Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Baba. Show all posts
Showing posts with label Baba. Show all posts

1.1.24

Koolblare en jou borste

Gebruik koolblare op jou borste. Dit bied verligting vir seer borste. Dit is 'n gewilde kuur vir vrouens wat borsvoed, of wil ophou borsvoed.

Hoe om koolblare op jou borste te gebruik:
1. Was die blare van groenkool en verkoel in die yskas.
2. Plaas die blare oor jou borste – onder jou bra.
3. Verander die blare elke paar uur.



(foto: Roch Lach)

27.12.23

Kruie vir kwale: Borsmelk

Gebruik koolblare op jou borste. Dit bied verligting. (Hoe om koolblare op jou borste te gebruik)

♦♦♦

Eet pietersielie. Dit help help vir vrouens wat borsvoed se seer borste.

♦♦♦

Eet kuisboom-bessies. Dit help help vir vrouens wat borsvoed se seer borste. Die boom word ook genoem Abraham se balsem of monnikpeper.

♦♦♦

Smeer jasmynblomme aan vrouens wat borsvoed se seer borste.

♦♦♦

Salie-tee, gemaak met 1 tot 3 g gedroogde salieblare, help vir vrouens wat borsvoed se seer borste.

♦♦♦

Fenegriek help vir die vermeerdering van borsmelk. Gebruik 3 tot 8 gram, drie keer per dag.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg.
Vrouens kan dit drink om hul melk aan te help nadat hulle gekraam het.

Medisinale gebruike van kruie

Kruiegids

26.12.23

Maagkrampe by baba’s

Krampe is algemeen by babas, veral gedurende hul eerste jaar. Tekens dat jou baba ongemaklik voel hiervan sluit in:

  • Baba is ongelukkig met alles.
  • Baba is lusteloos.
  • Veranderinge in die frekwensie van die baba se stoelgang.
  • Veranderinge in baba se slaappatroon.
  • Veranderinge in baba se eetgewoonte.

Daar is verskeie dinge wat dit kan veroorsaak. Oorsake kan insluit koliek, hardlywigheid, gastro-enteritis, winderigheid, refluks of 'n laktose-intoleransie.

Wat jy kan doen om dit te verlig:

  • Baba masseer.
  • Fietsry-bewegings met baba se bene.
  • As die baba bottel drink, maak seker die formule is reg.
  • Vermy oorvoeding.
  • Vermy afleidings tydens voeding.
  • Vryf baba se winde uit in verskillende posisies.

Buscopan maak 'n stroop vir baba's so jonk soos 1 maand.

(foto: William Fortunata)

21.12.23

Hoe om borsmelk te stop

Elke ma is uniek. Daar is baie redes wees waarom iemand verkies om op te hou met borsvoeding. As jy kan, raadpleeg altyd ’n dokter voordat jy probeer om jou borsmelk op te droog.

Jy kan nie enige spesifieke tyd koppel aan die opdroog van jou melk nie. Dit hang af van verskeie faktore. Dit sluit in jou ouderdom, die ouderdom van jou baba en jou gemiddelde melkvoorraad. Borsmelk kan dae, weke of maande neem om op te droog.

Indien jou baba nog borsvoed, word dit aanbeveel dat die kindjie eers geleidelik gespeen word.

Om jou melk te verminder hou gewoon op borsvoed. Wanneer jy ophou borsvoed, sal jou liggaam geleidelik ophou om melk te produseer. Die gebrek aan stimulasie vertel jou liggaam om op te hou lakteer. Om hierdie metode te gebruik:
o Druk af en toe melk uit om enige ophoping van melk te verlig.
o Gebruik yspakkies om inflammasie te beperk.
o Gebruik kruie. Navorsing dui daarop dat daar ’n paar kruie is wat kan help om jou melkvoorraad te verminder.

Kruie vir laktasie-onderdrukking
• Salie-tee, gemaak met 1 tot 3 gram gedroogde salieblare.
• Smeer jasmynblomme aan jou borste.
• Eet kuisboom-bessies. Die boom word ook genoem Abraham se balsem of monnikpeper.
• Eet pietersielie.

Geboortebeperking help ook om jou melk te verminder. Deur estrogeen as deel van ’n gekombineerde geboortebeperkingspil te gebruik, help jy om laktasie te stop. Die meeste moeders sien ’n daling in melkproduksie nadat hulle een pil per dag vir een week geneem het. Dit moet slegs geneem word nadat jy ’n dokter/kliniek geraadpleeg het.

Wat ander medikasie betref moet jy jou dokter/kliniek vra of jy iets mag gebruik wat pseudoëfedrien bevat, byvoorbeeld Sudafed. Navorsing toon dat Sudafed ’n merkbare afname in melkproduksie veroorsaak. Jy moet op die uitkyk wees vir simptome van angs en slapeloosheid terwyl jy Sudafed neem.

Koolblare en jou borste
Gebruik koolblare op jou borste. Dit bied verligting aan jou borste.

Hoe om koolblare op jou borste te gebruik
1. Was die blare van groenkool en verkoel in die yskas.
2. Plaas die blare oor jou borste – onder jou bra.
3. Verander die blare elke paar uur.

br>
(foto: Roch Lach)

20.4.20

Maklike maaltye vir babas en kleuters

Hierdie Afrikaanse vertaling van Easy Meals for Babies & Toddlers volg op die sukses van laasgenoemde nadat die derde uitgawe bygewerk is om huidige beskouings en neigings te weerspieël.

