Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Rook. Show all posts
Showing posts with label Rook. Show all posts

11.2.20

Rook beskadig spierweefsel

Rook is nie net sleg vir jou longe nie. Nuwe navorsing toon dat komponente in sigaretrook die spiere ook beskadig. Die navorsing, gepubliseer in The Journal of Physiology, dui aan dat rook die aantal klein bloedvate verminder wat suurstof en voedingstowwe na die spiere in die bene bring.

Ons weet dat rook 'n persoon se vermoë om te oefen beperk omdat dit hul spiere swakker maak. Daar word algemeen geglo dat hierdie spierswakheid ontstaan omdat die longe ontsteek word en uiteindelik permanent beskadig word deur rook, wat die aktiwiteit en oefening beperk.

Die bevindinge van die nuwe studie dui egter daarop dat sigaretrook die spiere direk beskadig deur die aantal bloedvate in die beenspiere te verminder, en sodoende die hoeveelheid suurstof en voedingstowwe wat hulle kan ontvang, verminder. Dit kan die metabolisme en aktiwiteitsvlakke beïnvloed, wat beide risikofaktore is vir baie chroniese siektes, waaronder chroniese obstruktiewe longsiekte en diabetes.

Die navorsing is uitgevoer deur die Universiteit van Kalifornië, San Diego, in samewerking met die Universidade Federal do Rio de Janeiro en die Universiteit van Kochi. Die studie het nie geïdentifiseer watter van die ongeveer 4 000 chemikalieë in sigaretrook verantwoordelik is vir hierdie spierskade nie. Die identifisering van die verantwoordelike chemikalieë is 'n belangrike onderwerp vir verdere navorsing.

14.4.15

Rook en pyn

‘n Studie studie het bevind dat rokers drie keer meer geneig is as nie-rokers om chroniese rugpyn te ontwikkel. As jy staak met die gewoonte verminder jy jou kanse drasties om die verlammende toestand te ontwikkel.

Dit is die eerste bewyse dat daar ’n verband is tussen rook en chroniese pyn. Die brein is hier betrokke, meer spesifiek die deel van die brein wat verband hou met die verslawing en beloning. Dit dui ook op ’n moontlike verband tussen enige verslawing en pyn.

Medikasie, soos anti-inflammatoriese middels, het wel deelnemers aan die gehelp om pyn te bestuur, maar dit het geen invloed op die werking in die brein gehad nie. In die toekoms kan gedragsingrypings soos rook-programme gebruik word in ’n effektiewe strategie om die breinmeganismes te manipuleer vir die voorkoming en verligting chroniese pyn.

17.2.15

Sout + rook = rumatoïede artritis

Navorsers in Swede het bevind dat persone wat rook en baie sout gebruik dubbel die kanse het om rumatoïede artritis te ontwikkel.

Rumatoïede artritis kom voor wanneer die liggaam se immuunstelsel nie goed werk nie. Dit tas gewrigte, bene (veral in die hande en voete) en organe aan.

16.2.15

Jou asem kan dalk longkanker verklap

Die temperatuur van jou asem wanneer jy uitasem kan moontlik gebruik word om longkanker te diagnoseer.

Verskeie navorsingspanne ondersoek reeds ’n geruime tyd die gebruik van jou asem in die diagnose van verskeie tipes kanker. Daar is nou bevind dat persone met longkanker se asem ’n hoër temperatuur het as ander mense. Die temperatuur verander ook na gelag van die aantal jare wat die persoon gerook het en die stadium waarop die kanker ontwikkel het.

Die toets is glo baie akkuraat en vergemaklik die diagnose van longkanker.

10.2.15

Man se rookgewoonte kan nadelig wees vir toekomstige kinders

Daar is onlangse navorsing wat daarop dui dat indien ’n man rook, die die risiko groter is dat enige kinders wat hy in die toekoms verwek asma sal hê.

Daar is al heelwat studies met diere gedoen wat al hoe meer daarop dui dat enge nadelige blootstellings waaraan ’n man onderwerp word, gevolge het vir die kinders wat hy in die toekoms kan verwek.

Die navorsing is gedoen aan die Universiteit van Noorweë.

7.1.10

Rook

Mense geniet tabakrook deur dit in te asem en uit te blaas. Rook is uiters nadelig vir jou gesondheid.

Boereraat:

Piesangs kan jou help om op te hou rook. Dit bevat Vitamine B6, B12, magnesium en kalium, wat help met onttrekkingsimptome.

♦♦♦

Verwyder nikotienvlekke van jou hande met suurlemoensap.