Kruie vir kwale: Spysvertering

Die knolle van die duiwelsklou kan fyngemaak en gekook word. Die aftreksel word dan twee maal per dag gedrink.

♦♦♦

’n Aftreksel van die bas van die kiepersolboom word gebruik vir die behandeling van slegte spysvertering. Week die bas 3 tot 5 dae lank in alkohol of water te week en dan te filtreer. Jy moet omtrent ’n kg plantmateriaal gebruik vir 5 liter water. Om aftreksel te gebruik, vul 'n druppelaar of klein spuit met die vloeistof en drup dit in die mond, net onder die tong. Hou die tinktuur vir 'n paar sekondes in die mond voordat jy dit sluk. Spoel die mond dan deeglik uit met water om van die bitter smaak ontslae te raak. Die presiese dosis wat 'n persoon moet neem, hang af van hul ouderdom, maar dit is die beste om nie meer as 2 klein vol druppelaars te neem nie. Moenie tinkture aan kinders gee nie.

♦♦♦

Die Zoeloes gebruik die bol van wildeknoffel vir die behandeling van slegte spysvertering.
Een plant se bol word fyngedruk en in melk gekook vir 10 minute. Klein bietjies van die aftreksel word dan in die oggend en aand gedrink.

♦♦♦

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit steeds vir spysvertering. Die bitter smaak van die tee help ook om die aptyt aan te wakker.

♦♦♦

Vir probleme met spysvertering. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Die blare en wortels van die kaneelbol word gebruik om ’n tee te maak vir die behandeling van probleme met spysvertering.
Sny ’n stuk wortel van 1 cm skoon en 2 teelepels gekapte blare. Laat dit trek in ’n koppie kookwater vir 5 minute en gooi deur ’n sif voor jy dit drink.

♦♦♦

Kou ’n paar groenment-blare vir slegte spysvertering.

♦♦♦

Maak tee met gedroogde wilde-jasmyn blomme, met suurlemoensap en heuning. Drink dit vir slegte spysvertering.

♦♦♦

Gebruik 10 g vars tiemie om ’n tee mee te maak. Laat dit vir 5 minute trek voor jy dit deur ’n siffie gooi. Roer 5 mℓ heuning by.
Drink die tee vir spysvertering.

♦♦♦

Maak vir jou tee met roosmaryn indien jy hulp nodig het met spysvertering.

♦♦♦

Maak tee met pietersielie vir hulp met die spysvertering.

♦♦♦

Tee van origanum help dit met spysvertering.

♦♦♦

Tee van marjolein help met spysvertering.

♦♦♦

Kruisementtee help vir spysvertering.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir slegte spysvertering.

♦♦♦

Gooi kookwater oor ’n teelepel bloekomblare (Eucalyptus globulus) gemeng met ’n teelepel bokboegoe (Coleonema pulchellum). Laat dit trek vir 5 minute. Gooi deur ’n siffie en drink vir slegte spysvertering.

♦♦♦

Gebruik pietersielie by jou kos as jy ly aan slegte spysvertering.

♦♦♦

Laat jong takkies van ’n renosterbos trek in ’n bottel brandewyn. Drink soggens en saans sowat 30 mℓ hiervan. Dit help vir verskeie maagkwale, soos byvoorbeeld slegte spysvertering.

♦♦♦

Drink vinkeltee.

♦♦♦

Vars basielkruid help die liggaam om kos beter te verteer.

♦♦♦

Gooi ’n koppie kookwater oor ’n ¼ koppie vars groenment-blare. Laat dit staan vir 3 minute voor jy die tee drink.
Drink dit vir slegte spysvertering.

♦♦♦

Aalwyn kan vertering bevorder deur maagsappe te stimuleer en absorpsie te verbeter.
Neem 1–2 eetlepels (≈30–60 ml) aalwynsap daagliks, voor ete.
Gebruik slegs gesuiwerde aalwynsap.

Vermy indien:
Swanger of borsvoed (kan baarmoeder kontraksies stimuleer).
Diuretika, lakseermiddels of hartmedikasie neem (risiko van interaksies).
Nierprobleme het of inflammatoriese dermprobleme soos Crohn se siekte.
Korttermyn gebruik aanbeveel: Terwyl korttermyn gebruik veilig lyk vir die meeste volwassenes, is daar te min inligting beskikbaar oor langtermyn gebruik.

Begin laag: Begin met minder as 2 eetlepels daagliks om toleransie te bepaal voordat dit verhoog word.

