Soek op hierdie werf

Gebruik die alfabetiese gids om te soek vir mediese inligting of tradisionele boererate.

A B C D E F G H I J K L M N O P Q R S T U V W Z Medisinale gebruike van kruie Kruiegids



17.10.11

Vrae oor borsvoeding


MS skryf: "My eerste baba amper 2 is net vir 10 dae geborsvoed ons beplan tans nr 2 maar wil weet of ek dit sal kan doen. Ek het plat nippels en het nou vir my iets gekry wat sal help om dit uit te bring maar as dit nie sal help wil ek nie eers dink daaraan om swanger te raak nie. Ons beplan om sept swanger te raak sodat nr 2 junie se kant kan kom. Eks tans in Engeland en hier gaan hulle op 4 jaar skool toe. Dit los my tyd vir die baba in die dag. As ek net raad oor my plat nippels kan kry en of dit die moeite werd is om swanger te raak en weer te probeer sal ek soveel beter voel. Dit het my hart gebreek toe ek nie meer kon borsvoed nie maar was in deels ook my skuld oor ek dit net 1x op 'n dag gedoen het. Ek het nie genoeg hulp gekry tydens die eerste weke nie. My midwife was baie onhulpvaardig gewees."
Antwoord: Dit is wel moontlik om met plat tepels te borsvoed. Baba's wat kan goed vassuig kan self 'n plat tepel uittrek. Aangesien jy in Engeland is behoort jy nie probleme te hê om Breast Shells (ook genoem milk cups) op te spoor nie. Dit plaas druk op die area om die tepel sodat dit uit kan kom of ten minste makliker uitgesuig kan word. Jy begin dit reeds dra voor baba se geboorte vir 'n paar uur elke dag. 'n Ander stukkie toerusting is 'n Evert-it Nipple Enhancer wat jy by dieLa Leche League kan bestel. Dit doen omtrent dieselfde as 'n borspomp. Jy kan selfs 'n borspomp gebruik net voor jy borsvoed om die tepel uit te lig.
Indien hierdie tipe toerusting jou afsit kan jy die volgende oefening probeer. Plaas 'n duim aan weerskante en styf teen jou tepel. Druk nou die bors plat terwyl jy terselfdertyd die duime uitmekaar trek. Doen dit vyf keer per dag. Begin wanneer jy swanger raak en hou aan daarmee terwyl jy borsvoed. Elke keer as baba borvoed kan jy ook die vel liggies rek met jou een hand, duim bo en vier vingers onder. Dit sal dit makliker maak vir baba om die tepel te kry.
Alle sukses met julle planne!
Enige lesers met ander raad kan ook gerus van hulle laat hoor.

Chenelle skryf: "My eerste seuntjie is amper 2! Het geborsvoed tot op 5 maande. My melk was aan die begin maar min. My tweede is in April hier en wil net weet wat ek doen om die melk met beboorte "reg" te hê. Ek wil graag normaal kraam aangesien die eerste ook normaal was. My eerste was wel op 35 weke gebore en het 3.6 geweeg. Is daar sekere kosse wat ek kan opneem?"
Antwoord: Gesond bly is die belangrikste ding wat jy kan doen, voor die geboorte en in die tyd wat jy borsvoed. Volg 'n gesonde dieet en doen ligte, lae impak oefeninge.

Henriette skryf: "My baba is 6 weke oud en sukkel met krampe en winde. Nadat sy gedrink het wil sy nie die winde laat uit kom nie. Ek probeer om my dieet reg te eet maar weet nie wat als maak gas en wat nie. Kan jy dalk vir my 'n lys stuur van al die mag nie eet nie? Sy is baie wakker vir haar ouderdom en is verder gesond en weeg 'n volle 4.8kg. So ek glo my melk is voldoende maar gee haar gas en krampe wat baie seer maak. Sal dit waardeur as jy my kan help."
Antwoord: Dit gebeur wel dat sekere voedselsoorte soms 'n baba kan irriteer, maar ons soek te veel die fout by ons dieet. Navorsing ondersteun nie die idee dat ons dieet ons baba's winderig maak nie. Sommige baba's is gewoon meer winderig as ander. Dit is as gevolg van die baba se spysverteringstelsel wat nog leer om aan te pas in die nuwe omstandigehede. Tyd sal heel moontlik jou probleem oplos. Enkele ander dinge waarvoor jy kan pasop is:
  • Te veel melk te gou - baba kry nie kans om goed te sluk nie en daar kom te veel lug in saam met die melk
  • Huil - baba huil baie en sluk wind in die proses

