Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids


1.10.15

Sooibrand

Sooibrand kom voor as ´n brandgevoel in die maag en/of bors.

Dit vind plaas wanneer maagsure wat aangewend word om kos te verteer, terugvloei in die slukderm. Sensitiewe weefsel word dan geïrriteer en die kenmerkende brandgevoel word dan ervaar. Sooibrand word veroorsaak deur die inname van sterk gegeurde, vetterige of gebraaide kosse, alkohol, koffie, sitrusvrugte, sjokolade en tamatiegebaseerde kos. Maagsere, galblaaskwale, stres, allergieë, rook, alkohol, hoë angsvlakke en ensiemtekorte kan ook tot die toestand bydra. Aspirien veroorsaak ook sooibrand by sommige individue.

Vermy die inname van kosse wat bekend is daarvoor dat dit sooibrand veroorsaak. Moet ook nie binne 3 ure voor slaaptyd eet nie. Versap 1 ongeskilde aartappel en meng met gelyke hoeveelhede water. Drink dadelik na voorbereiding 3 maal per dag. Eet vars papaja of pynappel om vertering aan te help. Kou papajapitte of ´n geskilde amandel vir chroniese sooibrand. Neem een eetlepel rou appelasyn in 1 glas water tydens etes. Teensure sal ook simptomatiese verligting bring.

Soek mediese hulp indien simptome voortduur.

Boereraat:

Eet 'n piesang.

♦♦♦

Gee mengsel van deeglik gebrande en gepoeierde roosterbrood en melk van magnesia in sterk tee.

♦♦♦

As tamatie- en uiemoes gemaak word vir braaivleis of ander geregte, gooi 'n kwart koppie melk op die end by en roer goed. Dit voorkom sooibrand by mans.

5 comments :

  1. Anonymous30/6/10 08:53

    Daar is 'n studie hieroor gedoen by Duke University in die VSA. Die verband is nie heeltemal duidelik nie, maar dit het moontlik te doen met die feit dat koolhidrate die afskeiding van insulien verhoog wat dan die spier by die opening na die maag laat verslap, die spier wat die suur in die maag moet hou.

    ReplyDelete
  2. Carel Joubert30/6/10 08:53

    Hoekom veroorsaak koolhidrate sooibrand?

    ReplyDelete
  3. Anonymous20/2/11 18:08

    vars suurlemoensap werk elke keer vir my.

    ReplyDelete
  4. GOEIE MORE

    MY NAAM IS POPPIE **********, EK WIL NET GRAAG WEET EK KRY VERSKRIKLIK BAIE SOOIBRAND MAAK NIE SAAK WAT EK EET OF DRINK NIE, EN DAN HET EK 'N VERSKRIKLIKE SNAAKSE SEER OP MY MAAG 'N MENS KAN DIT NIE BESKRYF NIE, EK WIL GRAAG WEET WAT KAN DIE OORSAAK WEES VAN DIE SOOIBRAND, MY NEEF HET GESE EK MOET DR TOE GAAN DIT KLINK SOOS GALSTENE WANT HY HET GEHAD.

    MAAR EK WEET NIE MEER WAT OM TE DOEN NIE WANT NIKS HELP VIR DIE SOOIBRAND NIE. AL WAT EK WEET DIT MAAK BAIE SEER.

    ReplyDelete