Kruie vir kwale: Brongitis

Kook 1 teelepel gedroogde kamferbos blare in 1 koppie water vir 10 minute.
Dreineer en drink 2-3 keer per dag.

MOENIE KAMFER GEBRUIK indien jy:
• Swanger of borsvoedend
• Epilepsie of stuiptrekkings het
• Lewer- of nierprobleme het
• Kinders jonger as 2-3 jaar
• Op stukkende of geïrriteerde vel

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg.
Drink dit vir bronchitis.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir bronchitis.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir brongitis.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Roer 5 mℓ heuning by.
Drink die tee vir brongitis.

♦♦♦

Kook ´n stuk saliebos in water, totdat die vloeistof lyk soos sterk tee.
Neem een koppie daarvan en kook tot ‘n stroop met 2 koppies suiker.
Voeg 1 botteltjie borsdruppels en ´n halwe koppie suurlemoensap by en skud goed.
Drink 1 eetlepel vol 3 maal per dag.

♦♦♦

Neem 10 – 30 druppels balsemkopiva daagliks, gedrup op suiker of saam met melk.


Medisinale gebruike van kruie

Kruiegids

Kruie vir kwale: Sonbrand

Die blaarsap van suurvye kan gebruik word as 'n strelende velmiddel vir sonbrand.

♦♦♦

Smeer komkommersap aan of smeer sommer versigtig met ’n komkommer.

♦♦♦

Maak ’n groot kastrol sterk rooibostee. Gooi die tee in jou badwater en bad daarin.

♦♦♦

Smeer aalwynsap aan vir die verligting van sonbrand.

♦♦♦

Die blaarsap van suurvye word gebruik as 'n strelende velmiddel vir sonbrand.


Medisinale gebruike van kruie

Kruiegids

Kruie vir kwale: Hoes

Kook 1 teelepel gedroogde kamferbosblare in 1 koppie water vir 10 minute.
Dreineer en drink 2-3 keer per dag

*MOENIE KAMFER GEBRUIK* indien jy:
• Swanger of borsvoedend
• Epilepsie of stuiptrekkings het
• Lewer- of nierprobleme het
• Kinders jonger as 2-3 jaar
• Op stukkende of geïrriteerde vel

♦♦♦

Balsem Vita, ’n preparaat van verskillende olies, word aanbeveel vir die verligting van hoes van ‘n minder ernstige aard. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas.
Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Die vars blare van die kransaalwyn word gekap of fyngemaak en dan in water gekook om 'n tee of aftreksel te maak.
Dit word gedrink om hoes te verlig.
Soms word heuning of ander medisinale kruie, soos die blare van die lemoenbossie of gemmer, bygevoeg om die doeltreffendheid te verbeter.

♦♦♦

Vir hoes week Rastafariërs een wildeknoffel plant se bol en blare in kookwater vir 10 minute. Die aftreksel word dan as ’n tee gedrink.

♦♦♦

Die Zoeloes gebruik al lank reeds watersalie vir hoes. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Gooi ’n koppie kookwater oor ’n eetlepel geelblomsalie blare en laat dit trek vir 5 minute. Om dit meer drinkbaar te maak kan jy dit versoet met heuning en ’n skyfie suurlemoen byvoeg.
Die Nama mense gebruik al lank tee van geelblomsalie vir die behandeling van hoes. .

♦♦♦

Tee van die wilde salie word wêreldwyd gebruik vir die behandeling van hoes en ander borskwale.
Gooi ’n koppie kookwater oor ’n eetlepel wilde salie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg.
As jy hoes moet jy daarvan drink direk na die hoesbui. Jy kan ook ’n blaar kou om te help met hoes of ’n seer keel.

♦♦♦

Gebruik 10 g wildedagga-blare, stele en/of blomme om ’n tee mee te maak. Laat dit vir 5 minute trek voor jy dit deur ’n siffie gooi.
Drink dit vir hoes.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute.
Dreineer en voeg bietjie heuning en suurlemoensap by en drink dit vir hoes.

♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir hoes.

♦♦♦

Gebruik 10 g vars tiemie om ’n tee mee te maak. Laat dit vir 5 minute trek voor jy dit deur ’n siffie gooi. Roer 5 mℓ heuning by.
Drink die tee vir hoes.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir hoes.

