Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Spierpyn. Show all posts
Showing posts with label Spierpyn. Show all posts

6.2.24

Kruie vir Kwale: Boererate vir spierpyne

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik. Mense gebruik dit vir spierkrag.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gooi dit by jou badwater vir spierpyne.
Drink dit vir seer spiere.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir seer spiere.

♦♦♦

Plaas skaafsels bas van ’n kiepersol (-boom) op die blare van ’n bloulelie en bind vas op seer spiere.

♦♦♦

Trek kattekruidblare soos tee, gooi dit in warm water en plaas jou bene daarin.

Medisinale gebruike van kruie

Kruiegids

8.11.23

Spierpyn

Ooreising of ongewone oefening kan aanleiding gee tot geskeurde spiere, wat inwendige bloeding en swelling, pyn en stramheid veroorsaak.

Rus tot die pyn verminder. Doen dan versigtig ligte oefening om van die styfheid ontslae te raak. Staak egter dadelik indien die pyn weer opvlam of vererger. Pynstillers en spierverslappers sal ook verligting bied.

Indien jy geen verligting ervaar nie moet jy jou dokter gaan spreek.

Boereraat:

Gooi 'n halwe koppie appelasyn in badwater.


Medisinale gebruike van kruie

Kruiegids

18.10.21

Natuurlike anti-inflammatoriese middels en medisyne - boererate bevestig deur die wetenskap

Die gebruik van nie-steroïdale medisyne word gereeld voorgeskryf, sonder voorskrif en op voorskrif. Die veiligheid van die langdurige gebruik daar van moet egter in ag geneem word. Natuurlike anti-inflammatoriese middels soos kruie en voedselaanvullings is veiliger oor die langtermyn en dikwels meer effektief.

Plantmateriaal word al duisende jare gebruik. Kruie medisyne word toenemend gewild vanweë hul relatief min newe-effekte. Daar is ongelukkig min gefundeerde inligting beskikbaar oor die middels en hul moontlike newe-effekte. Mens moet ook altyd seker maak die kwaliteit van die middel is van hoogstaande gehalte. Hier is ’n lys van ’n paar natuurlike anti-inflammatoriese middels waarvan die gebruik deur navorsing ondersteun word, insluitende die newe-effekte.

Lewertraan
Lewertraan word verkry deur die olie te pers uit die vars lewer van sekere vissoorte (kabeljou) Dit is ryk aan vitamiene D en A. Dit word gebruik vir die behandeling van die behandeling van spier-, skelet- en rugwerwel siektes. Daar is heelwat navorsing oor die gebruik daarvan vir neurodegeneratiewe siekte, artritis en depressie.

Newe-effekte kom gewoonlik voor as dit nie saam met maaltye geneem word nie. Die liggaam sal dan meer vet uitskei in die stoelgang en jy kan winde opbring. Lewertraan moet nie deur persone geneem word wat bloedverdunners gebruik nie.

Wit wilgerboom
Die bas van die wit wilgerboom is een van die oudste kruiemiddels vir pyn en ontsteking. Die gebruik daarvan dateer terug na die ou Egiptiese, Romeinse, Griekse en Indiese beskawings as ’n pynstillende en koorswerende middel. Die werking is soortgelyk aan aspirien.

Soos aspirien moet dit nie deur kinders gebruik word nie. Dit moet ook nie deur persone gebruik word met maagsere, swak beheerde diabetes, lewer- of nierversteurings of basies enige toestand wat wat vererger word deur aspirien nie.

’n Normale dosis 240 mg/dag.

Borrie
Borrie is ’n bekende anti-inflammatoriese middel. Chinese medisyne gebruik dit lank reeds as ’n anti-inflammatoriese middel, as behandeling vir spysverteringsprobleme en om wondgenesing te verbeter. Verskeie kliniese kliniese studies het reeds bevestig dit ’n uitstekende antioksidant is en ’n baie goeie anti-inflammatoriese en antineoplastiese effek het. Daar is ook navorsing wat toon dat dit heel moontlik ’n goeie behandeling is vir sistiese fibrose. Dit word ook voorgeskryf vir die behandeling van kolitis, chroniese neurodegeneratiewe siektes, artritis, kanker en natuurlik inflammasie.

