Slaaploosheid

Jou gemoedstoestand bepaal in 'n groot mate jou slaappatroon. Enige emosionele krisis, soos verhoudingsprobleme of siekte, kan 'n negatiewe invloed op jou slaappatroon hê.

Gaan spreek asseblief eerste jou dokter om seker te maak dat daar nie 'n mediese verklaring vir jou slaaploosheid is nie.

Boereraat:

Drink een koppie warm melk gemeng met een eetlepel heuning net voor jy gaan slaap.

♦♦♦

Derek Botha: 'n Uitstekende raat vir meeste slapeloosheidsgevalle: drink 1 tot 8 x 600 mg kapsules l-ornithine aminosuur poeier net voor jy in die bed klim. Dit gee sommer baie energie die volgende dag ook. Dis nie gewoontevormend nie, so jy kan dit daagliks gebruik.

(foto Naraosga)


Medisinale gebruike van kruie

Kruiegids

Masels

Wanneer jy masels begin kry voel dit soos ´n verkoue, jou oë is rooi en geswel, jou hoes is hees en skor, jy is koorsig en mag opbring. Die simptome duur vir ongeveer 4 dae voor die uitslag kom.

Die uitslag begin normaalweg in die gesig en versprei dan na die nek en bors en dan na die hele liggaam. Soms is die gesig taamlik geswel. Die uitslag duur sowat 3 dae. Die uitslag droog weg. Gedurende die uitdroging kan maagwerking voorkom.

Gaan sien jou dokter onmiddelik as die uitslag donker en purperagtig is.

Drink koue water gedurende eerste 4 dae. Vermy sterk gegeurde kos gedurende hierdie tyd. Hou jou kamer donker, maar sorg vir genoeg ventilasie.

Hipotermie by babas

Babas kan aan hipotermie ly aangesien hulle probleme het om hul liggaamstemperatuur te reguleer.

’n Baba met hipotermie kan gesond lyk. Mens moet oplet na die gedrag.

Simptome en tekens
• Die baba is ongewoon stil, slaperig en slap.
• Die baba wil nie eet nie.
• Gewoonlik is die gesig, hande en voete helderpienk en het ’n gesonde voorkoms.

Sien Hipotermie vir behandeling.

Kruie vir kwale: Skok

Drink ’n bietjie suikerwater.

♦♦♦

Drink ’n bietjie rooipeper opgelos in louwarm water.

♦♦♦

Drink bietjie vars uitgedrukte suurlemoensap in louwarm water.


Medisinale gebruike van kruie

Kruiegids

Influensa

Influensa virusse is bekend daarvoor dat hulle pandemies veroorsaak wat uiters noodlottig is – die influensavirus van 1918-19 het ongeveer 20 miljoen mense wêreldwyd doodgemaak. Die Wêreldgesondheidsorganisasie hou ’n wakende oog oor alle influensa virusse, maak nie saak hoe klein die pandemie is nie.

Influensa versprei baie vinnig onder kinders, hoewel dit ouer persone is wat makliker sterf as gevolg daarvan. Persone wat ook meer blootgestel is aan die virusse sluit in: diegene sonder inentings, persone met hartsiektes, chroniese longsiektes en diabetes.

Pandemies ontstaan gewoonlik in die winter en dit versprei normaalweg deur druppels afkomstig van ’n nies of hoes.

Dit word normaalweg gekenmerk deur inflammasie van die slymvliese van die lugweë, koors, uitputting en ander wisselende simptome.

Verband tussen rooivleis en kolonkanker

Tydens ’n ondersoek na die rol van rooivleis, pluimvee, vis en ’n vegetariese dieet in kolonkanker het navorsers van Leeds Universiteit bevind dat diegene wat rooivleis eet meer geneig is om kanker te ontwikkel in die onderste gedeelte van die kolon.

Dit is nie die eerste navorsing wat bevind dat rooivleis ’n prominente rol speel in kolonkanker nie.

Leeds Universiteit se navorsing is gepubliseer in die International Journal of Cancer. Volgens die universiteit is meer werk nodig op die gebied, maar dis belangrik dat diegene met ’n geskiedenis van kolonkanker in die familie kennis neem van hierdie bevinding.

Hipotermie

Hipotermie is ’n toestand wat ontwikkel wanneer die liggaamstemperatuur tot onder ongeveer 35°C daal.

Matige hipotermie kan normaalweg omgekeer word en die pasiënt herstel gewoonlik volkome. Herstel is egter moeilik indien die temperatuur onder 26°C daal.

Dit word gewoonlik veroorsaak deur: langdurige tye in koue water; ontoereikende beskerming teen ’n koue omgewing; of bloot weens algemene blootstelling aan koue na ’n lang tydperk in ’n swak verhitte huis.

Die vermoë van die liggaam om te skerm teen koue word ondermyn deur alkohol en verdowingsmiddels. Sekere mediese toestande soos suikersiekte kan ook ’n bydraende faktor wees.

Simptome en tekens

• ·         Die persoon kla oor die koue
• ·         Die vel word bleek – babas se vel kan pienk voorkom
• ·         Die persoon voel abnormaal koud
• ·         Intense en onbeheerde bibbering
• ·         Bibbering kan toeneem en ’n gebrek aan spierkoördinasie en onduidelike spraak kan intree
• ·         Die persoon kan irrasioneel optree
• ·         Die pols en asemhalingstempo verlangsaam
• ·         Verlies van bewussyn

MOET NOOIT AANNEEM dat die persoon dood is nie, al lyk dit asof daar geen asemhaling en hartklop is nie.

Behandeling

1.       Plaas isoleermateriaal om die persoon. Moet nie die hande of arms in regstreekse kontak met die liggaam plaas nie. Maak seker die kop en nek is ook bedek, maar nie die gesig nie. Laat die persoon lê. Plaas die persoon in die herstelposisie indien bewusteloos.

2.       Verwyder die persoon uit die koue omgewing na ’n warm area of vertrek.

3.       Indien die persoon se klere nat is, verwyder dit.

4.       Gee ’n persoon wat by sy/haar volle bewussyn is ’n warm, soet drankie.

5.       Begin met resussitasie indien die asemhaling en hartklop ophou.

6.       Ondersoek die persoon vir vriesbrand en behandel.

7.       Sorg dat die persoon sodra moontlik by die hospitaal kom.