Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



5.2.18

Dislokasie / Ontwrigting van bene

Hierdie verwys na die verplasing van een of meer bene by ’n gewrig. Dit gebeur gewoonlik weens ’n stamp of verdraaiing, maar kan ook gebeur as gevolg van ’n spiersametrekking.

Dit gebeur veral met die skouer, elmboog, duim, vinger en kakebeen. Dit kan moeilik wees om te onderskei tussen ’n ontwrigting en ’n fraktuur. Behandel altyd soos ’n fraktuur indien daar twyfel is.

Simptome en tekens
• Geweldige pyn in of naby die gewrig.
• Die beseerde gewrig kan nie beweeg word nie. Dit voel “gesluit”.
• Die gewrig lyk misvormend.
• Swelsel en latere kneusing kom voor by die area.

Behandeling
1. Ondersteun die beseerde deel in ’n posisie wat vir die beseerde die gemaklikste is.
2. Neem die persoon na ’n hospitaal.

MOET NIE probeer om die bene in die normale posisie terug te plaas nie.

No comments :

Post a Comment