Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Tande. Show all posts
Showing posts with label Tande. Show all posts

30.10.23

Tandpyn

Tandpyn word veroorsaak deur tandbederf. Die pyn kom voor as bederf deurdring tot die kern van die tand waar die senuwees is. Dit begin as jy ´n kleuter is en kan enige tyd van jou lewe toeslaan. Die eerste simptome is ´n steekpyn as jy warm of koue kos eet.

´n Koppie swart tee tussen maaltye help om tandbederf te beveg. Die teeblare verhoed die groei van bakterieë en keer dat dit ´n suur produseer.

Goeie tandversorging en gereelde besoeke aan die tandarts kan tandbederf voorkom. Besoek jou tandarts sodra tandpyn voorkom of jou tandvleis begin bloei.


Boereraat:

Tandpyn
Gebruik pyp-olie vir tandpyn. Sit ´n bietjie op ´n stukkie watte en herhaal soos dit nodig word.

♦♦♦

Smeer bruin skoenwaks aan wang.

♦♦♦

Sit brandewyn op watte en byt vas.

♦♦♦

Vir tandpyn sit jy 'n koue, nat lappie op en bedek dit met 'n droë doek. Drink gereeld koue water.


Medisinale gebruike van kruie

Kruiegids

3.10.23

Tande getrek

Wat jy kan doen nadat ’n tand getrek is:
Bedek die wond met ’n stukkie gaas, rus en lig jou kop op, neem pynmedikasie, hou yspakkies toegedraai in lap teen die buitekant van jou gesig, eet sagte kos vir die eerste 24-48 uur.

MOENIE: Rook, strooitjies gebruik, spoeg, jou mond uitspoel, jou neus blaas of nies, of die plek druk met jou tong nie.



(foto: Karolina Grabowska)

17.5.23

Seer tandvleis en los tande

Seer tandvleis en los tande kan simptome van verskeie tand- en mond-gesondheidstoestande wees. Hier is 'n paar moontlike oorsake:

Tandvleissiekte: Die mees algemene oorsaak van seer tandvleis en los tande is tandvleissiekte, ook bekend as periodontale siekte. Dit kom voor as gevolg van bakteriële infeksie en ontsteking van die tandvleis. In die vroeë stadium, bekend as gingivitis, word tandvleis rooi, geswel en sag. As dit nie behandel word nie, kan dit tot periodontitis vorder, wat lei tot tandvleis-resessie en tande wat losraak.

Swak mondhigiëne: Onvoldoende borsel en vlos kan lei tot ’n neerslag wat opbou en uiteindelik verhard tot tandsteen. Tartaar irriteer die tandvleis, veroorsaak inflammasie en lei tot tandvleissiekte.

Trauma of besering: 'n Hou teen die mond of gesig kan tandvleisirritasie veroorsaak en tande losmaak. Ongelukke, val of sportbeserings kan bydra tot hierdie simptome.

Tande kners: As jy op jou tande kners, dikwels tydens slaap, plaas jy oormatige druk op die tande en tandvleis. Met verloop van tyd kan dit lei tot seer tandvleis en los tande.

Hormonale veranderinge: Hormonale skommelinge tydens swangerskap, puberteit of menopouse kan mondgesondheid beïnvloed. Verhoogde vlakke van progesteroon en estrogeen kan tandvleis meer sensitief maak, wat lei tot seerheid en losheid.

Voedingstekorte: 'n Gebrek aan noodsaaklike voedingstowwe soos vitamien C, vitamien D en kalsium kan die tandvleis en bene wat die tande ondersteun, verswak, wat lei tot tandvleispyn en los tande.

Sekere medikasie: Sommige medikasie kan newe-effekte hê wat mondgesondheid beïnvloed. Byvoorbeeld, sekere middels wat gebruik word om osteoporose te behandel, kan die kakebeen verswak, wat lei tot los tande.

Dit is belangrik om 'n tandarts te besoek vir 'n akkurate diagnose en toepaslike behandeling as jy seer tandvleis en los tande ervaar. Hulle sal jou simptome kan evalueer, 'n deeglike ondersoek kan doen en leiding gee oor hoe om die onderliggende oorsaak aan te spreek.




(foto: Anna Shvets)

19.9.22

Tande

Wortels, spinasie, broccoli, papaja, mango, perskes en appelkose is goeie bronne van Vitamin A - Beta carotene. Dit is goed vir normale groei, goeie sig(oë), gesonde vel en sterk tande.

Vergeelde tande kan deur ´n tandarts gebleik word.

Boereraat:
Meng 2 mℓ koeksoda met ’n halwe glas louwarm water en neem daarvan in die mond en hou dit daar. Herhaal tot die tandpyn ophou.

♦♦♦

Maak asyn warm tot kookpunt en doop ’n wattepluisie daarin en vryf die tandvleis daarmee. Die asyn moet so warm moontlik wees. Los die pluisie met warm asyn op die tand.

♦♦♦

As een van jou tande getrek is en dit wil nie ophou bloei nie. Neem ’n rosyntjie, sny dit oop en sit dit op die gat waar die tand getrek is.

♦♦♦

Suurlemoen gemeng met koeksoda maak gevlekte tande mooi wit.


Medisinale gebruike van kruie

Kruiegids

19.5.22

Kruie vir kwale: Tandpyn

Gebruik vars wildeals blare vir tandpyn, deur ’n gevoude blaar op die tand vas te byt.

♦♦♦

Hou ’n bedekte warmwatersak teen die aangetaste kant van die gesig.

♦♦♦

Maak ’n knoffelhuisie fyn. Sit dit in ’n pluisie watte, maak klam met warm water en sit op tand.