♦♦♦

Plaas ’n ¼ koppie klimop-blare in 1 koppie kookwater en laat trek vir 5 minute.
Gooi deur ’n siffie en geur met heuning na smaak.
Drink dit vir hoes.

♦♦♦

Maak die wortel van die noem-noem skoon en maak fyn. Gebruik 2 teelepels in ’n koppie warm water. Drink dit vir hoes.

♦♦♦

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir hoes.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir hoes.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Roer 5 mℓ heuning by.
Drink die tee vir hoes.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir hoes.

♦♦♦

Een teelepel boegoebrandewyn, twee maal per dag.
Lees hier hoe om boegoebrandewyn te maak.

♦♦♦

Kook ´n stuk saliebos in water tot die vloeistof lyk soos sterk tee.
Neem een koppie daarvan en kook dit tot ’n stroop saam met 500 ml suiker.
Voeg 1 botteltjie borsdruppels en 125 ml suurlemoensap by en skud goed.
Drink 15 ml hiervan 3 maal per dag.

♦♦♦

Sny ’n wit ui in dun skyfies en strooi bruinsuiker daaroor. Laat die staan sodat dit ’n stroop kan trek. Gee dan 5 mℓ van die stroop elke uur. Dit sal help vir hoes.

♦♦♦

Jy kan jou eie hoesstroop maak deur gelyke hoeveelhede suurlemoensap en heuning te meng.

♦♦♦

Peperwortel is jare gelede gereeld gebruik om hoes mee te behandel. Jy berei jou eie hoesstroop van die plant. Behou die wortel se skil, maar was en skrop dit deeglik. Sny dit dan in skyfies. Strooi ’n dik laag bruinsuiker oor en laat staan vir 24 uur. Dan gooi jy die los suiker af en kook die res op tot sag. Neem 5 mℓ wanneer jy ’n hoesbui het.

♦♦♦

Kou ses naeltjies en sluk die sap in.

♦♦♦

George Moore skryf:
"Man, ek het so 'n lelike hoesie gekry die winter toe sê 'n ou taante om die draai van my ek moet die volgende gebruik:
1 half jack gemmer brandewyn
1 middelslag ui
2 huisies knoffel
1 bottel heuning
Gooi die heuning en brandewyn in 'n potjie en verhit stadig maar nie kook nie, rasper dan die ui en knoffel baie fyn en gooi by die brandewyn en heuning laat so vir 10 minute staan en gooi in bottels maak seker dat die ui en knoffel gelyk verdeel is in al die bottels. Gebruik dan so 2 eetlepels op 'n slag vir hoes maar nou nie te veel nie anders moet 'n mens dan 'n raad vir wingerdgriep gaan soek. So elke 2 ure het gewerk vir my."

♦♦♦

Die kanniedood (Catharanthus roseus) se blare word gebruik vir die behandeling van hoes.
Die basiese metode is om ’n paar blare vir 5 minute te week in kookwater en dan die tee te drink.


Medisinale gebruike van kruie

Kruiegids

Kruie vir kwale: Dermatitis

Die blaarsap van suurvye kan gebruik word as 'n strelende velmiddel vir dermatitis.

♦♦♦


Medisinale gebruike van kruie

Kruiegids

Die tradisionele gebruik van die kanferboom

Die kanferboom (Cinnamomum camphora) is oorspronklik van Oos-Asië (China, Japan, Taiwan, Viëtnam) en is na Suid-Afrika ingevoer as 'n sier-skaduboom, asook vir hout en medisinale doeleindes. Ondanks die nie-inheemse status, is dit in sekere tradisionele geneespraktyke opgeneem.

Die bas en blare word in tradisioneel gebruik vir:
• Asemhalingskwale: Behandeling van verkoue, koors, griep, brongitis, hoes, sinus-hoofpyn en kongestie
• Maagpyn
• Eksterne aanwendings vir spierstyfheid

⚠️ Kamfer is giftig as dit in groot hoeveelhede ingeneem word en kan naarheid, braking, stuiptrekkings, asemhalingsprobleme en selfs die dood veroorsaak—veral by kinders.

⚠️ Dit is onwettig om hierdie spesie voort te plant, te plant of te verkoop in die meeste dele van Suid-Afrika weens hul indringerstatus. Bestaande erfenisbome (soos dié by Kirstenbosch Botaniese Tuin) is beskermde uitsonderings.