♦♦♦




Medisinale gebruike van kruie

Kruiegids

Wat help vir kouekoors / koue koors?

Wat is kouekoors?

Kouekoors word gewoonlik veroorsaak wanneer ’n siekte die liggaam se temperatuur beïnvloed. Jou liggaam voel dat die temperatuur moet hoër wees en dit laat jou voel asof jy koud kry.
Dit word gewoonlik meegebring deur virale of bakteriële infeksies. Bakteriële infeksies word met antibiotika behandel, virale infeksies moet hul gang gaan.

Wat help vir kouekoors?

Daar is ’n paar dinge wat jy kan doen om jou simptome te verlig en beter te voel:
Bly gehidreer: Drink baie vloeistowwe, soos water, kruietee of warm sop, om te help om jou liggaam gehidreer te hou.
Rus: Kry baie rus om jou liggaam te help om die infeksie te beveg en energie te bespaar.
Oor-die-toonbank medikasie: Oor-die-toonbank pynstillers soos ibuprofen kan help om koors en ander simptome te verlig.
Stoom inaseming: As jy stoom uit ’n bak warm water of ’n warm stort inasem, kan dit help om benoudheid te verlig en asemhaling te vergemaklik.
Gorrel: Gorrel met warm soutwater. Dit kan help om 'n seer keel te verlig.
Bly warm: Hou jouself warm en gemaklik deur warm klere te dra en jouself met komberse toe te maak.
Vermy die verspreiding van die infeksie: Bedek jou mond en neus wanneer jy hoes of nies, en was jou hande gereeld om te verhoed dat die virus na ander versprei word.

As die volwassene se koors onder 38ºC bly hoef jy nie bekommerd te wees nie. Kinders kan egter koorsstuipe kry by hierdie temperatuur.
Kry mediese hulp indien die koors gepaard gaan met ernstige bewing, rukbewegings, klappertand of indien dit wissel tussen kouekoors en sweetaanvalle.

(Foto: Alex Greene)

Wintershande en -voete / Pernio

Wintershande en -voete (pernio) is die brandende, jeukende geswel van hande en / of voete as gevolg van blootstelling aan koue.

Die koue veroorsaak dat die bloedtoevoer ingekort word.

Oefening help om die bloedsomloop te verbeter.

Boereraat:
Spyker balsem, waarvan die hoofbestanddeel terpentynolie is, kan gebruik word vir wintershande en-voete.

♦♦♦

’n Mengsel wat jy kan voorberei vir wintershande, -voete, gebarste hakskene, en selfs vir ekseem:
1 kg room met ’n waterbasis
50 mℓ gliserien,
1 klein potjie wit Vaseline (reukloos)
100g Johnson's babapoeier.

Meng alles saam en smeer mildelik aan die aangetaste dele.

♦♦♦

Meng helfte kerswas en helfte paraffien en smeer soggens en saans aan. Dit help ook vir gebarste voete in warm weer.

♦♦♦

Hou jou voete in warm water waarin paraffien is.

♦♦♦

Vryf geweerolie aan jou voete.

♦♦♦

Sit in die son en vryf paraffien aan jou voete.

♦♦♦

Smeer terpentyn aan wintervoete.

♦♦♦

Maak 1 eetlepel kalk aan met 1 bottel kookwater. Laat staan vir 24 uur voor dit afgegooi word. Gooi ´n eetlepel kalkwater oor elke bord kos wat jy eet.


Medisinale gebruike van kruie

Kruiegids

Soekgids aanwysers: winters voete, wintersvoete

Floute

’n Floute is ’n kort verlies van bewussyn – wat gewoonlik slegs ’n paar minute duur. Dit word veroorsaak deur ’n tydelike vermindering van die vloei van bloed na die brein. Herstel is gou en volledig.

Dit kan ’n senuweeagtige reaksie op pyn of skrik wees; of die gevolg van ’n emosionele gebeurtenis, moegheid of gebrek aan kos. Dit is egter meer algemeen na lang tydperke van geen fisiese aktiwiteit, waar gebrek aan spieraktiwiteit veroorsaak dat ’n groot volume bloed in die onderste dele van die liggaam en bene versamel en dus die hoeveelheid bloed verminder wat vir sirkulasie beskikbaar is.

