Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Sooibrand. Show all posts
Showing posts with label Sooibrand. Show all posts

24.10.23

Kruie vir kwale: Sooibrand

Vir sooibrand: Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦
Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir sooibrand.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir sooibrand.

♦♦♦

Drink halwe koppie water met die sap van 1 suurlemoen en 1 teelepel koeksoda na etes.

♦♦♦

Drink ’n knippie gemmerpoeier, opgelos in louwarm water.

♦♦♦

Drink ’n koppie kamille-tee (chamomile / chamomile) nadat jy geëet het.

♦♦♦

Drink 2 eetlepels suurlemoensap. Die sooibrand sal vir ’n kort rukkie erger voel, maar dan beter raak.

♦♦♦

Kou ’n paar groenment-blare vir sooibrand.


Medisinale gebruike van kruie

Kruiegids

12.1.23

Dieet en wenke vir ’n mantelvliesbreuk

’n Mantelvliesbreuk is ’n toestand waarin ’n deel van die maag opwaarts bult deur ’n opening in die diafragma.

Baie mense met ’n mantelvliesbreuk het geen simptome nie. Daar is egter mense vir wie hierdie simptome ’n hele dag (of nag) baie ongemaklik kan maak. Hier dink ons veral aan sooibrand en slegte spysvertering.

Wanneer jy ’n breuk het, is dit makliker vir maagsure om in die slukderm te beland – die buis wat kos van jou keel na jou maag vervoer. Dit veroorsaak sooibrand – ’n brandende gevoel in jou keel en bors. Sekere kosse kan hierdie simptome vir sommige mense vererger. Gelukkig kan die simptome van sooibrand wat verband hou met ’n mantelvliesbreuk dikwels beheer word met dieet en ’n verandering in leefstyl.



Kos om te vermy
Die volgende kosse het ’n hoë suurinhoud of kan die onderste slukderm-sfinkter verswak, wat dit makliker maak vir maagsure om terug te keer na jou slukderm. Hulle kan sooibrand veroorsaak.
• Sitrus; soos lemoene, pomelo's en suurlemoene, en lemoensap, pomelosap, bosbessiesap en limonade
• Sjokolade
• Vetterige en gebraaide kosse, soos gebraaide hoender en vetterige vleis
• Knoffel en uie
• Kos wat baie speserye bevat, soos kerrie
• Peperment
• Tamatie-gebaseerde kosse, soos pasta sous, pizza, salsa en tamatiesap
• Koffie, tee (insluitend kafeïenvrye weergawes)
• Alkohol
• Gaskoeldrank
• Suiwelprodukte, soos volroommelk, roomys en romerige kos. Probeer sojamelk; dit kan 'n goeie plaasvervanger wees. Ook kan sagte kase, soos feta of bok, in matigheid geniet word
• Olie en botter



Kos wat veilig is
Die volgende kosse is laag in suur en is minder geneig om jou simptome weens die mantelvliesbreuk te vererger.
• Piesangs en appels
• Groenbone, ertjies, wortels en broccoli
• Grane, soos brood, rys, pasta en beskuitjies
• Laevet of afgeroomde melk en laevet jogurt
• Vetvrye kase, roomkaas en vetvrye suurroom
• Maer vleis, hoender en vis
• Water
• Pretzels, ryskoekies en gebakte aartappelskyfies
• Laevet lekkers

Jy mag dalk vind dat sommige van die kosse wat onder Kos om te vermy gelys word, jou dalk nie pla nie, terwyl ander op Kos wat veilig is ongemak kan veroorsaak. Almal verdra kos verskillend. Om die beste dieet vir jou te bepaal, hou ’n kos dagboek vir ’n paar weke. En vermy dan enigiets wat veroorsaak dat jy simptome het.