Oorweeg eerder die gebruik van die inheemse Kamferbos (Tarchonanthus camphoratus) vir kwale.

Kruie vir Kwale: Artritis

Vir uitwendige gebruik: meng soetolie en kajapoetolie. Dit verlig gewrigs- en lende pyne.

♦♦♦

Die knolle van die duiwelsklou kan fyngemaak en gekook word. Die aftreksel word dan twee maal per dag gedrink.

♦♦♦

Rastafariërs eet wildeknoffel saam met rissie wanneer hulle enige skete en pyne onder lede het. Hulle gebruik ook ’n aftreksel van die bolle en blare in hul badwater vir artritis. Die aftreksel word gemaak deur een plant se bol en blare in koue water te week vir ’n dag lank. Die hele liggaam moet dan met die aftreksel gewas word.

♦♦♦

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir hoes, verkoue en artritis.

♦♦♦

Was die aangetaste dele van jou lyf met bosboegoe-blare en die fyngedrukte bolle van wildeknoffel.

♦♦♦

Meng 1 houer Camphor-room met 10 Grandpa-poeiers en smeer gereeld waar dit pyn.

♦♦♦

Neem 'n 2 liter bottel water en meng met 6 eetlepels engelse sout en die sap van 10 suurlemoene – drink 3 per dag.

♦♦♦

Meng 'n 2 liter bottel water met 2 eetlepels heuning en 2 eetlepels kaneel, 1 eetlepel borrie en 1 eetlepel gemmer en drink 3 maal per dag (hou in yskas).

♦♦♦

Duiwelsklou-tee help vir artritis.

♦♦♦

Probeer 'n kombinasie van selderysaad en aloe vera (aalwyn)tablette.

♦♦♦

Smeer die pynlike areas in met arnikaolie.

♦♦♦

Gooi jenewer en laventelolie in warm water - twee druppels elk. Neem 'n waslap en trek oor die oppervlak sodat die olielagie op die waslap kom. Plaas oor hande met 'n handdoek oor en 'n warmwaterbottel bo- op vir 30 minute.

♦♦♦

Kamille en laventel kan verligting bied van artritis. Week jou hande in louwarm water met 2 druppels kamille-olie en 2 druppels laventelolie by.

♦♦♦

Meng 'n paar druppels jenewer- en sipresolie en vryf geswelde areas daarmee in vir verligting.

♦♦♦

Maak 'n smeermiddel van twee druppels elk jenewer, swartpeper en kamille olie, vyf druppels laventel en tien teelepels olyfolie.

♦♦♦

Die Tswana-mense hang die bolle van die blouberglelie op om uit te droog. Hulle moet 5 maande lank hang. Die bolle word dan verpoeier en gesmeer aan die rug en polse om dit te help herstel.


Medisinale gebruike van kruie

Kruiegids

Kruie vir kwale: Boererate vir hardlywigheid

Senna is ‘n plant waarvan ’n ekstrak of die blare as ’n sterk purgeermiddel gebruik word vir die verligting van hardlywigheid en word ook deur medici voorgeskryf om die kolon skoon te maak voor prosedures soos ’n kolonoskopie.

♦♦♦

’n Aftreksel van die boomwortels van die kiepersolboom word gebruik vir ’n lakseermiddel.

♦♦♦

Gooi 1 eetlepel lynsaad in ’n glas water en laat staan dit oornag.
Gooi die water af en gooi die lynseed oor jou ontbytpap. Dit sal help indien dit gereeld gebruik word.

Kruie vir kwale: Maagpyn

Die sap van die blare van suurvye kan gebruik word vir die behandeling van maagpyn.

♦♦♦

Meng 5 druppels naeltjie-olie op 'n bietjie suiker saam met 'n paar druppels water. Dit is baie doeltreffend om maagpyn te verlig.

♦♦♦

Lewensessens word algemeen gebruik vir maagprobleme. Die aktiewe bestanddeel van lewensessens is bitteraalwyn.

♦♦♦

Kajapoetolie kan gebruik word vir maagpyn. Neem 1 – 3 druppels met suikerwater.

♦♦♦

Duiwelsdrek kan gebruik word vir maagpyn. Neem drie maal daagliks saam met melk of heuning genoeg hiervan om die punt van ‘n mes toe te maak.