Simptome en tekens
Die simptome en tekens is baie dieselfde as vir skok, maar:
• Die pols sal STADIG en swak wees – dit is ’n belangrike teken
• Die persoon sal bleek wees

Kruie vir kwale: Prikkelbare-dermsindroom

Die eerste stap om jou gesondheid te verbeter is altyd ’n drastiese leefstylaanpassing. ’n Gesonde dieet en oefening moet deel van jou weeklikse roetine word. Medikasie en ander behandeling is net tydelike oplossings.
Neem 1–2 eetlepels (≈30–60 ml) aalwynsap daagliks, voor ete.
Gebruik slegs gesuiwerde aalwynsap.

Vermy indien:
Swanger of borsvoed (kan baarmoeder kontraksies stimuleer).
Diuretika, lakseermiddels of hartmedikasie neem (risiko van interaksies).
Nierprobleme het of inflammatoriese dermprobleme soos Crohn se siekte.
Korttermyn gebruik aanbeveel: Terwyl korttermyn gebruik veilig lyk vir die meeste volwassenes, is daar te min inligting beskikbaar oor langtermyn gebruik.

Begin laag: Begin met minder as 2 eetlepels daagliks om toleransie te bepaal voordat dit verhoog word.

♦♦♦

Medisinale gebruike van kruie

Kruiegids

Asma by volwassenes

Baie mense weet wat die algemene simptome van asma is, soos kortasem, maar weet nie van ander gevaartekens soos slapeloosheid, borspyn en ’n aanhoudende hoes nie.

Heelwat volwassenes sal later in hul lewe asma ontwikkel en sal lank daarmee sukkel voor hulle weet wat fout is. Die rede is dat hulle nie die tradisionele simptome het wat kinders gewoonlik het nie. Dit is dus belangrik dat ’n spesialis jou diagnoseer.

1 uit elke 200 volwassenes wat nog nooit in hul lewe asma gehad het nie gaan dit later in hul lewe kry. Volwassenes het gewoonlik die volgende simptome: (Die persentasie dui aan hoe algemeen dit voorkom. Die syfers is gebaseer op onlangse navorsing.)

Kortasem (89%)
Hyg na asem (85%)
Aanhoudende hoes (65%)
Borspyn (54%)
Slapeloosheid (51%)

Asma by volwassenes kan baie goed beheer word. Praat met jou dokter hieroor as jy vermoed jy het dit onder lede.

Kruie vir kwale: Swangerskap

Die Khoi het 'n aftreksel van die vrugte van suurvye tydens swangerskap geneem om 'n sterk, gesonde baba en 'n maklike geboorte te verseker en het blaarsap oor die kop van 'n pasgebore baba gesmeer om dit rats en sterk te maak.

♦♦♦

Medisinale gebruike van kruie

Kruiegids

Kruie vir kwale: Bloukolle / Kneusplek

Aalwynblare word gebruik om kneusplekke te behandel. Smeer die binnekant van ‘n aalwynblaar aan die geaffekteerde area.

♦♦♦

Arnika kan gebruik word vir ’n blouoog. Mens kry dit te koop in ’n verskeidenheid rome en olies wat jy op die plekke kan gebruik vir twee tot drie keer per dag.

♦♦♦

Stamp 3 stukkies gemmer fyn saam met ½ wit ui. Voeg 30 mℓ growwe meel en 30 mℓ brandewyn by en meng om ’n pap te maak. Smeer dit aan die bloukol.


♦♦♦

Die blaarsap van suurvye word gebruik as 'n strelende velmiddel vir kneusplekke.

Medisinale gebruike van kruie

Kruiegids

Kruie vir kwale: Nierstene

Drink af en toe ’n boegoetjie (boegoe op brandewyn getrek).

♦♦♦

Breek die nuwe groeipunte van die takkies van ’n renosterbos af. Jy het omtrent ’n handvol nodig. Die ander bestanddeel is jong blaartjies van ’n wilgerboom, ook ’n handvol. Laat dit trek in ’n bottel brandewyn. Neem soggens en saans 50 mℓ hiervan.

♦♦♦

Medisinale gebruike van kruie

Kruiegids

Kruie vir kwale: Insekbyt

Die blare van die varkblom kan gebruik word om die ongerief van insekbyte te verlig.

♦♦♦

Vryf die vars bokboegoe-blare op jou komberse en kussings om insekte, bv., muskiete, weg te hou in die nag.

♦♦♦

Plaas 20 g vars, gekapte wildewingerd-blare in 1 koppie kookwater en laat trek vir 5 minute.
Gebruik dit vir die behandeling van die bytplek van bosluise en ander insekte.

♦♦♦

Die jellieagtige inhoud van die medisynebossie kan op insekbyte gesmeer word.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met insekbyte. Jy kan die geaffekteerde plekke liggies daarmee afspons.

