Hepatitis A

Hepatitis A is ’n infeksie van die lewer deur die hepatitis A virus. Hierdie virus word gewoonlik oorgedra deur water wat met riool besoedel is. Hepatitis A infeksie is gewoonlik minder ernstig as hepatitis B en C infeksie.

Sommige lyers toon geen simptome nie, terwyl ander geelsug ontwikkel, braak, ’n swak eetlus het, baie moeg is, maagseer of diarree het.

Gewoonlik herstel mense volkome en spontaan binne 4 tot 8 weke sonder enige spesifieke behandeling, maar dit kan maande duur voordat jy weer 100% voel.

Volg ’n gesonde dieet met baie vars groente en vrugte. Moet nie te gou enige alkoholiese drank drink nie.