♦♦♦

Balsem Vita, ’n preparaat van verskillende olies, word aanbeveel vir die verligting van maagpyn. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas.
Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Makkalmoes word tradisioneel deur die Zoeloe mense gebruik om maagkrampe te behandel. Die risome word normaalweg gekook en gebruik.

♦♦♦

Die Zoeloes gebruik al lank reeds watersalie vir maagpyn. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir maagprobleme.

♦♦♦

Vir maagprobleme. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Gooi ’n koppie kookwater oor ’n eetlepel wilde salie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg. Die tee kan gedrink word vir maagprobleme.

♦♦♦

Die blare van die maagpynbossie word al jare in die Wes-Kaap gebruik as medikasie vir maagpyn. Trek 10 g blare in ’n koppie kookwater vir 5 minute. Drink dit stadig.

♦♦♦

’n Sterk aftreksel gemaak van die bitterbos kan eerste ding in die oggend gedrink word as ’n vinnig werkende lakseermiddel. Let asseblief daarop dat dit oormatige sweet en slaaploosheid kan veroorsaak.

♦♦♦

Die gereelde gebruik van rooibostee kan verligting bied vir maagpyn.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir maagkrampe.

♦♦♦

Boegoebrandewyn is tot in die twintigste eeu nog vir maagkwale benut en daar is vandag nog boegoe vir dit voorskryf. Een teelepel, twee maal per dag.
Hierdie medikasie word gemaak deur ’n paar jong takkies boegoe by een bottel brandewyn te voeg. Maak toe en laat staan vir ’n week, terwyl jy dit een keer per dag goed skud.

♦♦♦

Bosboegoe kan ook gebruik word. Voeg ’n paar bosboegoe-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag.

♦♦♦

Kapokbos kan gebruik word vir die behandeling hiervan. Maak ’n tee van die blare.

♦♦♦

Meng 2 liter water met 2 eetlepels heuning, 1 eetlepel fyngekapte gemmer en 1 eetlepel gemaalde kaneel. Hou in die yskas en drink gereeld ’n bietjie daarvan.

♦♦♦

Die Hollandse setlaars het geglo dat die vrugte van die koekemakranka voordelig is vir jou maag. Hulle het die vrugte by brandewyn gevoeg en dit gebruik as medisyne.

Maak vir jou koekemakrankabrandewyn en drink dit as jou maag nie lekker voel nie.

(foto: Robert Jacob Gordon 1743-1795 The Man and his Travels at the Cape deur Patrick Cullinan)

♦♦♦

Laat jong takkies van ’n renosterbos trek in ’n bottel brandewyn. Drink soggens en saans sowat 30 mℓ hiervan. Dit help vir verskeie maagkwale, soos byvoorbeeld maagsere.

♦♦♦

Vars basielkruid help om maagkrampe te verminder.

♦♦♦

Maak tee met vinkel. Dit help vir maagpyn.

♦♦♦

Stamp die blare van die wilde als bos fyn en sit op 'n lap met asyn en plaas die lap op die maag van 'n baba met maagpyn.

♦♦♦

Trek die blare van die wilde als bos soos tee en drink.

♦♦♦

Medisinale gebruike van kruie

Kruiegids

Kruie vir kwale: Winderigheid

Meng 5 druppels naeltjie-olie op 'n bietjie suiker saam met 'n paar druppels water. Dit is baie doeltreffend om wind in die maag en ingewande te verlig.

♦♦♦

Kajapoetolie kan gebruik word vir winde. Neem 1 – 3 druppels met suikerwater.

♦♦♦

Duiwelsdrek word aanbeveel vir winderigheid. Neem drie maal daagliks saam met melk of heuning genoeg hiervan om die punt van ‘n knipmes toe te maak.

♦♦♦

Balsem Vita, ’n preparaat van verskillende olies, word aanbeveel vir die verligting van winderigheid. Dit kan met veiligheid vir kinders en babas gegee word. Vir volwassenes 20 – 30 druppels 4 of 5 keer daagliks saam met warm water of tee. 10 druppels is genoeg vir kinders en 5 druppels in bietjie lou soet water vir babas. Die olies wat gebruik word vir die preparaat is kassia, laventel, naeltjie, neutmuskaat en tiemie.

♦♦♦

Die Zoeloes gebruik al lank reeds watersalie vir winderigheid. Die resep is twee blare in ’n koppie kookwater getrek vir 5 minute. Gooi deur ’n siffie en drink.

