Oorpyn

’n Bestendige stroom helderrooi bloed uit die oor dui gewoonlik op skade aan die oortrommel.

’n Dun straaltjie strooikleurige vloeistof uit die oor is die teken van 'n gebreekte skedel. Die strooikleur word veroorsaak deur bloed wat meng met helder serebro-spinale vloeistof - behandel die besering soos vir inwendige bloeding.
Oorpyn is in die algemeen meesal die gevolg van infeksie in of naby die oor.

Middeloorontsteking kom gewoonlik by kinders voor en word veroorsaak deur kieme wat van die keel na die middeloor versprei.

Theo skryf:
"Ons het ’n tweeling (seun en dogter) van 2maande. Ek vermoed hy het oorpyn/ontsteking agv die bottelvoeding met die melk wat in sy oortjie inloop. Wat kan ek gee daarvoor?"

Antwoord:
As dit kom by babatjies moet die dokter liefs besluit oor die metode van behandeling. Ore is nie net daar vir hoor nie, maar is ook belangrike balansorgane. Talle probleme kan hier ontstaan.

Boereraat:

Vir oorpyn, sit heuning op ’n pluisie watte en steek dan in die seer oor.

♦♦♦

Vir oorpyn, meng ’n paar druppels brandewyn en 2 ml gliserien. Maak dit louwarm oor.
Gooi in die oor en sit ’n stukkie watte in. Herhaal indien nodig.

♦♦♦

Gooi warm soetolie in die oor en sit ’n pluisie in.

♦♦♦

Gooi skoon gliserien in die oor en sit ’n pluisie in.

♦♦♦

As jy ’n insek in die oor het, hou lig voor oor, die insek sal dalk uitkruip. Indien nie, gooi bietjie kookolie in die oor, die insek sal versmoor. Jy kan ’n insek ook probeer uitspoel met louwarm water.

Sien ook: Kruie vir kwale: Oorpyn

Wat is migraine?

Migraine kom voor wanneer die are in die brein oormatig vergroot. Dit kan enige iets van 2 tot 72 ure voortduur

Die pyn is intens en kom gewoonlik hoofsaaklik by die slaap of agter die oor voor. Pyn mag ook aan die agterkant van die kop begin en versprei na die hele een kant van die kop.

Gewoonlik kom ook naarheid, braking, dowwe visie en ´n tinteling of ´n dooie gevoel in die ledemate voor.

Migraine word soms voorafgegaan deur sigversteurings soos flitse, sterre of flikkerings.

Migraine kan veroorsaak word deur sekere kosse, allergieë, hardlywigheid, stres, te veel of te min slaap, hormoonveranderinge, flikkerende ligte en selfs tandprobleme.

Vitamien B3 bevorder bloedvloei na die brein. Aandblomolie is anti-inflammatories en help dus.

Soek mediese hulp indien dit gereeld voorkom.

(photo: Liza Summer)

Kruie vir kwale: Griep

Makkalmoes word tradisioneel deur die Zoeloe mense gebruik om griep te behandel. Die risome word normaalweg gekook en gebruik.

♦♦♦

Daar is navorsing wat bevind het dat die blare van Hotnotskooigoed (Helichrysum melanacme) suksesvol gebruik kan word vir sekere griepvirusse.
Een voorstel is dat jy ’n aftreksel maak deur die blare 3 tot 5 dae lank in alkohol te week en dan te filtreer. Jy moet omtrent ’n kg plantmateriaal gebruik vir 5 liter water.
Om aftreksel te gebruik, vul 'n druppelaar of klein spuit met die vloeistof en drup dit in die mond, net onder die tong. Hou die tinktuur vir 'n paar sekondes in die mond voordat jy dit sluk. Spoel die mond dan deeglik uit met water om van die bitter smaak ontslae te raak. Die presiese dosis wat 'n persoon moet neem, hang af van hul ouderdom, maar dit is die beste om nie meer as 2 klein vol druppelaars te neem nie. Moenie tinkture aan kinders gee nie. (Lall, N., Hussein, A.A., Meyer, J.J.M., 2006. Antiviral and antituberculosis activity of Helichrysum melanacme constituents. Fitoterapia 77, 230–232.)

♦♦♦

Daar is reeds meer as een studie wat bevind het dat rooibos kan help om sekere griepvirusse te beveg.

(Rahmasaria R., Haruyamaa T., Charyasriwonga S., Nishidaa T., Kobayashia N. Antiviral activity of Aspalathus linearis against human influenza virus. Nat. Prod. Commun. 2017;12(4):599–602.)
(Lall N., Hussein A.A., Meyer J.J.M. Antiviral and antituberculosis activity of Helichrysum melanacme constituents. Fitoterapia. 2006;77:230–232. doi: 10.1016/j.fitote.2006.01.007. )

♦♦♦

Vir griep week Rastafariërs een wildeknoffel plant se bol en blare in kookwater vir 10 minute. Die aftreksel word dan as ’n tee gedrink.