Indien dit wel iets is wat jy inneem waarvoor baba sensitief is sal sy ook ander simptome toon soos braking, diaree, 'n neus wat loop of 'n uitslag.

Tanja van Loggerenberg skryf: "Ek het 'n seuntije van 11 maande en borsvoed nog steeds. Die afgelope tyd is my tepels ongelooflik gevoelig en my een bors is heelwat groter as die ander ene omdat die mannetjie net die een kant verkies. Ek laat hom altyd eerste aan die klein bors drink en gee genoeg tyd daarvoor maar my melkproduksie bly sleg in die een bors. Die ander bors is geswel en ek het mastitis in die bors gehad. (Dis al 5 maande terug!) Kan dit wees dat ek 'n abses in die bors het? Daar is nie 'n harde knop nie ... maar tog 'n rooierige merk bo op die bors. Ek's 'n voorstaander van lank borsvoed, maar die ongemak laat my wonder"
Antwoord: Dit gebeur dat 'n baba net een bors verkies. Wanneer jy ophou borsvoed sal die ander bors na normaal terugkeer. Indien die verskil in grootte jou pla kan jy 'n borspomp gebruik om die bors bietjie kleiner te maak. Die rooierige merk en swelling pla wel. Ek sou aanbeveel jy gaan vir 'n ondersoek. Dit kan wees dat die mastitis terug is, maar dit sal die ondersoek bepaal. Mastitis kom normaalweg gedurende die eerste drie maande voor, maar dit is glad nie onmoontlik dat dit nou weer kon opvlam nie. Indien jy dit vantevore gehad het is jou kanse groter as iemand wat dit nog nie gehad het nie om dit weer te kry. Ook omdat hy nie aan die bors drink nie kan bydra. Gedurende die tyd is dit belangrik dat jy baie vloeistof inneem en warm kompresse op die opgeswelde bors plaas van tyd tot tyd.

Louise Coetzee skryf :
"My seun is 11 maande oud. Ek borsvoed hom nog. Hy eet baie goed en kry tussen 3 en 4 melkvoedings 'n dag. Het darem nou sover gekom om die nagvoeding uit te sny. Ek is nou 6 weke swanger. My tepels is baie teer maar tepelroom bring darem bietjie verligting. Is dit wys om te borsvoed terwyl mens swanger is? Watter aanvullings kan ek neem? Ek is doodmoeg, slaap maar min want my seun 'n slegte slaper. My seun weier om ook bottel te drink en weier ook formulemelk! Ek gee ook vir hom tussendeur tee of sap uit 'n glas."
Antwoord:
Dit hang van jou af of jy nog wil borsvoed terwyl jy swanger is. In meeste gevalle kan vroue nog borsvoed tydens swangerskap. Die fetus sal niks kortkom nie. Die melk kan egter nou minder voedingswaarde hê (jou liggaam pas natuurlik aan sodat die fetus die regte voedingstowwe kry), maar dit is nie 'n probleem nie aangesien jy sê hy eet goed. Die beste is om jou dokter uit te vra oor jou spesifieke geval. Hy/sy behoort jou te ondersoek en 'n aanduiding te kry vn jou gesondheid en moontlike komplikasies. Praat ook met jou dokter oor (veilige) aanvullings. Jy behoort na jou dieet te kyk en seker te maak dit is optimaal vir jou en die baba wat jy dra.

