Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids


3.8.17

Koors

Koors is ´n styging in liggaamstemperatuur. Dit is ´n simptoom en nie ´n siekte nie. Koors help die liggaam om op die verdediging te gaan deur die aktiwiteit van die immuniteitstelsel te verhoog en meer witbloedliggaampies word gevorm wat die infeksie kan aanval. Jy hoef jou nie veel te bekommer oor koors onder 38ºC nie, maar kinders kan wel koorsstuipe kry by hierdie temperatuur. Bly in die bed as jy koors het.

Gebruik ´n koue, nat kompres met suurlemoen of appelasyn om ´n hoë koors te beheer, maar nie as die pasiënt koud kry nie. Drink baie vloeistowwe en ´n louwarm sponsbad kan ook help.

Spreek jou dokter indien dit gepaard gaan met ernstige bewing, rukbewegings, klappertand of indien dit wissel tussen kouekoors en sweetaanvalle.

bydrae: Barbara Pelser

Boereraat:

Drink suikerwater vir kouekoors.

♦♦♦

Laat die persoon bad in louwarm water met 2 koppies asyn by.

♦♦♦

Maak ’n handdoek nat met ’n mengsel van louwarm water en asyn. Plaas die handdoek/e op die persoon se lyf en kop. Herhaal die proses wanneer die handdoek koud is.

♦♦♦

Meng 15 mℓ brandewyn, 30 mℓ kookwater en ’n mespunt sout. Gee 20 mℓ elke 15 minute – slegs vir volwassenes.

♦♦♦

Om ’n kind se koors te breek, gooi twee koppies bruin asyn in baie lou badwater en spons die kind aanhoudend af. Dit kan net so effektief wees om mee te sponsbad in die bed as die kind te siek is om in die bad te sit.

18 comments :

  1. My seuntjie is 2 jaar oud. Soos enige kinders word hy maar nou en dan siek maar my probleem is wanneer hy siek word kry hy baie maklik stuipe (koors van net oor 38). Wat kan ek doen om dit te voorkom en hoe gevaarlik is stuipe rerig. Ek is ´n baie senuweeagtige mensie en my senuwee hang oppie grond as hy net effense koors kry. Ek het hulp en informasie nodig.

    ReplyDelete
  2. Suster Barbara Pelser3/2/10 13:50

    Die enigste manier is om te voorkom dat sy koors so hoog gaan dat hy stuipe (konvulsies) kry. Aangesien jy bewus is van die probleem, is dit makliker om dit te voorkom. Sodra jy agterkom dat hy besig is om siek te word, kan jy gereeld sy koors neem. As sy koors dan opgaan, kan jy dit verlaag deur hom in ´n louwarm bad te sit of die waaier op hom te laat waai. Dit sal lyk asof hy koud kry, maar dit is net die koors, so moenie jammer voel oor die koue nie! Sodra jy hom warm toemaak omdat hy kla hy kry koud, sal sy koors net weer op gaan en sal hy weer stuipe kry. Jy kan ook vir hom ´n bietjie Panado stroop gee. Dit sal ook die koors afbring. Sterkte!

    ReplyDelete
  3. Bekommerd3/2/10 13:51

    Ek is baie bekommerd oor my ma: Sy is 74jr en het Nov 2007 'n blaasoperasie, histerektomie en dikdermbreuk herstel gehad. Na die operasie het sy probleme met blaasinfeksie gehad wat na 'n paar kursusse antibiotika opgeklaar is. Sedert April 2008 kry sy kouekoors aanvalle wat gepaardgaan met onbeheerbare rukkings wat ongeveer 'n halfuur aanhou en haar hande en voete blou word. Daarna het sy erge hoofpyn en lyfseer asook warm gloede en sweet. Die dokter het 'n mantelvliesbreuk by haar gediagnoseer nadat sy gekla het van erge sooibrand en vir haar Omez voorgeskryf wat baie verligting gebring het. Sy het dit vir 'n tyd gelos omdat sy geglo het dat dit dalk die oorsaak van die aanvalle kan wees. Die aanvalle was vir 'n paar weke weg maar het nou weer begin. Sy het 'n hormoon setpil wat sy gebruik om die blaaswand te versterk. Sy glo as sy nie ten tye so 'n aanval by die dokter is nie, hy nie sal kan uitvind wat sy makeer nie omdat sy vir die volgende paar dae niks makeer nie. Kan dit dalk 'n hormoon wanbalans of skildklier wees? Het iemand raad asb?

