Prostaatbehandeling wat werk, sonder chirurgie en vrugbaarheid word nie beïnvloed nie

Daar is moontlik verligting op pad vir mans met ’n vergrote prostaat en as gevolg hiervan sukkel met irriterende simptome, soos byvoorbeeld gereelde besoeke aan die badkamer. En die verligting kom sonder enige chirurgie.

Dit word genoem “prostate artery embolization” (PAE) en word uitgevoer deur ’n radioloog. Basies is dit ’n proses waarin die vergrote prostaat gekrimp word. Dit neem 3 tot 6 uur.

’n Man se prostaat vergroot effens met ouderdom. Dit mag sodanig vergroot dat dit uiteindelik teen die uretra druk en die vloei van uriene beïnvloed. Die gevolg is dat ’n man meer gereeld vir urineer en die vloei van uriene baie stadiger is. Die blaas word nie sommer suksesvol leeggemaak nie. Teen die ouderdom van 60 jaar lei omtrent 50% van alle mans daaraan.

Die standaard behandeling vir ’n vergrote prostaat is tans ’n operasie. Sulke operasies word uitgevoer onder algemene narkose en kan gevolge hê soos inkontinensie, seksuele disfunksie. PAE word onder lokale verdowing gedoen en die proses behels die tydelike blokkering van bloedvloei na die prostaat. Seksuele disfunksie word nie ervaar nie.

Die nuwe behandeling ondergaan tans verskeie toetse om seker te maak dat dit veilig is.

1. Blaas
2. Rektum
3. Prostaat

(vir meer inligting lees Prostate Arterial Embolization as an Alternative to Surgery for Patients With Benign Prostatic Hyperplasia Refractory to Medical Therapy: Results in 500 Cases, gelewer by die jaarlikse wetenskaplike vergadering van die Society of Interventional Radiology)

Versmoring

’n Ander naam vir versmoring is asfiksie, maar mens verstaan versmoring beter. Basies beteken dit dat liggaamsweefsel nie genoeg suurstof ontvang nie.

Die simptome is:

• Moeilike asemhaling; die tempo en diepte van die asemhaling sal toeneem
• Die asemhaling kan raserig raak.
• Moontlike skuim om die mond.
• Blou lippe en vingernaels.
• Verwarring.
• Moontlike bewusteloosheid.
• Die asemhaling kan ook ophou.

Versmoring kan verskeie oorsake hê. Byvoorbeeld:

• ’n Obstruksie in die lugweg, soos byvoorbeeld ’n bewustelose persoon se tong, dit kan voedsel wees of vomering.
• ’n Kussing of plastieksak kan dit veroorsaak.
• Vloeistof in die lugweg kan die oorsaak wees.
• ’n Samedrukking van die lugpyp kan dit veroorsaak, byvoorbeeld as iemand verwurg word.
• Die borskas kan saamgedruk word en dit kan versmoring veroorsaak, byvoorbeeld tydens ’n grondstorting.
• Besering van die longe.
• Besering van die borskaswand.
• ’n Toeval kan jou asemhaling beïnvloed.
• Dit kan ook gebeur dat dele van die brein of senuwees wat asemhaling beheer beïnvloed word, byvoorbeeld deur elektriese skok, vergiftiging, besering van die rugmurg of ’n beroerte.
• Die suurstof in die lug kan ook die oorsaak wees, soos in ’n rookgevulde gebou of die verandering van atmosferiese druk in ’n vliegtuig.

Die persoon moet kunsmatige asemhaling kry en professionele mediese hulp.

Vitamien C help teen beroerte

Deur voedsel te eet wat baie vitamien C bevat kan jy jou kanse verminder om ’n slagoffer te wees van die meer dodelike tipes beroertes.

Volgens navorsers aan die Universiteit van Rennes in Frankryk, moet die tekort aan vitamien C gesien word as ’n risiko faktor vir die meer ernstige tipe beroertes. Ander faktore wat hiermee saamgaan is hoe bloeddruk, die gebruik van alkohol en oorgewig. ’n Tekort aan vitamien C word ook verbind met hartsiektes.