Die meer as 150 resepte sluit ou gunstelinge sowel as nuwe maaltyd-idees in en sal enige kind 'n gesonde wegspringplek gee. Wat meer is, daar is oorgenoeg kreatiewe en verbeeldingryke voorstelle om kos aptytlik en prettig voor te sit.

Die boek dui aan watter resepte vir maaltye van baba- en kleutergrootte is, watter kan dien as gesinsmaaltye, watter in groot maat voorberei kan word en hoe om dit te bevries.

'n Afdeling oor kos vir kinders met allergieë en siektes verduidelik ook hoe om die kos te kook en voor te berei.

Maklike maaltye vir babas en kleuters - Praktiese raad word gegee oor voeding, die speen van kinders, maaltyd en spyskaartbeplanning, watter kos om te vermy en die vorming van 'n positiewe gesindheid teenoor gesonde kos.

10.6.19

Respiratoriese sinsitiale virus

Respiratoriese sinsitiale virus (RSV) is die hoofoorsaak van akute respiratoriese infeksie (ARI) by kinders en dit is verantwoordelik vir ernstige probleme wat jonger kinders se dood kan veroorsaak.

Die virus veroorsaak normaalweg infeksies in die winter en dit manifesteer gewoonlik in babas tussen die ouderdomme van 2 en 6 maande. Teen die ouderdom van 2 jaar het meeste kinders al die virus onder lede gehad. Die virus versprei gewoonlik van persoon tot persoon, en daar is bevind dat kinders van ouers wat rook meer vatbaar is. Die voorkoms van die virus is laer onder babas wat borsmelk drink.

Infeksie deur RSV lei tot siektes soos brongitis en longontsteking.

Simptome en tekens
• Longe wat hoorbaar sukkel om te funksioneer.
• Moeisame asemhaling.
• Die kind word gou moeg en tam.
• Hoes.

15.4.19

Hipotermie by babas

Babas kan aan hipotermie ly aangesien hulle probleme het om hul liggaamstemperatuur te reguleer.

’n Baba met hipotermie kan gesond lyk. Mens moet oplet na die gedrag.

Simptome en tekens
• Die baba is ongewoon stil, slaperig en slap.
• Die baba wil nie eet nie.
• Gewoonlik is die gesig, hande en voete helderpienk en het ’n gesonde voorkoms.

Sien Hipotermie vir behandeling.

4.11.16

Baba 2 keer ‘gebore’: Hoe werk dit?

Klein Lynlee Boemer is nie net twee keer “gebore” nie, maar haar hart het gaan staan lank voordat sy ten einde laas die lewenslig aanskou het, berig Elsabé Brits.

11.7.16

Baba-nabootsers leer kinders swangerskap is g’n grap

Dié lewensgrootte baba-nabootsers verteenwoordig verskillende gesondheidsprobleme onder meer babas wat gebore is met fetale alkohol sindroom (FAS) of babas wat breinskade opdoen omdat hulle erg geskud word. Die nabootsers word gebruik in ’n program om gr. 7-leerlinge eerstehands te laat ervaar dat dit geen grap is om ’n baba te hê nie.

8.2.16

Vis goed vir ongebore baba se brein

Japanese navorsers het bewyse gekry vir die verband wat daar bestaan tussen die inname van vis tydens swangerskap en die toestand van die ongebore baba se brein.

Vetsure soos omega-6 en omega-3 is noodsaaklike voedingstowwe vir baie diere en mense. Die navorsers het bevind dat 'n gebalanseerde inname deur swanger vroue van lipiede wat dié vetsure bevat is nodig vir die normale vorming van die brein van die ongebore kind.

Baie van ons kry genoeg omega-6 vetsure in deur saad-olies, maar nie omega-3 wat van vis afkomstig is nie.

31.12.15

Baba wat huil: Daar's 'n app daarvoor

Elke ouer se vrees: Jou baba huil en jy weet nie wat makeer nie ...

Nou meen navorsers daar’s hulp en nogal in die vorm van ’n app wat groot data inspan om te bepaal of jou kind honger is, pyn ervaar of dalk ’n nat doek het.

10.9.15

Vrae oor baba se eet- en drinkgewoontes

Boereraat:
Voeg 4 teelepels heuning by jou baba se waterbottel. Dit help om die baba rustig en kalm te hou. Dit bevat ook baie multivitamiene.
As die baba se magie te loperig is daarna, verminder die heuning met ’n ½ teelepel. As die baba hardlywig is, vermeerder dit met ’n ½ teelepel.

Ouma vra: "Kan 3 mnde baba suurlemoensap in water drink?"
Antwoord: Die ideaal is om nie vir baba skoon water (of met suurlemoensap) te gee voor ses maande nie. Na ses maande kan jy water gee en dit liggies geur met vars suurlemoensap. Indien baba voor daai ouderdom hou van water bespreek dit eers met jou dokter voor jy gereeld water gee. Te veel water vir so 'n klein dingetjie kan inmeng met die opname van voedingstowwe in die borsmelk / bottel. In uitsonderlike gevalle kan dit selfs stuiptrekkings veroorsaak. Indien jou dogter borsvoed het baba geen ander vorm van vloeistof nodig nie.
Vanaf 12 maande kan baba soveel water drink as wat hy / sy wil.