♦♦♦

Vir winderigheid, diarree, sooibrand en probleme met spysvertering. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Die blare van die maagpynbossie word gebruik as medikasie vir winderigheid. Trek 10 g blare in ’n koppie kookwater vir 5 minute. Drink dit stadig.

♦♦♦

Kou ’n paar groenment-blare vir winderigheid.

♦♦♦

Jy het ’n takkie kapokbos van omtrent jou duim se lengte nodig. Gooi ’n koppie kookwater daaroor en laat trek vir 5 minute. Dreineer en drink die tee vir winderigheid.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir winderigheid.

♦♦♦

Neem ’n paar druppels anysolie op suiker wanneer nodig.

♦♦♦

Trek kruienaeltjies in kookwater en drink daarvan.

♦♦♦

Neem ’n bietjie kaneel gemeng met heuning.

♦♦♦

Meng 2 liter water met 2 eetlepels heuning, 1 eetlepel fyngekapte gemmer en 1 eetlepel gemaalde kaneel. Hou in die yskas en drink gereeld ’n bietjie daarvan.

♦♦♦

Drink 'n warm tee van byebalsem (bergamot).

♦♦♦

Maak vir jou tee met vinkel om te help met winderigheid.


Medisinale gebruike van kruie

Kruiegids

Blouoog

Die beste behandeling is om onmiddellik nadat jy die blouoog gekry het ’n katoenlap met ys daarin op die oog te hou vir so 10 minute. Jy moet dit gereeld doen die eerste 48 uur.

Boereraat:

Maak ’n mengsel van 1 teelepel Engelse sout en 1 koppie warm water en gebruik ’n stukkie watte om die oog te was met mengsel. Week dan skoon watte in die water en gaan lê en sit dit op die oog.

♦♦♦

Baie mense sweer ook by pynappel en papaja vir ’n blou-oog. Wend die moes van die vrugte aan rondom die wonde. Jy kan ook die sap van die vrugte drink of die vrugte eet. Enige vrugte met vitamien C kan geëet word om te help met die herstel.


Medisinale gebruike van kruie

Kruiegids

Hoes

Hoes is die vinnige uitstoot van ingeasemde lug deur 'n vernoude keel, gepaardgaande met 'n plofgeluid. Dit word normaalweg veroorsaak deur een of ander prikkeling in die lugweë.

Voor jy volgende keer apteek toe hardloop vir duur medikasie, probeer eers heuning. Dit werk soms beter as sommige hoesmedisyne.

Boereraat:

Antimoonwyn kan gebruik word vir verkoue en koors en maak ook die slym los by hoesbuie.

♦♦♦

As ’n kind sukkel met slym op die bors. Meng 250 mℓ heuning met 5 mℓ bakpoeier. Gee gereeld 5 mℓ daarvan vir die kind. Dit sal die slym baie gou losmaak. Die mengsel kan in 'n flessie met 'n skroefdeksel gebêre word en gebruik word wanneer nodig.


Medisinale gebruike van kruie

Kruiegids

Kruie vir kwale: Koors

Witolien kan gebruik word om die immuunstelsel te ondersteun en kan help met simptome soos ligte koors.
Kook 'n paar vars, skoon blare om ’n tee te maak. Gooi die tee deur ‘’n siffie, koel af en drink.

♦♦♦

Jy kan ’n afkooksel maak van wildeals blare daardeur vir 10 minute te kook. Dit kan gebruik word vir die behandeling van koors. Kook dit saam met knoffel om dit op die voorkop te smeer as ’n koorswerende middel.

♦♦♦

Die blare van die bontaalwyn word rou gekou of fyngemaak om die jel of sap te onttrek. Hierdie jel kan oraal ingeneem word om koors te verminder. Die jel kan ook op die voorkop gesmeer word om hoofpyn wat deur koors veroorsaak word, te verlig.

♦♦♦

Die vars blare van die kransaalwyn word gekap of fyngemaak en dan in water gekook om 'n tee of aftreksel te maak.
Dit word gedrink om koors te verminder.

♦♦♦

Die knolle van die duiwelsklou kan fyngemaak en gekook word. Die aftreksel word dan twee maal per dag gedrink.