♦♦♦

Die kalwerbossie kan suksesvol gebruik word vir die behandeling van sekere griepvirusse en die koronavirus-stam.

’n Aftreksel word gemaak deur die plant se wortels 3 tot 5 dae lank in alkohol of water te week en dan te filtreer.

Om aftreksel te gebruik, vul 'n druppelaar of klein spuit met die vloeistof en drup dit in die mond, net onder die tong. Hou die tinktuur vir 'n paar sekondes in die mond voordat jy dit sluk. Spoel die mond dan deeglik uit met water om van die bitter smaak ontslae te raak. Die presiese dosis wat 'n persoon moet neem, hang af van hul ouderdom, maar dit is die beste om nie meer as 2 klein vol druppelaars te neem nie. Moenie tinkture aan kinders gee nie.
(Michaelis M., Doerr H.W., Cinatl J. Investigation of the influence of EPs 7630, a herbal drug preparation from Pelargonium sidoides, on replication of a broad panel of respiratory viruses. Phytomedicine. 2011;18:384)

♦♦♦

Die Zoeloes gebruik die bol van wildeknoffel vir die behandeling van griep.
Een plant se bol word fyngedruk en in melk gekook vir 10 minute. Klein bietjies van die aftreksel word dan in die oggend en aand gedrink.

(Cock, IE & Van Vuuren, SF. The traditional use of southern African medicinal plants in the treatment of viral respiratory diseases: A review of the ethnobotany and scientific evaluations. Journal of Ethnopharmacology. 2020)

♦♦♦

Sommige mense maak ’n eksterne wasmiddel met kankerbossie vir griep. Hiervoor gebruik jy 4 hande vol blare van die kankerbossie, ’n fyngedrukte bol wildeknoffel en 4 hande vol kruidjie-roer-my-nie se blare. Alles saam word in kookwater getrek vir 30 minute. Die lyf word gewas terwyl die mengsel nog warm is en die pasiënt moet ook 125 mℓ van die mengsel drink. Die 125 mℓ moet egter afgetap word na 15 minute se trek. As dit te sterk is, kan dit die persoon laat opgooi. Hoe bitterder ’n kankerbossie-mengsel is, hoe sterker is dit.


♦♦♦

Neem 2 tot 4 blare van die kankerbossie en week dit 3 minute in ’n koppie kookwater. Volgens die Khoi kan jy hierdie flou tee kan jy drink vir griep.

♦♦♦

Plaas 10 g vars, gekapte wildewingerd-blare in 1 koppie kookwater en laat trek vir 5 minute.
Drink dit vir griep

♦♦♦

Voeg ’n kwart koppie kattekruid-blare by ’n koppie kookwater en laat trek vir 5 minute.
Gooi deur ’n sif en drink vir griep

♦♦♦

Drink die sap van een suurlemoen saam met warm water, 'n teelepel heuning en twee aspirientablette vir griep.

♦♦♦

Medisinale gebruike van kruie

Kruiegids

Hoes

Hoes is die vinnige uitstoot van ingeasemde lug deur 'n vernoude keel, gepaardgaande met 'n plofgeluid. Dit word normaalweg veroorsaak deur een of ander prikkeling in die lugweë.

Voor jy volgende keer apteek toe hardloop vir duur medikasie, probeer eers heuning. Dit werk soms beter as sommige hoesmedisyne.

Boereraat:

Antimoonwyn kan gebruik word vir verkoue en koors en maak ook die slym los by hoesbuie.

♦♦♦

As ’n kind sukkel met slym op die bors. Meng 250 mℓ heuning met 5 mℓ bakpoeier. Gee gereeld 5 mℓ daarvan vir die kind. Dit sal die slym baie gou losmaak. Die mengsel kan in 'n flessie met 'n skroefdeksel gebêre word en gebruik word wanneer nodig.