♦♦♦

Maak ’n pasta van een teelepel kaneel en vyf teelepels heuning en sit op die seer tand. Doen dit minstens drie keer per dag tot die tand ophou pyn.

♦♦♦

Draai ’n warm handdoek om die gesig vir tandpyn en smeer naeltjie-olie aan die tandvleis.

♦♦♦

Byt ´n naeltjie vas.

♦♦♦

Sit olyfolie op watte en byt vas.

♦♦♦

Sit naeltjie-olie op 'n seer tand.

Medisinale gebruike van kruie

Kruiegids

14.3.16

’n Tandheelkundige transformasie

Ons herleef Meisie en Mercia se merkwaardige tandheelkundige transformasie wat grootliks aan die glanspersoon-tandarts dr Jurgens Grove te danke is.

2.12.15

Die behandeling van bloeiende tandvleis

1.       Vra die persoon om met die kop skuins na die beseerde kant te sit sodat die bloed kan dreineer.
2.       Plaas ’n dik kussinkie of ’n skoon doek op die bloeiende tandkas, maar nie in die gat nie – die kussinkiemoet dik genoeg wees sodat die persoonse tande nie op mekaar kom tydens ’n byt nie.
3.       Vra die persoon om die kussinkie in posisie te hou en dan vir 15 tot 20 minute daarop te byt. Die ken kan met die hand gestut word.
4.       Vra die persoon om enige bloed in die mond uit te spoeg terwyl die kussinkie in posisie gehou word.
5.       Verwyder die kussinkie versigtig na 15 tot 20 minute sonder om enige moontlike klont te versteur. Indien dit nog bloei moet die kussinkie weer vasgebyt word vir nog 10 minute.
6.       Moenie die mond uitspoel nie – dit sal enige klont versteur. Die persoon moet ook geen warm drankie drink vir 12 uur nie.
7.       Indien die bloeding nie wil stop nie of weer begin moet die persoon mediese hulp kry.

8.       Indien ’n tand uit is, plaas dit in ’n skoonhouer en kry die persoon sodra moontlik by ’n tandarts saam met die tand.

30.11.15

Mercia besoek die tandarts

Mercia se beurt om die tandarts te besoek sodat dr Martinette Engelbrecht aanbevelings kan doen vir haar tande-oormaaksessie. Dr Engelbrecht deel suksesstories van vorige pasiente en gee vir Mercia ‘n realistiese en duidelike idee oor wat sy kan verwag.

25.11.15

Bloeiende tandvleis

’n Tandkas kan bloei nadat ’n tand getrek, as gevolg van die verlies van ’n tand weens ’n besering of as gevolg van ’n kakebeenfraktuur.

Met die uitstamp of –skeur van ’n tand sit jy normaalweg met ’n skeurwond in die mond.

Kyk altyd om die inaseming van bloed te verhoed en probeer enige bloeding beheer.

As die tand uitgestamp is, moet jy hulp kry van ’n tandarts.

24.11.15

Meisie besoek die tandarts

Meisie besoek die hoogaangeskrewe kosmetiese tandarts dr Jurgens Grové om te hoor watter tandheelkundige rekonstruksie hy aanbeveel.

27.8.15

Tandekry

Almal van ons kry tande. Baba's sal geïriteerd wees, dalk baie in die nag wakker wees en meer as gewoonlik huil. Een of albei wange kan rooi en warm wees en die baba kan aan sy hande kou. Dit hou normaalweg vir die eerste twee jaar aan.

Wanneer ´n tand op die punt is om deur die tandvleis te breek, word die tandvleis gevoelig en lyk geswel. Dit sal seer wees as jy daaraan raak.

Gee net pynstiller as dit regtig nodig is. ´n Waslap, met ´n ysblokkie wat daarin toegebind is, werk goed vir ´n baba met seer tandvleis. Jy kan ook probeer om ´n bottel met koue water in die yskas te hou. Babas hou daarvan om aan die koue tiet te kou.

Koors of diarree is gewoonlik die gevolg van ´n infeksie. Dit vereis mediese aandag.

Boereraat:

Gooi 2 tot 3 druppels vanilla-ekstrak by 'n baba wat tandekry se melk of vrugtesap. Gebruik dit wanneer hulle effens siek voel.

♦♦♦

Smeer heuning op baba se tandvleisies as dit tandekry tyd is, dit help om die seer te doof en hou die baba kalm.



(foto Daniel Schwen)

20.4.12

X-strale veilig

Die Suid-Afrikaanse Tandheelkundige Vereniging (Sada) het die publiek verseker dat X-strale wat van pasiënte se tande geneem word, veilig is.

Sada het reageer op 'n studie wat in Amerika gedoen is, wat bevind het dat mense wat gereeld dié tipe X-strale laat doen, meer vatbaar is vir 'n algemene tipe breingewas.

Dr. Jeff Michelson van die Sada het gesê die bewerings is ongegrond.

"Dit is belangrik vir mense om te weet dat die breingewas waarna die Amerikaanse studie verwys, 'n nie-kankeragtige gewas is wat baie skaars is en stadig groei."

X-strale by tandarts veilig, sê Sada

14.11.11

Eet goed, lyk goed


Sekere kossoorte hou jou nie net gesond nie, maar laat jou ook goed lyk:

Appelasyn
Hou die vel soepel en sag. Breek ook vette af en help met vertering.

Wortels
Hou die plooie weg.

Kaas
Beveg bakterieë in die mond en verhoed tandbederf.

Citrusvrugte
Hou plooie weg.

Rooibosbessies
Hou die uitskeidingskanale skoon en beveg bakterieë.

Knoffel
Hou plooie weg.

Patats
Hou die plooie weg.

Tamaties
Hou jou vel gesond.

Water... Water... Water...
Die goeie goeters wat al die vullis uit die liggaam spoel.