♦♦♦

’n Aftreksel van die boomwortels van die kiepersolboom word gebruik vir die behandeling van koors.
Week die wortels 3 tot 5 dae lank in alkohol of water te week en dan te filtreer. Jy moet omtrent ’n kg plantmateriaal gebruik vir 5 liter water. Om aftreksel te gebruik, vul 'n druppelaar of klein spuit met die vloeistof en drup dit in die mond, net onder die tong. Hou die tinktuur vir 'n paar sekondes in die mond voordat jy dit sluk. Spoel die mond dan deeglik uit met water om van die bitter smaak ontslae te raak. Die presiese dosis wat 'n persoon moet neem, hang af van hul ouderdom, maar dit is die beste om nie meer as 2 klein vol druppelaars te neem nie. Moenie tinkture aan kinders gee nie.

♦♦♦

Rastafariërs eet wildeknoffel saam met rissie wanneer hulle enige skete en pyne onder lede het. Hulle gebruik ook ’n aftreksel van die bolle en blare in hul badwater om koors te breek. Die aftreksel word gemaak deur een plant se bol en blare in koue water te week vir ’n dag lank. Die hele liggaam moet dan met die aftreksel gewas word.

♦♦♦

Tee van suurlemoengras help om koors te verlig.

♦♦♦

Plaas 10 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir koors.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met koors. Jy kan die geaffekteerde plekke liggies daarmee afspons.

♦♦♦

’n Tee gemaak van kattekruid help vir koors.

♦♦♦

’n Tee gemaak van die blare van die koorsbossie help vir koors.

♦♦♦

Gee koue water om te drink en ’n bietjie komkommersap elke 2 minute.

♦♦♦

Neem ’n mespunt vol kremetart met ’n bietjie water vir koors.

♦♦♦

Die kanniedood (Catharanthus roseus) se blare word gebruik vir die behandeling van ligte koors. Die basiese metode is om ’n paar blare vir 5 minute te week in kookwater en dan die tee te drink.


Medisinale gebruike van kruie

Kruiegids

Kruie vir kwale: Ekseem

Vanweë boegoe antiseptiese en antibakteriële eienskappe kan boegoe-olie gebruik word om ekseem te behandel.

♦♦♦

Sommige mense maak ’n eksterne wasmiddel met kankerbossie vir ekseem. Hiervoor gebruik jy 4 hande vol blare van die kankerbossie, ’n fyngedrukte bol wildeknoffel en 4 hande vol kruidjie-roer-my-nie se blare. Alles saam word in kookwater getrek vir 30 minute. Die lyf word gewas terwyl die mengsel nog warm is en die pasiënt moet ook 125 mℓ van die mengsel drink. Die 125 mℓ moet egter afgetap word na 15 minute se trek. As dit te sterk is, kan dit die persoon laat opgooi. Hoe bitterder ’n kankerbossie-mengsel is, hoe sterker is dit.

♦♦♦

Teeboom-olie (tea tree oil) help vir ekseem. Gooi 'n paar druppels in jou badwater.

♦♦♦

Laventel-olie help vir ekseem. Gooi 'n paar druppels in jou badwater.

♦♦♦

Rooibostee is ’n tradisionele teenvoeter vir ekseem. Maak ’n sterk pot rooibostee en voeg dit by jou badwater. Dit is ook geskik vir baba’s.

Jy kan die tee ook laat afkoel en dit op jou vel spat of jou vel daarmee afspoel. Of gebruik sommer n rooibos teesakkie en spons jou vel daarmee.

♦♦♦

Gousblom-tee help om ekseem en ander allergiese reaksies te verlig.

♦♦♦

Maak ’n tee met brandnetel en drink dit om jou allergiese reaksie te verlig.

♦♦♦

Meng 30 mℓ kremetart, 30 mℓ blomswael en 30 mℓ milk of magnesia met ’n potjie ongegeurde room (aquas cream). Smeer soggens en saans ’n bietjie aan die uitslag op jou vel. Dit is ook geskik vir kinders.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gooi dit by jou badwater vir ekseem.

♦♦♦

Voeg 'n paar takkies van ´n wilde daggaplant by jou badwater om ekseem te verlig.

♦♦♦

Die blaarsap van suurvye word gebruik as 'n strelende velmiddel vir ekseem.


