Osteoporose

Die term beteken bros bene. Dit is ´n siekte wat veroorsaak dat die bene in die liggaam verswak, wat tot gevolg het dat verandering in postuur voorkom en die lyer is geweldig blootgestel aan beenbreuke. Vroue word hoofsaaklik aangetas weens hormoonwisselinge en verlaagde estrogeenvlakke. Osteoporose word nie alleenlik deur kalsiumtekorte veroorsaak soos algemeen aanvaar word nie. Vitamien C, D en K asook proteïene speel ´n groot rol in die voorkoming van osteoporose. Osteoporose kan vererger word deur ´n ontoereikende dieet en te min oefening.

Daar is geen spesifieke simptome voor die siekte reeds in ´n gevorderde stadium is nie. Daar is egter waarskuwings soos ´n geleidelike verlies aan lengte, ´n krom houding en skouers, en algemene pyne en kwale of rugpyn. Dit kan ook aanleiding gee tot tandverlies.

Gereelde oefening en kalsiumaanvullings word aanbeveel. Minerale soos koper speel ook ´n rol in die vorming van gesonde beenweefsel. Sonskyn is ´n natuurlike bron van vitamien D, en lewertraanolie verskaf vitamien A en D.

Mediese kundigheid is nodig om osteoporose te diagnoseer.

Pre-eklampsie

´n Toestand wat voorkom in swangerskap wat gepaard gaan met ´n verhoogde bloedruk, edeem en/of proteiene in die uriene. Ook genoem Swangerskapsgeinduseerde hipertensie (Pregnancy induced hypertension). Dit verbeter en verdwyn na die bevalling.

Navorsing het bewys swak voeding is een van die bydraende faktore tot pre- eklampsie, en nie oorgewig nie. Foliensuur is baie belangrik gedurende swangerskap. Nou blyk dit uit nuwe navorsing dat dit ook behulpsaam kan wees om pre-eklampsie te voorkom. In ´n onlangse studie is gevind dat moeders wat multivitamienes, insluitende foliensuur, regdeur hul swangerskap gebruik, se kans om hipertensie te ontwikkel, verminder met 50%.

Psoriase

Psoriase is abnormale selverdeling in die buitenste laag van die vel gekenmerk deur rooi kolle en silwer skilfers.

Indien jy dit een keer het kom dit normaalweg gereeld terug. Die oorsake is nie heeltemal bekend nie.

Net die simptome word normaalweg behandel aangesien dit nie geneeslik is nie. Praat met jou dokter oor medikasie vir die probleem.

Verlos van die puisie in ´n japtrap

Jy is oppad uit as jy daai geelmannetjie op jou gesig bespeur. Hier is ´n paar vinnige oplossings:

1) Druk ´n knoffelhuisie pap en sit die olie aan die puisie.

2) Vir ´n opgeswelde rooi puisie neem jy die medikasie wat jy vir rooi oë gebruik en maak ´n stukkie watte nat daarmee. Hou dit op die puisie vir 15 sekondes. Die rooi kleur van die puisie behoort te verdwyn.

3) Hou ´n stukkie watte met warm soutwater op die puisie vir 3 minute. Die puisie se koppie sal verdwyn.

4) ´n Bietjie wit tandepasta op ´n puisie oornag sal ´n puisie opdroog.

5) Los ´n bietjie heuning vir 10 minute op die puisie. Dit sal van die bakterieë ontslae raak en die porieë skoon hou.

Mites oor diabetes

Daar is ongelooflik baie mites bestaan oor Diabetes en die publiek het oor die algemeen 'n vae beeld het oor wat diabetes is.

Diabetes word grootliks in twee breë kategorieë ingedeel. Tipe 1 voorheen bekend as insulien afhanklike diabetes en Tipe 2 diabetes voorheen bekend as nie-insulien afhanklike diabetes of volwasse insulien (Adult onset diabetes).

5-10% van alle diabete is Tipe 1 en die res is Tipe 2. Daar is ook ander tipe diabetes onder andere swangerskap diabetes, LADA (Latente outoimuun diabetes in Volwassenes), Mody (Maturity onset diabetes of the young – volwasse aanvangsdiabetes ), Diabetes Insipidus (wat nie werklik diabetes is nie, maar 'n onvermoë van die liggaam om vloeistof te hanteer)

Ek nooi almal uit om na my blog te gaan kyk. Dit handel oor diabetes. Ek gaan probeer om weekliks iets anders te bespreek wat handel oor diabetes - hetsy Tipe 1 of 'n ander tipe.

Groete
Riette

Muti en mites uit Afrika

Heather Dugmore gesels oor die agtergrond tot die boek: “Ek het jou verwag,” kondig die tradisionele geneser aan toe sy die deur van haar skelpienk huis êrens langs ’n stowwerige pad aan die Wildekus vanSuid-Afrika vir my oopmaak. Ek was nie van plan om daar te stop nie, maar ’n skielike, hewige storm het my gedwing om skuiling te soek by – wat ek eers later uitgevind het – ’n tradisionele geneser of sangoma se huis was.

Soos alle tradisionele genesers beweeg sy moeiteloos tussen die fisiese en spirituele wêrelde, en sy kommunikeer voortdurend met die geeste van haar voorvaders. Hulle help haar om die geskikste inheemse medisinale plantkure of muti vir haar pasiënte se fisiese en sielkundige kwellings uit te soek. “Die storm is gestuur om jou na my toe te lei,” verduidelik die sangoma terwyl sy met haar kruie besig is. En so het my reis deur die wêreld van die muti en mites van Afrika begin, ’n reis wat my paaie later laat kruis het met dié van Ben-Erik van Wyk, ’n plantkundeprofessor en wêreldoutoriteit van geneeskundige plante.

Vanaf die dag wat ons in sy laboratorium by die Universiteit van Johannesburg ontmoet het, was daar ’n gemeenskaplike band tussen ons wat gegroei het tot ’n fassinerende ontdekkingsreis van muti en mites wat oor baie jare strek. Ben-Erik is ’n wetenskaplike maar ook ’n storieverteller en storieversamelaar. Ek het al baie ure na hom gesit en luister terwyl hy stories vertel wat hy self by die oorspronklike bron gehoor het, asook na sy wetenskaplike uiteensettings van die gebruik van geneeskundige plante oor die lengte en breedte van Afrika. Wanneer u die stories lees oor van die kontinent se prominentste inheemse plantkure, hoop die skrywers dat u die bekoring van Afrika sal ondervind, en daar mee saam die inheemse volke se bydrae tot die begrip van die mens.

Spierverrekking

'n Spier kan verrek word as hy abnormaal gerek word. Spasmas kan by sulke spiere voorkom en daar kan gespanne knoppe vorm. Pyn en swelling kom ook voor.

Soos by verswikking is mediese behandeling beslis nodig.


Medisinale gebruike van kruie

Kruiegids