Karkatjie

Karkatjies word veroorsaak deur ’n bakterie. Die bakterieë leef normaalweg op mens se vel en kry met ’n klein krapmerkie toegang tot die liggaam en veroorsaak dan infeksie wat ons ’n karkatjie noem.

Aangesien die oorsaak van die karkatjie ’n bakterie is, kan ’n antibiotiese oogsalf soos Chloromycetin help. Soms kan dit nodig wees dat die dokter die karkatjie moet oopsny, maar dis selde.

Boereraat:

Warm lappie vir 10 minute, vier tot ses keer per dag. Maak dit maar kort-kort warm, want dit help om die karkatjie tot ’n punt te trek.

Kruie vir kwale: Karkatjie

Gooi ’n koppie kookwater oor oranje gousblomme. Laat dit afkoel en was die oog daarmee. Smeer dan bietjie sap van die geneesbossie/balsemkopieva/jesusplant aan die karkatjie.