Lorraine de Beer skryf: "Ons het 'n multi racial baba aangeneem maar is nie 100% voorbereid op al die verskille nie as daar ooit regtig is nie. Verder was die mama op drugs: Heroine gerook en Cocaine gebruik deur die swangerskap Hy is 3.2kg met geboorte gewees weeg nou na 7 weke 6.8 kg die kliniek is bekommerd oor hy so vinnig "vet" word hy slaap nie goed nie en is asmaties (borsie trek toe) hy het baie slym en ook 'n nasale drup in sy keeltjie. Wat kan ek doen hom gemakliker te kry met die toe neusie en benoude borsie. Ons woon op 'n plaas baie stof en rook nie in sy kamer of by hom nie. Hy drink nou Infacure 150ml elke 4 ure waar hy altyd Nan 175ml elke 3 ure gedrink het is honger tussen in. Wat kan ek gee wat hom nie vet maak nie wanneer hy huilerig is na 3 ure. Help asb met raad hy is die pragtigste babatjie stroopsoet My jongste baba is nou 24jaar oud so ouma weet nie veel meer alles nie Ek gebruik graag natuurlike produkte as u van iets weet wat kan help Baie dankie vir u raad ek waardeer dit baie (bietjie moedeloos van die min slaap)"
Antwoord: Die baie slym, gepaardgaande drup en toe borsie is waarskynlik die werk van een of ander allergeen. Stof staan hier voor in die ry. Maak maar seker as sy klere en kombersies word gereeld in warm water gewas en dat sy omgewing vry is van alles wat moontlik 'n oorsaak kan wees. Let ook op na preserveermiddels in medikasie en voeding, die groot sondebokke hier is die bensoate. Ironies genoeg is sodium bensoaat die preserveermiddel in baie hoesmedikasie.
'n Algemene oplossing wat aangebied word vir baba's wat te veel wil drink is om die voeding kleiner te maak en meer gereeld te gee, maar jy moet ook probeer om vir baba 'n alternatief te bied vir die vertroosting wat hy tans in die bottel vind. Daar is nogal meriete daarin om baba op jou of iemand anders se rug vas te maak. Die warmte, nabyheid, ritmiese bewegings en stem van die draer sus die ou kleintjies so dat hulle begin vergeet van huil. Sy kamer moet ook warm wees en sonder 'n trek. Sommige baba's hou ook van klank, agtergrondgeluide laat hulle geborge voel. Weet jy nog hoe om 'n baba styf en knus toe te draai in 'n kombers? Dit bied die gevoel aan die baba dat hy vasgehou word en sal hom ook rustiger maak. Laaste maar nie die minste nie is die fopspeen. Dis nie altyd mooi as 'n tweejarige nog met 'n fopspeen rondloop nie, maar vir 'n baba bied dit soms die nodige vertroosting.
Voorspoed met hierdie wonderlike taak wat jy opgeneem het!

Monica Nagy skryf:
"MY SEUNTJIE IS NOU SES MAANDE. EK WIL NET GRAAG WEET OF DAAR RIGLYNE IS OOR HOEVEEL HY MOET EET. SY DAGMOEDER Sê HY KAN NIE IN DIE AAND EET NIE, WANT HY GAAN OORGEWIG RAAK? 'N VRIENDIN Sê HAAR SEWE MAANDE DOGTERTJIE EET ELKE TWEE URE. SY WISSEL DIT AF MET MELK EN PURITY. HOE WEET EK WAT IS GENOEG EN WAT IS TE VEEL???"
Antwoord:
Oor die algemeen wil 'n baba gereeld eet. Dit verskil natuurlik van baba tot baba maar hy moet eet wanneer hy wil. Dit is nie goed om voedsel van 'n baba te weerhou nie. Op ses maande eet 'n baba omtrent 4 keer per dag, maar dit mag verskil van baba tot baba. Die dokter behoort jou in te lig wanneer die baba te vet is.


27.8.15

Tandekry

Almal van ons kry tande. Baba's sal geïriteerd wees, dalk baie in die nag wakker wees en meer as gewoonlik huil. Een of albei wange kan rooi en warm wees en die baba kan aan sy hande kou. Dit hou normaalweg vir die eerste twee jaar aan.

Wanneer ´n tand op die punt is om deur die tandvleis te breek, word die tandvleis gevoelig en lyk geswel. Dit sal seer wees as jy daaraan raak.

Gee net pynstiller as dit regtig nodig is. ´n Waslap, met ´n ysblokkie wat daarin toegebind is, werk goed vir ´n baba met seer tandvleis. Jy kan ook probeer om ´n bottel met koue water in die yskas te hou. Babas hou daarvan om aan die koue tiet te kou.

Koors of diarree is gewoonlik die gevolg van ´n infeksie. Dit vereis mediese aandag.

Boereraat:

Gooi 2 tot 3 druppels vanilla-ekstrak by 'n baba wat tandekry se melk of vrugtesap. Gebruik dit wanneer hulle effens siek voel.