Florence May skryf :
"Dit is nou al vier maande wat ek my dogter nie meer borsvoed, maar vandat ek haar nie meer borsvoed voel dit vir my of ek haar nog borsvoed, my borste voel of dit nog melk het en dit is seer."
Antwoord:
Dit is normaal. Net omdat jy opgehou borsvoed het beteken dit nie jou liggaam moet ophou melk produseer nie. Dit verskil van persoon tot persoon, maar dit kan nog etlike maande neem voor jou borste opdroog (jy sê ongelukkig nie presies hoe oud jou dogter was toe jy opgehou het nie). Jy kan die melk uitpomp. Dit sal nie veroorsaak dat jou liggaam nog ekstra melk vervaardig nie. Sit verkoelde koolblare op jou borste tot hulle verwelk en dra 'n stewige sportbra.

Aluchka skryf :
"Ek het a twee weke oue baba dogtertjie, ek borsvoed haar, so twee dae terug het sy begin opgooi, na elke borsvoeding en har maag werk ook aanhoudend, sonner ophou, sy braak ook sonner ophou, ek het nie a mediese fonds nie, wat kan ek doen? Sy het ook baja suur in haar gesiggie, sulke rooi kolletjies?"
Antwoord:
So 'n entjie laer af is vrae en antwoorde oor braking en die baba se magie. Indien jy daarna nog steeds voel jou baba se toestand is abnormaal moet jy dadelik na 'n staatskliniek neem. Jy betaal 'n klein fooi daar en hulle behoort jou in alle geval nie weg te wys nie. Hoop julle kom reg.

Rozanne Hollenbach skryf:
"Ek het ingetrekte nippels en hulle is in die laaste tyd so gevoelig, en hulle "kom uit" kan dit dalk 'n teken van 'n moontlike swangerskap wees? Ek is al 5 maande getroud."
Antwoord:
Nee, dit is nie 'n definitiewe aanduiding van swangerskap nie. Dit is wel nie onmoontlik nie.
Jy sê nie jou ouderdom nie so dit is moeilik om te raai wat die oorsaak kan wees. Het jy dalk onlangs van voorbehoedmiddel verander? Gebruik jy enige voorbehoedmiddel.

Philma van Eeden skryf:
"Ek's tans 6 maande swanger, wil bitter graag borsvoed. Ek het met my eerste kind geborsvoed. Ek was so onseker en het gegaan tot 6 weke wat my kleinding sproei in sy mond gehad het en my aangesteek het. Ek wil graag meer inligting rondom borsvoeding hê soos wanneer, tyd en hoe lank. Almal se tips en raad was nie genoeg nie, want almal het my meer depressed gemaak. Kan 'n mens borsvoed en op dieet gaan en oefening doen? Wanneer kan 'n mens begin met voorbehoedpille drink sonder om weer swanger te raak?"
Antwoord:
Van jou vrae is reeds hieronder beantwoord.
Wat die dieet betref is borsvoeding een van die beste maniere om gewig te verloor. Vir sommige vroue is dit die grootste aansporing om te borsvoed, want dit help jou om jou lyf terug te kry. Wag maar met die ander eetplanne tot jy klaar geborsvoed het.
Oefening kan jy wel doen. Dit nie net jou lyf nie, maar ook jou gemoedstoestand goed doen. Jy moet egter gebalanseerd eet en probeer om nie meer as twee kilogram per maand te verloor nie.
Borsvoed vir 6 weke voor jy weer met voorbehoedpille begin.

Nicolette de Koe skryf:
"Ek het 'n dogterjie van byna 3 jaar. Sy het bors gedrink tot op 2 jaar en ses maande. Ek is nou weer swanger en soms wil sy nog bors hê. Ek weier want my borste is baie seer. Ek is nog baie jonk en my bortse is vol rekmerke. Wat kan ek doen of gebruik. Ek beplan ook om die nuwe baba net 2 maande te laat drink. My een bors is ook kleiner as die ander een. Gee raad asb."
Antwoord:
Sien Speenlinge.

