoue water te sit."
Antwoord:
Laat jou dokter jou toets vir allergieë.

A B skryf:
"My dogtertjie is nou 1 maand en 2 dae, sy het verlede Dinsdag sulke klein "bumps" op haar gesig gekry en my midwife het gesê dat dit heat rash is, nie te bekommer nie. Ons het Donderdag van Engeland geland in die Kaap en die rash het nou erger geword en die knoppies maak amper rofies, maar tog nie. Dit lyk asof dit weg is as sy slaap maar sodra sy met haar koppie teen jou sit of as sy klaar gevoed het dan raak die knoppies rooier en dit het ook nou al versprei na haar oortjies en onder die oortjies. Ek is aanbeveel om haar 2 keer 'n dag met koeksoda en water mengsel af te spons. Is dit hitte of dalk suur agv dieet. Watter vloestof is goed as mens borsvoed - sap gee ook suur en gas gee winde - bly net water oor? Het verskriklike dorste!"
Antwoord:
Dit klink soos 'n heat rash. Indien dit weens die hitte is kan jy begin deur haar uit die son te hou en vir haar los klere aan te trek, niks wat te styf teen die vel sit nie. Sorg ook dat jy haar voldoende afkoel sodra die temperatuur styg. Die koeksoda-mengsel (2 teelepels per 4 liter water) is 'n goeie idee. In warm weer kan jy haar op haar eie laat droog word na 'n bad in plaas van om haar af te droog met 'n handdoek. En hou haar naeltjies kort sodat sy nie haarself stukkend krap nie.
Dit is verstopte sweetgaatjies wat die uitslag veroorsaak. Haar sweetgaatjies is verskriklik klein en wanneer sy sweet om af te koel raak hulle maklik verstop. Dit is nie net hitte wat sweet veroorsaak nie maar ook koors. Sy kan selfs die uitslag ontwikkel weens 'n room of salf wat jy op haar smeer.
Water bly maar nommer een om die dors te les.

14.3.10

Pleister wat kanker stop

'n Pleister wat velkanker stop is onlangs in Brittanje onthul. Die pleister skei chemikalieë af wat dodelik is vir die velkankerselle.

Die Ambulight-pleister se sukseskoers is 90% sover.