♦♦♦

Smeer heuning op baba se tandvleisies as dit tandekry tyd is, dit help om die seer te doof en hou die baba kalm.



(foto Daniel Schwen)

16.7.13

Brugbaba / Baba stuit

Anoniem: "Wat is 'n brugbaba?"

Antwoord: Indien mens 'n baba vir die volle termyn dra en baba het nie gedraai nie, dan noem ons dit 'n brugbaba. Met ander woorde, 'n baba wat met die voete na onder lê wanneer dit tyd is vir die geboorte. Van 32 weke af praat ons van 'n brugbaba. Onder sulke omstandighede word die baba normaalweg suksesvol met 'n keisersnee uitgehaal.

_______________________________________________________________________________________


Anoniem skryf: "Ek is 29 weke swanger en nogals bekommerd. Ek het twee seuns en het normaal gekraam met hulle. Volgens my dokter lê die baba stuit met die voete na onder. Is daar nog genoeg tyd dat baba gaan draai sodat ek normaal kan kraam of nie. Hoekom draai hy nie?"

Antwoord: Daar is beslis nog 'n kans dat baba kan draai. Moet jou nie te veel bekommer hieroor nie. Al stuit 'n baba by die volle termyn is daar nog steeds 'n kans dat baba vaginaal verlos kan word. Jou dokter sal verskeie kliniese faktore nagaan om te bepaal of jy normaal kan kraam. Dit sluit dinge in soos die baba se grootte, stuitpresentasie en jou bekkengrootte.

25.2.13

Noodhulp vir baba


Sonja: "Ek is opsoek na 'n lysie met belangrike medisyne vir 'n pasgebore baba wat ek kan aanvul net vir daai tye wat dokters nie dadelik beskikbaar is nie soos bv: panado stroop ens. Stel dit so amper 'n noodhulp kassie vir my baba."

Antwoord: Daar is oulike noodhulptassies vir baba's in die handel beskikbaar, maar nie almal het alles wat mens graag wil hê nie. Jy kan een van die tassies aanskaf en dan net aanvul of jy kan jou eie maak.
Eerstens het jy 'n tassie of 'n sak nodig, een wat baba nie kan oopvroetel nie.
Iewers op jou tassie moet jy jou dokter se nommer en ander noodnommers plak.
Die noodhulptas moet die volgende bevat :
  • 'n Koorspen
  • 'n Vloeibare pynstiller sonder aspirien. Kyk vir iets met acetaminophen of ibuprofen op die etiket.
  • Kalamynmelk vir uitwendige gebruik op insekbyte en uitslag.
  • Antibakteriese salf vir snye en skrape.
  • 'n Haartangetjie vir splinters.
  • 'n Sker.
  • 'n Naelsker.
  • 'n Sonbrandmiddel.
  • 'n Insekdoder wat veilig is vir kinders.
  • 'n Snotuitsuiger (nasal aspirator bulb)
  • Pleisters van verskillende groottes.
  • Klein steriele verbande.
  • Rolverbande
  • Buisverbande van verskillende groottes.
  • Wondreinigingsdoekies
  • Oorpluisies
  • Gesteriliseerde balletjies watte.
  • 'n Vloeibare seep wat spesiall vir baba's is.
  • Babasjampoe
  • 'n Bevogtiger.
  • 'n Maatlepel of -drupper vir medikasie.
  • Warmwaterbottel
  • Yspak
  • 'n Handleiding vir noodhulp vir baba's
  • Spesiale medikasie vir allergieë ens. - hoor by jou dokter indien jou baba spesiale behoeftes het.

4.2.13

Baba badtyd en velsorg

Kenners van die Mayo Clinic in Amerika het sekere aanbevelings gemaak as dit kom by die bad van 'n baba. Die Mayo Clinic word internasionaal erken as leiers op die gebied van gesondheidsorg.

Die aanbevelings van hulle sentrum vir kindersorg is daarop gemik om velsorg by babas te verbeter. Die volgende wenke hou nie net die baba se vel skoon en gesond nie, maar maak badtyd ook 'n lekker tyd vir baba:

  • Dit word nie aanbeveel dat die baba elke dag gebad word nie. Elke tweede dag is genoeg om die velletjie skoon te hou. Op die dae wat die baba nie gebad word nie kan jy net die gesiggie en vel versigtig afvee met 'n klam lappie. Hulle beveel af jy vee die ooglede af vanaf die binneste hoek na buite. Het jy geweet jy kan 'n baba sy eerste bad gee sodra die liggaamstemperatuur en asemhalingstelsel gestabiliseer het. Dit is omtrent ses uur na geboorte.
  • Laat sak die baba tot by die nek in die water. Dit help die baba om sy liggaamstemperatuur te handhaaf. Die water moet nie warmer as 48°C wees nie. Gewone skoon water is voldoende om die baba skoon te maak. 'n Baba se vel is baie sensitief en is vatbaar vir infeksie.
  • Doeke moet elke 2 tot 4 uur omgeruil word of net nadat dit vuilgemaak is. Maak die boude skoon met gewone kraanwater en 'n sagte lappie. As jy ‘baby wipes’ gebruik, sorg dat dit nie alkohol bevat of middels wat allergieë kan veroorsaak nie. Los die boudjies soms sonder doek om die vel lekker droog te maak.
  • Vir luieruitslag word room wat sink-oksied bevat aanbeveel. As die room nie help nie moet jy 'n dokter gaan spreek.