Medisinale gebruike van kruie

Kruiegids

Kruie vir kwale: Varkgriep

Aftreksel van ’n kombinasie van bas, blare, wortels en takkies van die kiepersolboom word gebruik vir ’n verskeidenheid gesondheidsprobleme. Daar is ook bewyse dat dit dalk varkgriep kan behandel. Daar is egter nog meer navorsing hieroor nodig. Een voorstel is dat jy ’n aftreksel maak deur die plant se wortels en blare 3 tot 5 dae lank in alkohol of water te week en dan te filtreer. Jy moet omtrent ’n kg plantmateriaal gebruik vir 5 liter water.
Gebruik soos vir die kalwerbossie hier onder.
(Cock IE, Van Vuuren, SF. The traditional use of southern African medicinal plants in the treatment of viral respiratory diseases: A review of the ethnobotany and scientific evaluations. J Ethnopharmacol. 2020 Jul 27;262:113194.)
(Maroyi, A. Cussonia Spicata Thunb. In Tropical Africa, Phytochemistry, Pharmacology, and Medicinal Potential. Asian Journal of Pharmaceutical and Clinical Research. 2019 July 10.)

♦♦♦

Die kalwerbossie kan suksesvol gebruik word vir die behandeling van varkgriep.

’n Aftreksel word gemaak deur die plant se wortels 3 tot 5 dae lank in alkohol of water te week en dan te filtreer.

Om aftreksel te gebruik, vul 'n druppelaar of klein spuit met die vloeistof en drup dit in die mond, net onder die tong. Hou die tinktuur vir 'n paar sekondes in die mond voordat jy dit sluk. Spoel die mond dan deeglik uit met water om van die bitter smaak ontslae te raak. Die presiese dosis wat 'n persoon moet neem, hang af van hul ouderdom, maar dit is die beste om nie meer as 2 klein vol druppelaars te neem nie. Moenie tinkture aan kinders gee nie.

(Michaelis M., Doerr H.W., Cinatl J. Investigation of the influence of EPs 7630, a herbal drug preparation from Pelargonium sidoides, on replication of a broad panel of respiratory viruses. Phytomedicine. 2011;18:384)

Medisinale gebruike van kruie

Kruiegids

Endometriale pyn

Endometriale pyn is 'n algemene simptoom van endometriose, 'n toestand wat voorkom wanneer weefsel soortgelyk aan die voering van die baarmoeder buite die baarmoeder groei. Pyn kan in die bekken, onderbuik of lae rug voorkom, en kan erg wees, veral tydens menstruasie.

Ander simptome sluit in:
Pyn tydens of na seks
Pynlike of ongemaklike urinering
Pyn tydens dermbewegings
Swaar of langdurige menstruele bloeding
Vlekke of bloeding tussen periodes
Chroniese bekkenpyn
Onvrugbaarheid
Moegheid, diarree, hardlywigheid, opgeblasenheid of naarheid

Endometriose kan moeilik wees om te behandel, en dit kan tyd neem om te vind wat werk. Behandelings sluit in:
Pynmedikasie: Niesteroïdale anti-inflammatoriese middels (NSAID's) soos ibuprofen (Advil, Motrin IB) kan help. ’n Dokter kan ook sterker medikasie vir erger pyn voorskryf.
Hormoonterapie: Kan hormoonvlakke verander of keer dat jou liggaam sekere hormone produseer. Dit kan help om die bloeding te verminder en inflammasie, littekens en sistvorming te verminder.
Chirurgie: Laparoskopie is die mees algemene chirurgie wat gebruik word om endometriose te behandel.

Boererate wat kan help om pyn te verlig, sluit in warm baddens en 'n ensiem wat in pynappels voorkom. Jy kan die ensiem as 'n aanvulling neem, maar jy moet eers jou dokter raadpleeg, aangesien daar ’n interaksie met sommige medikasie kan wees.
Kruie wat kan help sluit in:
Kamille (chamomile): Dit help om endometriële pyn en krampe te verlig en soms maak dit kwaadaardige weefsel dood.
Borrie het sterk anti-inflammatoriese eienskappe wat kan help.

Anorexia Nervosa

Anorexia Nervosa is ´n eetversteuring met ´n onderliggende sielkundige basis. Media ikone, gesinsprobleme en ´n gevoel van magteloosheid is alles bydraende faktore. Dit kom meesal voor onder jong vrouens in hul twintigerjare.

Dis nie altyd maklik om ´n lyer te identifiseer nie aangesien dit gewoonlik as ´n onskuldige dieet begin. Dit manifesteer uiteindelik as ´n obsessie met kos, kalorieë en oefening. Die lyer mag ook soms hiperaktief voorkom. Al is lyers buitengewoon maer sal hulle nog steeds hulself as oorgewig ervaar en altyd hul buitengewone eetgewoontes verdedig.

Behalwe vir wanvoeding kan dit ook veroorsaak dat ´n vrou haar menstruele siklus mis, harerig voorkom, hardlywig is, dehidreer en aan slapeloosheid ly. Pasiënte raak maklike siek en mag selfs sterf as gevolg van die siekte.

Kry onmiddelik mediese en sielkundige hulp.