Kruie vir kwale: Disenterie

Die sap van die blare van suurvye kan gebruik word vir die behandeling van disenterie.

♦♦♦




Medisinale gebruike van kruie

Kruiegids

Kruie vir kwale: Bloublasies

As iemand deur ’n bloublasie gebrand word, soek in die duine vir suurvye. Gebruik die blare se sap om die wond te behandel.

♦♦♦




Medisinale gebruike van kruie

Kruiegids

Asemhaling vir angstige persone

Angs kan probleme met asemhaling veroorsaak omdat jou hartklop verander. Daar is medikasie hiervoor, maar jy kan ook sekere asemhalingsmetodes gebruik:

Sit gemaklik en asem diep in deur jou neus vir 6 sekondes. Sorg dat jy "deur jou maag" asem haal.
Hou die asem in vir 3 sekondes.
Laat dit stadig uitkom deur jou mond, maar sorg dat jou jou lippe amper op mekaar is.
Ontspan jy lyf terwyl jy dit doen.
Doen dit 10 keer.

Kruie vir kwale: Candida

Drink bosbessiesap. Dit maak die urine suur, wat die groei van bakterieë teenwerk.

Medisinale gebruike van kruie

Kruiegids

Kruie vir kwale: Menopouse

Sluit soja, vinkel en kool in by jou dieet om simptome van menopouse te verminder.

♦♦♦

Daar is navorsing wat bewys het dat johanneskruid simptome van menopouse soos warm gloede kan verminder.


Medisinale gebruike van kruie

Kruiegids

Johanneskruid vir die behandeling van depressie

Daar is heelwat navorsing wat die gebruik van johanneskruid (St. John’s Wort) vir ligte tot matige depressie ondersteun. Trouens, sommige navorsing het getoon dat die gebruik van johanneskruid -aanvullings net so effektief is as verskeie voorskrif antidepressante. Dit is onduidelik of dit voordelig is in die behandeling van ernstige depressie.

Die kruid kan egter ander medikasie affekteer en ernstige newe-effekte veroorsaak. Raadpleeg jou dokter voordat jy johanneskruid neem en jy gebruik ander medikasie.

Johanneskruid is beskikbaar as ’n aanvulling in tee, tablette en vloeistowwe.

Daar word aanbeveel dat jy tot 900 mg johanneskruid per dag neem om die simptome van ligte tot matige depressie te verminder. Hoër dosisse van 1800 mg per dag word aanbeveel vir diegene met matige tot ernstige depressie. Soos met ander antidepressante kan dit tot 4 weke neem om ’n effek te hê.

Lees meer oor die gebruik van johanneskruid vir ander kwale.


Medisinale gebruike van kruie

Kruiegids

Kruie vir Kwale: Artritis

Gooi ’n koppie kookwater oor ’n paar blare van die medisynebossie en laat trek vir 5 minute.
Gooi deur ’n sif en drink vir hoes, verkoue en artritis.

♦♦♦

Was die aangetaste dele van jou lyf met bosboegoe-blare en die fyngedrukte bolle van wildeknoffel.

♦♦♦

Meng 1 houer Camphor-room met 10 Grandpa-poeiers en smeer gereeld waar dit pyn.

♦♦♦

Neem 'n 2 liter bottel water en meng met 6 eetlepels engelse sout en die sap van 10 suurlemoene – drink 3 per dag.

♦♦♦

Meng 'n 2 liter bottel water met 2 eetlepels heuning en 2 eetlepels kaneel, 1 eetlepel borrie en 1 eetlepel gemmer en drink 3 maal per dag (hou in yskas).

♦♦♦

Duiwelsklou-tee help vir artritis.

♦♦♦

Probeer 'n kombinasie van selderysaad en aloe vera (aalwyn)tablette.

♦♦♦

Smeer die pynlike areas in met arnikaolie.

♦♦♦

Gooi jenewer en laventelolie in warm water - twee druppels elk. Neem 'n waslap en trek oor die oppervlak sodat die olielagie op die waslap kom. Plaas oor hande met 'n handdoek oor en 'n warmwaterbottel bo- op vir 30 minute.

♦♦♦

Kamille en laventel kan verligting bied van artritis. Week jou hande in louwarm water met 2 druppels kamille-olie en 2 druppels laventelolie by.

♦♦♦

Meng 'n paar druppels jenewer- en sipresolie en vryf geswelde areas daarmee in vir verligting.

♦♦♦

Maak 'n smeermiddel van twee druppels elk jenewer, swartpeper en kamille olie, vyf druppels laventel en tien teelepels olyfolie.

♦♦♦

Die Tswana-mense hang die bolle van die blouberglelie op om uit te droog. Hulle moet 5 maande lank hang. Die bolle word dan verpoeier en gesmeer aan die rug en polse om dit te help herstel.


Medisinale gebruike van kruie

Kruiegids