Oestersampioene wat aan die son blootgestel word help pasiënte met tuberkulose

Tuberkulose (TB) bly een van die dodelikste aansteeklike siektes in ontwikkelende lande. Ongeveer 1,6 miljoen mense sterf jaarliks aan die siekte sterf. In ’n onlangse studie het navorsers aan die Universiteit van Hohenheim, Duitsland bevind dat oestersampioene wat aan die son blootgestel was ’n uitstekende bron van vitamien D is. Vitamien D help TB-pasiënte om beter te reageer op TB-medikasie deur die immuunrespons te verbeter.

Navorsing toon dat vitamien D die liggaam help om antimikrobiese verbindings te vorm wat die bakteriese oorsaak van TB aanval. Alhoewel blootstelling aan die son die vitamien D-vlakke van mense kan verhoog, moet dit deur middel van dieet verkry word as blootstelling aan die son skaars is.

Die navorsers gebruik oestersampioene omdat dit ’n goedkoop, veilige en maklik beskikbare bron van vitamien D bied wat maklik deur die liggaam opgeneem kan word. Alhoewel vars oestersampioene bykans geen vitamien D bevat nie, produseer die swam dit na blootstelling aan sonlig, net soos die menslike liggaam.