♦♦♦

Vryf rou, fyngekerfde wit uie aan ’n vlooibyt.

♦♦♦

Smeer suurlemoensap aan ’n perdeby- of bysteek.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gebruik dit op insekbyte.

♦♦♦

Die blaarsap van suurvye verlig ook die jeuk van muskiet-, bosluis- en spinnekopbyte vir beide mense en hul troeteldiere.

♦♦♦

Medisinale gebruike van kruie

Kruiegids

Kruie vir kwale: Allergieë

Die blaarsap van suurvye kan gebruik word as 'n strelende velmiddel vir uitwendige allergieë.

♦♦♦

Die gereelde gebruik van rooibostee kan verligting bied vir allergieë.

♦♦♦

Smeer die sap van 'n aalwynblaar aan jou vel vir bietjie verligting.

♦♦♦

Medisinale gebruike van kruie

Kruiegids

Waterblaas / Blaar / Blase

Blase is die natuur se manier om beskadigde dele van die vel te beskerm. Hulle ontstaan weens brand en / of wrywing.

Die vloeistof in 'n blaas is steriel en kom van die onderliggende bloedvate. Dit beskerm die beskadigde vel teen infeksie.

Dit is belangrik om nie 'n blaas oop te steek nie, maar op 'n natuurlike manier te laat genees.

Boereraat:

As jy 'n blaas het op jou hak, klits die wit van 'n eier en smeer dit op die hak.



(foto Johannes Hemmerlein)

Kruie vir kwale: Tuberkulose

Die bol van wildeknoffel word gebruik om pulmonêre tuberkulose te behandel. Dit is nie nuus nie aangesien die gebruik van die tipe plante vir pulmonêre behandeling regoor die wêreld voorkom (Mohagheghzadeh et al., 2006).
Pulmonêre TB affekteer die longe en keel, terwyl ekstrapulmonêre TB ander dele van die liggaam affekteer, soos die brein, bene of limfknope. Ekstrapulmonêre TB is gewoonlik nie aansteeklik nie.
In Suid-Afrika word die plant lank reeds gebruik vir longsiektes deur die Sothos, Zoeloes, Xhosas en San.
Die bolle word gekook en die stoom word deur die pasiënt ingeasem. Die bolle kan ook verpoeier word en dan as ’n snuif gebruik word.

Mohagheghzadeh A., Faridi P., Shams-Ardakani M., Ghasemi Y. Medicinal smokes. J. Ethnopharmacol. 2006;108(2):161–184.
♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir tuberkulose.

♦♦♦

Gekookte suurvye kan gebruik word vir die behandeling van tuberkulose.
'n Mengsel van die blaarsap van suurvye, heuning en olyfolie in water is 'n ou middel vir TB.

♦♦♦

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit steeds vir tuberkulose.

♦♦♦

Medisinale gebruike van kruie

Kruiegids

Kruie vir Kwale: Boererate vir stres

Duiwelsdrek kan geneem word om die senuwees te kalmeer.

♦♦♦

Maak tee met gedroogde wilde-jasmyn blomme, met suurlemoensap en heuning.
Drink dit vir stres.

♦♦♦

Gooi ’n koppie kookwater oor ’n kwart koppie vars sewejaartjie-blare. Laat dit trek vir 5 minute.
Gooi deur ’n siffie en drink vir pyne wat gepaard gaan met stres.
Gooi deur ’n sif en drink vir stres.

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir stres.

♦♦♦

Die gereelde gebruik van rooibostee kan verligting bied vir stres.

♦♦♦

’n Paar blare wilde roosmaryn, kankerbossie, laventel en boegoe saamgetrek as tee vir 5 minute. Dit help vir hoë bloeddruk, stres en moegheid.

♦♦♦

’n Tee gemaak van kattekruid help vir stres.

♦♦♦

As jy sukkel met stres. Smeer die sap van 'n aalwynblaar aan jou lyf vir bietjie verligting.

Medisinale gebruike van kruie

Kruiegids

Bedsere

Bedsere is beskadigde vel en die onderliggende weefsel as gevolg van langdurige druk op die plek. Dit is veral geneig om voor te kom waar die vel oor been span, soos byvoorbeeld die enkels, hakke en heupe. Sien die foto vir die algemene plekke op die liggaam.

Boereraat:

Gooi bietjie brandewyn op kweperpitte en laat 'n rukkie staan tot dit 'n jellie vorm. Smeer die jellie aan die sere.

