Hoe om borsmelk te stop

Elke ma is uniek. Daar is baie redes wees waarom iemand verkies om op te hou met borsvoeding. As jy kan, raadpleeg altyd ’n dokter voordat jy probeer om jou borsmelk op te droog.

Jy kan nie enige spesifieke tyd koppel aan die opdroog van jou melk nie. Dit hang af van verskeie faktore. Dit sluit in jou ouderdom, die ouderdom van jou baba en jou gemiddelde melkvoorraad. Borsmelk kan dae, weke of maande neem om op te droog.

Indien jou baba nog borsvoed, word dit aanbeveel dat die kindjie eers geleidelik gespeen word.

Om jou melk te verminder hou gewoon op borsvoed. Wanneer jy ophou borsvoed, sal jou liggaam geleidelik ophou om melk te produseer. Die gebrek aan stimulasie vertel jou liggaam om op te hou lakteer. Om hierdie metode te gebruik:
o Druk af en toe melk uit om enige ophoping van melk te verlig.
o Gebruik yspakkies om inflammasie te beperk.
o Gebruik kruie. Navorsing dui daarop dat daar ’n paar kruie is wat kan help om jou melkvoorraad te verminder.

Kruie vir laktasie-onderdrukking
• Salie-tee, gemaak met 1 tot 3 gram gedroogde salieblare.
• Smeer jasmynblomme aan jou borste.
• Eet kuisboom-bessies. Die boom word ook genoem Abraham se balsem of monnikpeper.
• Eet pietersielie.

Geboortebeperking help ook om jou melk te verminder. Deur estrogeen as deel van ’n gekombineerde geboortebeperkingspil te gebruik, help jy om laktasie te stop. Die meeste moeders sien ’n daling in melkproduksie nadat hulle een pil per dag vir een week geneem het. Dit moet slegs geneem word nadat jy ’n dokter/kliniek geraadpleeg het.

Wat ander medikasie betref moet jy jou dokter/kliniek vra of jy iets mag gebruik wat pseudoëfedrien bevat, byvoorbeeld Sudafed. Navorsing toon dat Sudafed ’n merkbare afname in melkproduksie veroorsaak. Jy moet op die uitkyk wees vir simptome van angs en slapeloosheid terwyl jy Sudafed neem.

Koolblare en jou borste
Gebruik koolblare op jou borste. Dit bied verligting aan jou borste.

Hoe om koolblare op jou borste te gebruik
1. Was die blare van groenkool en verkoel in die yskas.
2. Plaas die blare oor jou borste – onder jou bra.
3. Verander die blare elke paar uur.

Spyker balsem, waarvan die hoofbestanddeel terpentynolie is, kan gebruik word vir seer tepels.

br>
(foto: Roch Lach)

Polisistiese niere

Hermien van Rensburg skryf :
"My dogter ly aan polisistiese niere & lewer. Sy is 3 jr terug gediagnoseer. Is daar 'n dieet of iets wat sy kan doen om die pynlike lewer en niere te verlig. Sy het akute rugpyn en haar lewer is redelik opgeswel. Die siekte is vreemd en daar is min mense wat blykbaar aan dit ly. Asb enige iets wat haar kan help. Sy is maar 33jr oud en het 2 klein kindertjies. die dr. sê daar is niks wat hy vir haar kan doen nie en sy moet haar normale lewe voortsit."

Antwoord :
Polisistiese niere is 'n oorerflike siekte waar die baba gebore word met veelvuldige siste op die niere en 'n swakker nierfunksie. Polisistiese niere gaan ook gewoonlik hand aan hand met siste op die niere, maar laasgenoemde kom meer algemeen voor.

Haar grootste risiko is hoë bloeddruk en enige dieet wat laag is in vet en slegs die nodige proteïene bevat word aanbeveel.

Haar dieet moet ook min kalium en so min as moontlik sout bevat om die druk op die niere te verlig.

Sy moet ook so veel as moontlik probeer ontslae raak van enige spanning in haar lewe en gereeld oefening doen.

Dit is nie die maklikste toestand om mee saam te leef nie. Bo alles het sy die deurlopende ondersteuning van haar vriende en familie nodig.

Pitswere / Bloedvinte / Pitsweer / Bloedvint

Pitswere word ook bloedvinte genoem. Dit ontstaan in 'n haarfolikel en vorm 'n rooi knop. Namate die infeksie versprei raak die knop vol geel etter. Die knop is gewoonlik baie gevoelig.

'n Pitsweer (bloedvint) word gewoonlik veroorsaak deur die bakterie stafilokokkus. Indien daar 'n hoë konsentrasie van bakterieë is kom die pitswere in groepe voor. Indien dit versprei na 'n aangrensende haarfolikel/s praat ons van 'n karbonkel. 'n Karbonkel is 'n pitsweer met meer as een pit. Dit kan tot 5 cm groot wees.

Pitswere kom meesal voor op klam areas van die liggaam. Agter die nek, in die lieste en onder die arms is die meer algemene areas.

Persone met 'n lae weerstand teen bakteriële infeksie, diegene met swak persoonlike higiëne, die wat oorgewig is en persone wat baie sweet loop die gevaar om pitswere te ontwikkel.

Moet nooit 'n pitsweer druk nie. Dit kan die infeksie laat versprei. Was om die pitsweer met antiseptiese seep om te verhoed dat dit na ander haarfolikels versprei; of probeer dit behandel met antiseptiese salf. Die beste is om die pitsweer weer vanself te laat verdwyn of om dit deur 'n dokter te laat oopsny.