’n Ander voordeel van vitamien C is dat dit help met die produksie van kollageen, ’n belangrike proteïen wat gevind word in bene, vel en ander weefsel.

Vitamien C kom voor in vrugte en groente soos lemoene, papajas, rissies, broccoli en aarbeie.

Noodhulp: Hoe om skoene te verwyder

Maak of sny die veters versigtig los. Verwyder die skoen deur die enkel te ondersteun met jou een hand, terwyl jy die skoen verwyder met die ander hand.

Asma en vitamien A

Navorsers het ’n direkte verband gevind tussen ’n tekort aan vitamien A tydens swangerskap en sensitiwiteit in die lugweë van die kind, kenmerkend van asma.

Die studie het bevind dat ’n tekort aan vitamien A tydens die vorming van die longe beïnvloed die spiere rondom die lugweë. Die gevolg hiervan is dat die lugweë uitermatig saamtrek in reaksie op omgewings- en farmakologiese faktore.

Ongelukkig beteken dit nie dat indien die swanger vrou genoeg vitamien A kry, die fetus genoeg kry nie. Die menslike liggaam is kompleks en slegte gewoontes, soos byvoorbeeld rook en alkoholinname, veroorsaak dat die fetus se vitamien toevoer nadelig beïnvloed word.

Die studie is gepubliseer in die Journal of Clinical Investigation.

Noodhulp: Verwyder 'n broek

Indien die bobeen ontbloot moet word, trek die broek van die middel af. Indien jy by die kuit of knie moet uitkom, skyf die broek op van onder af, indien moontlik. ’n Nousluitende broek sal in alle gevalle waarskynlik afgetrek moet word.

’n Alternatief is om die broek aan die binnenaat oop te sny of te knip.

Nuwe ontleding van endometriose kan diagnose en behandeling verbeter

Endometriose, die vestiging van baarmoeder weefsel in omliggende organe, raak ten minste 10 persent van alle vroue. Die siekte, wat dikwels verkeerd gediagnoseer word, veroorsaak onvrugbaarheid en erge pyn, maar ons weet baie min oor hoe dit ontstaan.

Navorsers het nou ’n stap nader gegee aan ’n meer effektiewe behandeling van endometriose deur patrone in die immuunstelsel se seine te identifiseer wat ooreenstem met sekere simptome van endometriose. Hulle het ook die onderliggende sellulêre aktiwiteit hiervan geïdentifiseer.

Endometriose is moeilik om te bestudeer, want dit kan verskyn en verdwyn op verskillende tye in 'n vrou se lewe, en die simptome en erns daarvan kan baie wissel. Verder word die siekte dikwels nie gediagnoseer nie of mis gediagnoseer vir baie jare.

In pasiënte met endometriose beland selle van die voering van die baarmoeder in die Fallopiusbuise en dan in die buikholte, waar hulle groei op organe, insluitend die eierstokke, kolon, en die diafragma. Dit veroorsaak letsels wat pyn veroorsaak. Die pyn is soms lig, maar kan so erg wees dat dit verlammend is. Die groeisels kan ook lei tot onvrugbaarheid. Behalwe hierdie basiese verduideliking is daar nie veel bekend oor hoe die siekte ontstaan en vererger nie. Daar is 'n genetiese komponent, 'n omgewingskomponent, en 'n inflammatoriese komponent, maar wat dit individuele pasiënte betref is dit baie moeilik om te sê watter bepaalde volgorde van gebeure gelei het tot spesifieke simptome.

Endometriose word dikwels behandel met hormone, wat 'n menopouse-agtige toestand by die pasiënt veroorsaak. Dit is egter nie 'n betroubare oplossing nie en is beslis nie 'n goeie opsie vir vroue wat wil swanger raak nie. As die siekte voortduur is chirurgie nodig is om die letsels te verwyder, maar dit is ook nie 'n permanente oplossing nie; baie pasiënte moet verskeie operasies oor hul leeftyd ondergaan.

Hierdie tipe navorsing help nie net om ons kennis oor endometriose te verbreed nie, maar help ook om nuwe medikasie te ontwikkel wat die siekte kan teiken.

Vir meer oor hierdie studie kan jy in die Februarie 2014 uitgawe van Science Translational Medicine lees.