Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



Showing posts with label Verstikking. Show all posts
Showing posts with label Verstikking. Show all posts

26.12.16

Maak só indien iemand verstik

Die Amerikaanse dokter Henry Heimlich, wat bekendheid verwerf het deurdat hy ’n tegniek ontwikkel het om mense van verstikking te red het, het gedurende sy loopbaan die lewens van meer 100 000 mense in Amerika gered.

23.12.16

Heimlich op jouself

Indien jy verstik sonder dat daar enige ander persoon in die omtrek is om jou te help nie, kan jy selfs die Heimlich-tegniek op jouself toepas sê Meiring. Kyk die volgende video om te verstaan hoe.

4.2.15

Noodhulp: Buikdrukking vir baba’s wat verstik

Plaas die baba op ’n stewige oppervlak met die kop in die ooplugweg-posisie. Plaas jou wysvinger en die lang vinger saam op die bobuik tussen die naeltjie en die borsbeen en druk met ’n vinnige voorwaartse en afwaartse beweging. Herhaal tot vier keer indien nodig. Elke druk moet net hard genoeg wees om die versperring los te maak.

28.1.15

Noodhulp: Buikdrukking vir kinders wat verstik

1. Plaas die kind op jou skoot of laat hom / haar staan as hulle groot genoeg is. Plaas een arm om die buik. Maak ’n vuis en plaas die duim binnewaarts in die middel van die bobuik. Ondersteun die kind se rug met jou ander hand.
2. Druk jou vuis in die buik met ’n vinnige opwaartse en inwaartse beweging. Gebruik baie minder druk as wat jy sou vir ’n volwassene. Herhaal tot vier maal indien nodig. Die druk moet hard genoeg wees om die versperring los te maak.

Vir ’n bewustelose kind gebruik jy dieselfde metode as vir volwassenes, maar druk net met een hand.

20.1.15

Noodhulp: Buikdrukking vir bewustelose persone wat verstik het

1. Draai die persoon op sy / haar rug met die kop in die ooplugweg-posisie. Kniel wydsbeen oor die persoon se dye sodat u genoeg druk op die korrekte middelbuikposisie kan uitoefen. As jy nie oor die persoon kan kniel nie, kniel langsaan.
2. Plaas die onderkant van jou palm in die middel van die persoon se bobuik en bedek dit met jou ander hand. Hou jou vingers sovêr moontlik weg van die buik.
3. Hou jou arms reguit en druk op die buik met ’n vinnige opwaartse en voorwaartse drukking; vier maal indien nodig. Die druk moet hard genoeg wees om die versperring los te kry.

14.1.15

Noodhulp: Buikdrukking

’n Reeks drukkings op die boonste deel van die buik in ’n poging om lug uit die longe te forseer tydens verstikking. Gebruik slegs buikdrukking indien houe op die rug nie werk nie, want dit kan ander organe beskadig.

1. Neem plaas agter die persoon en plaas een arm om die buik. Maak ’n vuis en plaas dit, met die duim na binne, in die middel van die bobuik, tussen die naeltjie en die borsbeen.
2. Vat die vuis met die ander hand vas.
3. Trek nou albei hande vinnig na jou toe met ’n vinnige opwaartse en inwaartse drukking, sodat die bobuik teen die onderkant van die longe saamdruk. Herhaal tot vier maal indien nodig; elke drukking moet hard genoeg wees om die versperring los te kry.

7.1.15

Noodhulp: Bewustelose persone wat verstik het

1. Draai die persoon op sy of haar rug, maak die lugweg oop en begin met kunsmatige asemhaling.
2. Indien dit nie werk nie, rol die persoon met sy of haar gesig na jou toe met die borskas op jou bobeen. Dien vier houe toe op die rug.
3. Kyk of die versperring losgekom het, haal dit uit indien wel.
4. Indien nie, draai die persoon op die rug en pas buikdrukking toe. Kyk weer in die mond.
5. Herhaal die stappe indien die versperring nie loskom nie.
6. Indien die versperring uit is, plaas die persoon in die herstelposisie.

3.12.14

Noodhulp: Verstikking

1. Verwyder enige voorwerpe uit die persoon se mond en moedig hom/haar aan om te hoes.

2. Help die persoon om te buk met die kop laer as die longe. Slaan die persoon vier keer tussen die skouerblaaie met die plathand.

3. Kyk in die mond. Indien die versperring sigbaar is, verwyder dit met jou hand.

4. Herhaal hou op rug as die versperring nog nie uit is nie.

26.11.14

Verstikking

Dit gebeur wanneer iemand se lugweg gedeeltelik of ten volle versper word deur iets wat ingesluk word. Dit kan ook deur ’n spierspasma veroorsaak word.

Die simptome is:

• Moeilike asemhaling; die tempo en diepte van die asemhaling sal toeneem.
• Moontlike skuim om die mond.
• Blou lippe en vingernaels.
• Verwarring.
• Moontlike bewusteloosheid.
• Die asemhaling kan ook ophou.