Kruie vir kwale: Allergieë

Die gereelde gebruik van rooibostee kan verligting bied vir allergieë.

♦♦♦

Medisinale gebruike van kruie

Kruiegids

Kruie vir kwale: Aamborstigheid

Die gereelde gebruik van rooibostee kan asemhaling verbeter

♦♦♦

Gebruik 5 g vars wildeals blare om ’n tee mee te maak. Laat dit vir 5 minute trek voor jy die blare verwyder. Drink die tee vir aamborstigheid.

♦♦♦

Voeg ’n paar wildeals-spruite by ’n bottel brandewyn. Laat staan vir ’n week en skud daagliks. ’n Eetlepel hiervan twee maal per dag vir aamborstigheid.

♦♦♦

Meng 50 mℓ druiwepitolie, 3 druppels teeboomolie (tea tree) en 3 druppels laventelolie. Maseer dit oor die bors, skouers en rug. Die mengsel moet in ’n glasbottel gebêre word. Dit is nie geskik vir baba’s jonger as ses maande nie.

♦♦♦

Vir kinders smeer jy hardevet met gemaalde naeltjies op lappe en sit op die bors en tussen die skouers.

♦♦♦

Medisinale gebruike van kruie

Kruiegids

Kruie vir kwale: Tandpyn

Gebruik vars wildeals blare vir tandpyn, deur ’n gevoude blaar op die tand vas te byt.

♦♦♦

Hou ’n bedekte warmwatersak teen die aangetaste kant van die gesig.

♦♦♦

Maak ’n knoffelhuisie fyn. Sit dit in ’n pluisie watte, maak klam met warm water en sit op tand.

♦♦♦

Maak ’n pasta van een teelepel kaneel en vyf teelepels heuning en sit op die seer tand. Doen dit minstens drie keer per dag tot die tand ophou pyn.

♦♦♦

Draai ’n warm handdoek om die gesig vir tandpyn en smeer naeltjie-olie aan die tandvleis.

♦♦♦

Byt ´n naeltjie vas.

♦♦♦

Sit olyfolie op watte en byt vas.

♦♦♦

Sit naeltjie-olie op 'n seer tand.

Medisinale gebruike van kruie

Kruiegids

Kruie vir kwale: Oorpyn

Gebruik vars wildeals blare vir oorpyn, met ’n opgerolde blaar in die oor.

♦♦♦

Hou ’n bedekte warmwatersak teen die aangetaste kant van die gesig.

♦♦♦

Gebruik 'n spuit of iets soortgelyks om 2 tot 4 druppels warm olyfolie in die oor van ’n klein kindjie, 2 jaar en ouer, of 5 tot 10 druppels in ’n volwassene se oor.

♦♦♦

Drup een druppel warm amandelolie en een druppel knoffelolie in die oor. Plaas ’n pluisie watte in die oor.

♦♦♦

Vir oorpyn, skil ’n groot ui en sny dit in die helfte. Maak ’n helfte versigtig warm in ’n mikrogolfoond en draai dit toe in ’n lappie. Hou dit met die plat kant teen, of so naby as moontlik, aan jou oor. Pasop vir brand. Die aroma van die ui het antibakteriële eienskappe en die hitte help vir die pyn.

♦♦♦

Drup ’n paar druppels uiesap in die oor.

♦♦♦

Drup ’n paar druppels knoffelsap in die oor.

♦♦♦

Bind ’n teelepel peper toe in ’n lappie. Week die lappie in naeltjieolie en druk dit dan in die oor.

♦♦♦

Braai 'n heel knoffelhuisie in klapperolie. Laat die olie afkoel en gooi dan in oor.

♦♦♦

Druk 'n stukkie tabak in jou oor vir oorpyn.



Medisinale gebruike van kruie

Kruiegids

Sistoliese bloeddruk bo 120 mmHg verhoog die kanse vir kardiovaskulêre siekte

Bloeddruk is die krag wat bloed uitoefen teen die wande van die liggaam se are terwyl dit sirkuleer. Ons praat van hipertensie wanneer bloeddruk te hoog is.

Bloeddruk word as twee getalle geskryf. Die eerste (sistoliese) getal verteenwoordig die druk in bloedvate wanneer die hart saamtrek of klop. Die tweede (diastoliese) getal verteenwoordig die druk in die vate wanneer die hart tussen slae rus. Hipertensie word gediagnoseer as, wanneer dit op twee verskillende dae gemeet word, die sistoliese bloeddruk (SBP) lesings op beide dae ≥140 mmHg is en/of die diastoliese bloeddruk (DBP) lesings op beide dae ≥90 mmHg is. Normale bloeddruk is minder as 120/80 mm Hg.

Wêreldwyd is hoë bloeddruk 'n algemene en sterk risikofaktor vir die ontwikkeling van kardiovaskulêre siektes. ’n Studie gepubliseer in die joernaal Diabetes Care in 2021 het bevind dat indien die sistoliese druk te hoog is verhoog dit ook die kanse vir kardiovaskulêre siekte.

Kruie vir kwale: Masels

Maak ’n badmengsel deur 40 g wildeals-blare te bedek met 2 liter kookwater. Laat dit staan vir 2 uur.
Gooi deur ’n sif en botteleer.
Voeg die mengsel by jou badwater om te help met masels. Jy kan die geaffekteerde plekke liggies daarmee afspons.

♦♦♦

’n Tee gemaak van die blare van die koorsbossie help vir masels.

♦♦♦

Slegs vir VOLWASSE persone: Trek boegoeblare soos tee en drink saans 1 koppie hiervan saam met 2 aspiriene.


Medisinale gebruike van kruie

Kruiegids

Weeluis

’n Weeluis is ’n klein, plat, ovaalvormige bloedsuiende insek met ’n rooibruin kleur en kort vlerke. Die insek ruik sleg. Die weeluis kom voor in huise, veral beddens, vandaar die Engelse naam bed bugs. Dit kruip gedurende die dag weg en kom saans uit om die bloed van mense en ander soogdiere te suig. Afhangende van die temperatuur en voedselbron kan twee tot vier geslagte jaarliks uitbroei.

Simptome en behandeling
Hulle bytplekke op die vel kan irritasie veroorsaak. ’n Kalamyn-oplossing kan verligting bied hierteen. As jy enige erger reaksie het op die byt kan ’n antihistamien help.