Medisinale gebruike van kruie

Kruiegids

Melkdissel gebruik as behandeling vir Cushing-siekte

Cushing-siekte word veroorsaak deur ’n gewas in die pituïtêre klier in die brein. Die gewas skei toenemend streshormone af, wat weer die vrylating van kortisol uit die byniere tot gevolg het. Dit lei tot vinnige gewigstoename, verhoogde bloeddruk en spierswakheid. Pasiënte is geneig om osteoporose, infeksies en kognitiewe probleme te ontwikkel. Depressie kom ook algemeen voor.

Al hoe die siekte tot dusvêr behandel is, is deur ’n breinoperasie wat die gewas probeer verwyder. Vir diegene wat nie die operasie kan ondergaan nie is daar ’n alternatiewe terapie, maar dit kan die pasiënt se bloedsuikervlakke geweldig versteur.

Navorsers by die Max Planck Instituut vir Psigiatrie in Duitsland het nou vasgestel dat ’n ekstrak van die sade van die melkdissel gebruik kan word om Cushing-siekte te behandel. Dit word alreeds gebruik vir die behandeling van lewersiektes en vergiftiging.

(foto: Curtis Clark)

Kruie vir kwale: Diabetes

Die kanniedood (Catharanthus roseus) word in ander dele van die wêreld gebruik vir die behandeling van diabetes. Die basiese metode is om ’n paar blare vir 5 minute te week in kookwater en dan die tee te drink.

♦♦♦

Sitroengras kan help om bloedsuikervlakke te beheer, wat belangrik is vir die voorkoming van diabetiese niersiekte.
Hoe om te gebruik:
Tee: Week 1-2 teelepels gedroogde sitroengras in warm water vir 5-10 minute. Beperk tot 1-2 koppies daagliks.

♦♦♦

Boegoe kan bydra tot die handhawing van gesonde bloedsuikervlakke.

♦♦♦

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit steeds vir diabetes.

♦♦♦

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik. Mense gebruik dit vir diabetes, maar daar is geen goeie wetenskaplike bewyse om hierdie gebruike te ondersteun nie.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir diabetes.

♦♦♦

Kap 5 g bitterbos-blare fyn en laat 5 minute trek in ’n koppie kookwater. Drink drie maal per dag vir diabetes.

♦♦♦

So min soos 1 gram borrie saam met ontbyt help om die geheue te verbeter van persone wat in die vroeë fase van die ontwikkeling van diabetes is.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir diabetes.

♦♦♦

Medisinale gebruike van kruie

Kruiegids

Kruie vir kwale: Demensie / Geheueverlies

So min soos 1 gram borrie saam met ontbyt help om die geheue te verbeter van persone wat in die vroeë fase van die ontwikkeling van diabetes is. Daar is ook bewyse dat dit help om demensie te bekamp.

♦♦♦

Medisinale gebruike van kruie

Kruiegids

(foto: Tamanna Rumee)

Vinnige raad vir lae bloeddruk

Raad om jou lae bloeddruk vinnig te laat styg.

Drink koffie – koffie of enige ander kafeïenhoudende drank kan help om jou bloeddruk te verhoog. As jy aan lae bloeddruk ly, kan 'n koppie koffie in die oggend 'n kitsmiddel vir lae bloeddruk wees. Jy kan dit ook as deel van jou maaltye hê, veral wanneer jy met ortostatiese hipotensie te doen het.

Peusel aan amandels en rosyne – die maklikste manier om lae bloeddruk tuis te behandel, is om amandels en rosyne te eet. Rosyne is 'n ideale natuurlike middel om hipotensie natuurlik te genees. Jy kan 'n paar rosyne oornag in water week en dit soggens op 'n leë maag eet en ook die water drink waarin dit geweek is. Jy kan dit vir 'n paar weke en maande probeer. Amandel is nog 'n alternatiewe boereraat vir lae bloeddruk Jy kan dieselfde prosedure vir amandels volg as wat jy vir rosyne gedoen het.

Drink wortel- en beetsap – om jou dag te begin met 'n glas vars wortelsap met heuning kan help om bloeddruk te handhaaf, aangesien dit help om die hart- en nierfunksies te reguleer. Beetsap is weer 'n doeltreffende teenmiddel om jou bloeddruk te help stabiliseer. Vir mense met hipotensie kan die inname van twee glase beetsap vir 'n week goeie resultate gee.

(foto: Diana Lorena García)

Vaginale infeksies

Infeksies word gewoonlik veroorsaak deur besmetlike stowwe wat via die vagina in die inwendige organe beland. Jy kan begin jeuk weens te warm of stywe klere, of weens uitdroging van te veel was met seep. Wees veral versigtig om te veel met geparfumeerde seep te was.

