Verdrinking

Slegs ’n klein hoeveelheid water in die longe kan verdrinking veroorsaak. Soms veroorsaak dit dat die keel ’n spasma kry en die lugkanaal afsluit, dan praat ons van droë verdrinking.

Dit is belangrik dat enige persoon wat van verdrinking gered word hospitaal toe gaan. Die longe word gou geaffekteer, maar soms sien mens dit eers heelwat later. Indien die persoon in koue water was, moet hulle warm gehou word.

Behalwe die algemene simptome van versmoring, kan daar ook skuim om die persoon se mond en neusgate wees.