Die newe-effekte is min, maar met langdurige gebruik kan dit maagpyn veroorsaak, en met baie hoë dosisse kan maagsere in uiterste gevalle voorkom. Moet dit liefs nie neem as jy bloedverdunners of hoë dosisse nie-steroïdale middels gebruik nie.

’n Normale dosis is 400-600 mg/dag.

Groen tee
Groen tee word lank reeds gebruik vir kardiovaskulêre probleme en kanker. Die gebruik daarvan in die behandeling van artritiese siektes as ’n anti-inflammatoriese middel is meer onlangs erken. Die aanhoudende gebruik daarvan kan maagirritasie meebring in sommige mense en die langdurige gebruik in hoë dosisse kan ’n allergiese reaksie meebring.

’n Normale dosis wanneer jy dit gebruik as tee is 3 tot 4 koppies per dag.

Denneboom
Die middel pycnogenol word verkry van die bas van die maritieme denneboom. Die bas word al meer as 2000 jaar gebruik as medisyne.

Dit word gebruik vir wondgenesing, skeurbuikbehandeling, die genesing van ulkusse, vir vaskulêre inflammasie en vir die verlaging van bloeddruk. Pycnogenolis een van die sterkste antioksidantverbindings wat tans aan ons bekend is. Dit is tot 100 keer sterker as vitamien E en verbeter die werking van vitamien C.

Die gebruik het weinig newe-effekte. Sommige mense se maag kan bietjie omgekrap raak. Diegene wat immuunonderdrukkers of kortikosteroïedmedisyne gebruik moet dit nie neem nie.

’n Normale dosis is 100-200 mg/dag.

Boomgom
Die aromatiese boomgom wat ons brand as wierook is ’n uitstekende anti-inflammatoriese middel. Dit word verkry van die Boswellia-familie bome.

Klinies word dit gebruik vir die behandeling van degeneratiewe en inflammatoriese gewrigsprobleme, byvoorbeeld artritis. Dit is veral effektief vir osteoartritis as dit saam met borrie gebruik word. Moontlike ewe-effekte sluit in maagprobleme, naarheid, sooibrand en diarree.

’n Ekstrak word verkry van die boomgom en ’n normale daaglikse dosis daarvan is 300-500 mg.

Druiwedoppe
Die middel resveratrol word verkry van verskeie plante. Die doppe van rooiwyn druiwe bevat die hoogste konsentrasies. Dit is algemeen beskikbaar as ’n voedselaanvulling.

Resveratrol is ’n anti-inflammatoriese anti-oksidant vir mens en dier. Meeste navorsing fokus op die neurologiese en kardiovaskulêre voordele, maar daar is ook navorsing oor die gebruik daarvan vir pyn as gevolg van artritis.

Katteklou
Die bas van ’n rankplant uit Peru genaamd katteklou (Uncaria tomentosa en Uncaria guianensis) word gebruik vir die behandeling van artritis, bursitis en dermsiektes. Navorsing het bevind dit val stowwe aan wat inflammasie veroorsaak.

Naarheid is soms ’n newe-effek by sekere mense.

Die bas kan as tee gedrink word – 1000 mg bas 230 mℓ water. Die ekstrak word ook in ’n kapsule verkoop – ’n normale dosis is 20-60 mg/dag.

Rissies
Meer as ’n eeu gelede het aptekers reeds capsaicin verkry van rissies. Dit beslaan omtrent 12% van ’n rissie. Die medisinale gebruik van rissies is al honderde jare deel van genesers se medisyne-tassie.

Capsaicin het ’n uitstekende ant-inflammatoriese werking. Dit kan egter die vel of spysverteringskanaal brand.

Let wel
Die gebruik van enige middels moet met jou dokter bespreek word.

(Die inligting in die dokument is gebaseer op ’n studie gepubliseer deur die Amerikaanse National Center for Biotechnology Information.)

2.11.20

Die voordele van dagga – nuwe navorsing

In teenstelling met inligting in die populêre media en ander dogma, beteken die tetrahidrokannabinol (THC) bestanddeel van cannabis meer vir jou as die meer sosiaal aanvaarbare kannabinol (CBD). Cannabis is die gedroogte blomtoppe van daggaplante. Die THC is die psigo-aktiewe chemikalie.

Navorsing aan die University of New Mexico toon dat THC ’n sterker verband toon met terapeutiese verligting en dat daar minder bewyse is vir die voordele van CBD as wat algemeen aanvaar word. Beide chemikalieë het moontlike voordele vir die behandeling van simptome vir 'n wye verskeidenheid gesondheidstoestande, maar die studie toon dat die voordele van THC tans meer tasbaar is.