(foto MasterFinally)

5.11.12

Duimsuig


Ria skryf :
"Ek soek asseblief raad, my vriendin se dogtertjie is 8 jaar oud en suig nog steed haar duim. Wat kan sy doen met die kind asseblief."

Antwoord :
Kinders suig hul duime omdat dit hulle kalmeer en gerusstellend is. Hulle doen dit ook wanneer hulle siek of moeg is. Eerstens moet sy haar nie straf vir haar gedrag nie, sy weet nie hoekom sy dit doen nie. Wat sy moet doen is om te kyk wanneer dit plaasvind en dan 'n plaasvervanger aan te bied. Doen sy byvoorbeeld dit wanneer sy televisie kyk kan jy haar wegneem voor die TV en 'n speletjie met haar speel - enige alternatief wat haar aandag sal wegneem van haar duim.




(tekening S Lindner)

20.2.12

Borsmelk beter

Wanvoeding by kinders kan met 25% afneem indien babas in die eerste ses maande net borsmelk gegee word, het 'n voedingkundige van die Verenigde Nasies se Kinderfonds (Unicef) Woensdag gesê.

Studie: Borsmelk is die beste

17.10.11

Vrae oor borsvoeding


MS skryf: "My eerste baba amper 2 is net vir 10 dae geborsvoed ons beplan tans nr 2 maar wil weet of ek dit sal kan doen. Ek het plat nippels en het nou vir my iets gekry wat sal help om dit uit te bring maar as dit nie sal help wil ek nie eers dink daaraan om swanger te raak nie. Ons beplan om sept swanger te raak sodat nr 2 junie se kant kan kom. Eks tans in Engeland en hier gaan hulle op 4 jaar skool toe. Dit los my tyd vir die baba in die dag. As ek net raad oor my plat nippels kan kry en of dit die moeite werd is om swanger te raak en weer te probeer sal ek soveel beter voel. Dit het my hart gebreek toe ek nie meer kon borsvoed nie maar was in deels ook my skuld oor ek dit net 1x op 'n dag gedoen het. Ek het nie genoeg hulp gekry tydens die eerste weke nie. My midwife was baie onhulpvaardig gewees."
Antwoord: Dit is wel moontlik om met plat tepels te borsvoed. Baba's wat kan goed vassuig kan self 'n plat tepel uittrek. Aangesien jy in Engeland is behoort jy nie probleme te hê om Breast Shells (ook genoem milk cups) op te spoor nie. Dit plaas druk op die area om die tepel sodat dit uit kan kom of ten minste makliker uitgesuig kan word. Jy begin dit reeds dra voor baba se geboorte vir 'n paar uur elke dag. 'n Ander stukkie toerusting is 'n Evert-it Nipple Enhancer wat jy by dieLa Leche League kan bestel. Dit doen omtrent dieselfde as 'n borspomp. Jy kan selfs 'n borspomp gebruik net voor jy borsvoed om die tepel uit te lig.
Indien hierdie tipe toerusting jou afsit kan jy die volgende oefening probeer. Plaas 'n duim aan weerskante en styf teen jou tepel. Druk nou die bors plat terwyl jy terselfdertyd die duime uitmekaar trek. Doen dit vyf keer per dag. Begin wanneer jy swanger raak en hou aan daarmee terwyl jy borsvoed. Elke keer as baba borvoed kan jy ook die vel liggies rek met jou een hand, duim bo en vier vingers onder. Dit sal dit makliker maak vir baba om die tepel te kry.
Alle sukses met julle planne!
Enige lesers met ander raad kan ook gerus van hulle laat hoor.

Chenelle skryf: "My eerste seuntjie is amper 2! Het geborsvoed tot op 5 maande. My melk was aan die begin maar min. My tweede is in April hier en wil net weet wat ek doen om die melk met beboorte "reg" te hê. Ek wil graag normaal kraam aangesien die eerste ook normaal was. My eerste was wel op 35 weke gebore en het 3.6 geweeg. Is daar sekere kosse wat ek kan opneem?"
Antwoord: Gesond bly is die belangrikste ding wat jy kan doen, voor die geboorte en in die tyd wat jy borsvoed. Volg 'n gesonde dieet en doen ligte, lae impak oefeninge.

Henriette skryf: "My baba is 6 weke oud en sukkel met krampe en winde. Nadat sy gedrink het wil sy nie die winde laat uit kom nie. Ek probeer om my dieet reg te eet maar weet nie wat als maak gas en wat nie. Kan jy dalk vir my 'n lys stuur van al die mag nie eet nie? Sy is baie wakker vir haar ouderdom en is verder gesond en weeg 'n volle 4.8kg. So ek glo my melk is voldoende maar gee haar gas en krampe wat baie seer maak. Sal dit waardeur as jy my kan help."
Antwoord: Dit gebeur wel dat sekere voedselsoorte soms 'n baba kan irriteer, maar ons soek te veel die fout by ons dieet. Navorsing ondersteun nie die idee dat ons dieet ons baba's winderig maak nie. Sommige baba's is gewoon meer winderig as ander. Dit is as gevolg van die baba se spysverteringstelsel wat nog leer om aan te pas in die nuwe omstandigehede. Tyd sal heel moontlik jou probleem oplos. Enkele ander dinge waarvoor jy kan pasop is:
  • Te veel melk te gou - baba kry nie kans om goed te sluk nie en daar kom te veel lug in saam met die melk
  • Huil - baba huil baie en sluk wind in die proses

Indien dit wel iets is wat jy inneem waarvoor baba sensitief is sal sy ook ander simptome toon soos braking, diaree, 'n neus wat loop of 'n uitslag.