Vaginitis is ´n tipe infeksie wat veroorsaak word deur ´n geelgroen of rooierige afskeiding wat onaangenaam ruik. Dit gaan gewoonlik gepaard met ´n jeukirigheid en brandpyn.

Candida kan voorkom sonder om ´n infeksie te veroorsaak, maar as dit baie vermeerder kan dit ontsteking veroorsaak wat gepaard gaan met ´n witterige afskeiding.

Vee altyd van voor na agter af. Drink ook bosbessiesap. Dit maak die urine suur, wat die groei van bakterieë teenwerk. Vir Candida kan jy ´n tampon in jogurt doop en dan in die vagina plaas. Eet ook so gereeld as moontlik bioaktiewe jogurt. Vermy die oormatige inname van alkohol en eet minder suiker. Daar is verskillende swamteenmiddels beskikbaar om die infeksie te behandel. Dit behoort na sowat twee weke te werk.

Besoek dadelik jou dokter indien jy vermoed jy het Vaginitis.

Boereraat:

Raad vir infeksie by vrouens:

Belinda van Wijk: Los ongeveer 2 opgehoopte eetlepels koeksoda op in 'n warm bad water en sit 'n ruk, 20 min, daarin (bad dan soos gewoonlik). Dit help vir vaginale infeksie (jeukerigheid en branderigheid).

♦♦♦

Belinda van Wijk: Smeer voor slaaptyd redelik baie "gewone joghurt" (ongegeur) aan die seer gedeelte (sit net 'n pantyliner in jou broekie want dit mors baie), gaan slaap dan so en was dit môre oggend weer af. Herhaal totdat die toestand beter is.


Medisinale gebruike van kruie

Kruiegids

Hardlywigheid

Klein harde stoelgang minder as 3 keer per week is gewoonlik ’n teken dat jy hardlywig is. Dit kan ongemak en winderigheid veroorsaak. Hardlywigheid word veroorsaak deur ’n ongesonde dieet, dermprobleme, te veel vleis, te veel suiwel, medisyne of indien jy lakseermiddels gebruik.

Sluit volgraanprodukte by jou dieet in en drink ten minste 3 glase water per dag. Pruimedante of pruimedantsap word ook aanbeveel. Oefening vir die maagspiere werk ook.

Soek mediese hulp indien dit vir langer as ’n week aanhou of bloeding voorkom.

Boereraat vir hardlywigheid:

Drink bietjie sodawater vir hardlywigheid.

♦♦♦

Week 250 g perskes, 250 g rosyne en 250 g pruimedante in water tot sag.
Maal nou al die vrugte saam tot fyn. Meng dit met 500 g heuning.
Eet saans 1 teelepel hiervan.

♦♦♦

Eet elke oggend vir ontbyt ’n sny growwe, bruin brood. Dit moet growwe bruin brood met semels wees. Voedsel ryk aan vesel help vir hardlywigheid by kinders; en hardlywigheid by bejaardes.

♦♦♦

Drink ’n glas louwarm water met appelasyn – 30 min voor etes.

♦♦♦

Dit is nie gewone soutwater wat jy moet drink vir hardlywigheid nie. Dit is Engelse sout. Drink elke oggend op ’n nugter maag een teelepel Engelse sout opgelos in ’n glas warm water.

♦♦♦

Piesangs kan help om van hardlywigheid ontslae te raak.


Medisinale gebruike van kruie

Kruiegids

Blaasinfeksie / Urienweginfeksie

Blaasinfeksies word dikwels veroorsaak deur besmetlike stowwe wat in die inwendige organe beland. Moegheid, koue en bloedarmoede kan jou weerstand teen infeksies verswak.

Raadpleeg jou dokter dadelik indien jy vermoed dat jy ´n blaasinfeksie het want urienweginfeksies is relatief maklik om te behandel. Normaalweg word antibiotikavoorgeskryf op grond van jou infeksie en die tipe bakterieë wat in jou urinemonster gevind is. Hierdie behandelings is gewoonlik effektief, en die infeksie verdwyn vinnig.

Boereraat:

Drink 'n bietjie koeksoda in gekookte water.

♦♦♦


Sien ook Kruie vir kwale: Blaasinfeksie