♦♦♦

Klits die wit van 1 eier en gooi bietjie brandewyn by. Smeer aan die plekke.

♦♦♦

Laat die persoon op 'n gelooide vel lê.

♦♦♦

Neem Prep en 1 botteltjie Turlington. Meng goed en smeer aan die seerplekke.

♦♦♦

Smeer heuning aan sere.

Kruie vir kwale: Boererate vir hardlywigheid

Aalwyn kan vertering bevorder deur maagsappe te stimuleer en absorpsie te verbeter.
Neem 1–2 eetlepels (≈30–60 ml) aalwynsap daagliks, voor ete.
Gebruik slegs gesuiwerde aalwynsap.

Vermy indien:
Swanger of borsvoed (kan baarmoeder kontraksies stimuleer).
Diuretika, lakseermiddels of hartmedikasie neem (risiko van interaksies).
Nierprobleme het of inflammatoriese dermprobleme soos Crohn se siekte.
Korttermyn gebruik aanbeveel: Terwyl korttermyn gebruik veilig lyk vir die meeste volwassenes, is daar te min inligting beskikbaar oor langtermyn gebruik.

Begin laag: Begin met minder as 2 eetlepels daagliks om toleransie te bepaal voordat dit verhoog word.

♦♦♦


'n Ou en skynbaar baie kragtige middel vir hardlywigheid is om suurvy vrugte te eet en dan brakwater te drink. Stroop wat van die vrugte gemaak word, het glo lakseermiddeleienskappe.

♦♦♦

Senna is ‘n plant waarvan ’n ekstrak of die blare as ’n sterk purgeermiddel gebruik word vir die verligting van hardlywigheid en word ook deur medici voorgeskryf om die kolon skoon te maak voor prosedures soos ’n kolonoskopie.

♦♦♦

’n Aftreksel van die boomwortels van die kiepersolboom word gebruik vir ’n lakseermiddel.

♦♦♦

Gooi 1 eetlepel lynsaad in ’n glas water en laat staan dit oornag.
Gooi die water af en gooi die lynseed oor jou ontbytpap. Dit sal help indien dit gereeld gebruik word.

Hoe om 'n 3-jarige van die bors te kry

Begin deur een borsvoeding te vermy elke paar dae. Probeer om ook nie intussen te verwys na borsvoeding nie. As hulle vra, probeer hulle aandag aftrek met iets anders. As hulle aanhou kan jy hulle ‘n kort tydjie laat drink.

Indien jy ’n roetine het vir borsvoed, probeer dit vermy. Probeer die voeding vervang met iets soos peuselhappies, ’n spesiale drankie of ’n aktiwiteit soos om 'n boek te lees of 'n speletjie te speel.

Indien daar nog ’n ouer in die huis is, laat hulle saans slaaptyd en ander aktiwiteite hanteer. Die kind sal minder geneig wees om op borsvoeding te fokus.

Gebruik duidelike taal om aan hulle te verduidelik dat hulle grootword en borsvoeding stop. Stel hulle gerus met ekstra drukkies en aandag.

Wees geduldig: Op drie gaan borsvoeding meer oor emosionele gemak as voeding.

(foto: Yenny Wu)

Kruie vir kwale: Hoë bloeddruk

'n Tradisionele behandeling is om die jellie van aalwynblare aan die lyf te smeer vir verligting.

♦♦♦

Sluit die goeie ou aartappel in my jou dieet om te help om jou bloeddruk af te bring.

♦♦♦

Boegoe kan help met die verlaging van bloeddruk.

♦♦♦

Die knolle van die duiwelsklou kan fyngemaak en gekook word. Die aftreksel word dan twee maal per dag gedrink.

♦♦♦

Grondboontjiebotter kan help om lae bloeddruk te verlig weens die inhoud van gesonde vette, proteïene en minerale soos magnesium en kalium, wat bydra tot die regulering van bloeddrukvlakke. Studies het getoon dat gereelde verbruik grondboontjie kan help om bloeddruk te verlaag, selfs by individue met hoë bloeddruk.

♦♦♦

Die Zoeloes gebruik die bol van wildeknoffel vir die behandeling van hoë bloeddruk.
Een plant se bol word fyngedruk en in melk gekook vir 10 minute. Klein bietjies van die aftreksel word dan in die oggend en aand gedrink.

(Cock, IE & Van Vuuren, SF. The traditional use of southern African medicinal plants in the treatment of viral respiratory diseases: A review of the ethnobotany and scientific evaluations. Journal of Ethnopharmacology. 2020)

♦♦♦

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit steeds vir hoë bloeddruk.

