Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Verkoue. Show all posts
Showing posts with label Verkoue. Show all posts

1.7.24

Kruie vir kwale: Verkoue

Die Zoeloes gebruik al lank reeds watersalie vir verkoue. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Om dit meer drinkbaar te maak kan jy dit versoet met heuning en ’n skyfie suurlemoen byvoeg.
Die Nama mense gebruik al lank tee van geelblomsalie vir die behandeling van verkoue.

♦♦♦

Gooi ’n koppie kookwater oor ’n ¼ koppie vars groenment-blare.
Laat dit staan vir 3 minute voor jy die tee drink.
Drink dit vir verkoue.

♦♦♦

Gebruik 10 g wildedagga-blare, stele en/of blomme om ’n tee mee te maak. Laat dit vir 5 minute trek voor jy dit deur ’n siffie gooi.
Drink dit vir verkoue.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Dreineer en voeg bietjie heuning en suurlemoensap by en drink dit vir verkoue.

♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir verkoue.

♦♦♦

Tee van suurlemoengras help om verkoue te verlig.

♦♦♦

Kruisementtee help vir verkoue.

♦♦♦

Stamp gedroogde basielkruid blare fyn en maak vir jou snuif vir verkoue.
Drink dit vir verkoue

♦♦♦

Plaas 10 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir verkoue

♦♦♦

Plaas ’n ¼ koppie klimop-blare in 1 koppie kookwater en laat trek vir 5 minute.
Gooi deur ’n siffie en geur met heuning na smaak.
Drink dit vir verkoue.
Gooi deur ’n sif en drink vir verkoue.

As jy erge verkoue het, kneus die stam van die klimop en snuif dit. Dit sal ’n genies meebring.

’n Paar druppels van die klimop se sap word in die neus gedrup vir ’n kopverkoue.

♦♦♦

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir verkoue.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir verkoue

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir verkoue.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir verkoue.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir verkoue.

♦♦♦

’n Eetlepel boegoebrandewyn twee maal per dag.

♦♦♦

Kook ´n stuk saliebos in water, totdat vloeistof lyk soos sterk tee. Neem een koppie daarvan en kook tot ´n stroop met 2 koppies suiker. Voeg 1 botteltjie borsdruppels en en ´n halwe koppie suurlemoensap by en skud goed. Drink 1 eetlepel vol 3 maal per dag.

♦♦♦

Maak ’n tee van ’n hand vol bloekomblare en drink dit.


Medisinale gebruike van kruie

Kruiegids

19.7.21

Antimoonwyn

Antimoonwyn is tradisioneel gemaak deur wyn te laat staan in ’n houer gemaak van antimoon. Normaalweg word dit vir ten minste een dag gelos. As die suurinhoud van die wyn te hoog is en dit word te lank in die metaalhouer gelos kan dit giftig raak.

Hierdie preparaat kan gebruik word vir verkoue en koors en maak ook die slym los by hoesbuie. Volwassenes kan 10 tot 30 druppels in kanferwater drie of vier keer per dag neem met slaaptyd. Kinders kan ’n dosis van 5 tot 10 druppels gegee word.



17.6.21

Verkoue

Verkoues word veroorsaak deur onkeerbare virusinfeksies en is hoogs aansteeklik. Die simptome sluit in loopneus, seerkeel, hoofpyn, droë hoes, genies, afname in eetlus en ’n algemene tamheid. Die simptome kan tot 7 dae voortduur, hoewel ’n loopneus vir tot 3 weke kaan aanhou.

Indien die verkoue na ’n week nog nie gewyk het nie en by die eerste tekens van ’n hoë koors moet jy jou dokter gaan spreek.

Daar is meer as tweehonderd virusse wat verkoue veroorsaak. Die rinovirus is die belangrikste oorsaak, maar ’n koronavirus is ook ’n moontlike sondaar.

Boereraat:

Volwassenes kan 10 tot 30 druppels antimoonwyn in kanferwater gegee word 3 of 4 keer per dag. Die laaste dosis met slaaptyd. Kinders kan ‘n dosis van 5 tot 10 druppels gegee word.

