Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



4.5.20

Herstel lae bloedsuikervlakke

Dit hang af van die oorsaak, maar normaalweg help een van die volgende om lae bloedsuikervlakke te herstel:

- ’n Eetlepel heuning onder die tong
- Glukosetablette
- Lekkers
- ’n Koppie laevet melk
- ’n Halwe blikkie gaskoeldrank

27.4.20

Hepatitis C

Hepatitis C word deur die bloed en liggaamsvloeistowwe oorgedra. Dit is aansteeklik en moet deur ’n dokter behandel word, aangesien dit lewerkanker, lewerversaking of sirrose kan veroorsaak. Jy kan voorkom dat jy hierdie tipe hepatitis opdoen deur nie tandeborsels, skeermesse en naalde met ander mense te deel nie. Beoefen ook veilige seks en vermy veelvuldige seksmaats.

20.4.20

Maklike maaltye vir babas en kleuters

Hierdie Afrikaanse vertaling van Easy Meals for Babies & Toddlers volg op die sukses van laasgenoemde nadat die derde uitgawe bygewerk is om huidige beskouings en neigings te weerspieël.

Die meer as 150 resepte sluit ou gunstelinge sowel as nuwe maaltyd-idees in en sal enige kind 'n gesonde wegspringplek gee. Wat meer is, daar is oorgenoeg kreatiewe en verbeeldingryke voorstelle om kos aptytlik en prettig voor te sit.

Die boek dui aan watter resepte vir maaltye van baba- en kleutergrootte is, watter kan dien as gesinsmaaltye, watter in groot maat voorberei kan word en hoe om dit te bevries.

'n Afdeling oor kos vir kinders met allergieë en siektes verduidelik ook hoe om die kos te kook en voor te berei.

Maklike maaltye vir babas en kleuters - Praktiese raad word gegee oor voeding, die speen van kinders, maaltyd en spyskaartbeplanning, watter kos om te vermy en die vorming van 'n positiewe gesindheid teenoor gesonde kos.

13.4.20

Voedselvergiftiging - Salmonella-vergiftiging

Voedselvergiftiging word veroorsaak deur voedsel wat deur bakterieë besoedel word en verkeerd bewaar of gekook word. Salmonella is ’n bakterie wat in die derms vermenigvuldig en 'n disenterie-agtige siekte veroorsaak. Dit is aansteeklik en word maklik oorgedra weens swak persoonlike en kombuis-higiëne.

Simptome en tekens
Die simptome en tekens verskyn normaalweg binne ’n paar uur nadat die besmette voedsel geëet is, maar dit kan ook eers ’n dag of twee later verskyn:
• Koors
• Diarree
• Naarheid
• Buikpyn
• Simptome en tekens van skok

Behandeling
1. Hou die persoon rustig.
2. Gee baie vloeistof.
3. Kry mediese hulp as dit lyk of die persoon se toestand versleg.

6.4.20

Gesonde dieet beteken ’n laer risiko vir kanker

’n Dieet wat gesonde eetgewoontes sowel as fisieke aktiwiteit aanmoedig en alkoholverbruik ontmoedig, hou verband met ’n verminderde algehele kankerrisiko, sowel as laer bors-, prostaat- en kolorektale kanker, volgens navorsers aan die Franse nasionale instituut vir gesondheid en mediese navorsing. Vogens die instituut is voeding en fisieke aktiwiteit veranderlike leefstyl-faktore wat die risiko vir kanker kan verminder.

Volgens beraming kan 35% van alle borskanker en 45% van kolonkanker verhoed word met ’n gesonde dieet.

Die studie is gepubliseer in die joernaal Cancer Research.

30.3.20

Hepatitis B

Hepatitis B is ’n aansteeklike siekte wat veroorsaak word deur ’n virus wat die lewer aantas.

Baie mense het geen simptome tydens die aanvanklike infeksie nie, maar sommige kry skielike simptome soos braking, ’n geel vel, moegheid, donker urine en maagpyn. Die aanvanklike simptome duur gewoonlik ’n paar weke en dit is selde dodelik. Dit kan 30 tot 180 dae neem voor die simptome begin.

Sowat 90% van dié wat om en by die tyd van hul geboorte besmet raak, ontwikkel chroniese hepatitis B, terwyl minder as 10% van mense wat ná die ouderdom van vyf besmet raak, dit ontwikkel. Hoewel die meeste mense geen simptome het nie, kan sirrose en lewerkanker eindelik ontwikkel. Dié komplikasies lei tot die dood van 15% tot 25% van mense met die chroniese siekte.

Die virus word oorgedra deur blootstelling aan bloed of liggaamsvloeistowwe. Infeksie om en by die tyd van geboorte of weens kontak kleintyd met ander mense se bloed is die mees algemene manier waarop hepatitis B opgedoen word in gebiede waar die siekte algemeen voorkom. In gebiede waar die siekte skaars is, is dwelmgebruik en seks die algemeenste maniere van oordrag.

Die infeksie kan tussen 30 en 60 dae ná blootstelling gediagnoseer word, gewoonlik met ’n bloedtoets. Die virus is een van vyf hoofoorsake van hepatitis. Die ander is hepatitis A, C, D en E.

Hepatitis B kan met inenting voorkom word. Die Wêreldgesondheidsorganisasie beveel inenting binne die eerste dag ná geboorte aan indien moontlik. Dit werk sowat 95% van die tyd. Daar word ook aanbeveel dat alle bloed vir hepatitis B getoets word voor ’n bloedoortapping en kondome gebruik word tydens seks om infeksie te voorkom.

In mense wat chronies siek word, kan antivirale medikasie soos tenofovir of interferon nuttig wees. ’n Leweroorplanting is soms nodig in die geval van sirrose.

26.3.20

Swelsel / Swelling

’n Swelsel is ’n tydelike abnormale vergroting van ’n liggaamsdeel of orgaan, bv. a.g.v. ontsteking.

Boereraat:

Neem 10 mℓ kanferbrandewyn, 10 mℓ asyn, 10 mℓ terpentyn, 10 mℓ soetolie en 10 mℓ sout. Skud goed en smeer aan.

♦♦♦

Rol ’n gholfbal onder jou voete op lang vlugte om swelling in jou bene te voorkom.

♦♦♦