Die simptome van Duitse masels, of rubella, by kinders is 'n uitslag in die vorm van klein pienk kolletjies wat, anders as by gewone masels, nie bymekaar aansluit nie. Dit verskyn eerste op die voorkop en gesig en versprei dan na die res van die lyf. Ander simptome hiermee saam is dikwels seerkeel, geringe konjunktivis, effense koors en opgeswelde limfknoppe aan die onderkant van die nek.
Ouer kinders en volwassenes kry ook hoofpyn en ernstige koors.
