Neussproei in plaas van pille vir die brein

Elke keer as jy ’n pil drink vir infeksie of ’n hoofpyn, dan kry jou liggaam soveel meer medikasie as wat dit nodig het. Die rede hiervoor is dat die pil daarvoor voorsiening maak dat slegs ’n fraksie dié plek in jou lyf gaan bereik waar dit werklik nodig is. Dit is veral waar wanneer dit kom by medikasie vir die brein, omdat die brein nie sommer stowwe van buite toelaat nie.

Deense wetenskaplikes het nou na die neus begin kyk as ’n manier om breinmedikasie toe te dien. Hulle het moontlik effektiewe maniere gevind om medikasie na die brein te stuur deur die neuswande. Die behels die sproei van medikasie in die neus, vanwaar dit deur die neuswand na die plekke in die brein gaan waar dit nodig is.

Noodhulp: Versmoring as gevolg van rookinaseming

Versmoring as gevolg van rookinaseming kan plaasvind as gevolg van ’n brand wat al die suurstof uit ’n vertrek haal, of rook wat die keel so irriteer dat dit in spasma gaan en die lugweg afsluit. Die volgende stappe kan gevolg word om so ’n persoon te behandel:

1. Neem die persoon na veiligheid.
2. Blus enige brandende of smeulende klere.
3. Indien die persoon bewusteloos is, maar normaal asemhaal, moet hy / sy in die herstelposisie geplaas word.
4. Begin met mond-tot-mond asemhaling indien die persoon moeilik asemhaal.
5. Behandel enige brandwonde.
6. Neem die persoon sodra moontlik na ’n hospitaal.

Oorgewig middeljarige vrouens behoort te oefen

Vir andersins gesonde middeljarige vroue wat oorgewig is, kan fisiese aktiwiteit hul beste opsie wees vir die vermyding van hartsiektes.

Oorgewig middeljarige vrouens is geneig om te sukkel met hartsiektes, hoë bloeddruk, hoë cholesterol, diabetes en inflammasie.

’n Onlangse studie het bevind dat selfs ’n klein bietjie oefening help om dié groep se kanse vir die ontwikkeling van hartsiektes kan verminder.

Hoë cholesterolvlakke verbind aan onvrugbaarheid

’n Onlangse studie het bevind dat hoë cholesterolvlakke waarskynlik ’n nadelige uitwerking het op paartjies wat probeer swanger raak.

Waar beide persone in so ’n verhouding hoë cholesterolvlakke het, sukkel hulle meer as ander mense om swanger te raak. Die vrou se cholesterolvlakke speel ook andersins ’n belangrike rol in vrugbaarheid.

Cholesterol speel ’n rol in die vervaardiging van hormone.

Die studie, deur die Eunice Kennedy Shriver National Institute of Child Health and Human Development, is gepubliseer in The Journal of Clinical Endocrinology and Metabolism.

Noodhulp: Verdrinking

Indien jy iemand wat besig is om te verdrink wil help moet jy sodra dit moontlik is begin met kunsmatige asemhaling.

Indien die persoon in die water is en dis vlak genoeg om te staan, begin jy sommer net daar. Plaas een van jou arms onder die persoon ter ondersteuning en gebruik jou ander hand om die persoon se kop te ondersteun en die neus te verseël.

Indien julle in diep water is, moet jy begin kant toe swem met die persoon, maar blaas nou en dan lug in by die mond. Wanneer jy aan wal is, kan jy normale kunsmatige asemhaling toepas.

Nog ’n oorsaak van hoë bloeddruk en hartsiektes

Dit wil voorkom asof te veel fosfaat in die liggaam nadelig kan wees vir jou gesondheid. Geprosesseerde kosse, parmesaan, bakpoeier en koladrankies is ryk aan fosfaat. Fosfate word oor die algemeen baie gebruik as preserveermiddels.

Wanneer groot hoeveelhede fosfaat verteer word, word die produksie van die FGF23-hormoon gestimuleer. Dié hormoon word in die bene geproduseer. Dit het ’n negatiewe uitwerking op die mens se kardiovaskulêre stelsel.

FGF23 beïnvloed die uitskeiding van sodium deur die niere. Hoe meer FGF23 daar in die liggaam is, hoe moeiliker raak jy van sout ontslae, te veel sout lei tot probleme met jou bloeddruk.

FGF23 beïnvloed ook die kalsiumvlak in jou liggaam. Kalsium word ook in die niere filtreer. Te veel FGF23 in die liggaam veroorsaak dat te veel kalsium deur die niere geherabsorbeer word, wat verkalking van are en nierprobleme veroorsaak.

Familiale hipercholesterolemie

’n Geskatte 1 uit elke 500 mense wêreldwyd ly aan familiale hipercholesterolemie (FH), 'n oorerflike toestand wat baie hoë cholesterol tot gevolg het. Dit verband met premature hartsiektes en dood. Ten spyte van hierdie hoë voorkoms bly dit grotendeels ongediagnoseerd en onbehandeld.

FH word geïdentifiseer deur die voorkoms van die lae-digtheid lipoproteïen (LDL of "slegte cholesterol") te bepaal.