Cannabis is vinnig besig om gewild te raak as ’n pynstillende middel en belowende plaasvervanger vir voorgeskrewe opioïede en ander medikasie, wat dikwels ongewenste newe-effekte, gevaarlike dwelm-interaksies en die risiko van dood inhou. Die studie, getiteld “Association between Cannabis Product Characteristics and Symptom Reliëf”, is gepubliseer in die joernaal Scientific Reports.

11.2.20

Rook beskadig spierweefsel

Rook is nie net sleg vir jou longe nie. Nuwe navorsing toon dat komponente in sigaretrook die spiere ook beskadig. Die navorsing, gepubliseer in The Journal of Physiology, dui aan dat rook die aantal klein bloedvate verminder wat suurstof en voedingstowwe na die spiere in die bene bring.

Ons weet dat rook 'n persoon se vermoë om te oefen beperk omdat dit hul spiere swakker maak. Daar word algemeen geglo dat hierdie spierswakheid ontstaan omdat die longe ontsteek word en uiteindelik permanent beskadig word deur rook, wat die aktiwiteit en oefening beperk.

Die bevindinge van die nuwe studie dui egter daarop dat sigaretrook die spiere direk beskadig deur die aantal bloedvate in die beenspiere te verminder, en sodoende die hoeveelheid suurstof en voedingstowwe wat hulle kan ontvang, verminder. Dit kan die metabolisme en aktiwiteitsvlakke beïnvloed, wat beide risikofaktore is vir baie chroniese siektes, waaronder chroniese obstruktiewe longsiekte en diabetes.

Die navorsing is uitgevoer deur die Universiteit van Kalifornië, San Diego, in samewerking met die Universidade Federal do Rio de Janeiro en die Universiteit van Kochi. Die studie het nie geïdentifiseer watter van die ongeveer 4 000 chemikalieë in sigaretrook verantwoordelik is vir hierdie spierskade nie. Die identifisering van die verantwoordelike chemikalieë is 'n belangrike onderwerp vir verdere navorsing.

7.11.18

Meer proteïene nie noodwendig goed vir ouer mans nie

Ongeag of jy jonk of oud is, manlik of vroulik, die Amerikaanse Instituut vir Geneeskunde se daaglikse aanbeveling vir proteïene is 0,8 g per kg per dag.

Heelwat kenners en organisasies beveel meer proteïene aan per dag vir ouer mans om spiermassa te onderhou. Dit is teenstrydig met al hoe navorsing wat bevind dat meer proteïene vir ouer volwassenes geen betekenisvolle voordeel inhou nie. Nuwe navorsing aan die gerespekteerde Brigham and Women's Hospital het ook nou bevind dat dit die geval is.

Die bevinding was dat die 0,8 g proteïene per kg per dag heeltemal voldoende is.

Die studie is gepubliseer in die joernaal JAMA Internal Medicine.

6.8.18

Trappe goed vir bloeddruk en beenspiere

Jy het nou nie meer ’n verskoning dat jy nie tyd het vir oefening nie. Die jongste navorsing toon dat trappe klim goed is vir jou bloeddruk en boonop jou beenspiere versterk.

Dit is veral goed vir postmenopousale vroue wat sukkel met ’n tekort aan estrogeen. Hierdie vroue is veral vatbaar vaskulêre en spierprobleme. Hierdie tipe oefening is ook ’n effektiewe ingryping vir die vermindering van ouderdomsverwante verlies aan spiermassa. ’n Bykomende voordeel is natuurlik vetverlies en die verminderde risiko van osteoporose.

Die navorsing is gepubliseer in die joernaal Menopause.

28.5.18

Hierdie dieet help verhoed dat ouer volwassenes verswak

’n Ontleding van alle gepubliseerde studies oor die onderwerp dui aan dat die Mediterreense dieet moontlik kan help verhoed dat ouer individue verswak. ’n Mediterreense dieet bestaan hoofsaaklik uit plantgebaseerde kosse – soos vrugte, groente, graan, peulgewasse en neute.

