Hare

Wees versigtig vir onnatuurlike produkte. Allergiese reaksies teenoor chemikalieë in hierdie tipe produkte kom dikwels voor. Wees ook versigtig vir hardhandige behandeling en moenie die hare kam terwyl dit nog nat is nie. Masseer die kopvel om bloedsirkulasie te verbeter en sodoende haarverlies te beperk.

Boereraat:

Vir sterker hare, meng ´n eier saam met jou sjampoe en los op jou hare vir 15 minute.

♦♦♦

Stres is beslis 'n bydraende faktor vir haarverlies. Pas jou lewenstyl aan.
Ander vorme van haarverlies is oorerflik en ander soorte weens 'n siektetoestand of behandeling vir 'n siektetoestand. Swak eetgewoontes wat 'n tekort aan yster veroorsaak het ook haarverlies tot gevolg.

♦♦♦

Vir die haarlyn wat al pad vat agterkop toe of vir diegene wat sukkel met ´n paar yl haartjies laat weet Martie dat jy so 2 teelepels sout in jou sjampoe moet gooi.

♦♦♦

´n Eenvoudige metode om ´n dik bos hare dunner te laat voel:
Meng ´n halwe koppie wit asyn met ´n halwe koppie suurlemoensap en smeer op hare. Draai ´n warm handdoek om jou hare en los op vir 15 minute. Gebruik ´n bottel verslane bier om jou hare mee af te spoel.
Dit ruik dalk nie te lekker nie, maar die reuk gaan uiteindelik weg.

♦♦♦

Wend olyfolie aan droë hare aan en draai dan jou hare met ´n warm gestoomde handdoek toe. Los aan vir ´n halfuur en was uit met jou normale sjampoe.

♦♦♦

Gel vir jou hare kos nie min nie. ´n Vinnige tuisgemaakte gel bestaan uit 2 teelepels sout en ´n kwart koppie amandelolie. Gooi dit in ´n sproeibottel en gebruik. Dit is ook baie gesonder vir jou hare as die gekoopte alternatief.

♦♦♦

Asyn kan die natuurlike glans van jou hare na vore bring. Meng een koppie asyn en twee koppies water. Wend aan jou hare nadat dit gewas is en laat op vir 5 minute voor jy dit afspoel. Gebruik wit asyn indien jy blond is en ´n balsemagtige asyn indien jou hare swart of bruin is. Rooikoppe moet asyn gebruik wat gemaak is van framboos.

♦♦♦

Spoel ´n koppie vodka deur jou grys hare, nadat jy dit gewas het en met ´n handdoek afgedroog het. Moet nie uitspoel nie.

♦♦♦

Neem ´n kwart koppie asyn en die sap van een suurlemoen. Gebruik soos ´n opknapper. Dit is minder olierig as gewone opknappers en werk baie goed.

♦♦♦

Bier verskaf volume en glans aan jou hare. Meng 1 koppie bier met 3 koppies water en gooi oor jou hare nadat jy dit gewas het. Kam deur en spoel af na 3 minute.

♦♦♦

Soms het jou hare ´n blaaskans nodig van al die geblaas en gewas. Hier is ´n paar idees oor hoe om jou hare weer op te kikker:
1) Meng twee eetlepels mayonaisse met 1/2 teelepel heuning. Wend dit aan droeë hare en sit in die son daarmee vir so 20 minute. Spoel af met mineraalwater. Was soos gewoonlik agterna.
2) Wend 1/2 koppie geklitste room aan droë hare. Los aan vir 30 minute voor jy dit soos normaalweg was.
3) Maak jou hare nat met olyfolie. Bind toe met ´n handdoek en los aan vir 30 minute voor jy dit soos normaalweg was.

♦♦♦

Indien jy jou hare tydelik wil bruin kleur of jou natuulike bruin na vore te bring kan jy van die volgende spotgoedkoop metode probeer:
Voeg twee eetlepels kitskoffie by jou hoeveelheid opknapper wat jy normaalweg sal gebruik. Los die mengsel op jou hare vir sowat 2 minute en spoel af.