♦♦♦

Die Khoi het Europeërs meer as 200 jaar gelede geleer van die medisinale waarde van die muishondbos. Vandag word dit ook gebruik vir hoë bloeddruk.
’n Kwart koppie vars blare word geweek in ’n koppie kookwater vir 5 minute. Dit moet daagliks geneem word.

♦♦♦

Gooi ’n koppie kookwater oor ’n kwart koppie vars sewejaartjie-blare. Laat dit trek vir 5 minute.
Gooi deur ’n siffie en drink vir hoë bloeddruk.

♦♦♦

Maak tee met pietersielie vir hulp met bloeddruk.

♦♦♦

Maak tee met komkommerkruid om jou bloedsomloop te verbeter.

♦♦♦

Grasuie kan help om hoë bloeddruk te verlaag. Dit bevat ook vitamien A, C en foeliensuur, kalium, kalsium en yster. Eet gereeld hiervan.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir hoë bloeddruk.

♦♦♦

Kap 5 g bitterbos-blare fyn en laat 5 minute trek in ’n koppie kookwater. Drink drie maal per dag vir hoë bloeddruk.

♦♦♦

’n Paar blare wilde roosmaryn, kankerbossie, laventel en boegoe saamgetrek as tee vir 5 minute. Dit help vir hoë bloeddruk, stres en moegheid.

♦♦♦

Gebruik 3 g bloublomsalie, 3 g kankerbossie en 3 g wildedagga om ’n tee mee te maak.
Laat dit vir 5 minute trek voor jy dit deur ’n siffie gooi.
Drink dit vir hoë bloeddruk.

Medisinale gebruike van kruie

Kruiegids

Kruie vir kwale: Ekseem

Vir uitwendige gebruik: Smeer die binnekant van ‘n aalwynblaar aan die geaffekteerde area.

♦♦♦

Vanweë boegoe antiseptiese en antibakteriële eienskappe kan boegoe-olie gebruik word om ekseem te behandel.

♦♦♦

Sommige mense maak ’n eksterne wasmiddel met kankerbossie vir ekseem. Hiervoor gebruik jy 4 hande vol blare van die kankerbossie, ’n fyngedrukte bol wildeknoffel en 4 hande vol kruidjie-roer-my-nie se blare. Alles saam word in kookwater getrek vir 30 minute. Die lyf word gewas terwyl die mengsel nog warm is en die pasiënt moet ook 125 mℓ van die mengsel drink. Die 125 mℓ moet egter afgetap word na 15 minute se trek. As dit te sterk is, kan dit die persoon laat opgooi. Hoe bitterder ’n kankerbossie-mengsel is, hoe sterker is dit.

♦♦♦

Teeboom-olie (tea tree oil) help vir ekseem. Gooi 'n paar druppels in jou badwater.

♦♦♦

Laventel-olie help vir ekseem. Gooi 'n paar druppels in jou badwater.

♦♦♦

Rooibostee is ’n tradisionele teenvoeter vir ekseem. Maak ’n sterk pot rooibostee en voeg dit by jou badwater. Dit is ook geskik vir baba’s.

Jy kan die tee ook laat afkoel en dit op jou vel spat of jou vel daarmee afspoel. Of gebruik sommer n rooibos teesakkie en spons jou vel daarmee.

♦♦♦

Gousblom-tee help om ekseem en ander allergiese reaksies te verlig.

♦♦♦

Maak ’n tee met brandnetel en drink dit om jou allergiese reaksie te verlig.

♦♦♦

Meng 30 mℓ kremetart, 30 mℓ blomswael en 30 mℓ milk of magnesia met ’n potjie ongegeurde room (aquas cream). Smeer soggens en saans ’n bietjie aan die uitslag op jou vel. Dit is ook geskik vir kinders.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gooi dit by jou badwater vir ekseem.

♦♦♦

Voeg 'n paar takkies van ´n wilde daggaplant by jou badwater om ekseem te verlig.

♦♦♦

Die blaarsap van suurvye word gebruik as 'n strelende velmiddel vir ekseem.


Medisinale gebruike van kruie

Kruiegids

Kruie vir kwale: Lippe

Die jellieagtige inhoud van die medisynebossie kan op droë lippe gesmeer word.

♦♦♦

Die blaarsap van suurvye kan gebruik word as 'n strelende velmiddel vir gekraakte lippe.

♦♦♦

Medisinale gebruike van kruie

Kruiegids