Jy kan die ongemak van 'n pitsweer verlig met 'n klam, warm lappie.

WAARSKUWING: Vicks VapoRub is gewild onder sommige mense as behnadeling vir pitswere. Dit is egter nie 'n aanbevole of goedgekeurde behandeling nie, en die vervaardiger waarsku daarteen om dit op wonde of beskadigde vel te gebruik.


Medisinale gebruike van kruie

Kruiegids

Keel

´n Seer Keel is gewoonlik ´n simptoom van verkoue, griep of ander virusinfeksies. Enige iets wat die sensitiewe slymvliese agter in die keel irriteer, soos rook, dampe, baie warm kos en drank en skaafplekke kan ook ´n oorsaak wees. Akute seer keel klaar gewoonlik binne ´n paar dae of ´n paar weke op en die toestand is selde ernstig of gevaarlik. Dit kan egter dui op ander kwale soos masels en waterpokkies.

Rus, warm vloeistowwe, pynstillers en versigtige gorrel sal verligting bied.

Soek mediese hulp in die geval van ´n chroniese seer keel of indien ´n koors ontwikkel.

Boereraat:

Om 'n beentjie of visgraat wat vassit te laat loskom kan jy ’n stukkie droë brood eet met korsie en al.

♦♦♦

Om 'n beentjie of visgraat wat vassit te laat loskom moet jy met skoon asyn gorrel.

♦♦♦

Gorrel met 'n mengsel van water en (baie) koeksoda om 'n graatjie of beentjie in die keel los te maak.

♦♦♦

Wanneer ’n beentjie of visgraat het wat in die keel vassit kan jy ’n rou eier klop tot die wit en geel net gemeng is en sluk dit dan in. Dit sal die graatjie of been saamneem maag toe.

♦♦♦

Wanneer daar ’n visgraat of beentjie in jou keel vassit, kan jy ’n klein stukkie watte met botter of margarien smeer en dit afsluk.

♦♦♦

Neem 5 ml heuning in die mond en laat stadig in die keel afloop. Dit verlig die rou, seer gevoel in die keel.

♦♦♦

Neem ’n halwe glas louwarm water en gooi 2 eetlepels asyn en 2 ml sout by. Roer goed en gorrel dan daarmee.

♦♦♦

Meng ’n kwart koppie asyn met ’n kwart koppie heuning. Neem 1 eetlepel gorrel daarmee ses keer per dag.

♦♦♦

Gorrel met twee Dispentablette wat in water opgelos is.


Medisinale gebruike van kruie

Kruiegids

Kruie vir kwale: Insekbyt

Die blare van die varkblom kan gebruik word om die ongerief van insekbyte te verlig.

♦♦♦

Vryf die vars bokboegoe-blare op jou komberse en kussings om insekte, bv., muskiete, weg te hou in die nag.

♦♦♦

Plaas 20 g vars, gekapte wildewingerd-blare in 1 koppie kookwater en laat trek vir 5 minute.
Gebruik dit vir die behandeling van die bytplek van bosluise en ander insekte.

♦♦♦

Die jellieagtige inhoud van die medisynebossie kan op insekbyte gesmeer word.

♦♦♦

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met insekbyte. Jy kan die geaffekteerde plekke liggies daarmee afspons.

♦♦♦

Vryf rou, fyngekerfde wit uie aan ’n vlooibyt.

♦♦♦

Smeer suurlemoensap aan ’n perdeby- of bysteek.

♦♦♦

Gooi 1 liter kookwater oor 3 koppies blare, stele en blomme van wildedagga.
Laat dit trek en afkoel.
Gebruik dit op insekbyte.

Medisinale gebruike van kruie

Kruiegids

Grierson-Gopalan sindroom

Anoniem skryf:

Ek is' n man 45 jaar oud, my probleem is voete wat voel of dit wil uitbrand. Ek sukkel om skoene te dra. As ek my voete op koue sement sit bedaar dit n bietjie Ek sukkel al lank met die probleem.

Kan Grierson-Gopalan Sindroom wees. Die simptome is voete wat brand, pyn en vuurwarm word. Normaalweg brand net die voetsole, maar dit kan so hoog as die enkels voorkom. Dit is oorerflik of kan veroorsaak word deur druk op senuwees of sekere siektes.

Jy sal eers die oorsaak in jou spesifieke geval saam met jou dokter moet vasstel voor jy dit kan behandel.

Intussen kan jy die volgende doen : Dra so veel as moontlik oop skoene en nie swaar en toe leerskoene nie. Dra ook net katoensokkies. Week jou voete saans vir 15 minute in yswater. Jy kan ook by jou apteek vra vir voetrome vir brandende voete en vitamien B-aanvullings word ook aanbeveel in gevalle waar jy 'n tekort toon. Jy moet ook so min as moontlik staan.

Boegoe

Boegoe het natuurlike antibakteriële en anti-inflammatoriese eienskappe wat infeksies en inflammasie kan help voorkom. Dit ondersteun jou organe in die vinniger absorpsie van voedingstowwe, soos vitamien C, wat jou immuunstelsel versterk. Die hele gesin kan boegoe gebruik, en dit is veilig vir langdurige gebruik sonder enige newe-effekte.
Volg gerus die skakel om uit te vind wat jy alles met boegoe kan behandel:
Kruiegids