♦♦♦

Meng gelyke dele olyfolie (die regte soort) en heuning saam. Wend aan jou hare deur by die punte te begin. Bind jou hare toe met ´n plastieksak en draai ´n warm handdoek daarom. Los aan vir 30 minute voor jy dit uitwas met jou gewone sjampoe. Gebruik een keer per week vir die beste resultate.

♦♦♦

Meng 10 druppels suurlemoensap met jou sjampoe en sorg dat jy altyd jou hare in lou water was.

♦♦♦

Piesangs is vol proteïne en natuurlike vette wat gebruik kan word om gekoekte hare weer te ontknoop. Maak ´n oorryp piesang fyn en smeer dit aan jou klam hare. Bedek jou hare nou met plastiek en draai ´n handdoek daarom. Los dit so vir 15 minute en spoel af.

♦♦♦

Verwyder kougom uit hare deur 'n teelepel grondboontjiebotter in die kougom te vryf. Dit sal gou loskom.

♦♦♦

Kamme sal gou skoon kom as dit 'n rukkie geweek word in warm water waarin 2 teelepels koeksoda opgelos is.

♦♦♦

Die sap van 1 suurlemoen geklits met die geel van 1 eier is 'n goeie haarwasmiddel vir ligte hare.

♦♦♦

Skep natuurlike ligstrepe in blonde hare: vul 'n sproeibottel met twee derde koppie Vodka en een derde koppie suurlemoensap. Sproei aan klam hare, gaan uit en spoel eers die aand af.

Griep

Griep is baie meer ernstig as net ´n verkoue. Dit is die infeksie van jou lugweë. Die virusse takel ook die liggaam se weerstand. Dit bring mee dat sekondêre infeksies soos longontsteking, brongitis en oorinfeksie voorkom. Die virus versprei met behulp van druppels wat uitgenies, uitgehoes of deur aanraking oorgedra word. Die hele liggaam reageer gewoonlik op die infeksie met simptome soos hoofpyn, moegheid, swakheid, seerkeel, spierpyn, loopneus, koors en droë hoes. Dit kan tot ´n paar weke voortduur.

´n Griepinenting is jou beste verdediging teen die virus. Dit is amper ´n moet vir ouer persone, hartlyers en diegene met longkwale om elke jaar vir ´n inenting te gaan.

Gaan sien onmiddellik jou dokter indien jy die virus onder lede het!

Hoë bloeddruk / Hipertensie

Hoë bloeddruk laat jou are verhard en put die hart uit. Dit is gewoonlik as gevolg van 'n ongesonde leefstyl, maar kan ook oorgeërf word.

Jy weet nie altyd dat jy hoë bloeddruk het nie, want die simptome is nie altyd ooglopend nie.

Die belangrikste dinge om te doen is:

• Oefen gereeld (belangrikste)
• Verloor gewig
• Eet minder vet
• Eet minder sout
• Hou op met rook
• Verminder stres
• Gebruik alkohol oordeelkundig

Hoë bloeddruk (of hipertensie) kan ook met medikasie behandel word. Gaan spreek jou dokter.

BOERERAAT
Eet 'n piesang om jou bloeddruk in bedwang te hou.

Wat veroorsaak skarlakenkoors

Skarlakenkoors is 'n aansteeklike siekte wat veroorsaak word deur sekere vorms van die streptokokkus-bakterie. Die kiem kom die liggaam binne deur die keel en word versprei deur klein druppels wat in die lug vrygelaat word wanneer die besmette persoon praat, hoes of nies.

Is skarlakenkoors aansteeklik?
Skarlakenkoors is hoogs aansteeklik. Mense wat antibiotika neem vir skarlakenkoors is nie meer aansteeklik na 24 uur nie, terwyl mense wat nie antibiotika neem nie vir tot drie weke lank aansteeklik is.

Wat is die simptome van skarlakenkoors?
'n Rooi keel is die eerste simptoom van die siekte. Daarna volg koors, hewige hoofpyne, braking, 'n versnelde hartklop en die tong is oortrek met 'n wit aanpaksel. Onder hierdie aanpaksel is die tong vol rooi kolle. Daarna volg 'n rooierige uitslag wat in die nek begin. Dit word verder gevolg deur afskilfering van die vel waar die uitslag voorgekom het. Die siekte kom hoofsaaklik voor in jong kinders en kan tot 3 weke aanhou. Dit kan ernstige hart, nier en gewrigsprobleme tot gevolg hê.

