Harsingdruk

’n Uiters ernstige toestand waar druk op die brein uitgeoefen word deur bloed wat in die skedel versamel of deur die been weens ’n fraktuur.

Harsingdruk kan op harsingskudding volg en kan tot 48 uur later ontwikkel, nadat ’n persoon skynbaar herstel het van harsingskudding.

Simptome en tekens
• Asemhaling word raserig
• Temperatuur kan styg – die gesig word blosend maar bly droog
• Pols is vol en bonsend, maar stadig
• Die pupille kan verskillende groottes hê
• Die een kant van die lyf kan swak voel of verlam wees

Kruie vir kwale: Slym

Sny ’n wit ui in dun skyfies en strooi bruinsuiker daaroor. Laat die staan sodat dit ’n stroop kan trek. Gee dan 5 mℓ van die stroop elke uur. Dit sal help teen die slym.

♦♦♦

LET WEL: Wynruit moet slegs onder toesig van ’n dokter of ander kundige persoon gebruik word. Dit het giftige eienskappe en sommige mense se velle is uiters sensitief daarvoor.
Vir slym op die bors by kinders kook jy ’n hand vol wynruit saam met ’n hand vol boegoe in 2.25 liter water. Laat dit kook tot die water met die helfte verminder het.
Gooi dit deur ’n sif en behou die vloeistof. Gooi dit terug in die kastrol.
Gooi 500 g suiker by en kook stadig terwyl jy aanhoudend roer, tot die suiker opgelos is.
Gee die kind 5 mℓ van hierdie stroop 4 maal per dag.


Medisinale gebruike van kruie

Kruiegids

Die struktuur en funksies van die brein

Die voordeel van oefening tydens swangerskap

Navorsers aan die Thomas Jefferson Universiteit in Amerika het besluit om weer die onderwerp van oefening tydens swangerskap onder oë te neem.

Hulle bevinding was dat dit nie net veilig is nie, maar ook voordelig is vir ’n swanger vrou om oefening te doen. Nie net verminder dit die kanse dat die baba vroeg gebore word nie, maar die verlaag ook die kanse dat ’n keisersnee sal nodig wees om die baba te verlos.

Nog ’n bevinding was dat vrouens wat oefen tydens swangerskap se bloeddruk geneig is om meer normaal te wees.

Die studie is gepubliseer in die Journal of Obstetrics & Gynecology as “Exercise during pregnancy in normal-weight women and risk of preterm birth: a systematic review and meta-analysis of randomized controlled trials”.

Die behandeling van harsingskudding

Harsingskudding is ’n tydelike breinversteuring. Dit word ook soms “konkussie” genoem.

1. In minder ernstige gevalle moet jy die persoon net gereeld monitor en voorstel dat julle ’n 1. dokter gaan spreek/2 dokter besoek.
2. Behandel vir skok indien nodig.
3. Kyk gereeld na die persoon se asemhaling, pols en bewussynsvlak. Kyk ook vir tekens van harsingdruk.
4. As daar enige twyfel is oor die persoon se toestand, sorg dat die persoon na ’n hospitaal geneem word.

Harsingskudding

Harsingskudding is ’n tydelike breinversteuring. Dit word ook soms “konkussie” genoem.

Harsingskudding is gewoonlik die gevolg van ’n hou teen die kop, ’n val van ’n hoë plek of ’n ongeluk.

Dit kan voorkom sonder dat die persoon bewusteloos is of net vir ’n kort tyd bewusteloos is.

Omdat harsingskudding harsingdruk kan voorafgaan is dit baie belangrik dat persone met die toestand baie fyn dopgehou word. Indien die simptome voortduur of die persoon se toestand versleg moet hulle dadelik by ’n dokter uitkom.

Simptome en tekens
• Kort of ’n gedeeltelike verlies van bewussyn

Indien die persoon bewusteloos is, kan die volgende simptome en tekens voorkom:
• Vlak asemhaling
• Bleek in die gesig
• Die vel is koud en klam
• Die pols is vinnig en swak

Wanneer die persoon besig is om te herstel kan die volgende simptome en tekens voorkom:
• Naarheid
• Die persoon kan nie gebeure net voor en na die insident onthou nie

Kruie vir kwale: Klierkoors

Rus en baie vloeistowwe is die belangrikste met klierkoors – water en ’n sap wat ’n kombinasie is van wortel, beet en seldery is die beste; sit sommer bietjie vars gemmer ook in. Enige kruie-medikasie wat die immuniteit versterk en die limfstelsel help herstel kan twee keer per dag geneem word. Vitamiene C twee keer per dag help ook. As die klierkoors oor is, maar jy bly moeg moet jy dit oorweeg om ginseng te neem.


Medisinale gebruike van kruie

Kruiegids

(foto: Pavel Danilyuk)