Kruie vir kwale: Maagpyn

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir maagprobleme.

♦♦♦

Vir maagprobleme. Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Gooi ’n koppie kookwater oor ’n eetlepel wilde salie blare en laat dit trek vir 5 minute. Daarom meer drinkbaar te maak kan jy dit versoet met heuning en ’n skyfie suurlemoen byvoeg. Die tee kan gedrink word vir maagprobleme.

♦♦♦

Die blare van die maagpynbossie word al jare in die Wes-Kaap gebruik as medikasie vir maagpyn. Trek 10 g blare in ’n koppie kookwater vir 5 minute. Drink dit stadig.

♦♦♦

’n Sterk aftreksel gemaak van die bitterbos kan eerste ding in die oggend gedrink word as ’n vinnig werkende lakseermiddel. Let asseblief daarop dat dit oormatige sweet en slaaploosheid kan veroorsaak.

♦♦♦

Die gereelde gebruik van rooibostee kan verligting bied vir maagpyn.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir maagkrampe.

♦♦♦

Boegoebrandewyn is tot in die twintigste eeu nog vir maagkwale benut en daar is vandag nog boegoe vir dit voorskryf. Een teelepel, twee maal per dag.
Hierdie medikasie word gemaak deur ’n paar jong takkies boegoe by een bottel brandewyn te voeg. Maak toe en laat staan vir ’n week, terwyl jy dit een keer per dag goed skud.

♦♦♦

Bosboegoe kan ook gebruik word. Voeg ’n paar bosboegoe-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag.

♦♦♦

Kapokbos kan gebruik word vir die behandeling hiervan. Maak ’n tee van die blare.

♦♦♦

Meng 2 liter water met 2 eetlepels heuning, 1 eetlepel fyngekapte gemmer en 1 eetlepel gemaalde kaneel. Hou in die yskas en drink gereeld ’n bietjie daarvan.

♦♦♦

Die Hollandse setlaars het geglo dat die vrugte van die koekemakranka voordelig is vir jou maag. Hulle het die vrugte by brandewyn gevoeg en dit gebruik as medisyne.

Maak vir jou koekemakrankabrandewyn en drink dit as jou maag nie lekker voel nie.

(foto: Robert Jacob Gordon 1743-1795 The Man and his Travels at the Cape deur Patrick Cullinan)

♦♦♦

Laat jong takkies van ’n renosterbos trek in ’n bottel brandewyn. Drink soggens en saans sowat 30 mℓ hiervan. Dit help vir verskeie maagkwale, soos byvoorbeeld maagsere.

♦♦♦

Vars basielkruid help om maagkrampe te verminder.

♦♦♦

Maak tee met vinkel. Dit help vir maagpyn.

♦♦♦

Stamp die blare van die wilde als bos fyn en sit op 'n lap met asyn en plaas die lap op die maag van 'n baba met maagpyn.

♦♦♦

Trek die blare van die wilde als bos soos tee en drink.

♦♦♦

Medisinale gebruike van kruie

Kruiegids

Jong kinders en voeding

Dit gebeur soms dat jong kinders nie wil eet nie. Is dit iets om oor bekommerd te wees of is dit maar net ’n fase?

Dit hang af van heelwat faktore bv. die bou van die kind en die algemene voorkoms. As die kind nie ondervoed lyk nie, is daar geen rede vir kommer nie. Klein kindertjies gaan wel deur fases waartydens hulle nie wil eet nie. Dit is nie iets om oor bekommerd te wees nie, net solank die kind nog goed drink en nie ontwater nie. Indien die kind egter baie gewig verloor, moet hulle na ’n kliniek of ’n dokter vir ’n ondersoek.

Tydens hierdie fases is dit ’n goeie idee om die kind voedsame drinkgoed te gee bv. melk. Hulle moet dan ook ’n vitamienaanvulling kry – dit help om die eetlus aan te wakker.

Maak ook seker dat die rede hoekom die kind nie wil eet nie, nie dalk is omdat hulle lekkers eet voor ete. Maak ook seker dat hulle nie reg voor etes te veel vloeistof drink nie, bv. vrugtesap sal hom versadig laat voel.

Probeer ook om vir hulle die kossoorte te gee waarvan hulle hou en ook vingeretes - kinders van die ouderdom hou daarvan om self te eet. Laat hulle deur die dag peusel aan voedsame happies – ’n broodjie, stukkie kaas, ens.

Dit is nie noodsaaklik dat hulle formele etes kry nie. Hulle sal wel weer op ’n stadium vanself begin eet.

Kruie vir kwale: Diarree

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik.
Mense gebruik dit vir diarree.

♦♦♦

Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦

Die blare en wortels van die kaneelbol word gebruik om ’n tee te maak vir die behandeling van diarree.
Sny ’n stuk wortel van 1 cm skoon en 2 teelepels gekapte blare. Laat dit trek in ’n koppie kookwater vir 5 minute en gooi deur ’n sif voor jy dit drink.