Dieet en wenke vir ’n mantelvliesbreuk

’n Mantelvliesbreuk is ’n toestand waarin ’n deel van die maag opwaarts bult deur ’n opening in die diafragma.

Baie mense met ’n mantelvliesbreuk het geen simptome nie. Daar is egter mense vir wie hierdie simptome ’n hele dag (of nag) baie ongemaklik kan maak. Hier dink ons veral aan sooibrand en slegte spysvertering.

Wanneer jy ’n breuk het, is dit makliker vir maagsure om in die slukderm te beland – die buis wat kos van jou keel na jou maag vervoer. Dit veroorsaak sooibrand – ’n brandende gevoel in jou keel en bors. Sekere kosse kan hierdie simptome vir sommige mense vererger. Gelukkig kan die simptome van sooibrand wat verband hou met ’n mantelvliesbreuk dikwels beheer word met dieet en ’n verandering in leefstyl.

Kos om te vermy
Die volgende kosse het ’n hoë suurinhoud of kan die onderste slukderm-sfinkter verswak, wat dit makliker maak vir maagsure om terug te keer na jou slukderm. Hulle kan sooibrand veroorsaak.
• Sitrus; soos lemoene, pomelo's en suurlemoene, en lemoensap, pomelosap, bosbessiesap en limonade
• Sjokolade
• Vetterige en gebraaide kosse, soos gebraaide hoender en vetterige vleis
• Knoffel en uie
• Kos wat baie speserye bevat, soos kerrie
• Peperment
• Tamatie-gebaseerde kosse, soos pasta sous, pizza, salsa en tamatiesap
• Koffie, tee (insluitend kafeïenvrye weergawes)
• Alkohol
• Gaskoeldrank
• Suiwelprodukte, soos volroommelk, roomys en romerige kos. Probeer sojamelk; dit kan 'n goeie plaasvervanger wees. Ook kan sagte kase, soos feta of bok, in matigheid geniet word
• Olie en botter

Kos wat veilig is
Die volgende kosse is laag in suur en is minder geneig om jou simptome weens die mantelvliesbreuk te vererger.
• Piesangs en appels
• Groenbone, ertjies, wortels en broccoli
• Grane, soos brood, rys, pasta en beskuitjies
• Laevet of afgeroomde melk en laevet jogurt
• Vetvrye kase, roomkaas en vetvrye suurroom
• Maer vleis, hoender en vis
• Water
• Pretzels, ryskoekies en gebakte aartappelskyfies
• Laevet lekkers

Jy mag dalk vind dat sommige van die kosse wat onder Kos om te vermy gelys word, jou dalk nie pla nie, terwyl ander op Kos wat veilig is ongemak kan veroorsaak. Almal verdra kos verskillend. Om die beste dieet vir jou te bepaal, hou ’n kos dagboek vir ’n paar weke. En vermy dan enigiets wat veroorsaak dat jy simptome het.

Kombuiswenke vir ’n mantelvliesbreuk
'n Goeie manier om die kosse hierbo te geniet, is om dit op ’n gesonde manier te kook. Hier is ’n paar wenke.
• Kies maer vleis, soos hoender sonder vel en vleis met min sigbare vet
• Bak of kook kos in plaas daarvan om dit te braai
• Stadig met die sout of enige ander geurmiddels
• Stoom jou groente
• Beperk botter, olies en room souse. Gebruik iets soos Spray ’n Cook in plaas van kookolie wanneer jy soteer
• Kies lae-vet of vetvrye produkte bo ander

Leefstyl wenke
Behalwe bogenoemde aanpassings kan die verandering van sekere gewoontes ook die simptome verminder.
• Moenie ooreet nie. Eet eerder klein, gereelde maaltye. En neem jou tyd. Om vinnig te eet, kan sooibrand vererger
• Vermy lê of gaan slaap vir ten minste drie uur na ’n maaltyd
• Moenie vooroorbuig net nadat jy geëet het nie
• Moenie rook nie
• Verloor gewig, indien nodig
• Dra lospassende klere om nie ekstra druk op jou maag te plaas nie
• Lig die kop van jou bed 16 tot 20 cm met houtblokke of ander stewige voorwerpe
• Begin met ’n oefenprogram