Tanja van Loggerenberg skryf: "Ek het 'n seuntije van 11 maande en borsvoed nog steeds. Die afgelope tyd is my tepels ongelooflik gevoelig en my een bors is heelwat groter as die ander ene omdat die mannetjie net die een kant verkies. Ek laat hom altyd eerste aan die klein bors drink en gee genoeg tyd daarvoor maar my melkproduksie bly sleg in die een bors. Die ander bors is geswel en ek het mastitis in die bors gehad. (Dis al 5 maande terug!) Kan dit wees dat ek 'n abses in die bors het? Daar is nie 'n harde knop nie ... maar tog 'n rooierige merk bo op die bors. Ek's 'n voorstaander van lank borsvoed, maar die ongemak laat my wonder"
Antwoord: Dit gebeur dat 'n baba net een bors verkies. Wanneer jy ophou borsvoed sal die ander bors na normaal terugkeer. Indien die verskil in grootte jou pla kan jy 'n borspomp gebruik om die bors bietjie kleiner te maak. Die rooierige merk en swelling pla wel. Ek sou aanbeveel jy gaan vir 'n ondersoek. Dit kan wees dat die mastitis terug is, maar dit sal die ondersoek bepaal. Mastitis kom normaalweg gedurende die eerste drie maande voor, maar dit is glad nie onmoontlik dat dit nou weer kon opvlam nie. Indien jy dit vantevore gehad het is jou kanse groter as iemand wat dit nog nie gehad het nie om dit weer te kry. Ook omdat hy nie aan die bors drink nie kan bydra. Gedurende die tyd is dit belangrik dat jy baie vloeistof inneem en warm kompresse op die opgeswelde bors plaas van tyd tot tyd.

Louise Coetzee skryf :
"My seun is 11 maande oud. Ek borsvoed hom nog. Hy eet baie goed en kry tussen 3 en 4 melkvoedings 'n dag. Het darem nou sover gekom om die nagvoeding uit te sny. Ek is nou 6 weke swanger. My tepels is baie teer maar tepelroom bring darem bietjie verligting. Is dit wys om te borsvoed terwyl mens swanger is? Watter aanvullings kan ek neem? Ek is doodmoeg, slaap maar min want my seun 'n slegte slaper. My seun weier om ook bottel te drink en weier ook formulemelk! Ek gee ook vir hom tussendeur tee of sap uit 'n glas."
Antwoord:
Dit hang van jou af of jy nog wil borsvoed terwyl jy swanger is. In meeste gevalle kan vroue nog borsvoed tydens swangerskap. Die fetus sal niks kortkom nie. Die melk kan egter nou minder voedingswaarde hê (jou liggaam pas natuurlik aan sodat die fetus die regte voedingstowwe kry), maar dit is nie 'n probleem nie aangesien jy sê hy eet goed. Die beste is om jou dokter uit te vra oor jou spesifieke geval. Hy/sy behoort jou te ondersoek en 'n aanduiding te kry vn jou gesondheid en moontlike komplikasies. Praat ook met jou dokter oor (veilige) aanvullings. Jy behoort na jou dieet te kyk en seker te maak dit is optimaal vir jou en die baba wat jy dra.

Florence May skryf :
"Dit is nou al vier maande wat ek my dogter nie meer borsvoed, maar vandat ek haar nie meer borsvoed voel dit vir my of ek haar nog borsvoed, my borste voel of dit nog melk het en dit is seer."
Antwoord:
Dit is normaal. Net omdat jy opgehou borsvoed het beteken dit nie jou liggaam moet ophou melk produseer nie. Dit verskil van persoon tot persoon, maar dit kan nog etlike maande neem voor jou borste opdroog (jy sê ongelukkig nie presies hoe oud jou dogter was toe jy opgehou het nie). Jy kan die melk uitpomp. Dit sal nie veroorsaak dat jou liggaam nog ekstra melk vervaardig nie. Sit verkoelde koolblare op jou borste tot hulle verwelk en dra 'n stewige sportbra.

Aluchka skryf :
"Ek het a twee weke oue baba dogtertjie, ek borsvoed haar, so twee dae terug het sy begin opgooi, na elke borsvoeding en har maag werk ook aanhoudend, sonner ophou, sy braak ook sonner ophou, ek het nie a mediese fonds nie, wat kan ek doen? Sy het ook baja suur in haar gesiggie, sulke rooi kolletjies?"
Antwoord:
So 'n entjie laer af is vrae en antwoorde oor braking en die baba se magie. Indien jy daarna nog steeds voel jou baba se toestand is abnormaal moet jy dadelik na 'n staatskliniek neem. Jy betaal 'n klein fooi daar en hulle behoort jou in alle geval nie weg te wys nie. Hoop julle kom reg.

