Lewerkanker

Meeste gevalle van lewerkanker is as gevolg van ’n hepatitis B infeksie op ’n vroeë ouderdom. Dit word aangehelp deur metaboliese afwykings. Dit wil voorkom of inentings teen die virus baie suksesvol is in die voorkoming hiervan.

Nog ’n oorsaak is lewersirrose, of dit nou weens alkohol of ’n virus is. Nou en dan speel sekere chemiese middels ook ’n rol in lewerkanker. Dit word veral gevind onder jong mans wat anaboliese steroïede gebruik. Blootstelling aan aflatoksien, ’n giftige stof wat vervaardig word in die spore van ’n fungus wat op grondbone voorkom, kan ook kanker veroorsaak.

Sekere oorgeërfde lewersiektes soos hemochromatose (’n siekte wat veroorsaak dat die lewer te veel yster stoor) en Wilson-siekte kan ook lei tot lewerkanker.

Simptome en tekens
• Gewigsverlies
• Swak eetlus
• Swakheid
• Naarheid
• Diarree

Frakture van die hand en vingers

Simptome en tekens
• Die persoon kan nie die vingers gebruik nie.
• Die plek van die besering is geswel en gekneus.

Behandeling
1. Bring enige bloeding onder beheer.
2. Beskerm die beseerde hand deur dit in ’n sagte kussing toe te vou.
3. Die hand moet dan met ’n opligverband ondersteun word.
4. Bind die arm ook aan die bors vas.
5. Kry die persoon by ’n hospitaal.

Senior burgers moet meer proteïene eet

Die verlies van spiermassa is een van die groot probleme waarmee ouer mense sukkel. Hierdie verlies veroorsaak dat jy swak is en maklik beserings opdoen. Deur proteïen te eet is een manier om die verlies teen te werk. Dit wil lyk asof dit beter is om hierdie proteïen te versprei oor drie maaltye per dag.

Ons spiere word gebou deur proteïene wat bestaan uit aminosure. Wanneer die inname van proteïene afneem word die sintese van aminosure versteur met ’n gevolglike verlies aan spiermassa.

Baie van ons eet ons proteïene met middag- en aandete. Navorsing toon egter dat diegene wat soggens ook proteïen inneem se spiere baie sterker is. Hulle het ook bevind dat senior burgers behoort meer proteïene te eet.

Navorsers aan die McGill University, Université de Sherbrooke en Université de Montréal, in Kanada, het 1 800 senior burgers betrek by die studie oor drie jaar. Die studie is gepubliseer in die American Journal of Clinical Nutrition.

Dr. Stéphanie Chevalier van die McGill University, wat die studie gelei het.

Armfrakture

Frakture is die wat voorkom op enige plek op die boarmbeen of die twee voorarmbene. Die elmboog kan ook betrokke wees. Die bene wat egter die meeste gebreek word, is die by die polsgewrig.

Kinders is meer geneig om hul elmbooggewrigte te breek. Hierdie tipe fraktuur moet sodra moontlik professionele mediese sorg kry, want dit kan ook skade aan die omliggende bloedvate en senuwees veroorsaak.

Simptome en tekens
• Pyn op die plek van die fraktuur – dit word vererger deur beweging
• Die persoon kan nie die arm gebruik nie
• Die elmboog kan nie gebuig word nie.

Sorg dat die persoon by ’n hospitaal kom.

Poniesterte vir kanker

72 meisies het hul poniesterte afgesny om dit aan Kansa te skenk, wat dit dan gebruik om pruike vir kankerpasiënte te maak, berig Andrea Küsel.

Kolonkanker

Kolonkanker kom meer onder vrouens as mans voor. Volgens die Kankervereniging van Suid-Afrika (Kansa) kry een uit elke 97 mans en een uit elke 162 vroue kolonkanker. Wêreldwyd is dit die derde algemeenste soort kanker.

Kolonkanker ontstaan weens die abnormale groei van selle. In ’n klein persentasie van die gevalle gebeur dit as gevolg van genetiese afwykings. Algemene oorsake is rooi- en geprosesseerde vleis en min vesel. Ander risikofaktore sluit in leefstyl, ouderdom, geslag, alkohol, rook en ’n gebrek aan oefening.

Tekens en simptome sluit in bloeding in die stoelgang, ’n verandering in toiletgewoontes, gewigsverlies en ’n langdurige gevoel van moegheid, en naarheid en vomering in mense ouer as 50 jaar.

Kafeïen laat smag jou na soetgoed

Kafeïen, daai goeie vriend wat ons oggend na oggend aan die gang kry, is dalk verantwoordelik daarvoor dat jy soms so na soetgoed smag.

Kafeïen onderdruk ons adenosienreseptore – daardie reseptore wat ontspanning en slaap bevorder. Navorsers aan die Cornell Universiteit het nou bevind dat kafeïen ook ons smaakreseptore onderdruk, wat veroorsaak dat iets nie heeltemal so soet proe nie. Ironies genoeg, veroorsaak dit dat ons net meer smag na soetgoed.

(“Caffeine May Reduce Perceived Sweet Taste in Humans, Supporting Evidence That Adenosine Receptors Modulate Taste” is gepubliseer in die Journal of Food Science)