Kombuiswenke vir ’n mantelvliesbreuk
'n Goeie manier om die kosse hierbo te geniet, is om dit op ’n gesonde manier te kook. Hier is ’n paar wenke.
• Kies maer vleis, soos hoender sonder vel en vleis met min sigbare vet
• Bak of kook kos in plaas daarvan om dit te braai
• Stadig met die sout of enige ander geurmiddels
• Stoom jou groente
• Beperk botter, olies en room souse. Gebruik iets soos Spray ’n Cook in plaas van kookolie wanneer jy soteer
• Kies lae-vet of vetvrye produkte bo ander



Leefstyl wenke
Behalwe bogenoemde aanpassings kan die verandering van sekere gewoontes ook die simptome verminder.
• Moenie ooreet nie. Eet eerder klein, gereelde maaltye. En neem jou tyd. Om vinnig te eet, kan sooibrand vererger
• Vermy lê of gaan slaap vir ten minste drie uur na ’n maaltyd
• Moenie vooroorbuig net nadat jy geëet het nie
• Moenie rook nie
• Verloor gewig, indien nodig
• Dra lospassende klere om nie ekstra druk op jou maag te plaas nie
• Lig die kop van jou bed 16 tot 20 cm met houtblokke of ander stewige voorwerpe
• Begin met ’n oefenprogram

As hierdie dieet- en leefstyl wenke nie help nie, of as jy bykomende verligting benodig, kan teensuurmiddels sonder voorskrif en suur verminderende of blokkerende middels jou simptome help beheer. Praat met jou dokter om meer te wete te kom oor oor-die-toonbank of voorskrifmedikasie om jou simptome te behandel. Chirurgie kan in seldsame gevalle nodig wees.

’n Mantelvliesbreuk kan baie lastig wees. Maar die meeste mense voel beter nadat hulle hul dieet en leefstyl aangepas het.

19.10.22

Sooibrand

Sooibrand kom voor as ´n brandgevoel in die maag en/of bors.

Dit vind plaas wanneer maagsure wat aangewend word om kos te verteer, terugvloei in die slukderm. Sensitiewe weefsel word dan geïrriteer en die kenmerkende brandgevoel word dan ervaar. Sooibrand word veroorsaak deur die inname van sterk gegeurde, vetterige of gebraaide kosse, alkohol, koffie, sitrusvrugte, sjokolade en tamatiegebaseerde kos. Maagsere, galblaaskwale, stres, allergieë, rook, alkohol, hoë angsvlakke en ensiemtekorte kan ook tot die toestand bydra. Aspirien veroorsaak ook sooibrand by sommige individue.

Vermy die inname van kosse wat bekend is daarvoor dat dit sooibrand veroorsaak. Moet ook nie binne 3 ure voor slaaptyd eet nie. Versap 1 ongeskilde aartappel en meng met gelyke hoeveelhede water. Drink dadelik na voorbereiding 3 maal per dag. Eet vars papaja of pynappel om vertering aan te help. Kou papajapitte of ´n geskilde amandel vir chroniese sooibrand. Neem een eetlepel rou appelasyn in 1 glas water tydens etes. Teensure sal ook simptomatiese verligting bring.

Soek mediese hulp indien simptome voortduur.

Boereraat:

Drink elke dag 3 eetlepels appelasyn in ’n glas louwarm water 30 minute voor ete.

♦♦♦

Drink 2 mℓ Engelse sout in ’n glas water.

♦♦♦

Eet ’n appel.

♦♦♦

Drink 2 eetlepel skoon suurlemoensap of versapte rou aartappel

♦♦♦

Lê snags meer op jou linkersy – moeiliker vir maagsuur om na die slukderm te gly.

♦♦♦

Meng ’n 20 mℓ botteltjie Turlington met ’n blikkie kondensmelk. Drink soggens ’n teelepel hiervan op jou nugter maak.

♦♦♦

Drink ’n bietjie koeksoda in gekookte water.

♦♦♦

Drink 2 eetlepels asyn. Die sooibrand sal vir ’n kort rukkie erger voel, maar dan beter raak.

♦♦♦

Drink gereeld water om sooibrand teen te werk.

♦♦♦

Eet ’n piesang.

♦♦♦

Gee mengsel van deeglik gebrande en gepoeierde roosterbrood en melk van magnesia in sterk tee.

♦♦♦

As tamatie- en uiemoes gemaak word vir braaivleis of ander geregte, gooi ’n kwart koppie melk aan die einde by en roer goed. Dit voorkom sooibrand.

♦♦♦

Kruie vir kwale: Sooibrand

Medisinale gebruike van kruie

Kruiegids