Insekbyt

Kan jeukerig of rooi word, maar is gewoonlik onskadelik. Soms kan byte en steke siektes of allergieë veroorsaak. Die reaksies op hierdie wonde hang af van die gevolge van die gif asook van die allergiese reaksie van ´n oorgevoelige persoon.

Spreek jou dokter oor ernstige byte of as jy ´n allergiese reaksie toon.

Boereraat:

Indien ’n muskietbyt jou irriteer kan jy die area natmaak en ’n aspirientablet oor die bytplek vryf.

♦♦♦

Smeer tandepasta aan ’n bysteek.

♦♦♦

Vir muskietbyte kan jy pasta van koeksoda en water aansmeer om van die ergste swelling en jeuk ontslae te raak.

♦♦♦

Vir ’n muskietbyt meng jy ’n bietjie Engelse sout en warm water. Doop ’n stukkie watte daarin en plaas die watte op die bytplek.

♦♦♦

Krap 'n by-angel met 'n mes uit. Was die plek met soutwater.

♦♦♦

Krap 'n by-angel met 'n mes uit. Maak 'n pasta van sout en asyn en plaas dit op dit steekplek. Dit trek die gif uit.

♦♦♦

Meng klapperolie en blomswael en smeer aan plekke waar insekte jou gebyt het.

♦♦♦

Smeer asyn aan ’n perdebysteek.

♦♦♦

Vryf die binnekant van 'n piesangskil oor 'n plek waar 'n muskiet jou gebyt het. Dit verminder die swelling en jeuk.

♦♦♦

Krap 'n by-angel met 'n mes uit. Maak 'n koeksodapasta en plaas dit op dit steekplek. Dit trek die gif uit.

♦♦♦

Smeer 'n bietjie asyn op 'n bysteek nadat die angel afgekrap is – dit neem die brand weg.

Medisinale gebruike van kruie

Kruiegids

’n Aktiewe sekslewe kan mans met vroeë Parkinson se siekte help

Navorsing gepubliseer in die European Journal of Neurology dui daarop dat ’n aktiewe sekslewe gekoppel kan word aan minder gestremdheid en ’n beter lewensgehalte by mans met vroeë Parkinson se siekte.

Die navorsing is uitgevoer oor 2 jaar op 355 pasiënte.

Die pankreas

Die pankreas is ’n lang, sagte orgaan wat in die buikholte area van die liggaam geleë is. Dit lê agter die maag en die boonste deel van die dunderm (duodenum), aanliggend tot die linkernier en bynier.

Dit is deel van beide die endokriene stelsel en die spysverteringstelsel . Die pankreas is ’n klier met beide eksokriene en endokriene funksies. Die eksokriene gedeelte van die pankreas skei spysverteringsensieme af, terwyl die endokriene segment van die pankreas hormone produseer.

Boererate vir Fungus / Skimmel

Vick's VapoRub is ’n goedkoper behandeling vir fungus op toonnaels en voete.

Sien ook Kruie vir kwale: Fungus

Legioensiekte

Legioensiekte is ’n ernstige tipe longontsteking veroorsaak deur enige spesie van Legionella bakterieë.

Tekens en simptome
Tekens en simptome sluit in hoes, kortasem, koors, spierpyne, en hoofpyn. Naarheid, braking en diarree kan ook voorkom.
Die bakterie kom natuurlik voor in vars water. Dit versprei gewoonlik nie direk tussen mense nie, en die meeste mense wat blootgestel word, word nie besmet nie. Risikofaktore vir infeksie sluit in ’n hoë ouderdom, ’n geskiedenis van rook, chroniese longsiekte, en ’n swak immuunstelsel.

Behandeling
Wanneer jy vermoed jy het legioensiekte moet jy sodra moontlik by ’n dokter kom. Behandeling geskied gewoonlik deur antibiotika.

Behandeling van ’n insekbyt in die mond of keel

1. Gee die persoon ys om te suig om die swelsel te verminder. Of spoel die mond uit met koue water of ’n oplossing van water en koeksoda (’n teelepel per 250 mℓ water).
2. Indien die persoon moeilik asemhaal plaas hom/haar in die herstelposisie.
3. Kry die persoon by ’n hospitaal.

Koolhidrate help in die hart

Onlangse navorsing uit die Universiteit van Kopenhagen dui daarop dat ’n bepaalde soort koolhidrate 'n belangrike rol speel in die regulering van die bloeddruk in die menslike liggaam.

Beide hipertensie en hipotensie kan nadelige gevolge vir die gesondheid hê en lei tot onderskeidelik kardiovaskulêre siektes. Nou weet navorsers egter bietjie meer oor die faktore wat help om die bloeddruk te reguleer. Die navorsing is gepubliseer in die wetenskaplike tydskrif Journal of Biological Chemistry.

Die selle van die liggaam gebruik koolhidrate in die vorm van suiker om die stabiliteit van die proteïene te beheer. In die studie het die navorsers getoon hoe 'n spesifieke soort suiker aan ’n peptiedhormoon genaamd atriale natriuretiese peptied (ANP) heg. Hierdie peptiedhormoon word in die hart afgeskei en is belangrik vir die regulering van die bloeddruk en die vloeistofbalans in die liggaam.