Naarheid

Naarheid verwys na enige sensasie wat jou laat voel of jy wil opgooi. Naarheid gaan dikwels gepaard met bleekheid, sweet en ´n afname in jou hartklop. Dit kan simptomaties van baie siektes wees.

Drink baie vloeistof om ontwatering te voorkom, maar bly 24 tot 48 uur sonder kos. Sodra die naarheid onder beheer is kan jy geleidelik helder groentesop, bruinrys of gestoomde groente begin eet.

Spreek jou dokter oor die oorsaak indien dit hewig of hardnekkig is.

bydrae: Barbara Pelser

Boereraat:

Meng 1 eetlepel appelasyn met een koppie water. Neem kort-kort 2 of 3 slukkies.

♦♦♦

Drink ’n mondvol “flat” kola sodra jy begin naar voel.

Medisinale gebruike van kruie

Kruiegids

Voetskimmel

Voetskimmel is ´n swaminfeksie. Dit word normaalweg in openbare plekke soos swembaddens en aantrekkamers opgetel.

Dit is moelik om van ontslae te raak. Die vel rondom die tone raak aanvanklik rooi en jeukerig, dan wit en vogtig en uiteindelik dop en skilfer die vel af. In ernstiger gevalle mag die toonnaels selfs geel en vergroeid raak.

Boereraat:

Sit watte met heuning en appelasyn daarop en los oornag aan.
Gaan sien jou dokter sodra dit aanhou of terugkom.

♦♦♦

Vicks VapoRub help vir skimmel op toonnnaels. Dit is glo die tiemie in die Vaporub wat die skimmel verdryf.


Medisinale gebruike van kruie

Kruiegids

Kruie vir kwale: Probleme met die kolon

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir kolonprobleme.

♦♦♦


Medisinale gebruike van kruie

Kruiegids

(foto: Andrea Piacquadio)

Jong kinders en voeding

Dit gebeur soms dat jong kinders nie wil eet nie. Is dit iets om oor bekommerd te wees of is dit maar net ’n fase?

Dit hang af van heelwat faktore bv. die bou van die kind en die algemene voorkoms. As die kind nie ondervoed lyk nie, is daar geen rede vir kommer nie. Klein kindertjies gaan wel deur fases waartydens hulle nie wil eet nie. Dit is nie iets om oor bekommerd te wees nie, net solank die kind nog goed drink en nie ontwater nie. Indien die kind egter baie gewig verloor, moet hulle na ’n kliniek of ’n dokter vir ’n ondersoek.

Tydens hierdie fases is dit ’n goeie idee om die kind voedsame drinkgoed te gee bv. melk. Hulle moet dan ook ’n vitamienaanvulling kry – dit help om die eetlus aan te wakker.

Maak ook seker dat die rede hoekom die kind nie wil eet nie, nie dalk is omdat hulle lekkers eet voor ete. Maak ook seker dat hulle nie reg voor etes te veel vloeistof drink nie, bv. vrugtesap sal hom versadig laat voel.

Probeer ook om vir hulle die kossoorte te gee waarvan hulle hou en ook vingeretes - kinders van die ouderdom hou daarvan om self te eet. Laat hulle deur die dag peusel aan voedsame happies – ’n broodjie, stukkie kaas, ens.

Dit is nie noodsaaklik dat hulle formele etes kry nie. Hulle sal wel weer op ’n stadium vanself begin eet.

Prikkelbare-dermsindroom / Spastiese kolon / Spastiese dikderm

Prikkelbare-dermsindroom (PDS) is ’n baie algemene aandoening en amper so volop soos verkoue. Persone met ’n spastiese kolon / spastiese dikderm se ingewande is buitengewoon sensitief.

Simptome
Simptome sluit in maagpyn, maagspasma, ’n versadigde opgeblase gevoel, oormatige winderigheid, ’n maag wat rommel, 'n behoefte om gereeld die toilet te besoek of afwisselende hardlywigheid of diarree.

Behandeling
Behandeling vir IBS wissel van medikasie tot hipnoterapie. Die beste behandeling is ’n leefstylaanpassing. Lees ons boereraat.

Boereraat
Die eerste stap om jou gesondheid te verbeter is ’n drastiese leefstylaanpassing. ’n Gesonde dieet en oefening moet deel van jou weeklikse roetine word. Medikasie en ander behandeling is net tydelike oplossings.

Maak ’n lys van wat jy eet en drink en kyk of daar sekere dinge is wat jou pyn vererger en probeer dit vermy. Vat dit stadig met die vesel.
Eet meer dikwels, maar kleiner maaltye.
Vermy vetterige, ryk, gebraaide of sterk gegeurde kos.
Vind ’n manier, byvoorbeeld ontspanningstegnieke, om van jou stres ontslae te raak.
Doen oefening.

Trigomoniase

Trigomoniase is 'n seksueel oordraagbare siekte. Dit kom by beide mans en vrouens voor.

By vroue is die simptome 'n waterige afskeiding met 'n visreuk. Die vulva sal ook jeuk en opgeswel wees.

Mans ervaar 'n branderige gevoel nadat hulle urineer.

Gaan spreek jou dokter. Die dokter sal antibiotika voorskryf as behandeling.

Die siekte hou gewoonlik geen komplikasies in nie.

Raad vir winde by volwassenes

As jy gereeld opgeblaas voel of sukkel met oormatige winde, dan is daar ’n paar dinge wat jy kan doen.

Veranderinge aan jou dieet
Meeste van ons weet sekere kosse laat ons opgeblaas voel. Om hierdie kosse uit jou dieet te sny kan verligting bring. Hou ’n rekord van wat jy eet en drink om te sien of daar enigiets is wat jou opblaas. Dink veral aan melk en melkprodukte, sekere vrugte en groente, volgraan, kunsmatige versoeters en gaskoeldrank. Peulvrugte, semels en vrugte bevat fermenteerbare koolhidrate, suikers wat maklik deur die spysverteringstelsel afgebreek word – dit veroorsaak oortollige winde. As jy uitvind dat jou liggaam nie laktose verdra nie. Praat met jou dokter om uit te vind hoe om laktose uit te sny sonder om komplikasies te ontwikkel, soos byvoorbeeld ’n kalsium- en mineraaltekort. As jy sukkel om fruktose te verteer moet jy voedsel wat fruktose bevat vermy. Fruktose word as ’n versoeter in baie verwerkte voedsel gebruik. Behandelings wat hardlywigheid bekamp, kan nuttig wees. Kyk na ons Boererate vir hardlywigheid.

Oefening
Navorsing het reeds telkemale bewys dat oefening waartydens die liggaam in ’n regop posisie is help vir iemand wat sukkel met winde.

Medikasie
Daar is geen klinkklare bewyse dat medikasie kan help nie, maar daar was al gevalle waar pasiënte verligting gekry het. Praat met ’n apteker oor moontlike keuses.