As hierdie dieet- en leefstyl wenke nie help nie, of as jy bykomende verligting benodig, kan teensuurmiddels sonder voorskrif en suur verminderende of blokkerende middels jou simptome help beheer. Praat met jou dokter om meer te wete te kom oor oor-die-toonbank of voorskrifmedikasie om jou simptome te behandel. Chirurgie kan in seldsame gevalle nodig wees.

’n Mantelvliesbreuk kan baie lastig wees. Maar die meeste mense voel beter nadat hulle hul dieet en leefstyl aangepas het.

Raad vir olierige hare

Olierige hare word veroorsaak deur 'n oorproduksie van die natuurlike olie wat deur die kopvel geproduseer word. Hierdie oortollige olie kan hare swaar en vetterig laat voel, en kan ook lei tot ’n jeukerige of geïrriteerde kopvel.
Jy wil nie al jou olie afstroop nie. Natuurlike olies beskerm hare en ondersteun 'n gesonde kopvel en hare. Hier is ’n paar maniere om die olie te verminder sonder om jou hare te beskadig of jou kopvel te irriteer.

1. Was meer gereeld
Mense met baie olierige hare moet dalk tot een keer per dag hul hare was. Sjampoe help om oortollige olie en oortollige haarprodukte uit die kopvel te verwyder.

2. Was minder gereeld
As jy jou hare een keer per dag was en dit is nog steeds olierig teen die einde van die dag, is dit dalk die moeite werd om met jou wasdag te eksperimenteer.
As jy jou hare te veel was kan dit jou kopvel van die natuurlike olies stroop. Dit kan veroorsaak dat dit meer olie produseer om die vog te behou.
As jy geneig is om droë vel of 'n droë, jeukerige kopvel te hê, benewens olierige hare, kan dit help om jou kopvel se olieproduksie te balanseer as jy jou wasdae oortyd verminder.

3. Sjampoe behoorlik
Dit is moontlik om jou hare verkeerd te was en met 'n olierige kopvel en beskadigde hare op te eindig.
Om jou hare behoorlik te was, werk 'n klein hoeveelheid sjampoe liggies in jou wortels en kopvel in. Vermy die gebruik van jou naels of om onnodige wrywing te veroorsaak. Aggressiewe skrop kan jou kopvel irriteer en veroorsaak dat dit meer olies produseer.
Fokus op jou kopvel, waar die olie is, eerder as op die lengte van jou hare. Moet nie sjampoe direk aan die punte van jou hare sit nie. Laat die sjampoe eerder deur die punte vloei wanneer jy dit afspoel.
As jy van sweterige oefensessies hou of daagliks moet was, kan ’n sagte babasjampoe minder irriterend wees en beter geskik wees vir gereelde gebruik.

4. Knap versigtig op
Opknappers kan jou hare olierig laat lyk en olies vinniger laat ophoop. Jy kan probeer om net die punte van jou hare op te knap, en maak seker dat jy dit deeglik afspoel.

5. Spoel behoorlik af
Spandeer 'n ekstra minuut of twee om seker te maak jy het al die sjampoe en opknapper uit jou hare verwyder. Dit kan 'n groot verskil maak in hoe jou hare lyk en voel.
Produkte wat agterbly kan jou hare bedek, sodat dit vuil en jeukerig lyk en voel.

6. Gebruik produkte wat vir olierige hare geformuleer is
Daar word baie navorsing gedoen oor haarversorgingsprodukte. Moenie ban wees om jou sjampoe te verander nie. Dit kan net help om olie te verwyder.

7. Probeer lugdroog
Haardroërs en haartang kan jou hare meer olierig laat lyk.
Probeer om jou hare natuurlik te laat droog word. Maak vrede met die natuurlike tekstuur van jou hare.
Gebruik jou haardroër op lae hitte indien jy haastig is.

