Breinskade as gevolg van vitamien B1

’n Tekort aan vitamien B1 kan ’n ernstige breinsiekte genaamd Wernicke enkefalopatie tot gevolg hê.

Die simptome sluit in verwarring, hallusinasies, koma, swak spierkoördinasie en sigprobleem. Sonder behandeling kan dit lei tot die dood van die pasiënt.

Dit word gesien as ’n metaboliese afwyking aangesien dit ook veroorsaak word deur probleme wat lei tot die versteuring van die metabolisme, voorbeelde hiervan is alkoholisme en anoreksie. In ernstige gevalle kan dit binne ure ’n aanvang neem.

Noodbehandeling sluit in ’n vitamien B-kompleks inspuiting.

Noodhulp: Ingeduikte borskas

Jy kan dalk op ’n ongelukstoneel afkom en iemand kry met ’’n ingeduikte borskas. Behandel soos volg:

1. Ondersteun die beseerde deel van die persoon se ribbekas met jou hand.
2. Help dan die persoon tot in ’n halfsittende posisie en laat die persoon oorleun na die beseerde kant, terwyl jy die kop en skouers ondersteun.
3. Immobiliseer die borskas deur ’n ondersteunende kussing van sagte materiaal te maak en oor die beseerde deel te plaas. Plaas die arm aan die beseerde kant oor die kussing en ondersteun dit met ’n opligverband. Plaas nou ’n hangverband oor die verband en om die liggaam en maak dit aan die gesonde kant van die borskas vas. As jy nie ’n verband het nie, gebruik ’n serp of iemand se gordel.
4. Maak enige stywe klere om die nek en middel los.
5. Indien die persoon bewusteloos raak, plaas hom / haar in die herstelposisie met die gesonde kant na bo.
6. So ’n persoon moet sodra moontlik by ’n hospitaal kom.

’n Klein toename in gewig kan jou bloeddruk verhoog

Baie mense verstaan die gevare van te veel liggaamsvet. Daar is egter onlangs bewys dat ’n klein toename in gewig, soos byvoorbeeld 2,5 kg, ook gevaar inhou en jou bloeddruk wesenlik kan verhoog.

Jou bloedgroep beïnvloed dalk jou geheue

Volgens ’n studie gepubliseer in die joernaal Neurology is persone met die AB-bloedgroep meer geneig tot geheueverlies as ander.

AB is nie ’n algemene bloedgroep nie en diegene met die bloedgroep is geneig tot geheueverlies wanneer hulle oud word. Daar is egter bydraende faktore wat in ag, geneem moet word. Hieronder tel hoe bloeddruk, hoe cholesterol en diabetes.

Ingeduikte borskas

Dit gebeur gereeld dat ’n persoon in ’n verkeersongeluk teen die stuurkolom geslinger word of dit teen die bestuurder se bors stamp. Dit en ander ongelukke kan veelvoudige frakture van die borskaswand tot gevolg hê. Dit kan ernstige gevolge vir longwerking inhou. Die simptome slui in:

• Algemene simptome vir versmoring.
• Die persoon vind dit moeilik om asem te haal; of asemhaling is pynlik.
• Ongewone beweging van die borskas.
• Skuimerige, bloederige spoeg.

Drankgebruik tydens swangerskap kan skoolprestasie en geestesgesondheid beïnvloed

Al gaan ’n swanger vrou haar net soms te buite aan alkohol, kan dit ernstige gevolge vir haar kind inhou.

Navorsers aan verskeie Britse universiteite en ’n Australiese universiteit het bevind dat hierdie tipe drankgebruik tydens swangerskap ’n heelwat groter risiko inhou vir swak skoolprestasie en geestesgesondheid.

Met “te buite gaan” word bedoel vier tot vyf eenhede alkohol op enige dag tydens swangerskap.

Die bevindings is gepubliseer in die joernaal European Child & Adolescent Psychiatry.

Mediese woordeboek en gids: J

Afrikaans - English Medical Dictionary / Afrikaanse mediese woordelys en gids vir die gesondheidswetenskappe - Slaan 'n siekte / aandoening / kwaal / gesondheidskwessie na en klik op die skakel vir meer inligting.

(Hou jy van ons hulpbronne? Oorweeg asseblief ’n donasie in Bitcoin: 179nZqSyFmYPcvu4ZU733PgXBKUYXcy9DD)

J (J) <lees joule>

jappiegriep (yuppie flu) <sien Kroniese Moegheid Sindroom (KMS)>

jejunoïleïtis (jejunoïleïtis) Inflammasie van die jejunum en die ileum.

jejunum (jejunum) <lees ook ileum> (leëderm, nugterderm) Teede of middelste deel van die dunderm, tussen die duodenum en die ileum.

jel (gel) <cf sol> (gel) Die minder vloeibare, jellieagtige, halfsoliede toestand waarin ’n kolloïedsisteem, bv. protoplasma, kan verkeer.

jelatien (gelatine, gelatin) (beenlym) <lees gelatien>

jellie (jelly) Gestolde, halfdeurskynende stof wat gewoonlik gelatien in kolloïdale oplossing bevat.

jellieagtig (gelatinous) <lees gelatienagtig>

jenewerbessie (juniper) Vrug van die jenewerstruik gebruik as geneesmiddel.

jeuk (itch) Irriterende prikkeling op die vel voel.

jeukbult (itchy bump) Puisieagtige swelsel op die vel wat baie jeuk.

jeukerig (itchy) Wat jeuk veroorsaak.

jeukery (itching) Herhaalde gejeuk.

jeukpoeier (itchy powder) Poeier wat die vel laat jeuk.

jeuksiekte (itching) Jeukende, dikwels aansteeklike velsiekte.

jig (gout) Akute aanvalle van pynlike gewrigte geassosieer met ’n hoë uriensuurkonsentrasie in die bloed.

jodied (iodide) Verbinding van jodium met ’n ander element of radikaal.

jodium (iodine, I) (I) ’n Niemetaalelement van die halogeengroep - is essensieel in die dieet.

jodiumsalf (iodine ointment) ’n Salf wat jodium en kaliumjodied bevat. Dit word gebruik as ’n ontsmettingsmiddel.

jodiumtinktuur (iodine tincture) (joodtinktuur) ’n Oplossing van jodium en natriumjodied in alkohol. Dit word gebruik as ’n ontsmettingsmiddel.

jodofiel (iodophile) Wat geredelik met jodium gekleur word.

jodoform (iodine form ) ’n Verbinding van jodium, waterstof en koolstof. Dit word gebruik as ’n ontsmettingsmiddel.

jodopsien (iodopsin) ’n Fotosensitiewe pigment wat in die keëltjies van die retina aangetref word en belangrik vir kleurwaarneming is.

joodtinktuur (iodine tincture) (jodiumtinktuur) ’n Oplossing van jodium en natriumjodied in alkohol. Dit word gebruik as ’n ontsmettingsmiddel.

joule (J) (joule, J) Die SI-eenheid van arbeid of energie wat gedefinieer word as die arbeid wat nodig is om ’n krag van een Newton oor ’n afstand van een meter te beweeg.

jugaal (jugal) M.b.t. die wangbeen.

jugularis (jugularis) Nekaar.

jugulêr (jugular) Wat verband het met die keel en nek.

jugulêre vene (jugular vein) Een van twee hoofvenes wat die bloed uit die kopstreek na die hart dreineer.

jukbeen (zygoma) (wangbeen) <lees sigoma>