♦♦♦

Die Khoi het Europeërs meer as 200 jaar gelede geleer van die medisinale waarde van die muishondbos. Hulle het dit gebruik vir diarree.

♦♦♦

Gooi ’n koppie kookwater oor ’n hand vol vars bergtee blare, ’n paar wildeals blare en twee malva blare. Laat dit trek vir 5 minute.
Drink dit vir diarree.

♦♦♦

Meng en drink mielieblom (Mezina) met water met of gerasperde appel (bruin word) of oorryp piesang en vars suurlemoensap.

♦♦♦

Medisinale gebruike van kruie

Kruiegids

Prikkelbare-dermsindroom / Spastiese kolon / Spastiese dikderm

Prikkelbare-dermsindroom (PDS) is ’n baie algemene aandoening en amper so volop soos verkoue. Persone met ’n spastiese kolon / spastiese dikderm se ingewande is buitengewoon sensitief.

Simptome
Simptome sluit in maagpyn, maagspasma, ’n versadigde opgeblase gevoel, oormatige winderigheid, ’n maag wat rommel, 'n behoefte om gereeld die toilet te besoek of afwisselende hardlywigheid of diarree.

Behandeling
Behandeling vir IBS wissel van medikasie tot hipnoterapie. Die beste behandeling is ’n leefstylaanpassing. Lees ons boereraat.

Boereraat
Die eerste stap om jou gesondheid te verbeter is ’n drastiese leefstylaanpassing. ’n Gesonde dieet en oefening moet deel van jou weeklikse roetine word. Medikasie en ander behandeling is net tydelike oplossings.

Maak ’n lys van wat jy eet en drink en kyk of daar sekere dinge is wat jou pyn vererger en probeer dit vermy. Vat dit stadig met die vesel.
Eet meer dikwels, maar kleiner maaltye.
Vermy vetterige, ryk, gebraaide of sterk gegeurde kos.
Vind ’n manier, byvoorbeeld ontspanningstegnieke, om van jou stres ontslae te raak.
Doen oefening.

Trigomoniase

Trigomoniase is 'n seksueel oordraagbare siekte. Dit kom by beide mans en vrouens voor.

By vroue is die simptome 'n waterige afskeiding met 'n visreuk. Die vulva sal ook jeuk en opgeswel wees.

Mans ervaar 'n branderige gevoel nadat hulle urineer.

Gaan spreek jou dokter. Die dokter sal antibiotika voorskryf as behandeling.

Die siekte hou gewoonlik geen komplikasies in nie.

Raad vir winde by volwassenes

As jy gereeld opgeblaas voel of sukkel met oormatige winde, dan is daar ’n paar dinge wat jy kan doen.

Veranderinge aan jou dieet
Meeste van ons weet sekere kosse laat ons opgeblaas voel. Om hierdie kosse uit jou dieet te sny kan verligting bring. Hou ’n rekord van wat jy eet en drink om te sien of daar enigiets is wat jou opblaas. Dink veral aan melk en melkprodukte, sekere vrugte en groente, volgraan, kunsmatige versoeters en gaskoeldrank. Peulvrugte, semels en vrugte bevat fermenteerbare koolhidrate, suikers wat maklik deur die spysverteringstelsel afgebreek word – dit veroorsaak oortollige winde. As jy uitvind dat jou liggaam nie laktose verdra nie. Praat met jou dokter om uit te vind hoe om laktose uit te sny sonder om komplikasies te ontwikkel, soos byvoorbeeld ’n kalsium- en mineraaltekort. As jy sukkel om fruktose te verteer moet jy voedsel wat fruktose bevat vermy. Fruktose word as ’n versoeter in baie verwerkte voedsel gebruik. Behandelings wat hardlywigheid bekamp, kan nuttig wees. Kyk na ons Boererate vir hardlywigheid.

Oefening
Navorsing het reeds telkemale bewys dat oefening waartydens die liggaam in ’n regop posisie is help vir iemand wat sukkel met winde.

Medikasie
Daar is geen klinkklare bewyse dat medikasie kan help nie, maar daar was al gevalle waar pasiënte verligting gekry het. Praat met ’n apteker oor moontlike keuses.

Kruie vir Kwale: Boererate vir spierpyne

Rooiwortel (Bulbine natalensis) is 'n vetplant wat in dele van Suid-Afrika groei. Die wortel, blaar en stam word as medisyne gebruik. Mense gebruik dit vir spierkrag.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gooi dit by jou badwater vir spierpyne.
Drink dit vir seer spiere.

♦♦♦

Plaas 5 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir seer spiere.

♦♦♦

Plaas skaafsels bas van ’n kiepersol (-boom) op die blare van ’n bloulelie en bind vas op seer spiere.

♦♦♦

Trek kattekruidblare soos tee, gooi dit in warm water en plaas jou bene daarin.

Medisinale gebruike van kruie

Kruiegids