Epilepsie

Nelia Smit skryf: "Wil graag weet wat kan jou doen omtrent epileptiese aanvalle."

Epilepsie is 'n breinaandoening. Epileptiese aanvalle kom voor wanneer die normale werking van die brein onderbreek word. Die senuweestelsel word ontwrig en die lyer het op daardie stadium geen beheer oor sy / haar liggaam nie.

Daar is verskillende soorte epilepsie.

Koorsstuipe by kinders ouer as vyf jaar kan reeds 'n aanduiding wees van epilepsie. Die meeste persone wat hieraan ly kry reeds aanvalle voor hul 20 jaar oud is. Indien die aanvalle gereeld van jongs af voorkom is daar 'n goeie kans dat die aanvalle minder sal word soos die persoon ouer word. Soms verdwyn dit heeltemal.

Sommige mens is geneig om die neiging tot epilepsie te oorerf. Verskeie prikkels, wat op ander mense geen effek het nie, kan 'n aanval veroorsaak. Versteurde slaappatrone, alkohol, stres, 'n gevoeligheid vir lig en koors kan aanvalle meebring in hierdie mense.

Epilepsie kan ook die gevolg wees van infeksie, beserings, beroerte, lae bloedsuiker of alkohol.

Epilepsie kan nog nie genees word nie, maar dit kan so te sê volledig beheer word met medikasie.

Daar is sommige geneeshere wat wys op die belangrikheid van 'n ketogeniese dieet. Praat met jou dokter hieroor aangesien dit onder mediese toesig gevolg MOET word.

Epilepsielyers moet ook leer om te ontspan en leer hoe om stres in 'n lewens te beperk.

As 'n persoon 'n aanval kry moet jy NIE een van die volgende doen nie:
•Moet nie die aanvalle probeer keer deur die persoon vas te druk of iets anders te doen nie.
•Moet nie iets tussen die persoon se tande probeer plaas nie.
•Moet nie probeer om vir die persoon vloeistowwe te gee nie.
•Moet nie die persoon beweeg nie.

Wat jy wel kan doen is:
•Maak stywe klere om die nek los.
•Verwyder enige voorwerpe in die persoon se omgewing wat beserings kan veroorsaak.
•Bly by die persoon tot hulle herstel het.
•Skakel 'n dokter of ambulans indien die aanval langer as 'n paar minute duur of die persoon nie sy / haar bewussyn herwin nie.

Doringbome help met verkoue

Meeste van ons ken ’n doringboom. Wat min van on sweet is dat hierdie familie bome goeie medikasie is vir verkoue.

Die spesifieke deel van die plante wat jy gebruik verskil van soort tot soort.

Die soetdoring (Acacia karroo) en lekkerruikpeul (Acacia nilotica) se blare en bas word gebruik, terwyl die wortels van die swarthaak (Acacia mellifera) gebruik word.

Die inheemse mense van Suider-Afrika benut die bome reeds eeue lank as kruiemedisyne.

Duiwelsklou

Duiwelsklou (Harpagophytum procumbens) is inheems aan Suider-Afrika en word in die Kalahari-streek van die Noord-Kaap aangetref in Suid-Afrika. Die naam is te danke aan die haakvormige voorkoms van die vrugte. Dit word veral in Namibië en Botswana vir die uitvoermark verbou.

Die plant het groot, knolagtige penwortels waaruit sekondêre knolle groei. Hierdie knolle bevat harpagosied wat verskeie medisinale gebruike het. Dit word onder meer gebruik om pyn en koors te verlig, en om spysvertering te stimuleer. Ander gebruike sluit in: vir hipertensie, artritis, as aptytwekker, salf vir sere en pitswere, asook verligting van pyn tydens swangerskap.

In Suid-Afrika word 'n permit benodig om die plant op groot skaal te oes. Die mag egter nie van November tot Februarie geoes word nie, omdat die plant dan blom en sade vorm.

Kruie vir kwale: Tuberkulose

Die bol van wildeknoffel word gebruik om pulmonêre tuberkulose te behandel. Dit is nie nuus nie aangesien die gebruik van die tipe plante vir pulmonêre behandeling regoor die wêreld voorkom (Mohagheghzadeh et al., 2006).
Pulmonêre TB affekteer die longe en keel, terwyl ekstrapulmonêre TB ander dele van die liggaam affekteer, soos die brein, bene of limfknope. Ekstrapulmonêre TB is gewoonlik nie aansteeklik nie.
In Suid-Afrika word die plant lank reeds gebruik vir longsiektes deur die Sothos, Zoeloes, Xhosas en San.
Die bolle word gekook en die stoom word deur die pasiënt ingeasem. Die bolle kan ook verpoeier word en dan as ’n snuif gebruik word.

Mohagheghzadeh A., Faridi P., Shams-Ardakani M., Ghasemi Y. Medicinal smokes. J. Ethnopharmacol. 2006;108(2):161–184.
♦♦♦

Gooi ’n koppie kookwater oor ’n paar gedroogde takkies heuningtee en laat dit trek vir 20 minute. Drink dit ten minste 4 keer per dag vir tuberkulose.

♦♦♦

Gekookte suurvye kan gebruik word vir die behandeling van tuberkulose.

Neem 2 tot 4 kankerbossie blare en week dit 3 minute in ’n koppie kookwater. Heelwat Suid-Afrikaners gebruik dit steeds vir tuberkulose.

♦♦♦

Medisinale gebruike van kruie

Kruiegids

Grondboontjiebotter help met bloeddruk

Grondboontjiebotter kan help om lae bloeddruk te verlig weens die inhoud van gesonde vette, proteïene en minerale soos magnesium en kalium, wat bydra tot die regulering van bloeddrukvlakke. Studies het getoon dat gereelde verbruik grondboontjie kan help om bloeddruk te verlaag, selfs by individue met hoë bloeddruk.

Endometriose

Endometriose is ’n toestand waartydens selle, soortgelyk aan die waarmee die baarmoeder uitgevoer is, hulle elders in die liggaam van die pasiënt vestig.

Hierdie selle tree op asof hulle steeds in die uterus is, hulle reageer op hormonale verandering en bloei gedurende menstruasie.

Endometriose kan pyn veroorsaak tydens menstruasie, of selfs tydens ovulasie of seks. Daar kan ook geen simptome wees nie. Onvrugbaarheid is egter een van die gevolge - dit gebeur by tot 40% van vroue. Gaan spreek jou dokter sodra jy vermoed jy het dit onder lede.

’n Diagnose word gemaak met ’n laparoskopie - ’n buis met ’n piepklein kameratjie word net onder die naeltjie ingesteek om die bekkenholte te verken.

Medikasie kan die probleem (letterlik) oplos of soms is chirurgie nodig. Dit kan só vererger dat aangetaste organe verwyder moet word.

Endometriose kan nie suksesvol voorkom word nie, maar ’n goeie lewenstyl, die gebruik van die voorbehoedpil en self swangerskap help om dit te verhoed.

Kruie vir kwale: Endometriale pyn

Endometriale pyn is 'n algemene simptoom van endometriose. Boererate wat kan help om pyn te verlig, sluit in warm baddens en 'n ensiem wat in pynappels voorkom. Jy kan die ensiem as 'n aanvulling neem, maar jy moet eers jou dokter raadpleeg, aangesien daar ’n interaksie met sommige medikasie kan wees.

♦♦♦

Kamille (chamomile) help om endometriële pyn en krampe te verlig en soms maak dit kwaadaardige weefsel dood.

♦♦♦

Borrie het sterk anti-inflammatoriese eienskappe wat kan help.

Medisinale gebruike van kruie

Kruiegids