Delené Van Zijl skryf:
"Ek is nou 18 weke swanger en het besluit dat ek graag my seuntjie wil borsvoed, aangesien dit die gesondste en natuurlikste manier van voeding is. Ek wil net graag uitvind wat ek mag en nie mag eet nie. Ek het gehoor dat 'n mens nie sterk gegeurde kosse moet eet nie, maar wat nog?
Ek het 'n dogtertjie van 3 jaar maar ek het haar destyds net vir twee weke geborsvoed want dit was vir my vreeslik seer gewees en sy het nie genoeg melk ingekry nie. Wat staan my te doen om te voorkom dat dit so seer raak en dat ek weet my kind gaan genoeg melk inkry.
Antwoord:
Maak seker jy hou jou tepels droog tussen voedings. Hou ook seep en sjampoe weg van hulle wanneer jy jou was. Indien hulle baie seer raak moet jy 'n salf probeer wat lanolien bevat. Jy kan ook olyfolie aan hulle smeer.
Sien gerus die antwoorde op die res van jou vrae hieronder.

Anoniem skryf:
"My baba is nou so 5 dae oud. Ek borsvoed haar. Elke keer wanneer ek haar gevoed het dan gaan haar magie. Is dit normaal? Die ander vraag is: Terwyl sy drink, dan bring sy van die melk weer op. Hoekom is dit?"
Suster:
Dit is heeltemal normaal. Babas wat geborsvoed word se magie kan een maal per week gaan, of met elke voeding. As jy praat van "opbring", is dit die hele voeding of net 'n klein hoeveelheid? Indien dit 'n klein bietjie is, is dit dalk van 'n wind. Maak seker dat jy tussen die voedery deur wel windjies uitvryf. Tel die hoeveelheid nat doeke wat jou babatjie in 24 uur het. Dit behoort 7 - 10 te wees. Dan weet jy jou babatjie kry genoeg en hoef jy nie verder te bekommer nie.
Sterkte, en vasbyt met die borsvoeding!

Veronica skryf:
"My baba is 1 jaar oud en ek borsvoed hom nog steeds. Ek weet egter nie of hy genoeg melk inneem nie. Hy wil glad nie 'n beker of bottel drink nie. Bonop is hy 'n swak eter. My familie sê as ek hom van die bors afhaal sal hy beter eet. My baba huil verskriklik as ek hom 'n bottel probeer gee. Dit voel vir my nog nie reg om hom af te haal nie. Het u enige raad?"
Suster:
Ek wil jou gelukwens dat jy jou baba so suksesvol borsvoed. Knap gedaan! Op hierdie ouderdom behoort jou seuntjie al drie maaltye per dag te eet, en minder te drink. Jy noem nie hoe gereeld jy hom op die bors sit nie, maar 2 - 3 maal per dag behoort genoeg te wees, aangesien hy vitamienes en minerale inkry deur die vaste kos wat hy inneem. Probeer ook om hom nie voor ete aan die bors te laat drink nie, aangesien dit sy eetlus sal beïnvloed. Om sy eetlus nog te verbeter kan jy ook vir hom vitamienes gee. Daar is stroop of koubare multivitamienes wat jy by enige apteek of selfs groot afdelingswinkels kan koop. Jy hoef hom regtig nie nou af te haal nie. Moenie na ander luister nie. Doen wat jy voel is reg... jy is tog immers sy moeder en weet wat goed is vir albei van julle. Terwyl hy sy mylpale bereik en groei soos verwag is daar geen rede vir kommer nie.