Rozanne Hollenbach skryf:
"Ek het ingetrekte nippels en hulle is in die laaste tyd so gevoelig, en hulle "kom uit" kan dit dalk 'n teken van 'n moontlike swangerskap wees? Ek is al 5 maande getroud."
Antwoord:
Nee, dit is nie 'n definitiewe aanduiding van swangerskap nie. Dit is wel nie onmoontlik nie.
Jy sê nie jou ouderdom nie so dit is moeilik om te raai wat die oorsaak kan wees. Het jy dalk onlangs van voorbehoedmiddel verander? Gebruik jy enige voorbehoedmiddel.

Philma van Eeden skryf:
"Ek's tans 6 maande swanger, wil bitter graag borsvoed. Ek het met my eerste kind geborsvoed. Ek was so onseker en het gegaan tot 6 weke wat my kleinding sproei in sy mond gehad het en my aangesteek het. Ek wil graag meer inligting rondom borsvoeding hê soos wanneer, tyd en hoe lank. Almal se tips en raad was nie genoeg nie, want almal het my meer depressed gemaak. Kan 'n mens borsvoed en op dieet gaan en oefening doen? Wanneer kan 'n mens begin met voorbehoedpille drink sonder om weer swanger te raak?"
Antwoord:
Van jou vrae is reeds hieronder beantwoord.
Wat die dieet betref is borsvoeding een van die beste maniere om gewig te verloor. Vir sommige vroue is dit die grootste aansporing om te borsvoed, want dit help jou om jou lyf terug te kry. Wag maar met die ander eetplanne tot jy klaar geborsvoed het.
Oefening kan jy wel doen. Dit nie net jou lyf nie, maar ook jou gemoedstoestand goed doen. Jy moet egter gebalanseerd eet en probeer om nie meer as twee kilogram per maand te verloor nie.
Borsvoed vir 6 weke voor jy weer met voorbehoedpille begin.

Nicolette de Koe skryf:
"Ek het 'n dogterjie van byna 3 jaar. Sy het bors gedrink tot op 2 jaar en ses maande. Ek is nou weer swanger en soms wil sy nog bors hê. Ek weier want my borste is baie seer. Ek is nog baie jonk en my bortse is vol rekmerke. Wat kan ek doen of gebruik. Ek beplan ook om die nuwe baba net 2 maande te laat drink. My een bors is ook kleiner as die ander een. Gee raad asb."
Antwoord:
Sien Speenlinge.

Delené Van Zijl skryf:
"Ek is nou 18 weke swanger en het besluit dat ek graag my seuntjie wil borsvoed, aangesien dit die gesondste en natuurlikste manier van voeding is. Ek wil net graag uitvind wat ek mag en nie mag eet nie. Ek het gehoor dat 'n mens nie sterk gegeurde kosse moet eet nie, maar wat nog?
Ek het 'n dogtertjie van 3 jaar maar ek het haar destyds net vir twee weke geborsvoed want dit was vir my vreeslik seer gewees en sy het nie genoeg melk ingekry nie. Wat staan my te doen om te voorkom dat dit so seer raak en dat ek weet my kind gaan genoeg melk inkry.
Antwoord:
Maak seker jy hou jou tepels droog tussen voedings. Hou ook seep en sjampoe weg van hulle wanneer jy jou was. Indien hulle baie seer raak moet jy 'n salf probeer wat lanolien bevat. Jy kan ook olyfolie aan hulle smeer.
Sien gerus die antwoorde op die res van jou vrae hieronder.

Anoniem skryf:
"My baba is nou so 5 dae oud. Ek borsvoed haar. Elke keer wanneer ek haar gevoed het dan gaan haar magie. Is dit normaal? Die ander vraag is: Terwyl sy drink, dan bring sy van die melk weer op. Hoekom is dit?"
Suster:
Dit is heeltemal normaal. Babas wat geborsvoed word se magie kan een maal per week gaan, of met elke voeding. As jy praat van "opbring", is dit die hele voeding of net 'n klein hoeveelheid? Indien dit 'n klein bietjie is, is dit dalk van 'n wind. Maak seker dat jy tussen die voedery deur wel windjies uitvryf. Tel die hoeveelheid nat doeke wat jou babatjie in 24 uur het. Dit behoort 7 - 10 te wees. Dan weet jy jou babatjie kry genoeg en hoef jy nie verder te bekommer nie.
Sterkte, en vasbyt met die borsvoeding!

Veronica skryf:
"My baba is 1 jaar oud en ek borsvoed hom nog steeds. Ek weet egter nie of hy genoeg melk inneem nie. Hy wil glad nie 'n beker of bottel drink nie. Bonop is hy 'n swak eter. My familie sê as ek hom van die bors afhaal sal hy beter eet. My baba huil verskriklik as ek hom 'n bottel probeer gee. Dit voel vir my nog nie reg om hom af te haal nie. Het u enige raad?"
Suster:
Ek wil jou gelukwens dat jy jou baba so suksesvol borsvoed. Knap gedaan! Op hierdie ouderdom behoort jou seuntjie al drie maaltye per dag te eet, en minder te drink. Jy noem nie hoe gereeld jy hom op die bors sit nie, maar 2 - 3 maal per dag behoort genoeg te wees, aangesien hy vitamienes en minerale inkry deur die vaste kos wat hy inneem. Probeer ook om hom nie voor ete aan die bors te laat drink nie, aangesien dit sy eetlus sal beïnvloed. Om sy eetlus nog te verbeter kan jy ook vir hom vitamienes gee. Daar is stroop of koubare multivitamienes wat jy by enige apteek of selfs groot afdelingswinkels kan koop. Jy hoef hom regtig nie nou af te haal nie. Moenie na ander luister nie. Doen wat jy voel is reg... jy is tog immers sy moeder en weet wat goed is vir albei van julle. Terwyl hy sy mylpale bereik en groei soos verwag is daar geen rede vir kommer nie.