8. Werk versigtig
Of jy jou kop was, borsel, stileer of krap, is dit belangrik om sagkens te werk. Irritasie van jou kopvel kan dit oorstimuleer en veroorsaak dat jou oliekliere meer olie produseer.

9. Maak jou borsel skoon
’n Vuil borsel moet nie naby skoon hare kom nie. Dit hou net die hare vuil. Maak jou borsels gereeld skoon.

10. Vermy produkte met silikoon
Baie produkte, insluitend sjampoe, opknappers en stileringsprodukte, bevat silikoon om hare glad te maak en glans te gee.
Benewens die toevoeging van ekstra glans kan silikoon op die hare opbou en dit vuil, olierig en swaar laat lyk. Dit kan ook verhoed dat voordelige vog by die haarskagte kom. Probeer om enige produkte vermy vat bestanddele bevat wat eindig op "-cone".

11. Probeer droë sjampoe
Droë sjampoe kan help om olies uit te droog en jou hare ’n skoner voorkoms te gee. Baie droë sjampoe het ook 'n geur by om te help verfris.
Die nadeel is dat droë sjampoe aanpaksel kan los op jou hare. Hulle droog ook jou hare uit, daarom is dit beter om dit net af en toe te gebruik en die volgende dag deeglik af te was om irritasie en skade te voorkom.

12. Om te bevogtig of nie te bevogtig nie?
As jy olierige hare het, wil jy dalk oorweeg om 'n ligte opknapper te gebruik. ’n Ligte opknapper kan help om die vog op jou kopvel aan te vul en te balanseer sonder om ’n aanpaksel na te laat. Olierige hare is dikwels die gevolg van die kopvel wat boodskappe ontvang om meer olie te produseer omdat die hare uitdroog van verskeie produkte.

13. Sjampoe met teeboomolie
Teeboomolie (Tea tree oil) het antibiotiese en antifungale eienskappe. Dit kan jeukerigheid en olie verminder verbeter. Soek ’n sjampoe wat teeboomolie as een van die aktiewe bestanddele insluit om die volle effek te kry.

14. Sjampoe met groen tee
Hierdie kragdrankie is ook goed vir jou hare. Volgens navorsing kan groen tee jou kopvel help herstel. Maak dit vir jouself kry ’n sjampoe wat dit insluit.

15. Probeer diep skoonmaak met aalwyn
Sommige mense beveel aalwyn aan as 'n haar- en kopvelmasker. Meer navorsing is egter nodig om te bepaal of aalwyn effektief is om olierige hare te behandel, maar dit is waarskynlik veilig vir algemene gebruik.

16. Probeer jou eie droë sjampoe
Mielieblom of babapoeier is klassieke plaasvervangers vir droë sjampoe.

17. Behandel met klapperolie
Probeer klapperolie liggies inwerk op jou kopvel. Dit kan help om olie te verwyder, terwyl dit bevogtig.

18. Spoel af met appelasyn
As dit behoorlik verdun word, kan 'n spoelmiddel met appelasyn gebruik word om olie te verwyder, die pH van die kopvel te balanseer en kroes te verminder.

19. Gebruik heuning
As jy die olie handuit laat ruk het, kan ’n heuningmasker help om jou kopvel te streel en skilfers te voorkom of te behandel danksy die antibakteriese en antifungale eienskappe. 'n 2023 Studie van 2023 het bevind dat ’n behandeling gemaak van heuning, borrie en vitamien B12 help het om simptome van dermatitis, soos jeuk, rooiheid, skilfers en oormatige olieproduksie, by kinders te verminder.

20. Los jou hare uit
As jy gereeld jou hare borsel en aanraak, kan dit oliekliere stimuleer.

Hoes

Hoes is die liggaam se manier om irriterende slym, bakterieë, stof, stuifmeel of rook uit die lugweë te kry.

Raadpleeg jou apteker oor die beste behandeling vir jou tipe hoes.

Soek mediese hulp indien die hoes langer as twee tot drie weke voortduur of vergesel word van koors en borspyn, of as bloed in die slym voortkom.

Boererate vir hoes

(foto: Edward Jenner)