Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



6.11.23

Brongitis

Brongitis is 'n infeksie van die longe. Meer spesifiek is die inflammasie van die groot lugpypvertakkings.

Dit ontstaan wanneer 'n bakteriële of virusinfeksie die oorafskeiding van die slym veroorsaak wat normaalweg die die lugweë moet klam hou. Die groot hoeveelheid slym laat jou outomaties hoes, die inflammasie vernou jou lugweë en jou voel sommer olik oor die algemeen.

Veral rokers is vatbaar hiervoor aangesien sigaretrook die slymvoerings beskadig en jou weerstand teen kieme afbreek.

Brongitis duur omtrent vir 'n week of twee en dit kan suksesvol met medikasie behandel word, veral antibiotika. Indien jy egter na 10 dae nog geen verbetering sien nie moet jy (weer) jou dokter gaan spreek.


(foto: Vlada Karpovich)

2.11.23

Swaminfeksie

Swaminfeksies word veroorsaak deur mikroskopiese klein swamme.

Volg 'n gesonde dieet om alle hardnekkige swaminfeksies blywend te genees. Neem multivitamien- en mineraalaanvullings om jou weerstand op te bou.

Soek mediese hulp indien die infeksie aanhou ondanks behandeling of terugkom.

31.10.23

Buisswangerskap / Ektopiese swangerskap


L skryf: "Ek wil weet my baarmoeder is verwyder, maar is daar 'n moontlikheid om 'n baba in jou eierstokke te verwek en dra?"
Antwoord:
Nee, dit is lewensgevaarlik.



Lelanie skryf: "Hoe vinnig kan 'n ginekoloog optel of dit 'n buis swangerskap is?

Antwoord:
Terwyl dit tydens jou swangerskap raakgesien sal word kom dit selde by daardie punt. Jy sal voor dit simptome toon en jou ginekoloog se daaropvolgende ondersoek sal dit as 'n buisswangerskap diagnoseer. Indien jy vantevore 'n buisswangerskap gehad het moet jou ginekoloog hiervan weet, sodat hy / sy die situasie kan monitor. Simptome waarvoor jy op die uitkyk moet wees sluit in:
  • Maagpyn of pyn in jou pelvis
  • Vaginale bloeding wat nie menstruasie is nie
  • Lighoofdigheid
  • Lae bloeddruk tydens vaginale bloeding
Jou ginekoloog sal jou dadelik wil ondersoek indien jy die bogenoemde simptome toon. Let egter daarop dat die simptome ook ander oorsake kan hê.



Vera skryf:
"Gister was ek by my ginekoloog. Hy't vir my gesê dat ek dalk 'n buisswangerskap het. Hoe gebeur dit? Hoe voorkom mens dit? Wat gebeur van hier af?"
Antwoord:
Tydens 'n buisswangerskap plant die bevrugte eiersel buite die uterus in, gewoonlik in die fallopiaanse buise. Die oorsaak hiervan is nie bekend nie. Die toestand moet betyds gediagnoseer word omdat die buise kan bars en jy dan in lewensgevaar kan wees. Daar is nie genoeg spasie in die fallopiaanse buise vir 'n baba om te ontwikkel nie.

30.10.23

Tandpyn

Tandpyn word veroorsaak deur tandbederf. Die pyn kom voor as bederf deurdring tot die kern van die tand waar die senuwees is. Dit begin as jy ´n kleuter is en kan enige tyd van jou lewe toeslaan. Die eerste simptome is ´n steekpyn as jy warm of koue kos eet.

´n Koppie swart tee tussen maaltye help om tandbederf te beveg. Die teeblare verhoed die groei van bakterieë en keer dat dit ´n suur produseer.

Goeie tandversorging en gereelde besoeke aan die tandarts kan tandbederf voorkom. Besoek jou tandarts sodra tandpyn voorkom of jou tandvleis begin bloei.


Boereraat:

Tandpyn
Gebruik pyp-olie vir tandpyn. Sit ´n bietjie op ´n stukkie watte en herhaal soos dit nodig word.

♦♦♦

Smeer bruin skoenwaks aan wang.

♦♦♦

Sit brandewyn op watte en byt vas.