Lee-Ann skryf:
"Ek gaan my baba borsvoed as hy nou in Desember gebore word. Die vraag wat ek wil vra is wat is die kossoorte wat ek moet vermy om te eet en wat mag ek drink en nie drink nie en watter vrugte moet ek vermy?"
Suster:
Ek is baie bly om te sien dat jy gaan borsvoed. Jy weet beslis hoe om jou babatjie 'n voorsprong te gee!
Die beste is om 'n gesonde dieet te volg. Dit is so dat jou babatjie ook geraak word deur wat jy eet en drink. Probeer kossoorte beperk of vermy wat gasvormend is bv. kool, blomkool en ook die wat suur veroorsaak soos tamaties. Dit is nie nodig om dit heeltemal te vermy nie, maar net min daarvan in te neem. Jy moet BAIE vloeistowwe inneem terwyl jy borsvoed. Jy sal vind dat jy in elke geval meer dikwels dors word. Drink water, tee en verminder maar die kaffeininname. Coke is ongelukkig uit, aangesien dit krampies by meeste babas veroorsaak. Drink min gaskoeldrank en beperk ook vrugtesappe, aangesien dit ook suurvormend is. Jy sal weldra agterkom wat jou babatjie omkrap.
Baie sterkte en laat weet hoe dit gaan.

Anoniem skryf:
"Ek wil aan neem maar wil borsvoed om ´n band te vorm met die kind. Wat kan ek neem/doen om te begin lakteer?"
Suster:
Tien uit tien vir jou! Die vorming van borsmelk is a.g.v. hormonale veranderings. Om te lakteer, sal jy hormonale behandeling moet kry. Die beste is om jou dokter te gaan sien aangesien dit net op voorskrif beskikbaar is. Sterkte en laat weet hoe dit gaan!

Joline skryf:
"My baba is 2 weke oud en ek borsvoed, maar dit lyk vir my of my melk opdroog of klaar word. Wat kan ek gebruik om my melk aan te help?"
Suster:
Tien uit tien vir jou dat jy jou babatjie borsvoed.
Eerstens moet jy baie vloeistowwe drink. Jy kan brouersgis tablette drink wat jou melkproduksie sal aanhelp. Wees ook geduldig. Na twee weke verander jou babatjie se behoeftes en sal jy hom/haar meer op die bors moet sit sodat jou borste kan aanpas. Maak ook seker dat jy die baba reg aan die bors sit, aangesien die suig van die baba melkproduksie bevorder. Moet verkieslik nie byvoedings gee nie. Jy kan ook La Leche kontak wat ´n organisasie is wat moeders bystaan en raad gee oor borsvoeding. Baie sterkte en moenie moedeloos raak nie! Jy gee jou babatjie ´n groot voorsprong.

Jen skryf:
"Indien ´n baba baie aan haar ma se bors drink, is dit moontlik dat haar menstruasie tydperk ongereeld is dat dit kan oorslaan? Ek het ´n baba wat gedurende die dag drink en gedurende die nag voel dit asof sy heelnag suig."
Suster:
Ja, dit is iets wat baie voorkom, en dit is waarom mense onder die wanindruk is dat jy nie kan swanger raak as jy borsvoed nie. Dit is NIE waar nie. Tydens borsvoeding is die kans dat jy kan swanger raak dieselfde as voorheen. Dit is ook nie raadsaam om jou baba aan jou bors te laat suig vir lang tye soos jy noem sy gedurende die nag doen nie. Jy sê nie hoe oud jou baba is nie, maar jy moet haar beperk tot 10 minute aan elke bors. Na 2 weke is jou melk gestabiliseer, en is 10 minute meer as genoeg vir haar om te kry wat sy nodig het. Die probleem as jy haar aan die bors laat suig vir lang periodes, is dat sy lui raak en nie goed suig nie, maar nie "dummy" aan die bors. Dit kan die melkproduksie beïnvloed, aangesien melkvervaardiging gestimuleer word as die baba suig.
Moet dus nie bekommerd wees oor jou mentruasie nie, maar sorg dat jy wel op voorbehoeding is, en beperk haar tyd op die bors.


Boererate:

Tepels
Gebruik Fryers balsem wanneer jy verwagtend is vir jou tepels om hulle sterk te maak, sodat die baba jou nie seermaak wanneer die aan jou drink nie.

2.9.11

Borsvoeding goed vir breine

Ma’s wat hul babas borsvoed se kinders het groter woordeskatte en kan beter redeneer op 5-jarige ouderdom, het ‘n nuwe studie bevind.

Borsvoeding help babas se breine groei