Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Dermatitus. Show all posts
Showing posts with label Dermatitus. Show all posts

6.11.17

Brokkoli ís goed vir jou

Daar is slegte nuus vir almal wat brokkoli haat. Dié groente is baie goed vir jou dermkanaal.

Volgens navorsers aan Penn State in Amerika begin baie van ons probleme in die dermkanaal, wat kan lei tot erger aandoenings soos artritis, hartsiektes en kanker. Deur jou maag en dermkanaal gesond te hou gee jy ’n groot stap na ’n goeie gesonde liggaam. Hiervoor moet die dermkanaal goeie weerstand kan bied teen gifstowwe en ander skadelike mikroörganismes.

Daar is ’n reseptor in die dermkanaal wat die liggaam se reaksie op skadelike stowwe reguleer. Navorsing aan Penn State het getoon dat wanneer ’n komponent van brokkoli met die reseptor verbind verbeter dit die vermoë van die reseptor om die dermkanaal gesond te hou. Dit is veral ’n goeie teenvoeter vir inflammasie, wat kanker en Crohn se siekte tot gevolg kan hê. Deur gewoon gereeld brokkoli te eet verbeter jy jou dermkanaal se gesondheid.

Spruitkool en blomkool het soortgelyke eienskappe as brokkoli.

15.5.17

Allergiese kontakdermatitis

Allergiese kontakdermatitis is ’n hipersensitiwiteit vir kontak met sekere stowwe. Die vel sal ’n allergiese reaksie hê op hierdie stowwe.

Daar is meer as 3 000 stowwe wat dit kan veroorsaak. Dit sluit in nikkel (in naelpolitoer, juweliersware), hars (in gom), sement, leer, rubber, kleurmiddels, rome (dink aan sonbrandroom, antibiotiese rome), lanolien en verskeie plante.

Diagnose moet deur ’n dokter gemaak word. Daar is ook ’n toets wat jy kan laat doen by ’n kliniek.

Simptome en tekens
• Jeuk
• Pyn
• Rooiheid
• Swelling
• Asook moontlik blasies op die vel

Die lyer moet die stowwe probeer vermy. Behandeling sluit in die gebruik van kortikosteroïede rome.

3.5.17

Atopiese dermatitus

Die lyer se vel is sensitief vir sekere stowwe en dit veroorsaak ’n tipe inflammasie. Ons praat ook hiervan as ekseem.

Dit kan op so jonk as 2 maande begin.

In chroniese gevalle kan die vel begin verdik en daar kan areas wees wat uiters gevoelig is. Sekondêre bakteriële infeksies kan hierop volg.

Dit is ook nie vreemd dat lyers sal sukkel met allergiese neusontsteking of asma nie.