♦♦♦

Vir tandpyn sit jy 'n koue, nat lappie op en bedek dit met 'n droë doek. Drink gereeld koue water.


Medisinale gebruike van kruie

Kruiegids

26.10.23

Sakke onder die oë

Sakke onder die oë kom algemeen voor soos jy ouer word en die weefsel rondom jou oë verswak; insluitend sommige van die spiere wat jou ooglede ondersteun. Vet wat die oë help ondersteun, kan dan in die onderste ooglede inbeweeg, wat veroorsaak dat hulle pofferig lyk. Vloeistof kan ook onder jou oë ophoop.

Die mees algemene oorsake is:
Ouderdom
Vloeistofretensie, veral wanneer jy wakker word of na ’n sout maaltyd
Gebrek aan slaap
Allergieë
Rook
Genetika - sakke onder die oë kan in gesinne voorkom
Mediese toestande, soos dermatitis, nierprobleme en skildklierprobleme

Sakke onder oë is gewoonlik 'n kosmetiese probleem en selde ’n teken van ’n ernstige toestand. Jy kan met koel kompresse help om hul voorkoms te verbeter. Vir aanhoudende of lastige swelling onder die oë kan ooglid-chirurgie 'n opsie wees.

Alternatiewe wat jy kan probeer om dit te probeer verlig is:
Koue, nat rooibostee-sakkies
Verkoel ´n aartappel in die yskas. Sny twee skywe af, sproei jou oë met water, lê plat en plaas die skywe op jou ooglede. Lê so vir 10 minute en vee dan jou oë af met ´n koue lappie. Komkommers kan ook gebruik word, maar sonder die water.

25.10.23

Wil jy gewig aansit?

Eet meer gereeld
Begin stadig om 5 tot 6 kleiner maaltye gedurende die dag te eet. Jy sal dalk tye moet beplan om te eet, selfs al is jy nie so honger nie.

Kies kos met baie voedingstowwe
Stel 'n roetine op om dinge te eet en te drink waarvan jy hou en wat baie voedingstowwe sowel as kalorieë bevat. Praat met ’n dieetkundige oor hoeveel kalorieë jy per dag of in elke maaltyd moet eet.
Jy kan ook vra hoeveel porsies jy van die verskillende voedselgroepe moet eet.

Neem ekstra
Voeg ekstras by jou geregte vir meer kalorieë, soos kaas in kasserol of neutbotter op volgraanroosterbrood. Jy kan ook droë melk of vloeibare melk by kosse voeg vir ekstra proteïen en kalorieë.

Probeer smoothies en shakes
Vermy drankies met min voedingstowwe of kalorieë, soos dieetkoeldrank. Maar 'n mengsel van hoë-kalorie, voedsame bestanddele in 'n smoothie of shake kan help as jy op die pad eet. Maaltydvervangende drankies kan ook deel wees hiervan.

Oefen
Oefening, veral kragoefening, kan jou help om gewig op te tel deur jou spiere op te bou. Oefening kan ook jou eetlus stimuleer.



(foto: Andrea Piacquadio)

24.10.23

Kruie vir kwale: Sooibrand

Vir sooibrand: Week ’n takkie wilde salie in ’n koppie kookwater vir 10 minute.
Gooi dit deur ’n siffie en meng 3 eetlepels Engelse sout by en bietjie suurlemoensap. Hou die mengsel in ’n lugdigte houer en gee die pasiënt gereeld klein bietjies daarvan.

♦♦♦
Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir sooibrand.

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir sooibrand.

♦♦♦

Drink halwe koppie water met die sap van 1 suurlemoen en 1 teelepel koeksoda na etes.

♦♦♦

Drink ’n knippie gemmerpoeier, opgelos in louwarm water.

♦♦♦

Drink ’n koppie kamille-tee (chamomile / chamomile) nadat jy geëet het.

♦♦♦

Drink 2 eetlepels suurlemoensap. Die sooibrand sal vir ’n kort rukkie erger voel, maar dan beter raak.

♦♦♦

Kou ’n paar groenment-blare vir sooibrand.


Medisinale gebruike van kruie

Kruiegids