Dit is al hoe meer algemeen dat mense erg verswak met ouderdom. Hierdie persone het gewoonlik min energie, verloor gewig en min krag in hulle spiere. Hulle is ook meer geneig om gesondheidsprobleme te ontwikkel, frakture op te doen, gehospitaliseer te word, in ’n verpleeginrigting geplaas te word, gestremdheid of demensie te ontwikkel, of voortydig te sterf. Oor die algemeen word hierdie verswakking geassosieer met ’n laer lewenskwaliteit.

Voeding speel ’n uiters belangrike rol om hierdie kwesbaarheid te help voorkom. Britse navorsers het bevind dat diegene wat ’n Mediterreense dieet volg oor vier jaar of langer se kanse ’n verstommende 50% minder is om ernstig te verswak met veroudering. Die navorsers het opgemerk dat die Mediterreense dieet ouer individue kan help om spierkrag, gewig en energievlakke te handhaaf.

Die bevindings is vroeër vanjaar gepubliseer in die Journal of the American Geriatrics Society gepubliseer.

23.4.18

Kramp

’n Kramp is ’n skielike, onwillekeurige en pynlike sametrekking van een of meer spiere.

Die oorsaak is gewoonlik swak spierkoördinasie (tydens oefening); met afkoeling tydens of na oefening; indien die liggaam te veel sout en vloeistowwe verloor weens sweet, diarree of aanhoudende vomering; of tydens slaap.

Krampe word gewoonlik verlig deur die spiere te rek. Maak eers die betrokke deel van die liggaam reguit en masseer dit dan liggies.

Simptome en tekens
• Pyn in die aangetaste deel
• Styfheid of ’n spasma in die spier
• Die saamgetrekte spiere kan nie ontspan nie

Vir ’n kramp in ’n dyspier
Maak die knie reguit en lig die been met die een hand onder die hak; druk met die ander hand die knie af. Masseer die aangetaste spiere liggies.

Vir ’n kramp in ’n kuitspier
Maak die knie reguit en trek die persoon se voet liggies opwaarts in die rigting van die skeen. Masseer die aangetaste spier saggies.

Vir ’n kramp in ’n voetspier
Maak die tone reguit en help die persoon om op die bal van die voet te staan. Masseer die voet liggies.

17.1.18

Verrekking van ’n spier

’n Verrekking kom voor wanneer ’n spier of spiergroep met geweld en skielike beweging te vêr gerek en moontlik geskeur word.

Simptome en tekens
• Skielike skerp pyn op die plek van die besering. Die pyn kan uitwaarts versprei en kan deur styfheid of ’n kramp gevolg word.
• Daar is normaalweg swelling op die plek van die besering.

Behandeling
1. Maak die persoon gemaklik.
2. Lig die beseerde ledemaat op en hou dit stil.
3. Hou ’n kou kompres daarop indien dit pas verrek is.
4. Neem die persoon na ’n hospitaal.

19.9.17

Senior burgers moet meer proteïene eet

Die verlies van spiermassa is een van die groot probleme waarmee ouer mense sukkel. Hierdie verlies veroorsaak dat jy swak is en maklik beserings opdoen. Deur proteïen te eet is een manier om die verlies teen te werk. Dit wil lyk asof dit beter is om hierdie proteïen te versprei oor drie maaltye per dag.

Ons spiere word gebou deur proteïene wat bestaan uit aminosure. Wanneer die inname van proteïene afneem word die sintese van aminosure versteur met ’n gevolglike verlies aan spiermassa.

Baie van ons eet ons proteïene met middag- en aandete. Navorsing toon egter dat diegene wat soggens ook proteïen inneem se spiere baie sterker is. Hulle het ook bevind dat senior burgers behoort meer proteïene te eet.

Navorsers aan die McGill University, Université de Sherbrooke en Université de Montréal, in Kanada, het 1 800 senior burgers betrek by die studie oor drie jaar. Die studie is gepubliseer in die American Journal of Clinical Nutrition.


Dr. Stéphanie Chevalier van die McGill University, wat die studie gelei het.

11.11.14

Oefening help ouer persone

Fisiese agteruitgang is ’n natuurlike deel van veroudering. Amerikaanse navorsers het nou bevestig dat ouer persone wat gereeld oefening doen minder fisies agteruitgaan as diegene wat niks doen nie.

Stap is gewild onder ouer persone. Om fisiese agteruitgang meer suksesvol te beperk behoort hulle egter ook kragoefeninge te doen. Daar word spesifiek verwys na oefening vir die biseps en dié wat die knieë gebruik.