Oogprobleme - waterig, uitpeul, donker kringe, rooi, geswolle, allergie, hepatitis, galblaaskwale, galstene, bloeddruk, diabetes, versiendheid, bysiendheid ens.

Oogprobleme kom dikwels voor as gevolg van ´n probleem elders in die liggaam.

Waterige oë is ´n simptoom van verkoue, uitpeuloë mag dui op skildklierprobleme en donker kringe of rooi, geswolle en/of waterige oë is dikwels die gevolg van allergieë. Die vergeling van die oë kan dui op hepatitis, galblaaskwale of galstene, terwyl periodiese dowwe visie op hoë bloeddruk of diabetes kan dui.

Algemene oogprobleme sluit in sigprobleme soos versiendheid en bysiendheid, oogstremming, katarakte, bindvliesontsteking, gloukoom wat uiteindelik tot blindheid kan lei, en karkatjies.

Lê agteroor met oë toe en plaas ´n koue kompres oor oë. Fokus gereeld op voorwerpe op verskillende afstande.

Enige rooiheid, dowwe visie of ander oogprobleme vereis dringend mediese aandag.

Boereraat:

Boraks (boorpoeier / boorsuurpoeier) as oogspoelmiddel. Voor jy boraks as oogspoelmiddel gebruik moet jy die volgende in ag neem:
- Jy kan dit nie gebruik indien daar ’n besering in of om die oog is nie.
- Moenie gebruik vir ’n ooginfeksie voor jy met jou dokter gepraat het nie.
- Jy moet seker wees jy is nie allergies vir boraks nie.
- Indien jy erge newe-effekte ervaar moet jy dadelik mediese hulp kry.

♦♦♦

Was seer oë met suikerwater.

♦♦♦

Gooi ’n knippie koeksoda by koue gekookte water, meng goed en vryf oor jou oë om swelling en jeuk te behandel.

♦♦♦

'n Goeie raad vir wanneer jou oë seer of rooi of geirriteerd is, is om heuning in gelyke dele met warm water te meng. Laat dit afkoel en was dan die oë daarin was of om direk in die oë te sit.

♦♦♦

Om donker kringe om jou oë te laat verdwyn sny ´n rou vy in twee en plaas ´n deel op elke oog.

♦♦♦

Plaas koue teesakkies op jou oë indien dit geswel is of indien jy donker kringe om jou oë het.

♦♦♦

Wortels, spinasie, broccoli, papaja, mango, perskes en appelkose is goeie bronne van Vitamin A - Beta carotene. Dit is goed vir normale groei, goeie sig(oë), gesonde vel en sterk tande.

♦♦♦

Sny dik snye uit die punt van ´n komkommer en plaas dit op jou moeë oë.

♦♦♦

As ´n oog uit die kop spring, was die oog mooi met lou water. Druk die oog dan versigtig weer terug en sit koue kompresse op.

♦♦♦

Lê met jou kop agteroor en plaas komkommerskyfies op jou oë. Lê en ontspan vir ten minste 15 minute.

♦♦♦

Volg dieselfde metode as bo, maar gebruik twee nat teesakkies.

♦♦♦

Eet minder sout. Dit kan by sommige individue bydra tot opgeswelde oë

♦♦♦

Sit ´n ekstra kussing onder jou kop om van daai poffertjies ontslae te raak.

♦♦♦

Om van daai opgeswelde oë in die oggend ontslae te raak moet jy die aartappels nader trek. Verkoel ´n aartappel in die yskas. Sny twee skywe af, sproei jou oë met water, lê plat en plaas die skywe op jou ooglede. Lê so vir 10 minute en vee dan jou oë af met ´n koue lappie. Komkommers kan ook gebruik word, maar sonder die water.

♦♦♦

Neem 2 eetlepels rou gerasperde aartappel en plaas op geswolle oë vir 15 minute

♦♦♦

Mense met bruin oë se kanse is 80% meer as die van ander om katerakte te kry. Sorg dat jy 'n sonbril dra en eet kosse soos spinasie, soetrissies en tamaties.

Verswik

Indien die ligamente wat been en spier verbind skeur noem ons dit verswikking. Die gewrig sal onstabiel wees. 'n Skerp pyn gevolg deur onmiddellike swelling is 'n aanduiding dat daar ´n skeuring plaasgevind het.

Mediese behandeling is beslis nodig. As noodbehandeling is rus, ys, kompressie en die oplig van die geskeurde ligament belangrik. Hou die geskeurde gedeelte onder lopende water.

Lae bloeddruk / Hipotensie

Hipotensie is lae bloeddruk. Indien jou bloeddruk te laag daal kan jy flou word. Dit word nie deur almal beskou as 'n siektetoestand, eerder 'n tydelike probleem.

Simptome sluit in sweterigheid, duiseligheid, swakheid en bewussynsverlies.

Sien Noodhulp vir die behandeling van bewussynsverlies.