♦♦♦

Sodra jy ´n verkoue aan jou lyf voel moet jy in ´n Engelse soutbad klim. Gooi so twee handevol sout in. Klim daarna in ´n warm bed. PS! BELANGRIK! Mense wat aan hoë bloeddruk ly moet nie hierdie behandeling toepas nie.

Sien ook:
Raad teen verkoues
Kruie vir kwale: Verkoue


Medisinale gebruike van kruie

Kruiegids

28.1.20

Coronavirus

In dié stadium staan die virus amptelik bekend as 2019-nCoV. Dit is nog nooit vantevore in mense gevind is nie. Die “corona” verwys na die kroon-vorm van die virus soos gesien onder ’n mikroskoop.

Volgens meeste berigte het die virus teen die einde van verlede jaar by ’n mark in die stad Wuhan in China ontstaan. Die stad het ongeveer 11 miljoen inwoners. Die mark is intussen gesluit en ontsmet.

Dit word in die lug oorgedra en tas hoofsaaklik die boonste lugweë en spysverteringskanaal van mense en voëls aan.

Die simptome is soortgelyk aan dié van die SARS (ernstige akute asemhalingsindroom) en -MERS-virusse (Midde-Ooste-asemhalingsindroom). Dit sluit in ’n loopneus, hoes, koors, rillings, hoofpyn, ’n seer keel en probleme met asemhaling. Die simptome stem baie ooreen met die simptome van ’n gewone verkoue.

Die SARS-virus het in die vroeë 2000’s die lewens van byna 800 mense geëis. Die SARS-epidemie het ook sy oorsprong by ’n mark gehad.

Volgens die Wêreldgesondheidsorganisasie is dit nog nie nodig om die verspreiding van die virus as ’n internasionale noodgeval te beskou nie.

4.8.14

Verkoue tydens swangerskap kan kind vatbaar maak vir asma en allergieë

Swanger vroue moet dalk eerder die geselskap van mense met verkoues en ander virale infeksies vermy. Volgens ’n nuwe studie is daar ’n verband tussen die aantal verkoues en virale infeksies wat ’n vrou het tydens swangerskap en die kanse wat die baba het om asma te ontwikkel.

Die studie het bevind dat die ma se infeksies en bakteriële blootstelling die baarmoeder affekteer en die baba se risiko verhoog om ’n allergie of asma te ontwikkel.

Asma en allergieë kan ook oorerflik wees. Indien beide ’n kind se ouers allergieë het, is die kanse sowat 75% dat die kind ook sal hê. Indien net een ouer allergies is vir iets is die kind se kanse sowat 30% tot 40%. Indien die ouers nie allergieë het nie is die kind se kanse daarom op te doen so 10% tot 15%.

Sowat 8% van swanger vroue het asma. Dit is ’n potensieel ernstige toestand vir iemand wat swanger is. Tydens swangerskap vererger sowat 33% van asmalyers se toestand, hoewel dieselfde persentasie se asma sal verminder.

Die studie is in Duitsland uitgevoer en vroeër vanjaar gepubliseer in Annals of Allergy, Asthma and Immunology.

28.2.11

Raad teen verkoues

Sink suigtablette word al jare gebruik ter verligting van hoes en keelseer, maar dis eers onlangs ontdek dat verskeie studies al bevind het dat dit dalk die beste behandeling vir verkoue is.

Sink kan hoes as gevolg van verkoue met soveel as die helfte verminder en die tydperk van die verkoue self ook met 40% + verminder.

Die geheim is om te begin sink neem sodra daar tekens van ’n verkoue is. En neem baie. 13 g elke drie tot vier uur gedurende die dag, vir 'n totaal van 50 - 65 mg per dag.

Wat maak sink so goed? Navorsers is nog nie seker nie en daarom moet ons maar versigtig wees met die gebruik daarvan.

Voor jy daaraan dink om dit op die proef te stel, raadpleeg asseblief eers hierdie Wikipedia blad oor die moets en moenies van die gebruik van sink.