Lee-Ann skryf:
"Ek gaan my baba borsvoed as hy nou in Desember gebore word. Die vraag wat ek wil vra is wat is die kossoorte wat ek moet vermy om te eet en wat mag ek drink en nie drink nie en watter vrugte moet ek vermy?"
Suster:
Ek is baie bly om te sien dat jy gaan borsvoed. Jy weet beslis hoe om jou babatjie 'n voorsprong te gee!
Die beste is om 'n gesonde dieet te volg. Dit is so dat jou babatjie ook geraak word deur wat jy eet en drink. Probeer kossoorte beperk of vermy wat gasvormend is bv. kool, blomkool en ook die wat suur veroorsaak soos tamaties. Dit is nie nodig om dit heeltemal te vermy nie, maar net min daarvan in te neem. Jy moet BAIE vloeistowwe inneem terwyl jy borsvoed. Jy sal vind dat jy in elke geval meer dikwels dors word. Drink water, tee en verminder maar die kaffeininname. Coke is ongelukkig uit, aangesien dit krampies by meeste babas veroorsaak. Drink min gaskoeldrank en beperk ook vrugtesappe, aangesien dit ook suurvormend is. Jy sal weldra agterkom wat jou babatjie omkrap.
Baie sterkte en laat weet hoe dit gaan.

Anoniem skryf:
"Ek wil aan neem maar wil borsvoed om ´n band te vorm met die kind. Wat kan ek neem/doen om te begin lakteer?"
Suster:
Tien uit tien vir jou! Die vorming van borsmelk is a.g.v. hormonale veranderings. Om te lakteer, sal jy hormonale behandeling moet kry. Die beste is om jou dokter te gaan sien aangesien dit net op voorskrif beskikbaar is. Sterkte en laat weet hoe dit gaan!

Joline skryf:
"My baba is 2 weke oud en ek borsvoed, maar dit lyk vir my of my melk opdroog of klaar word. Wat kan ek gebruik om my melk aan te help?"
Suster:
Tien uit tien vir jou dat jy jou babatjie borsvoed.
Eerstens moet jy baie vloeistowwe drink. Jy kan brouersgis tablette drink wat jou melkproduksie sal aanhelp. Wees ook geduldig. Na twee weke verander jou babatjie se behoeftes en sal jy hom/haar meer op die bors moet sit sodat jou borste kan aanpas. Maak ook seker dat jy die baba reg aan die bors sit, aangesien die suig van die baba melkproduksie bevorder. Moet verkieslik nie byvoedings gee nie. Jy kan ook La Leche kontak wat ´n organisasie is wat moeders bystaan en raad gee oor borsvoeding. Baie sterkte en moenie moedeloos raak nie! Jy gee jou babatjie ´n groot voorsprong.

Jen skryf:
"Indien ´n baba baie aan haar ma se bors drink, is dit moontlik dat haar menstruasie tydperk ongereeld is dat dit kan oorslaan? Ek het ´n baba wat gedurende die dag drink en gedurende die nag voel dit asof sy heelnag suig."
Suster:
Ja, dit is iets wat baie voorkom, en dit is waarom mense onder die wanindruk is dat jy nie kan swanger raak as jy borsvoed nie. Dit is NIE waar nie. Tydens borsvoeding is die kans dat jy kan swanger raak dieselfde as voorheen. Dit is ook nie raadsaam om jou baba aan jou bors te laat suig vir lang tye soos jy noem sy gedurende die nag doen nie. Jy sê nie hoe oud jou baba is nie, maar jy moet haar beperk tot 10 minute aan elke bors. Na 2 weke is jou melk gestabiliseer, en is 10 minute meer as genoeg vir haar om te kry wat sy nodig het. Die probleem as jy haar aan die bors laat suig vir lang periodes, is dat sy lui raak en nie goed suig nie, maar nie "dummy" aan die bors. Dit kan die melkproduksie beïnvloed, aangesien melkvervaardiging gestimuleer word as die baba suig.
Moet dus nie bekommerd wees oor jou mentruasie nie, maar sorg dat jy wel op voorbehoeding is, en beperk haar tyd op die bors.


Boererate:

Tepels
Gebruik Fryers balsem wanneer jy verwagtend is vir jou tepels om hulle sterk te maak, sodat die baba jou nie seermaak wanneer die aan jou drink nie.