Om lae bloeddruk teen te werk moet jy sterk en rou wortelsap drink. Eet oesters, soutvis, avokado, piesang en amandels.

Kruie wat jy kan gebruik sluit in roosmaryn, duisendblad, laventel, voëlent en vinkel.

Tendonitis

Tendonitis is 'n vorm van inflammasie. Die tendon (Achilles-tendon) aan die agterkant van die enkel word gereeld beseer.

Dit is veral persone wat gereeld opdraand of afdraand hardloop wat die besering opdoen. Die kan ook veroorsaak word deur nuwe hardloopskoene. Dit is raadsaam om altyd eers nuwe hardloopskoene vir 'n paar stadige oefenlopies te neem voor jy ernstig daarmee begin hardloop.

Soms is daar swelling weens die inflammasie, maar nie altyd nie. Jy kan ook soms die tendon hoor kraak.

Die tendons by die polse word ook gereeld beseer.

Behandel tendonitis met ys wat 'n paar keer per dag vir 20 minute op die plek geplaas word. Verdere behandeling is eenvoudig om die tendon te rus.

Wanneer daar nie meer pyn is nie kan jy met ligte oefening begin.

Die keuse tussen ’n histerektomie en laparoskopie

Die keuse tussen ’n histerektomie en laparoskopie gaan joune wees. Die dokter sal net 'n histerektomie voorstel indien die uiters noodsaaklik is.

'n Histerektomie is die verwydering van die baarmoeder. Vir 'n jonger vrou sou mens nie graag die baarmoeder wil verwyder nie, tensy dit absoluut noodsaaklik is. Menstruasie sal ophou indien die baarmoeder verwyder is.

'n Laparoskopie is 'n operasie wat gebruik word vir endometriose of die verwydering van ovariale siste. Met die operasie word 'n klein snytjie gemaak waardeur 'n klein prosedure uitgevoer word. Indien 'n groot sist of tumor verwyder moet word kan 'n groter sny gemaak word wat hulle dan 'n laparotomie noem.

Mens vertrou die dokter sal jou bystaan met die regte besluit na die uitslag van jou toetse.

Kruie vir Kwale: Boererate vir aambeie

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir aambeie.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Jy kan aambeie daarmee afspoel om verligting te gee.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir aambeie.
Jy kan aambeie daarmee afspoel om verligting te gee.

♦♦♦

Plaas 10 g vars, gekapte wildewingerd-blare in 1 koppie kookwater en laat trek vir 5 minute.
Jy kan aambeie daarmee afspoel om verligting te gee.

♦♦♦

Die hele bitterbos word gebruik, insluitende die wortels. Gebruik 8 g varsgekapte bitterbos per koppie kookwater. Laat trek vir 3 minute. Gebruik dit vir ’n abses. Jy kan die mengsel aan die vel smeer in plaas van drink. Dit kan tot 8 keer per dag gedoen word. Dit kan ook aangesmeer word vir aambeie.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met aambeie.

♦♦♦

Maak ’n sterk tee van tiemie en drink elke oggend en aand so ’n kelkie vol. Verder moet jy gereeld groente eet en vir ten minste ’n halfuur stap elke dag.

♦♦♦

Kook die sappige wortel van die slangvelplant in water of melk en drink elke dag ´n koppie vol.

♦♦♦

Meng 1 eetlepel Engelse sout, 1 eetlepel rabarber, 1 teelepel salpeter en 2 bottels water. Kook alles saam tot daar een bottel oor is. Neem 3-maal op ´n dag ´n eetlepel van die mengsel.

♦♦♦

Eet baie rosyntjies, dit is goed vir iemand wat aan aambeie ly.

♦♦♦

Smeer samboksalf gereeld binne en buite tot pyn verdwyn. Indien hardlywig, kan dit weer probleme gee. Jy kan selfs samboksalf eet om te help.

♦♦♦

Verhoed aambeie deur nooit hardlywig te wees nie. Gooi 1 eetlepel lynsaad in 'n glas water. Laat staan oornag. Gooi dan die water af en strooi die saad oor jou ontbytpap. Met gereelde gebruik sal jy nie weet van hardlywigheid nie.

♦♦♦

Medisinale gebruike van kruie

Kruiegids

Simptome van 'n gewas op die eierstokke

Met kankergewasse op die eierstokke is die simptome gewoonlik as gevolg van iets anders wat deur die kanker geraak word. Enige twee of meer van die volgende simptome, maak nie saak wat nie, wat twee tot drie weke aanhou moet deur 'n dokter ondersoek word:

Swelling van die laer abdominale gedeelte, pyn in die laer abdominale gedeelte, naarheid, winde, verandering of probleme met jou toiletgewoontes, koors, moegheid, pyn gedurende seks, rugpyn en jy kan moeiliker asemhaal.

LET WEL dat hierdie simptome, en kombinasies daarvan, ook 'n aanduiding van ander probleme kan wees.

In sommige gevalle kan die simptome ook veroorsaak word deur goedaardige ovariale siste.