    ReplyDelete
  4. Anonymous3/2/10 13:51

    Koukoors met sulke aanvalle moet deur 'n dokter ondersoek word. Indien jy voel dat jy nerens kom met haar bestaande dokter nie moet julle 'n tweede opinie kry. Dit is egter belangrik dat sy gereeld deur 'n dokter gesien word.

    ReplyDelete
  5. Anonymous6/10/10 13:44

    soek raad


    Kyk na baba wat gestremde kind haar koors is 37.7 maar sy huil en braak ma se dit is tande help asb

    ReplyDelete
  6. My seuntjie is 4jaar oud, toe kom agter hy het knoppe op sy kop en ek weet nie waar vandaan dit kom nie, kan dit iets wees wat hom gebyt het?

    ReplyDelete
  7. Anonymous8/6/11 11:00

    Kry 'n dokter om daarna te kyk Tommy.

    ReplyDelete
  8. Anonymous20/9/11 10:27

    Goo day

    Hi Hope you can help me I keep on getting sick and worse after each visit to the doctor I pay lots of money and do not see any results, my friends say that it could be my mangles, Not sure anymore.

    My body is sore my head is spinning i have back age I something get pain between my breast what can it be?

    ReplyDelete
  9. Anonymous26/9/11 10:35

    Dit is belangrik om gereeld terug te gaan na die dokter. Die probleem gaan nie noodwendig dadelik opgelos word nie. Dokters volg 'n proses om moontlike oorsake te elimineer. Indien jy van dokter verander of eers baie later teruggaan, moet die proses van voor af begin.

    ReplyDelete
  10. Anonymous12/6/12 10:35

    Hoe koors. Gepaart met koue koors

    ReplyDelete
  11. Goeie dag,

    My dogtertjie van 3 het die afgelope maand met probleme gesit van hoe koors. Ek het haar 2 keer by die hospitaal gehad wat hulle vir my antibiotika gegee het. Dit werk net vir n week Dan begin die koors weer van voor af. Ek het Al die medikasie wat ek in my huis het vir haar gegee. Maar as ek Sien is die koors weer terug. Die een Dr se dis mangelontsteking en die ander een se dis n virus infeksie. Moet ek regtig oor die koors warry? Wat kan ek doen ek is Al raad op? En wat kan ek doen om die koors onder beheer te bring? Ek is bang vir koors stuipe.

    Dankie

    ReplyDelete
    Replies
    1. Anonymous12/3/15 21:15

      MISKIEN MT U N BLOEDTOETS LAAT NEEM DT IS BAIE BELANGRIK EN U SL GOU WEET WT IS FOUT .STERKTE

      Delete
  12. Anonymous31/3/16 14:52

    My seuntjie is 2jaar en 6 maande oud. Ek was so maand by die pediater met hom en hulle het baie toetse geneem om vas te stel waarom hy so koorsig word.Ek was vir 6maande elke maand by die dokter en elke keer moes ek hoor dat die kind 'n virus opgetel het.Hy het weer so koorsig begin word maar ek het hom og nie weer dokter toe geneem.

    ReplyDelete
  13. Anonymous9/6/16 14:58

    Hallo almal.

    Toe my seuns klein was, veral my oudste, het hulle ook so onverklaarbaar koors gekry. Die dokters was later net so raadop soos ek...
    Een dokter het toe uit radeloosheid vir my gevra of ek al ñ disprin soos ñ setpil gebruik het, eers net ñ halwe afhangende van kind se ouderdom.
    Dit werk soos ñ bom, maar asb, gebruik dit net as jou dokter sê dis veilig.
    Sterkte aan alle Mammas met siek kindertjies...

    ReplyDelete
  14. My meisiekind is nou 1jaar en s0haar koors is 38.5 nou, sy het tandjies bo wat uitkom, maar sy is ook siek met snotneus en hoes geweldig.. wat kan ek doen? Ek het eier wil geklits en onder haar voetjies vas gemaak en haar spoeg doek ook met koue water nat gemaak..

    ReplyDelete
  15. Anonymous23/2/17 02:08

    Ek n baba van 1jaar oud met n koors van 38.5 ek weet nie meer wat om te gee nie kan ek n disprin as setpil gebruik

    ReplyDelete
  16. Anonymous23/2/17 10:13

    Onder geen omstandighede nie. Disprins vir kinders onder 12 jaar is baie gevaarlik.

    ReplyDelete
  17. Kan iemand my help, my man is nou 54 jaar oud, vir die afgelope 3 maande kry hy verskriklik koors in die nag (oggend ure) en dan gaan dit verby, vir die afgelope 3 weke kom dit gereeld, hy kla van borspyne maar meer by sy maag area bo, wat kan dit veroorsaak? Hy het al gegaan vir bloed toetse en alles lyk normaal.

    ReplyDelete