21 comments :

  1. Petro de Klerk24/10/11 14:59

    My baba dogtertjie is 3 maande oud. Haar magie gaan nou al 6 dae na elke voeding (5-8keer). Is dit normaal. Haar magie het voorheen net elke 2de of 3 de dag gegaan. As dit dalk is omdat sy iets inkry deur borsmelk en iets wat ek eet, wat kan dit wees?

    ReplyDelete
    Replies
    1. Anonymous21/2/12 10:13

      Dit kan gevaarlik wees, want sy kan dehidreer. Neem haar dokter toe.

      Delete
  2. Anoniem:as ek my tepels suig kom daar wit melk uit is ek swanger of nie?n hoekom kom daar melk uit?

    ReplyDelete
  3. As ek my tepels suig kom daar sulke wit melk by my borste uit is ek swanger of nie en hoekom is daar melk?

    ReplyDelete
    Replies
    1. Anonymous16/8/12 10:27

      Die beste sal wees om 'n dokter te sien. Doen 'n swangerskaptoets, dit sal dit verklaar indien jy swanger is. Daar kan egter ander oorsake wees: Sekere medikasie kan die veroorsaak; ingesluit voorbehoedmiddels, en selfs stimulering van die tepels tydens seks kan dit veroorsaak. Jy moet vir 'n ondersoek gaan.

      Delete
  4. Anonymous1/12/11 09:53

    Hierdie is 'n goeie Afrikaanse webwerf oor borsvoeding: www.borsvoeding.co.za

    ReplyDelete
  5. 1.) Ek is ampe 39 weke. My 2de baba word met keiser uitgehaal oor 4 dae. Wyle terug het daar al vog uitgekom uit my borste. Ek kani veel meer onthou van voor my eerste geboorte nie. My borste is gladnie seer. So nou en dan kry ek 'n steekpyn maar nie veel nie. Ek is bekommerd dat ek nie gaan kan borsvoed nie, dat daar nie melk vorm nie. Wanner begin dit. 2.) Ek wil ook graag langer borsvoed as wat ek het my my eerste (6 weke). Ek verstaan van gesond eet en baie vloeistof, maar ek is nie 'n gereelde eeter van aard nie. Ek eet as ek honger word. Erika

    ReplyDelete
  6. Suster, baie dankie vir die goeie raad wat jy aan almal gee en jou kosbare tyd om dit te doen. Ek is ook in die proses om 'n baba aan te neem en wil ook graag borsvoed wees higiene en gesondheidsredes vir baba.

    Ek het gewonder hoe om te werk te gaan, maar sien hier bo dat jy raad gee om die dr te gaan spreek vir 'n voorskrif.

    Baie dankie vir die advies.
    Groetetjies, Linette

    ReplyDelete
  7. Anonymous19/6/12 13:45

    Dit laat my skoon goed voel as ek deur al die mammas se vrae lees. Dit het altyd gevoel of ek die enigste een is wat so worstel met borsvoeding. My seuntjie nou amper 11 maande oud en ek borsvoed ook nogsteeds. Hy drink ook net uit die een bors en my voorkoms lyk maar snaaks. Hy is nie veel gepla oor borsmelk in die dag nie, maar in die nag raak sy 7 tot 10 keer wakker om te drink. Dit is 'n nare gewoonte wat hy nou ontwikkel het. Ek weet dit is my skuld maar hy slaap al goor vanaf geboorte. Al wat hom tot bedaring bring is as ek hom op die bors sit. Wat kan ek doen? Hy neem glad nie fopspeen of tietiebottels nie.

    ReplyDelete
    Replies
    1. Anonymous26/7/22 12:48

      Ek het dieselfde probleem vir maande aan een met my seuntjie (wat nou 1jaar geword het laas week). Ek dink dis deel van die skeidings angs. Niemand kan hom laat slaap of vat in die nag nie. Hy skree tot hy bors kry. Ek bid maar dit gaan verby. Ek wil nie nou met bottels en blikmelk begin nie en dink nie dit gaan help vir die probleem nie. Sterkte vir jou.

      Delete
  8. Anonymous19/6/12 13:47

    My seuntjie is nou al 11 maande oud. Ek borsvoed eksluksief en hy het nog nooit enige formule melk of beesmelk geneem nie. Hy wou nog nooit. Na sy geboorte was ek ook nog nooit weer op enige menstruale siklus nie. Is dit normaal? Ek weet baie mense sê dat borsvoeding 'n natuurlike voorbehoed is op swangerskap. Wat my bekommer is die feit dat my vriendin wat ook borsvoed al met haar menstruasie begin het. Ek wil net graag weet of dit normaal is vir menstruasie om so lank weg te bly as jy borsvoed?

    ReplyDelete
  9. Anonymous3/7/12 16:06

    My baba is nou vier maande oud en ek borsvoed ook. Ek wil borsvoed solank as wat ek kan. Maar ek minstereur vreeslik tydens borsvoeding en al my vriendinne borsvoed ook maar hulle het glad nie maantlikse siektes nie hoekom net ek? Kan dit wees dat daar fout is met my vroue dele

    ReplyDelete
  10. Renita venter. Hi my kind is 1jaar oud ek het opgehou borsvoed to hy 3dae oud was en ek besluit vir n 2ling die keer maar wil graag borsvoed met die 2ling en kan dit gevaarlik wees as ek nogsteeds melk in my bors het

    ReplyDelete
  11. Hi da my vriendin se seuntjie is nou 9 maande oud en dit lyk of sy penis nie reg is nie sy koppi was glad ni en die velletjie gaan glad nie terug ni da is net n klein plekki was sy piepi uitkom.

    ReplyDelete
  12. MY SEUNTJIE IS AMPER 7 WEKE OUD, EK BORSVOED MY SEUNTJIE OP AANVRAAG. HY IS N BAIE GELUKKIGE BABA EN WEEG NOU 5.7KG, MAAR DIT VOEL VIR MY OF EK HOM TE MIN MELK GEE!
    WANNEER IS DIE BESTE TYD OM VIR HOM SY EERSTE HAPPIE RYSPAP TE GEE?

    ReplyDelete
  13. Anonymous11/2/13 13:04

    My dogtertjie is 2jaar oud en ek borsvoed haar nog ek sukkel veskiklik om haar van my bors af tekry en sy drink meer as wat sy eet ek veloor baie gewig ek dink is omdat sy aan my drink wat kan ek gebruik om haar van my bors af tekry HELP a.s.b

    ReplyDelete
  14. My baba is amper 3mnde,drink net borsmelk,dy magie het vandag al 3 keerr gewerk

    ReplyDelete
    Replies
    1. Dit kan deur VERSKEIE dinge veroorsaak word. Omdat jou baba nog so klein is MOET jy hom/haar by die dokter kry.

      Delete
  15. Anonymous12/7/18 17:55

    Hey ek wil graag weet isit moonlik dat j nog borsmelk kan produseer nadat jou dogter van 2jaar vir di afgelope 2maande nie drink nie

    ReplyDelete
  16. Anonymous24/4/22 12:41

    Goeie dag. Ek borsvoed, en my baba van 3 maande oud drink baie goed. Ek wonder net oor my nippels. Hulle kry soms so vreemde naelde en spelde gevoel tydens ń voeding en soms na die tyd. Hulle is ook so helder pienk kleur met ń wit skynsel in die middel. Wat kan dit beteken of veroorsaak?

    ReplyDelete
    Replies
    1. Anonymous4/5/22 13:05

      Dit klink nie na mastitis of iets soortgelyk nie. Jy kan wel probeer om koue koolblare op jou borste te plaas om die ongemak te verminder. As dit erger raak moet jy eerder 'n dokter gaan sien.

      Delete